عن اي فتنة تتحدثون ؟؟!!!!!!!

عن أي فتنة تتحدثون ؟؟؟!!!!

فتنة الآن ؟؟؟!!!

من امتى ؟؟!وعندما ظهرت الحقيقة رجل اعمال قبطي واخر مسيحي عملوا وحدة وطنية لكي يوقعوا مصر في فتنة طائفية

أليس ذلك دليلا على انه لايوجد فتنة دة نوع برضه من الوحدة الوطنية حسبي الله ونعم الوكيل فيهم

بلاش نضحك على بعض

الفتنة لضرب الثورة والهائنا عن حاجات كتير مهمة زي الانتفاضة الفلسطينية الثالثة

اضغط هنا وشوفوا الشماتة واعرفوا انه مقصود

الفتنة من فلول العادلي افندي بعد صدور الحكم عليه في قضية غسيل الاموال ((طبعا بلطجيته)) وبلطجية النظام اللي طايحين في البلد يروعوا الامنين وهما اللي بيعملوا الانفلات الامني

اضغط هنا وشوفو العادلي من محبسه بيدافع عن بلطجيته والقتلة بتوعه

الفتنة لالهائنا عن كذا وكذا الف كذا

كدة برضه

نهدي اعدائنا فرصة ويفخخوا لنا بالطريقة دي ونصدق

وايه اعلامنا دة هو لسة برضه فيه قذارة وتهليل وابواق وطبل على حاجة زي دي والبلد في مفترق طرق ؟؟

سلفيين ايه اللي بيخوفونا بيهم ؟؟ دة احنا كلنا سلفيين هما هيخلوهم سبة واحنا نمشي وراهم كدة ؟؟

لو فيه حد غلط يتحاسب واللي بيحرضوا يتحاسبوا واللي بيروج لمعلومات واشاعات غلط يتحاسب

هما دول الفزاعة الجديدة ولا ايه الحكاية بالضبط؟؟!!!!!!!!!

يا اهل مصر انتبهوا بلدنا في خطر بلدنا محتاجة لايدينا كلنا اوعوا تسمحوا لحد يلعن ثورتنا

الثورة دي رويناها بدم اولادنا رويناها بجوعنا رويناها بخوف كل واحد فينا وترويعه في بيته وعمله وعلى اهل بيته

ربنا يحمينا ويحمي مصر ام الدنيا يارب

الجمعة الجاية مليونية الوحدة الوطنية والتطهير وهنصلي فجرها كلنا دعما لانتفاضة فلسطين

باذن الله خير

رسالة الى الظالمين

منين الجبروت دة جبتوووووووووووووه

حسبي الله ونعم الوكيل في الظالم منكم

الدنيا زايلة والملك زايل والحكم زايل والدهب وما اشبهه زايل

هتروحوا فين من رب العالمين

انتوا لسة فاكرين ان فيه ربنا ولا نسيتوا ؟؟؟!!

يااااااااااااااااارب أرنا فيهم عجائب قدرتك يارب

دعوة للجميع بالصلاة والدعاء لاخواتنا العرب في كل مكان ربنا يثبتهم وينصرهم على الظلم يارب

اللهم تقبل شهدائنا يارب فيمن عندك وبلغهم منا السلام يارب

اللهم ادخلهم مدخل حسنا يارب وابدلهم دارا خيرا من هذه الدار واهلا خيرمن هذه الاهل

اللهم ادخلهم جناتك يارب العالمين

اللهم امين يارب

بسم الله الرحمن الرحيم

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ ﴿42﴾مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ ۖ وَأَفْئِدَتُهُمْ هَوَاءٌ ﴿43﴾ وَأَنْذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُوا رَبَّنَا أَخِّرْنَا إِلَىٰ أَجَلٍ قَرِيبٍ نُجِبْ دَعْوَتَكَ وَنَتَّبِعِ الرُّسُلَ ۗ أَوَلَمْ تَكُونُوا أَقْسَمْتُمْ مِنْ قَبْلُ مَا لَكُمْ مِنْ زَوَالٍ ﴿44﴾ وَسَكَنْتُمْ فِي مَسَاكِنِ الَّذِينَ ظَلَمُوا أَنْفُسَهُمْ وَتَبَيَّنَ لَكُمْ كَيْفَ فَعَلْنَا بِهِمْ وَضَرَبْنَا لَكُمُ الْأَمْثَالَ ﴿45﴾ وَقَدْ مَكَرُوا مَكْرَهُمْ وَعِنْدَ اللَّهِ مَكْرُهُمْ وَإِنْ كَانَ مَكْرُهُمْ لِتَزُولَ مِنْهُ الْجِبَالُ ﴿46﴾ فَلَا تَحْسَبَنَّ اللَّهَ مُخْلِفَ وَعْدِهِ رُسُلَهُ ۗ إِنَّ اللَّهَ عَزِيزٌ ذُو انْتِقَامٍ ﴿47﴾ يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ۖ وَبَرَزُوا لِلَّهِ الْوَاحِدِ الْقَهَّارِ ﴿48﴾ وَتَرَى الْمُجْرِمِينَ يَوْمَئِذٍ مُقَرَّنِينَ فِي الْأَصْفَادِ ﴿49﴾ سَرَابِيلُهُمْ مِنْ قَطِرَانٍ وَتَغْشَىٰ وُجُوهَهُمُ النَّارُ ﴿50﴾ لِيَجْزِيَ اللَّهُ كُلَّ نَفْسٍ مَا كَسَبَتْ ۚ إِنَّ اللَّهَ سَرِيعُ الْحِسَابِ ﴿51﴾ هَٰذَا بَلَاغٌ لِلنَّاسِ وَلِيُنْذَرُوا بِهِ وَلِيَعْلَمُوا أَنَّمَا هُوَ إِلَٰهٌ وَاحِدٌ وَلِيَذَّكَّرَ أُولُو الْأَلْبَابِ ﴿52﴾

صدق الله العظيم

سورة ابراهيم

شهداء الثورة لن ننساكم

الانشودة دي اول مرة شفتها عند نوارة وجبتها تسمعوها معايا فوق الرائعة

بيان 3 للجيش المصري الشريف مبرووووووووووووووك_ وتحية للشهداء

بيان الجيش المصري الشريف وتحية الجيش لشهداء الحرية

جاء فيه ان المجلس الاعلى للقوات المسلحة يؤكد انه ليس بديلا عن الشرعية التي يرتضيها الشعب

تحية من كل مصري شريف الى الشهداء

يارب فرحهم زي ما فرحونا وحررونا بدمهم

يارب نور قبورهم وارفعهم يارب لدرجات النبيين والصديقين واحشرهم معهم يارب

يلا نمسح دموع اهاليهم ونبوس على جبينهم ونقولهم كلنا ولادكم

يلا نرتب اي حاجة يعرفوا اننا بنشاركهم كل حاجة

مش عارفة اعمل ايه دلوقتي غير ان اقولكم يلا نفكر مع بعض بصوت عالي ونرتب هنعمل ايه

مبروك لمصر

أتنفس الأن حرية

الأن أنا مصرية وأفتخر

حد يقولي ايه دة

حاسة اني دخلت في حيطة

عاجل جداااااااااا

مهم جدا يوصل للثوار

ارجوكم بسرعة

ثورة الورد البلدي

السلام عليكم ورحمة الله

رحمة الله على شهداء مصر الورد اللي فتح في جناين مصر شهداء ثورة الورد البلدي

اللهم تقبلهم فيمن عندك واحشرهم مع الشهداء والصديقين والانبياء وافرغ على اهليهم الصبر ونقهم من الذنوب كما ينقى الثوب الابيض من الدنس واجعل قبرهم روضة من رياض الجنة يارب وجميع امواتنا يارب العالمين

مش عارفة ابتدي ازاي ولا اكتب ايه لان من قبل الثورة عملت ثورة على الفسادعلى صغير شوية بس فساد تذوقته وتذوقت مرارته وقهره قهرني

وكسرني وكسر جوايا كتير اوي ورسخ عندي ان ما عدتش فيه فايدة واللي جي أسوأ بكتير

ثورتي فشلت ؟؟؟ لاني كنت فيها انا و3 اسر بس حاربنا الفساد على قدرنا وصمدنا حوالي 3شهور وقطعوا عني مية ونور ومارسوا علينا كل البلطجة اللي بتتمارس دلوقتي تقريبا

من ترويع وبلطجة ووووووو

ما اعرفش ليه دوما كنت بقول عندي بصيص من الامل ما اعرفش وقتها ليه مع ان كان كل اللي حواليا يدعو لليأس مية بالمية لكن اعتقد دة كان جي من حسن ظني بالله ودوما اقول هوالناس ساكتين ليه هما خدوا على كة ولا ايه

حتى البواب بتاع المدرسة مارضيتش اديله رشوة والمكان اللي هروحه واحس فيه ان الموظف عاوز رشوة هوديه في ستين داهية

مش بس هرفض اديه رشوة

كنت دوما بشوف الدعوة للتظاهر وبصراحة كنت فاكرة انها زيها زي غيرها هتبقى محدودة وهيجهضوها في مهدها كالعادة كمان كنت فاكرة ان محدش هيقف جنب حد وقت الجد بقى لكن لاااااااااااا الوضع اختلف وطلعنا بنحب بعض اوي

الحقيقة وقفة الناس جنب بعضها وخوفهم وحبهم لبعض ان حسيته ايام نكبتي مع جيراني كنا بنخاف على بعض ونتصل ببعض كل شوية ومحدش يروح قسم لوحده ولا يروح للراجل دة للتفاوض لوحده وكنا رافضين التفاوض اصلا لان مطالبنا معروفة ومش محتاجة تفاوض

الثورة بتاعتي فشلت علشان كنا لوحدنا اربع اسر لوحدنا واللي حوالينا خايفين والظلم اعوانه بتعينه على ظلمنا ومش عارفين صوتنا يوصل وللاسف حتى لو كان وصلواصلا كان واصل فالفساد كان من فوق افظع

وما اقدرش انكر ان عمري ما تصورت ان الثورة دي هتنجح بالشكل دة يارب تنجح كمان وكمان لان دة بالفعل اللي كان نفسي اعمل ربعه

الظلم والقهر وحش اوي ومتعب

تلاقي نفسك انت معاك الحق وتلاقي اللي بتستنجد بيهم هما اللي بيساعدوا على الظلم والفساد دة ويتجبروا عليك بل وممكن كمان تروح في نصيبة الحمد لله على كل حال

بشوف في المنتديات ناس ب مش فاهمة حاجة وتنادي بوقف الثورة وناس بتقول كلام مغلوط وناس اتخدعت وبتنخدع وناس من كتر اللي بيحصل حاسة انها في حلم فبتقول كفاية لحد كدة وكأنها مستكترة على نفسها الحريةوناس مش فاهمة حاجة

بصفتي مش قادرة انزل الميدان واقف مع المتظاهرين بس لازم يكون لي دورهدعيلهم ربنا يوقفهم وبحاول اشارك واتناقش واحط روابط لموضوعات واراء السياسيين والخبرات واللي مش فاهم نفهمه المتظاهرين مش دورهم انهم يفهموا اللي مش فاهم دلوقتي ولا يهاتوا مع حد كفاية اللي هما فيه

و

واستحملوا يا جماعة اللي مش فاهمين او متخبطين الحرب النفسية جامدة والجوع وحش وعلشان كدة بادعو القادرين بمحاولة مساعدة الناس مش ضروري بفلوس ممكن باكل من البيت من اللي بنطبخه نقسم الحلة سوا ونلتف حوالين بعض اكتر واكتر نطبطب على بعض

فاكرين نشيد الجهاد كنت بحفظه ليوسف ابني اليومين اللي فاتوا وما اعرفش ليه كنت بسمعه اصلا بس عرفت دلوقتي

مهم اوي تسمعوه

يوسف 9سنين جالي من يومين يهمس في أذني وبيقولي يا ماما انا عاوز اكبر علشان أحمي مصر

هعلمك يا يوسف ازاي تحميها حتى وانت لسة صغير باذن الله وهوريك الورد اللي فتح في جناين مصر عملوا ايه علشان تكبر انت واخواتك صح

وهخليك تزور ورد مصر البلدي في ميدان الحرية

عشرة بس !!!!!!!

كل عام وكلنا مع بعض اناوانت واولادنا

العام القادم نكون حققنا احلام اكتر وامنيات اكتر يارب

النهاردة بقالنا عشر اعوام متزوجين الحمد لله رب العالمين الحمد لله كلهم خير وسعادة على المستوى الشخصي بفضل الله تعالى

ماشاء الله لاقوة الابالله

يارب تجعلها سنة خضرا علينا يارب

دول كلمتين وقلبين علشان زوجي الحبيب الغالي

اشترينا تورتة كبيرة على شكل قلب برضه وجبنا شمعة بتغني ولبن بالشيكولاتة لكن

مش عارفين نفرح ولا اكلناها ولا طفينا الشمعة من اصله

مش عارفين نفرح

ظروف بلدنا والوطن العربي كله أزمة مش عارفين حتى نتبسط ولو دقيقتين

يوسف ابني جاب لي خريطة الوطن العربي وبيقولي شوفي حلوة ازاي

رديت وقلت له هو بقى فيه وطن عربي يايوسف

يارب تلم شمل الوطن العربي تاني
يارب يرجع تاني يارب تجعلها سنة خضرا علينا كلنا

مش عارفة ليه عمالة أحفظ يوسف نشيد الجهاد بتاع محمد عبد الوهاب يمكن بدور فيه عن المصري اللي كان

نهايته

كل عام وانا وانتم بخير

مصريارب

بسم الله الرحمن الرحيم
{مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا وَلَقَدْ جَاءتْهُمْ رُسُلُنَا بِالبَيِّنَاتِ ثُمَّ إِنَّ كَثِيراً مِّنْهُم بَعْدَ ذَلِكَ فِي الأَرْضِ لَمُسْرِفُونَ}

صدق الله العظيم

وبعدين بقى هو مفيش غيري ولا ايه ؟؟؟؟؟؟؟؟؟؟؟؟؟؟؟؟؟؟؟؟

تحديث

النهاردة زوجي اتصل بي وقالي المدرسة قررت اليوم الخروج الساعة 2ظهرا ولسة الادارة مكلماني دلوقتي يلا روحي هات العيال وكنت هناك فورا وامبارح واليوم لما بوصل المدرسة الراجل البواب دة بيجري ينادي على يوسف ومريم ويقولهم يلا ماما جت بحنان كدة مش معهود وهات شنطتك يلا وانا ولا كاني شيفاه اصلا

وكنت قلت لزوجي يكلم الادارة يسال المسئولة عن الاجراء اللي تم أخذه فضلت تعتذر وتقول معلش يعني معلش بقى المهم سيبنا التليفون وتاكيد من زوجي ان الوضع دة لو اتكرر هنقل الاولاد من المدرسة

بيتهيالي خافوا على العدة هههههه

قصدي خافوا انقل العيال من المدرسة خصوصا ان السنة الجاية هيبقوا تلاتة واللي وراها اربعة قوة برضه

ولا لما عملنا زوبعة قلقوا

انا خلاص عرفت ان الوضع في اي حتة يا رشوة يا دربكة بس الاولى ذنب ممكن زي ما قلتوا لي الجأ له لما خلاص ما عدتش ينفع غير كدة انما فيه بدائل اهو بتجيب حل

اخي الله يرحمه كان دوما يقولي انت قلبك طيب ودة ما ينفعش غريبة دة هو كان اطيب واطيب لدرجة المثالية فاسترده ربنا عن عمر32سنة

الله يرحمه ويبدو فعلا ان ممكن افلسع بدري بدري لو فضلت على كدة زي استاذ علي يونس ما قالي ووقتها هيشتري البواب ويبيع في العيال يارب سلم

ممكن حد يتطوع ويديني دورة تدريبية في الشراسة والتطنيش وانعدام الضمير وموت القلب والجليطة والموبقات دياعوذو بالله؟؟

الطبع يغلب التطبع

وانا هرجع دوما واقول زي خالد زوجي ما بيقول

الله خير حافظا وهو ارحم الراحمين

النتيجة اليوم كويسة مش كدة برضه تدي امل ان الصح والخير لازم ينتصر ههههههههههههههههههه اخر الفيلم؟؟

قررت بقى اني أجند البواب الأخر وياخد باله من العيال اذا احتاجوا حاجة

اما عن الدادة يا دكتور ابراهيم للاسف الشديد مش هقدر اكون مطمنة عليهم مع اي حد بعد تجارب مؤلمة مع سواقين التاكسي وباصات المدرسة والدادات سواء شخصية او مع اخرين

فكان اسلم حل ولو انه مكلف ان ابوهم يوديهم وانا اجيب تاكسي من البيت واروح اخدهم وارجع بيهم للبيت بس بشتري راسي وواولادي

متعبة انا عارفة بس سنتين على الحال دة لحين اتمام تعلم القيادة وبعدها وانا رايحة المدرسة بالعربية هدوس على البواب

ههههههه

ربنا يبارك فيكم

بواب مدرسة العيال كنت زمان كل فترة بديله حاجة لله خدوا بالكم معايا لله تحتها مليون خط

كان بيصعب علي وقفته على الباب وعارفة المرتب قليل رغم انها مدرسة خاصة وبسذاجتي المعروفة وطيبة قلبي فاكراه غلبان

المهم قعدت فترة ما اروحش بالعيال المدرسة ونسيت اوصي باباهم يعمل الواجب دة معاه المهم لاحظ بابا ان الراجل معاملته متغيرة وجافة فساله مالك طيب فيه ايه مغيرك

البواب لمح له على المعلوم

وجالي بابا يقولي فاعترضت وانتفضت وقلت لا انا باعملها لله مش علشان يفرضها علي ويبتزني بيها لو اتاخرت يقصر في واجبات عمله لا مش هديله تاني هديها للي يستاهلها من المدرسة برضه

عرفت بقى انه بيشتغل تسالي كدة وبيؤجر شقق للناس وله دخل اضافي كمان يعني مش محتاج والتصدق عليه ماينفعش ونازل ابتزاز في الناس برضه بطريقة ياخد فلوس يخلي باله من العيال والمعاملة خاصة وعادي جدا الناس بتدفع

لمحت للمدرسة ومديرها وشكيت للحجر يا عالم الراجل دة مش مظبوط ولا حياة لمن تنادي

المهم كام مرة المدرسة فجاءة تقرر العيال يطلعوا بدري ساعة ونصف تقريبا ومحدش يبلغني اروح الاقي البواب قاعد بيهم على الباب

واساله يقولي طالعين بدري طب رن علي ياعم علاء مش هفتح عليك او كلم الادارة يحلف انه ممعهوش رصيد

اقوله جرب ترن علي كدة ولو عملتها هجيبلك كارت

انا عاوزة اوصله انك لو هتستجدع وتبقى راجل تشتغل شغل بمايرضي الله هتلاقي مكافاة حلال عليها انما ارغام على اني ادفع له مرتب تاني مش من حقه وهو بيقبض مرتب اصلا على شغلته دي علشان يخص اولادي برعاية اضافية لا ارفضها دة اسمه رشوة

المهم برضه حاولت الفت نظره لشغل يخلي مستواه يتحسن وقلت في نفسي انتظر بس فعل يرضي ربنا منه في معاملة للعيال تخليني ابقى راضية واساعده دخله يتحسن بطريقة كويسة وما تخلنيش احس اني بديله رشوة

انما مينالظاهر بقينا بنستسهل

كان ياحضرات يوم الاحد الماضي يوم العاصفة الترابية والصقيع الذي لايوصف ولان الاولاد كان عندهم امتحان اضطريت اوديهم المدرسة وسالنا المدرسة المواعيد ايه قالوا زي ماهي

وجرجرت نفسي الساعة 3الاتلت روحت لقيت ولادي واقفين مردومين وبيترعشوا زي الارانب بقالهم ساعتين ؟؟؟؟

سألت هما خرجوا بدري قالي اه الساعة واحدة طار عقلي ياحضرات وانا بقوله حرام عليك حسبي الله ونعم الوكيل ما انت معاك تليفوناتي

يحلف ممعهوش رصيد وكأنه بيكلم سيدة من كوكب اخر ما تعرفش كلمني شكرا ولا تعرف ان فيه ادارة مدرسة فيها تليفوناتنا ممكن يبلغهم

حد يقولي طب العيال تدخل تقول بنفسها !!!

اقوله بمنتهى البساطة انا ما قلتش لهم على الاجراء دة قبل كدة متعودين يستنوا ماما بتيجي بالتاكسي تاخدهم للبيت

اصلهم زي الملايكة مطرح ما تحطهم وتقولهم يعملوا ولو حد قالهم هاتوا تليفون ماما وبابا نكلمهم كانوا جابوه

المهم اقوله حسبي الله ونعم الوكيل يقولي انا ظالم ايوة

اقوله يعني لو فيه مصلحة وفلوس هتيجي مش هتتصل يقولي لا رغم انه من كام يوم كان فيه شغلانة كويسة هيجيله فلوس كتيرة من وراها ولقيته اعطى للناس اصحابها تليفوناتي علشان اساعدهم الشغلانة تخلص واذا خلصت هيجيله فلوس كتير شفتم الضمير

لما طار عقلي وصعب علي عيالي روحت قلت لابوهم واتصل بادارة المدرسة وانا كمان كلمتهم ولا حياة لمن تنادي

يعيدوا ويزيدوا ان العيال كانت جت قالت

طب ياعالم هو احنا مش تليفوناتنا عندكم ؟؟؟؟

طيب لما المدرسة فضيت على الخمس ست اولاد منهم اتنين عيالي مش تسالوهم طيب انا كاتبة تليفوناتي في بطاقة المتابعة المدرسية ؟؟

المهم وكان لم يحدث شيء

منظر العيال قاتلني لما شفتهم كدة وبجد كان ممكن اقتل البواب لكن سارعت بالتحرك من امامه قبل الجريمة مرددة حسبي الله ونعم الوكيل وهو يقولي انا ظالم

الحل ايه يا جماعة؟؟؟؟

ارجع اديله فلوس تاني رشوة علشان ياخد باله من العيال رغم اني الحمد لله اقوم بالتصدق على ناس تستاهل بالمدرسة ومش منتظرة لا اهتمام بالعيال ولا غيره لرفضي الاسلوب دة

انما اقدم خدمات ادارية للمدرسة كعمل سي ديهات للمواد الدراسية وعمل منتدى للمدرسة وانشطة ما باخدش عليها اجر لكن عاوزة نهضة لمدرسة اولادي واهتمام بيهم ومش نافع او اني ببساطة انقلهم لمدرسة تانية بسبب البواب ويمكن اروح الاقي بواب واتنين افظع دلوني

العمل ايه

هيفضل الفساد ورايا ورايا وبرضه احاول اقف له والاخر يطلع مفيش فايدة ولا ايه ؟؟؟؟ّ!!!!

وبعدين بقى هو مفيش غيري ولا ايه؟؟؟؟؟؟؟!!!!!!!!!!!!!!