مش عارفة أعيش فيها ، ندمانة ، متضايقة عايشة كأني في دنيا مش ليا أبدا ، أنا من صغري واضحة بحب كل الناس وبصدق أي حد وكل حاجة عمري ما بافترض ان اللي أدامي كذاب ابدا أو أنه ممكن يسرقني أو ينصب علي أو ياكل حق من حقوقي أو يظلمني
يا سلام بقى لو الحد دة له كينونة خاصة مهيبة مظهر الدين عليه واضح وتيجي للمعاملة تلاقيها تحت الصفروتلاقيه ما يفرقش حاجة عن اي حد ما هو بني ادم
تيجي تتعامل معاه من ناحية انه عارف ربنا وهيرحمك تلاقي العكس
صدمة كبيرة ليا ألاقي كدة وصدمة كبيرة علي
وقرار اخدته مفيش ثقة في حد
مفيش ثقة في اي حد
أنا وزوجي كنا بنقول كل اللي بيتقال صدق احتمال الكدب فيه ضعيف
تغيرت المعادلة وبقت كل اللي بيتقال من اي حد وبيتعمل هو كدب الى ان يثبت صدقه مش مرة واحدة لا عشر مرات أقله
خسارة على الدنيا وخسارة على الناس
مفيش حد بيرحم حد ابدا عمالين ننهب في بعض وعمالين نتجبر على بعض
وبقى اللي بيغتني وبترتفع مكانته دلوقتي وتسعة وتسعين في المية منه حرام في حرام وممصوص من دم الغلابة وانا منهم وبقى غناه تحت مسميات عمولة ممكن اتعابي ما يضرش شطارة في التجارة ماشي اهو اي مسمى يحلل بيه لنفسه نهبنا وخلاص
حسبي الله ونعم الوكيل في كل حد واي حد نهب حق من حقوقي انا واسرتي خصوصا
حسبي الله ونعم الوكيل في كل حد بيحلل لنفسه موقف ا و عمل او مال او افتعل موقف ظلم بيه حد ونهب حق من حقوق اي حد وانا كمان
حسبي الله ونعم الوكيل في كل من لي عنده مظلمة من اي نوع وبات فاكر انه أتشطر علي وكسب جولة
حسبي الله ونعم الوكيل في كل من ساهم في نهب مظلوم وكان هو الجسر اللي عبر به الظالم وظلم المظلوم
خلاص انتهت دنيتي الخضرا ما عدتش لها وجود لازم تكون انتهت من بدري
بس مش عارفة اتخلص منها قولولي اعمل ايه؟؟
قولولي ازاي ما اساعدش حد شايفاه محتاج لمساعدة اقدر اعملها؟؟؟
قولولي ازاي اقدر اعيش هنا في الغابة دي اللي اسمها دنيا
الجزء التاني من الموضوع السابق قريبا باذن الله
جزاكم الله خيرا على التفاعل فيه
تحياتي
هناك 14 تعليقًا:
وانا كمان بقولها معاكِ ومن كل قلبى حسبى الله ونعم الوكيل فى كل من ظلم وخان وسرق وأخذ حقوق الناس وساعد على الظلم واغتاب واتكلم فى عرض النساء وانتهك حرمات الاسلام
بصى نصيحة بجد اوعى تتغيرى حتى لو الناس كلها بقت وحشة احنا كمسلمين مانبقاش لان كل واحد هيتحاسب على عمله هو
ماتنسيش ياحبيبتى الجنة غايتنا احنا مجرد ضيوف فى الدنيا فلندعوا الله ان نخرج منها سالمين
حمدالله على سلامتك
لا حول ولا قوة الا بالله
عندك حق فى كل ما ذكرتيه
وحقا حسبى الله ونعم الوكيل
ولكن عليكى بالثبات والثقة على مبدا الخير فالمؤمن دائما فى امتحان واختبار من رب العزة وتختلف المكانة بمقدار الصبر على المحن
جزاكى الله خيرا
ومتعكى بالصحة والسعادة
تحياتى وتقديرى
اعانكم الله يا فندم
انا برضه بعانى من هذه المعاملة ان الواحد يحسن الظن فيمن حوله ويعاملهم بفطرته ويلاقى الرد كما لا يتوقع
ولكن آن لنا ان نغير وجهة نظرنا للحياة ونتعلم من رسولنا صلى الله عليه وسلم الا اكون خبا ولكن الخب لا يخدعنى
يعنى الواحد يعمل موازنة بين انه يحافظ على فطرته ونقائه وفى نفس الوقت لا يسمح للخب ان يخدعه يتعلم مهارات الحياة والناس واخلاقهم وتعاملتهم ويعامل الناس وللاسف بسوء الظن الا ان يثبت العكس للاسف بقت الحياة تستوجب كده حتى لا نصدم كثيرا ولا يأتى الوقت الذى نتغير فيه لنكون مثلهم
السلام عليكم ورحمة الله وبركاته
بصي الناس هما الناس من اول خلق ادم الى قيام الساعة طبعهم الجحود ونكران الجميل .... اذا كانوا فعلوا كدة مع الي خلقم ورزقهم وامنهم .. فما بالك فينا احنا ؟؟؟؟
الحل : كما قال عمر بن الخطاب " لست بالخب ولا الخب يخدعني "
يعني انا مش مخادع ولا بضحك على الناس وفي نفس الوقت مخليش حد يضحك عليا ولا يستغفلني ولا يخدعني ... يعني بمعنى اصح لا اعامل الناس بسذاجة بس نحرص ولا نخونش
تحياتي لكي اختي ولاستاذ خالد والاولاد
السلام عليكم
لو فقدتي الثقة في كل الناس مكنتيش كتبتي التدوينة دي وتكلمينا
لسه فيه ناس طيبة وناس خيرة رغم كل السواد ده
أنا لما بأسال نفسي لما كل الناس بتشتكي من غيرها أن الكل وحشين يبقى فين الوحشيين دول !!!!
لقيت الاجابة أن الناس بتشوف الأمور من جانب واحد فقط هو منظور رؤيتها ومش بيشوفوه من منظور الحق الالهي لو كل الناس حكمت ربنا ومحكمتش نفسها الدنيا حتتصلح وحنراعي بعض
ولو احنا حطينا نفسنا مكان الآخر وشفنا الصورة من منظوره حنسامح لأننا حنفهم هو ليه عمل كده
لما تفهمي الناس يا أم يوسف مش حتزعلي منهم ,حتزعلي عليهم وحتشفقي عليهم وحتدعيلهم بالسكينة والهداية
و حيصعبوا عليكي والله
افرحي انك مش ظالمة وانك مظلومة في الغابة دي
ومبروك عليكي
حتي نشناق للجنة ياحبيبتي
بس مش كل الدنيا وحشةفيها بردوا اللي زيك ما تتغيريش لو سمحت لو كل اللي زيك اتغيروا الدنيا حتبقي اسوأ من الغابة
من الواضح إن حضرتك اتعرضتي لموقف شديد
لا إله ألا الله
ربنا يعوض علي حضرتك
فعلاً مبقاش فيه أمان لدرجة كبيرة بينا
من عصا الله فيكما فأطيعا الله فيــه
قال الله-عزوجل- حاضا أبا بكر على علو الهمة
(ولا يأتل أولوا الفضل منكم والسعة أن يؤتوا أولي القربى والمساكين والمهاجرين في سبيل الله وليعفوا وليصفحوا)
ثم يذكرهم سبحانه بالجائزة ألا وهي
(ألا تحبون أن يغفر الله لكم)
وويذكؤرهم بصفاته-سبحانه- (والله غفور رحيم)
فيرد الصديق -رضي الله عنه- قائلا : بلى يا ربنا نحب أن تغفر لنا
فينبغي على زوجك أخينا خالد أن يرفع من همتك وترفعين أنت أيضا من همته...
ووالله الذي لا إله غيره...الصبر على سوء أخلاق الناس يورث عند المؤمنين ثقة بالله عزوجل- ثم ثقة وطمأنينة في أنفسهم ..
كان الاساذ محمود عباس العقاد -رحمه الله- يقول : (كلما عاملت أحدا بالحسنى وجدت منه فظاظة وسوء أخلاق...فلأجل أن أعلم نفسي الصبر كنت دائما أقول : هكذا هم الناس)
تنويه بسيط على تعليق اخينا امام الجيل
وهو ان مقولة (لست بالخب ولا الخب يخدعني)
ليست بحديث..وإنما هو أثر مروي عن عمر بن الخطاب -رضي الله عنه-
واخونا محب الدين وضح الكلام
أختي عاشقة النقاب
كأني أقرأ كلمات ما كتبتها يداكِ .. وما جاد بها خاطرك ِ عن طيب خاطر .. وأراكِ أختي قد يسري عليكِ في تلك الحالة ما يسري على فعل المكره وكفر المضطر .. لا يثبت به حكم شرعي ولا تقع عليه عقوبة
فما دنياكِ الخضراء انتهت ولا ودعتي طيبة القلب واحسانه على من بدا بؤسه وشقائه .. فالدنيا الخضراء دنياكِ وما يستطيع لص أن يسلبها منك ِ .. والقلب الطيب قلبكِ وما يستطيع أحد أن يحيله صلبا جامدا إلا أنت إن أردتِ أن تكوني كمن غصب منك حقا أو ألقى عليكِ من شرهِ ومضى لا يأبه بأي مهلك أوردك أو بأي صحراء مقحلة أنت ومن خلفك تركك .. أختي عاشقة النقاب إن أردتِ أن تغيري ما فيكِ من الخير فناطحي الصخر ولن يتغير بإذن الله .. إلا ان يجري عليكِ قدر الله وما أحسبك أنت وزوجك إلا من الصالحين ولا نزكي على الله أحد
أختي عاشقة النقاب أعرف أن الوقت ليس وقت فلسفة .. وان الحزن يأكل قلبكِ والحسرة تعتصره .. وليست النائحة الثكلى كالمستأجرة .. لكنه قدر الله وحسبك أنك تعملت من الحياة ما تحملينه لغد وتواجهين به من هو أشر ممن ظلمك أو أدهى وأمر .. أدرك أني قد أطلت وأعتذر .. لكن حسبك الله .. فاحتسبي وكوني مع الذين إذا اصابتهم مصيبة قالوا إنا لله وإنا إليه راجعون
مش عارف اقول ايه بعد اللي كل الإخوة قالوه
بس المهم حضرتك ما تفقديش طيبتك لكن مع إتخاذ الحذر الضروري
و عدم الحكم على الناس بالمظهر فكثيراً ما يكون خادعاً
ربنا يكتب لك كل الخير انتي و أسرتك
عزيزتى
ومن امتى الدنيا مش غابة
وفين البلد اللى فيها ملايكة
هى الدنيا كده فى كل زمن وكل مكان بتقل اه شوية بس مش كتير
عمر ما الغلط والظلم ما هيروح
وعمر ما الصح والحق عيفضل
عيشى الدنيا وارضى بيها
وانتظرى حلاوة الجنة واعملى ليها
تحياتى
سلام
مش عارفة اقول ايه ولا اكافئكم بايه غير جزاكم الله خيرا جميعا وجمعني الله واياكم في الجنة وقبلها عند الحوض مع نبي الله
ودنيتي الخضرا لازم تفضل خضرا وموجودة لان فيها اخوة واخوات نحسبهم على خير زيكم يرفعوا الهمة ويقفوا جنبي وينصحوني لله
ربنا يبارك فيكم جميعا
مبسوطة اوي بزيارتكم لي كل عزيز منكم باسمه
وحمد الله على سلامة الغاليين اللي طولوا الغيبة علينا
ربنا يديم المعروف بينا يارب
تحياتي لكم اخ اخ واخت اخت
و لماذا هذا القنوط و الاستغراب مما ترين في الحياة. اولم يخبرنا الرسول صلي الله عليه و سلم عن كل هذا و ارشدنا كيف يكون موقفنا ؟
( إنكم سترون بعدي أثرة وأمورا تنكرونها . قالوا : فما تأمرنا يا رسول الله ؟ قال : أدوا إليهم حقهم ، وسلوا الله حقكم )
إرسال تعليق