متلخبطة وسودة ومؤامرة

صدفة طبعا مظاهرات ومحاولات أقتحام وقناص فلسطيني يقنص جندي غلبان قاعد فوق في برج الحراسة مش عارفة الظاهر انا اللي ما باعرفش افكر

طب قولولي ليه ؟؟؟؟

هو اللي قافل الحدود ولا مانع الاغاثة ولا رافع عليهم رشاشات ولا عامل احتلال للبلد الغلبان دة ؟؟؟؟

طبعا مستبعد انه يكون اسرائيل هي اللي تعمل كدة طبعااااااااا ليه تعمل كدة ةةةةةةة بقى ىىىى ؟؟؟

هو يعني علشان تشغلنا باننا ناكل في بعض وتتفرج هي وترقص على اجسادنا ؟؟؟

لا طبعا الفلسطينيين يعملوا كدة خصوصا حماس اللي الفلسطينييين بيحبوهم وادوهم اصواتهم

وبعدين الدنيا تكرههم وخصوصا مصر والمصريين يعملوها امال ايه

يا ناس اعقلوا وفكروا بقىىىىى

علشان يبقوا في مزنق لا مصر طيئاهم ولا العرب طايئهم اصلا

ونتلوح كلنا عن الجدار الفولاذي دة ويبقى مبرر طبعا بيتعمل ليه لا طبعا مش كدة خالص امال ايه

يا ناس اعقلوا وفكروا بقىىىىىىىى

طيب يا عالم كام شهيد ماتوا بالقصد وعيانا بيانا على حدودنا مع اسرائيل الدنيا ليه ما اتقلبتش كدة وما طلعش ليه رجل الاعمال برضه صاحب القلب الكبير يتبرع لاهله اه نسيت صحيح دي نيران صديقة

يا ناس اعقلوا بقىىىىىىىىى وفكروا

ولا كمان موضوع نجع حمادي دة

غريبة جدا يبقى في التوقيت دة برضه مع الاحداث الاولانية دي

لا وايه بقى الاغرب اننا ما نسمعش عن الطفلة اللي تم اغتصابها والبهدلة اللي حاصلة هناك دي الا لما القيامة قامت هناك وشوية مسجلين خطر عملوا اللي حصل

رغم ان الخلفية ما كنتش على اثر ديني زي ما اتقال

وافتكر ان القيامة ولا قامت ولا حد قالها اعلاميا زي دلوقتي في الحادثة بقى اللي خلفيتها دينية بالتلاتة واللي فيها بنت اسلمت وتزوجت فعلا من مسلم وانجبت طفلة جميلة منه واخوها وقريبها ترصدوهم وانهالوا عليهم بالرشاشات برضه والنتيجة الزوج توفى وزوجته انصابت بخطورة والطفلة اللي ما كملتش سنة واحدة تم بتر ذراعها واتقال الخبر دة زي اي خبر رغم ان الخلفية دينية بقى طحن

الحادث طالما فيه واحد مسلم والتاني مسيحي خلاص الدنيا باظت ما ينفعش انها تبقى صدفة وبين كل تلاتين حادث عادي حادث ديني فيه متعصب من هنا او من هناك انما على طول تطفوللسطح حقوق الاقباط

هو يعني المسلمين في مصر اخر جمال وانسجام ما اللي بيسري عليهم بيسري علينا

ما احنا عايشين مع بعض من سنين طويلة

ما اعرفش احنا حصلنا ايه بس

الواحد شايف ان كل دة مؤامرة واضحة فاضحة توقعنا في بعض سواء مسلمين واقباط ولا مصريين وعرب وفلسطينيين

وعارفين اللي فيها وبرضه الحنجرة عالية بالهتافات الفاضية وماشيين ورا الكدب والمؤامرة زي القطيع

ياريت نصحى بقى ونعقل

حبوا بعض بقى

عقولكم اللي سابت مكانها وخرجت تتفسح رجعوها لاماكنها شوية ما حدش يقع في الخية يا مسلمين ويا اقباط مصر لو مسكنا في بعض هنفرجهم علينا لحد ما واحد فينا يخلص على التاني واللي هيتبقى هيبقى مجهوده قليل في الابادة مش هياخد في ايدهم كتير

يا عرب ويا مصر ويا فلسطين هنمسك في بعض وواحد هيخلص على التاني او نخلص على بعض وهما بردوا الكسبانين

يا عالم اصحوا

تصدقوا انا عندي احساس ان المؤامرة دخلت بيتي

ازاي ؟؟؟

النت دخل والحمد لله تاني يوم الكمبيوترات الاتنين يخربوا وابعتهم يتصلحوا ويتقفل عليهم المحل شوية ولما لقينا المصلحاتي طلع والدته دخلت المستشفى والحمد لله هيصلحهم ابتداء من غدا

طيب بكتب منين ؟؟؟

رأفة بحالي المصلحاتي شحتني كمبيوتر لحد ما يصلح كمبيوتراتي

طب دي مش مؤامرة بذمتكم ؟؟؟

ولا دي بقى اللي عادي ؟؟؟!!!
هااااااااااااااااا

كل دة وحشني اوي بالجامد خالص

نفسي أكتب واقول كلام كتير أهمه أنكم وحشتوني ووحشني الفضفضة معاكم ووحشني تبادل الافكار والآراء معاكم

وحشني سؤالكم وتواصلكم معايا

وحشني لما اكون زعلانة افتح مدونتي أشكيلكم همي وتطبطبوا علي بكلامكم

وحشني دعواتكم ووقوفكم جنبي

وحشني البنوتات الصغيرة اللي بتحب تاخد بمشورتي او تحكي معايا اسرارها

وحشني مناسبة حلوة تجمعنا مع بعض ونقف فيها جنب بعض حتى بكلمة تنورها

وحشني افتكر ذكريات جميلة عيشتها افتكرها معاكم او حاجة مؤلمة احكيها لكم يمكن نطلع منها بفايدة

وحشني الخير اللي بتعملوه وتساعدوني احاول اعمله معاكم

وحشني أزور كل واحد في مدونته ووحشني اسرتي الالكترونية التدوينية

وحشني كل شبر في مدونتي ووحشني حتى المعارك

كل حاجة وحشتني وحشتوني بجد

وبحبكم بالجامد خالص زي اسراء ما بتقولي

النت وصل بالسلامة وخلاص يا حبايب باذن الله رجعت لكم يلااستعدوا

باذن الله نستانف كلنا مقاومة والقوارير

استدعاء لمجداوية تلحقني مش عارفة ادخل كلنا مقاومة

كل عام وانتم بخير عام هجري سعيد علينا كلنا ويارب تكون سنة خضرا علينا كلنا

ممكن دقيقة ونصف من وقتكم الغالي

السلام عليكم ورحمة الله وبركاته
اخي واختي في الله

اولا وحشتوني جدااااا واعتذروبشدة عن الانقطاع المؤقت وعدم المتابعة واوعدكم بعد العيد باذن الله نلتقي ونتواصل من جديد وعودة قوية باذن الله فسامحوني وكل ما فاتني من موضوعاتكم سأتابعها وكل من دعاني لشيء او موضوع سألبي باذن الله عند تركيب خط الانترنت الخاص بي بعد العيد

ثانيا كل عام وانتم بخير بمناسبة الايام المباركة وعيد الاضحى اعاده الله على امتنا الاسلامية بالخير حبيت اشارككم المناسبة بموضوعي وتقبل الله منا ومنكم

نفس الكلام دة قلت العام الماضي وبقوله العام دة ونفس الظروف كل عام وانتم بخير

غريبة سبحان الله

***************************************************

ممكن دقيقة ونص من وقتك الغالي بس على شرط تكمل قراءة الموضوع لاخره
لاني بصراحة خايفة نكون من ناس غفلت قلوبهم وانشغلت ومش خايفين حتى على نفسهم ومجرد ما حد يقوله اقرا الموضوع دة او يديله ورقة يا اما يتصفح الموضوع على الطاير او يحط الورقة على اقرب مكتب ولا درج ولا يقول هوريها لغيري اصلي عاوز غيري ياخد الثواب كمان ماشي حلو دة
بس عوزينك انت كمان تقرا ومش تدي الورقة ولاتقول لحد على مكان الموضوع
لابقى دة-------- انت تقرا وتبلغ اللي فيها بنفسك للي تحبه وتخاف عليه
طيب كفاية بقى ---------------------------------------
ايه الموضوع ؟
الموضوع هو العشر ايام الاولى من شهر ذي الحجة
خلاص هيبدءوا بكرة وكل عام وانتم بخير والمسلمين اجمعين
ماشي فيهم ايه؟
الخير كله فيهم بل هم خير ايام الدنيا وربنا اقسم بيهم في سورة الفجر والفجر وليال عشر
وكمان فيهم ان رسولنا الحبيب صلى الله عليه وسلم فال عنهم في الحديث الصحيح ما من ايام العمل الصالح فيهن احب الى الله منه في هذهالايام قالوا ولا الجهاد في سبيل الله قال ولا الجهاد في سبيل الله الا الرجل خررج بنفسه وماله ولم يرجع من ذلك بشيء رواه البخاري
يعني الخلاصة احنا اليومين دول ابواب السماء مفتوحة وفي رحماتت نازلة لنا من عند ربنا وثواب لا نتخيله من الله للعباد وطبعا انا وانت من افقر عباد الله لهذذا الثواب
المهم انت ناوية وانت ناوي تعملوا ايه؟
اااااااه عاوزة اعمل حاجات بسيطة سهلة وثوابها كبير وكمان مش عاوزة وقت كتير
بص يا ستي
وبص يا سيدي
فيه ابواب خير كتيييييييييييييير ولا هتكلفنا ولا هتعطلنا
الاكيد بقى انك بتعملها وبتعمليها على انها عادة يومية لكنك لا تنوي بهاانها عبادة لله تستحق عليها الثواب
طب زي ايه؟
قلت زي ايه هقولكوا وكمان هدعم بالحديث الدال عليها
1- السلام [ لاتدخلوا الجنة حتى تؤمنوا ولا تؤمنوا حتى تحابوا اولا ادلكم على شيء اذافعلتموه تحاببتم افشوا السلام بينكم ] صدق رسول الله صلى الله عليه وسلم
2- الصبر [ما يصيب المسلم من نصب ولا صب ولا هم ولا حزن ولا اذى ولا غم حتى الشوكة يشاكها الا كفر الله بها من خطاياه وسلم] صدق رسول الله صلى الله عليه وسلم
3- الصدقة [ الصدقة تطفىء الخطيئة كما يطفىء الماء النا ر] [الصدقة تطفىء غضب الرب وتدفع الميتة السوء]
4- الوضوء [من توضا فاحسن الوضوء خرجت خطاياه من جسده حتى تخرج من تحت اظفاره]
5- الشهادة بعد الوضوء [من توصا فاحسن الوضوء ثم قال [اشهد ان لا اله الا الله وحده لا شريك له واشهد ان محمد عبده ورسوله اللهم اجعلني من التوابين اللهم اجعلني من المتطهرين فتحت له ابواب الجنة يدخل من ايها شاء]
يا سيتي دي حاجات بسيطة مقدور عليها
انا عاوزاعمل حاجات اكتر من كد ة بكتييييير طالما الثواب كبير فيفي الايام دي
طيب حاول ان تحرص على العبادات البسيطة بس لازم تنوي انها عبادة لله ومش عادة تعودت عليها:
1- صلاة الفجر وصلاة العصر [من صلى البردين دخل الجنة ] البخاري
2- صلاة الجمعة[من توضافاحسن الوضوء ثم اتى الجمعة فاستمع وانصت غفر له ما بينه وبين الجمعة الاخرى وزيادة ثلاثة ايام
3- السنن الراتبة مع الفرائض:[ما من عبد مسلم يصلي لله تعالى كل يوم اثنتى عشر ركعة تطوعا من غير الفريضة الا بنى الله له بيتا في الجنة]
4- صلاة الضحى [يصبح على كل سلامى من احدكم صدقة فكل تسبيحة صدقة وكل تحميدة صدقة وكل تهليلة صدقة وكل تكبيرة صدقة ونهي عن المنكر صدقة ويجزيء من ذلك كله ركعتان يركعهما من الضحى ]
5- ذكر الله تعالى [الا انبئكم بخير اعمالكم وازكاها عند مليككم وارفعها في دراجاتكم وخير لكم من انفاق الذهب والفضة وخير لكم من ان تلقوا عدوكم فتضربوا اعناقكم ويضربوا اعناقهم قالوا بلى قال ذكر الله تعالى]
6- قراءة القراءن الكريم وتلاوته [اقرءوا القران فانه ياتي يوم القيامة شفبعا لاصحابه]
7- فضل لا اله الاالله وفضل سبحان الله وبحمده [ من قال لااله الا الله وحده لا شريك له له الملك وله الحمد وهو على كل شيء قدير في يوم مائة مرة كانت له عدل عتق عشر رقاب وكتبت له مائة حسنة ومحيت عنه مائة سيئة وكانت اه حرزا من الشيطان يومه ذلك حتى يمسي ولم يات احد بافضل مما جاء به الا رجل عمل اكثر منه ] وقال من قال سبحان الله وبحمده في يومه مائة مرة حطت خطاياه وان كانت مثل زبد البحر]
طيب دي حاجات فعلا سهلة وبسيطة بس لو عاوز ثواب اكبر اعمل ايه
عليك بالصوم في هذه الايام
وتحرص على كل الاعمال نفسها وانت صائم قد كان النبي صلى الله عليه وسلم يحرص على صيام هذه الايام فصيام اليوم الواحد منها تطوعا يبعد المسلم عن النار سبعين خريفاكما اخبرنا صلوات ربي عليه وسلامه [ ما من عبد يصوم يوما في سبيل الله تعالى الا باعد الله بذلك اليوم وجهه عن النارسبعين خريفا] رواه البخاري
ولعلمك باه هيكون لك ثواب الاعمال وانت صائم دة غير ثواب الصيام نفسه في هذه الايام يعني خير كتيييييييير
والمكافاءة بقى بتكون يوم صيام عرفة
ااااااااااااااه صيام يوم عرفة دة بيكفر ذنوب السنة الماضية والباقية
اهم حاجة فبل كل دة واول شيء نبتدي بيه كلنا هو التووووووووووبة ايوة التوبة
والتوبة تتكون من ثلاثة مراحل
1- الاقلاع عن الذنب
2- الندم عليه
3- العزم على عدم العودة لهذا الذنب مرة ثانية
خلصت الدقيقة ونص اااااااااه بس لسة عمرنا ما خلصشي واحنا قادرين النهاردة عوزاكم بس تخلصوا النية وتبدءوا وباذن الله اكيد ربنا هيوفقنا لطاعته
استحلفكم بالله كل من يقرا هذا الموضوع يدعيلي بالحج مع زوجي واولادي ويدعو لاخي بالرحمة والمغفرة

وكل عام والمسلمين بخير

أول بنوتة شاركوني فرحتي

النهاردة مريم بنتي 6سنوات زي النهاردة طريق مصر اسماعيلية كله عرف اني في حالة وضع ليه بقىىىى؟؟؟!!!

الاستاذة ماما ((أنا يعني )) أصريت اني أولد في القاهرة عند دكتوري وانا ساكنة في العاشر من رمضان اساسا والدنيا رمضان بالتحديد نصف رمضان والالم اتطور وجايين مواصلات كمان ومش لاقية عربية مخصوص ما لقتهاش غير في اول جسر السويس سواق تاكسي ابن حلال شغل سارينة اسعاف طول الطريق ومصر كلها اتخانقت معاه علشان صوتها ما حدش كان بيقوله عدي الا لما يبص ورا يلاقيني عاملة الواجب فيقوله عدي الا واحد بس دة بقى راح واقف له بالعرض ادام العربية بس هو وقف بعربيته بالعرض ادام التاكسي بعد شوية كان زوجي واقف عليه بالعرض برضه وبعد ما سواق التاكسي شال زوجي من عليه اكتشف الراجل ان فيه حالة وضع مستعجلة راح معتذر وجاري بسرعة من ادامنا

كنت ادام العيادة الساعة اربعة ونصف تمام مفيش ربع ساعة وكانت مريم مشرفة الدنيا واتكتب لها عمر لانها كانت مخنوقة ونزلت زرقا موووووت لدرجة لما نزلت ما اصدرتش اي صوت

مريم حبيبتي بتغسل لي المواعين وتقولي عاوزة البس نقاب زيك وايشارب زيك يا ماما واعمل معاكي اكل

ربنا يخليهم لي يارب

عاوزين تشوفوها وتشوفوا اخواتها ؟؟؟؟

اوعو تنسوا ماشاء الله لاقوة الا بالله

هناااااااااااااااااااا

كل عام وانتم جميعا بخير

لن افقد الامل

لا أعلم هل ما يجيش في صدري البوح به يشفيه ام يشقيه لكن ولانني ذهبت متناقضة متالمة رجعت!!!! لكن أكثر ألم !!!!!

هل اقدم لهم العذر على ما يتهمونا به أم أدافع ؟؟؟

لم أعد أدافع فقط بل سأحاول أن اصرخ فيهم كفاكم

أتألم كثيرا ويصيبني العجب ممن يلقون بالتهم والسباب للملتحين والمنتقبين وممن يتخذون المظهر الديني في اللباس لكن لم اعد أعجب

ولا تعجبوا فقد كنت أظنهم ممن اختاروا لنهج رسول الله طريق يحتذون به ويمشون عليه وبدءؤا بالمظهر وفي طريقهم للجوهر هذا ما كنت اظنه فيهم جميعا !!!!!

لكن الواقع كان شيئا آخر وما تلاطمت به امواجي كان شيئا آخرفقد بدأت ألتمس بعضا من اسباب السباب فنحن السبب !!!!!!! نعم متخذي اللحية والنقاب

لم أعد أعجب لكن سأظل اتصدى ليس فقط لمن يسبون ويتوغلون في الملتزمين ولكن ساتصدى وأدعو من يتخذوا المظهر الديني كستار عذرا انتم تسيئون الي ولن اترككم تتمادون كفاكم بالله عليكم لم اعد أقوى على الدفاع وانتم تسيئون الى انفسكم والي والى كل من يحاول الالتزام

التزم بالمظهر الديني نعم لكن اين الجوهر بالله عليكم تعالوا نرجع الى الله ونرحم بعضنا البعض ونتخذ من المظهر الاسلامي طرف يرتبط مع الجوهر الطرف الاخر

تعالوا نقول ونفعل تعالوا ندعو انفسنا قبل أن ندعو غيرنا ليس بالمظهر فقط ولكن المظهر والجوهر ليس بقول ارتدي الزي الاسلامي لكن بارتدائه والحث على ارتدائه بالخلق الاسلامي

لن افقد الأمل وسأظل أصرخ كفاكم

وصلة النت عندي لسة لم تصل بعد وحشتوني كلكم وافتقدكم كلكم عاشقة الفردوس وام احمد المصرية ومجداوية وكلكم كلكم كلكم وحشتوني واعذروني وادعولي

كل دة حقيقي جوايا

مش عاوزة اكتب بس عاوزة اكتب

عندي حاجات كتير عاوزة اقولها بس الكلام خلص

مفيش عندي اصدقاء بس عندي اصدقاء

اسمع واحل مشاكل كتير واساعد واطبطب هنا وهناك واقف جنب دي واصالح بين دة ودة

محدش بيساعدني ولا بيطبطب علي

نفسي حد يساعدني من غير ما يجرحني ولو بكلمة تقويني

مش عاوزة مساعدة من حد حتى لو هموت

بحب كل الناس ونفسي اساعدهم كلهم اي حد مهما كان حتى لو أساء لي

بكره كل الناس ونفسي ما اعرفش حد ولو اكلم حد ولا حد له دعوة بيا ولا بعيلتي الصغيرة

عندي ثقة لابعد حد ان كل الناس ملايكة واللي غلط منهم غصب عنه

عارفة ان الناس بقت كلها زيها زي بعضها كله بيقطع في كله حتى اللي شكله بيقول انه كويس برضه شكله دة وراه ذئب

عاوزة اعيش في الصحرا انا وعيلتي الصغيرة مش عاوزة اعرف حد

ما باعرفش اعيش لوحدي ولا من غير ناس اسال عليهم ويسالوا علي

حاسة اني الخير اتعدم كل حاجة اتقلب اسمها الحقيقي

الكدب بقى علشان تمشي حالك والنصب بقى تجارة والصداقة بقت استغلال

كل دة حقيقي جوايا

ما اعرفش انا مزوداها ولا دة الحقيقي لكن اللي متاكدة منه اني تعبت

يارب بحق الشهر الفضيل تجعلها سنة خضرا علينا وتقذف في قلوبنا الرحمة لبعض

يارب تعلمنا نرحم بعض

يارب نرحم بعض يارب نرحم بعض

يارب نرحم بعض

يارب ارحمنا كلنا
رمضان كريم علينا جميعا

معلش اوعوا تزعلوا مني لكن حقيقي هتعذروني

رغم كل دة الا اني احبكم في الله

رغم كل دة لسة عندي امل وادعي واقول يارب

كل عام والمسلمين بخير

مروة !!!!!!!!!!!!!!!!!!!!!!!!!

الحجاب مش فرض

عادة بدوية

الحجاب دة قهر للمرأة

هاتوا اية تقول انه فرض

ذلك كلام السفهااااااااااااااااااااااااااااااااء

رحمة الله عليكِ يا مروة

تقبلك الله فيمن عنده من الشهداء والصديقين والانبياء

والهم زوجك الصبر وصبر الله ولدك على آلآم اليُتم

أين أمتي ؟؟؟؟

أين رجالها؟؟؟

وأين حجابك يا أختي؟؟؟!!

وأين قوامتك يا أخي ؟؟!!

كفى مكابرة

كفى سفور

اين أنتِ من مروة؟؟؟

أسأل الله أن نتقابل معها في الجنة

دمائها الطاهرة طوقت عنق كل مسلم ومسلمة يفرط في الحجاب

سالت دمائها من أجل الحجاب فرض ربي وربكم

فهل ستظلي هكذا؟؟؟!!!!

لعل أستشهادها يوقظ القلوب ، يوقظ العقول ، يوقظ الضمائر ،يوقظ الرجال من ثباتهم وغفلتهم

فهل لا يزال ينبض بين ضلوعكم قلب

استيقظي يا أمتي

اضغط هنا

سأفتح النارعلى نفسي كالعادة

السلام عليكم

تحديث تحديث تحديث للمعلقين

لضيق وقتي واعطال كمبيوتري الحبيب

بالتأكيد فهمني معظكم خطأ ودخل من يخوض في المنتقبات بالكلام المسيء ويؤيد من يسيء ايضا للمنتقبات بكلام خارج وأتعجب منهن

القصد التدوينة سافتح بها النار ليس على أحد قصدت سافتح النار على نفسي فهذا تعودت عليه في كل مكان والحمد لله والشكر على كل من تسبب لي في ثواب واجر بدون ادنى مجهود وعلى رأسهن من ينعتوننا بأكياس الزبالة حتى

كنت اتمنى من المدونة ماجي اني ألاقي برضه نفس هجومك على الكلام دة برضه

واذا كان اسلوبي اللي مش عاوزة تعلقي عليه فايه اللي خلاكي اصلا تعلقي وتقري

ألمست وتر موجع ؟؟؟؟

من تتعرى فتتعرى هي حرة ومن تنتقب فلتنتقب أليست حرة هي الاخرى ؟؟؟؟

عاوزة حضرتك العريانة تخرج براحتها وتمنعي عن المنتقبة حتى تقضي مصالحها بأدب وتحشم ؟؟؟؟

اكرملي اقعد في بيتي ودة الافضل لكن بتمنعي علي حقي في ممارسة حياتي لو استدعت الضرورة خروجي ؟؟؟؟

اهلا بالحرية اللي بتناي بها اختاه اهلا بقهر المراة من المراة

مجداوية يا حبيبتي قتل بحثا مزايا وعيوب النقاب فالحرب اعلى من ذلك

اخوتي في الله مقصدي هو المنتقبات اذا كان بينهن المسيئات فمؤكد بينهن من يبتغي الله ولا ادعي ان المنتقبة كاملة فانا بنفسي قابلت المسيئات ايضا اعزكم الله

لكن عذرا المتعريات واقول المتعريات التي لا تحترم اصلا اجسادهن بينهن الفاضلات ؟؟؟؟؟ علامات تعجب كثيرة

جاوبوا انتم

تحياتي لكل من خط تعليق باحترام

ثبتنا الله واياكم

ايضا لطول الحديث في موضوع الزواج ولانشالي الشديد سيتم ارجاءه الى ان يقضي الله امرا فارجو الدعاء لي بتيسير الامر

قول سمعته من احداهن وبعدها وجدت هذه الفكرة تدور في رأسي ومقتنعة بصحتها واعلم انها ستفتح علي النار فأهلا بذوي العقول المتفتحة

أردتكم أن تشاركوني اقتناعها

هي

من المؤكد ان في المنتقبات يمكن ان تكون وراءه غير محترمة او لا تحترم نقابها او تتستر خلفه او نصابة او او او ما تريدون قوله من سلبيات مقتنعة بذلك (((مش كل من ركب الفرس خيال )) الا من رحم ربي

لكن مؤكد ان بينهن من ترتديه لوجه الله وتبتغي مرضاته

ومن المؤكد ايضا ان من تكشف عن جسدها او ترتدي ما نراه من عري وابتذال وحركات والى اخره محترمة؟؟؟؟!!!!!!!!!!!

او حتى فيه احتمال انها تكون تحترم حتى نفسها او جسدها الذي تعرضه على كل من هب ودب؟؟؟؟؟!!!!!!!!!!!

اين هنا الاحترام والخوف من الله ورسوله؟؟؟؟؟؟؟؟؟!!!!!!!!!!!!!!

اقصد هنا ما فهمتوه تماما

كل من تكشف عن جسدها او جزء منه فهي _______

وكل منتقبة يحتمل ان تكون بينهن واحدة حتى محترمة

مقتنعة بذلك

ها هل فهمتم ما ارمي اليه؟؟؟؟؟؟

ها اهلا بالمعارك

معذرة لن ارفع تعليقات غير محترمة لنفسها

تحياتي

الغابة اللي اسمها دنيا

مش عارفة أعيش فيها ، ندمانة ، متضايقة عايشة كأني في دنيا مش ليا أبدا ، أنا من صغري واضحة بحب كل الناس وبصدق أي حد وكل حاجة عمري ما بافترض ان اللي أدامي كذاب ابدا أو أنه ممكن يسرقني أو ينصب علي أو ياكل حق من حقوقي أو يظلمني

يا سلام بقى لو الحد دة له كينونة خاصة مهيبة مظهر الدين عليه واضح وتيجي للمعاملة تلاقيها تحت الصفروتلاقيه ما يفرقش حاجة عن اي حد ما هو بني ادم

تيجي تتعامل معاه من ناحية انه عارف ربنا وهيرحمك تلاقي العكس

صدمة كبيرة ليا ألاقي كدة وصدمة كبيرة علي

وقرار اخدته مفيش ثقة في حد

مفيش ثقة في اي حد

أنا وزوجي كنا بنقول كل اللي بيتقال صدق احتمال الكدب فيه ضعيف

تغيرت المعادلة وبقت كل اللي بيتقال من اي حد وبيتعمل هو كدب الى ان يثبت صدقه مش مرة واحدة لا عشر مرات أقله

خسارة على الدنيا وخسارة على الناس

مفيش حد بيرحم حد ابدا عمالين ننهب في بعض وعمالين نتجبر على بعض

وبقى اللي بيغتني وبترتفع مكانته دلوقتي وتسعة وتسعين في المية منه حرام في حرام وممصوص من دم الغلابة وانا منهم وبقى غناه تحت مسميات عمولة ممكن اتعابي ما يضرش شطارة في التجارة ماشي اهو اي مسمى يحلل بيه لنفسه نهبنا وخلاص

حسبي الله ونعم الوكيل في كل حد واي حد نهب حق من حقوقي انا واسرتي خصوصا

حسبي الله ونعم الوكيل في كل حد بيحلل لنفسه موقف ا و عمل او مال او افتعل موقف ظلم بيه حد ونهب حق من حقوق اي حد وانا كمان

حسبي الله ونعم الوكيل في كل من لي عنده مظلمة من اي نوع وبات فاكر انه أتشطر علي وكسب جولة

حسبي الله ونعم الوكيل في كل من ساهم في نهب مظلوم وكان هو الجسر اللي عبر به الظالم وظلم المظلوم

خلاص انتهت دنيتي الخضرا ما عدتش لها وجود لازم تكون انتهت من بدري

بس مش عارفة اتخلص منها قولولي اعمل ايه؟؟

قولولي ازاي ما اساعدش حد شايفاه محتاج لمساعدة اقدر اعملها؟؟؟

قولولي ازاي اقدر اعيش هنا في الغابة دي اللي اسمها دنيا

الجزء التاني من الموضوع السابق قريبا باذن الله

جزاكم الله خيرا على التفاعل فيه

تحياتي

ماذا تفعل لو كنت \ كنتِ مكانه \مكانها؟؟؟؟؟؟؟؟؟؟

السلام عليكم ورحمة الله

أراه موضوع شائك وشديد الحساسية خصوصا عندما تتناوله انثى وزوجة أيضا وترفضه مقياساً على نفسها

لكن بالرغم من ذلك فقد رأيت بأم عيني حالات لابد لها من فعله بل وأصبح فرض عليها للخروج من دائرة اي محرم

وساضع بين أيديكم حكايتين حقيقيتين كما عايشتهم

الأولى لزوج وزوجة لديهم من الابناء الآن ثلاثة وعُمر الزوج والزوجة لايزال في ريعانه فلم يتخطَوا الخامسة والثلاثين بعد باختصار الزوج لا يكره زوجته بل يحبها ولا يريد أن يظلمها او يجعلها تشعر بالدونية فلديها حالة مرضية معينة تجعلها في منتهى النحافة والضعف وهذا يجعله غير راضٍِِِِِِِِ عنها كزوجة

فاقترحنا عليه الزواج من أخرى وهذا حقه الشرعي ((التعدد)) والحل الأمثل لمشكلته خاصة وأنه أنفق على الزوجة كثيرا لعلاجها حتى قال له الأطباء أنها تعاني من مرض وراثي لا شفاء منه

لكن الزوجة ترفض ان يتزوج عليها وفي نفس الوقت حالته المادية لا تساعده على ذلك مع العلم أننا قلنا له أصبر واحتسب فيرد أنا شاب أعد في مقتبل عمري ولا أريد أن أقع في محرمات

فبماذا ننصحه ؟؟؟!!!

قال أحدهم زواج مسيار !!!!!!!!!!!!!!!!!!!!!!!!!!!

وبالرغم من أني أرفض هذا النوع من الزواج رفضاً باتاً واجد على ما قرأت واتطلعت أن له ظروفه وقتما تم تشريعه واعتقد أنه تم نسخه الا أنني بين مطرقة وسندان في هذه الحالة ولا أجد غيره مخرج

فكيف يعف هذا الزوج نفسه الا بزوجة اخرى بطريقة شرعية وترضى هي الزوجة الاخرى بظروفه هذه وقد تكون هي الاخرى تحتاج لهذا الزوج كرجل فقط ؟؟؟ هذا من ناحية

وكيف أقر قيام علاقة زوجية بين اثنين ليس قوامها المعروف لدينا جميعا السكن التأبيد وووووو كما متعارف فأنا أجد أن ذلك مهانة من وجهة نظري للمرأة وان كنت لا أنطق ببنت شفة في هذه الحالة

فأرى زواج المسيارهنا هو الأنسب ام ماذا تقولون في ذلك؟؟؟؟؟؟؟؟؟؟؟؟؟؟؟؟؟؟

========

الحالة الثانية زوج وزوجة أقتربا من الأربعين أنفقا أغلب ما يمتلكان في العلاج ومحاولة الانجاب سواء بالعلاج او عمليات الاخصاب دون جدوى ،ولكن عندما تسأل الزوج

لماذا لا تتزوج وقد فعلت ما يرضي الله وانتظرت كثيرا وعالجت ووو وخصوصا أن من الواضح أن السبب لدى الزوجة؟؟؟؟؟

فيرد أن الزوجة ليس لديها أحد فوالداها توفاهما الله وأخوتها كل منهم في طريقه فأين تذهب ؟؟؟؟!!!!

هل هنا التعدد ظلم للزوجة بالرغم من ان قلب الزوج سينفطر على طفل من صلبه؟؟؟!!!!

ارى في هذه الحالة لم يعد رباط الحب والمودة يربط بين هذين الزوجين بقدر رباط واجب ومسئولية وعلى الزوج فعله والا كان قد نطق حينما سُئل عن زواجه باخرى أنه يحب زوجته ويتقبل الأمر كماهو ولا يريد أن يجرحها ولكن كان رده((هتروح فين وتقعد عند مين )))

وبين اقراري التام بما جاء في القران الكريم بأن الأصل في الزواج هو التعدد ولا أناقش هنا مشروعية التعدد المعروفه من عدمه حتى لا يسارع متشدقي الابواق في أن يناقشوا قضية جانبية وانما هنا ما أرمي اليه هو((( ليس كل ما نرفضه على أنفسنا يكون مرفوض رفضا تاما للآخرين فظروف كل منا تختلف عن الآخر وما أرفضه أنا على نفسي قد يكون هو حل لمشكلة معضلة لحياة أخر الأهم من هذا كله وما أراه أن لانتناول نحن ما يشرعه الله ونتلاعب به

فالمسئلة تحتاج منا دوما وأبدا لمراقبة النفس وتقوى الله تعالى

الباب مفتوح هنا للنقاش وابداء الآراء حول ماذا تفعل لو كنت او كنتِ مكانه او مكانها

تحياتي