الثلاثاء، يناير 29، 2008

الصدمة

السلام عليكم ورحمة الله وبركاته
ماحدش يتخض من العنوان
الصدمة دي كانت لي انا مش لحد تاني
اليومين التلاتة اللي فاتوا اتعلمت فيهم كتير اوي
طب اتعلمت ايه واتصدمت في مين
اقولكم
كنت بتجول في المدونات وطبعا مدونة تجر مدونة
والبوست اللي فات بالذات وبعد الهجوم الدامي عليه وتجني البعض علي بالهيافة وغيره
مع ان البوست جالي في الميل ونقلته وبس والناس تناولته بطريقة اكبر من حجمه حتى ان بوست غزة لم ينل هذا الحوار اللي وصل لبعض الاحيان للتدني فعلا
المهم برده البوست جرني للتعرف على اشكال وانواع غريبة وكتيرة من المدونات
ولا انكر ان فيه مدونات تستحق المتابعة بالفعل وانتظر من صاحبها موضوعاته بشغف
ولكن الصدمة بقى مش ان فيه مدونات اقل ما توصف به انها للفضى ايوة يعني لمدون فاضي والمدونة ليس لها هدف واضح الا ملء الفراغ بما لا ينفع واحيانا كثيرة يضرومش دي المشكلة كل واحد حر
ومش دي الصدمة
الصدمة اني شفت مدونات كان بس اول ما يتفتح الصفحة الرئيسية اجري من المدونة بسرعة لامتلائها بما يغضب الله من صور وكلام
واعوذ بالله منها ووللاسف اكون دخلتها من مدونة اخت احسبها فاضلة
مش دي برده الصدمة
الصدمة اني الاقي الاخت اللي احسبها فاضلة موجودة في المدونة بتاعت الملحد الفلاني ولا التي تتباهى بحب امريكا و اسرائيل ولا اللي تتباهى بالتجرا مثلا على العلماء والشيوخ والافاضل الذين نحسبهم على خير زي الشيخ الشعراوي مثلا او مصطفى محمود واللي تتمنى في مصر يعملوا يوم نحضن فيه بعض واللي حاطط صورة تسيء للحجاب مثلا ويبدا يكيل السب في الحجاب واللي يتكلم عن تقدم فلان واللي يتباهى بالتجرا على الثوابت الدينية وتدخل تشكرها وتحييها
هي طبعا وكل واحد حر في رائيه
بس ليه الازدواجية والنفاق
اقصد ليه تدخل او تدخلي لمدون كتب موضوع ديني عن الله وعبادة وتفضل تحيي وتقول جزاك الله خيرا وكلام مجاملة واطراء
وبرده تلاقيها تدخل للمدون او مدونة كاتب موضوع يسال ويتهجم فيه على الله او رسوله او ثوابت الدين وبرده تشكره على الجراة وتبدا في النقاش دة
هو دة اسمه ايه تناقض ولا ازدواجية ولا نفاق ولا ايه
صدمة اخرى
هو اني لقيت اني عندما اكتب تعليق عند مدون ويكون المدون مثلا كتب موضوع بيهاجم فيه الاخوان ولا بيهاجم فيه اي حاجة
واقول رايي ينظر الي اني مادام منتقبة او مدونتي تنادي بالنقاب من اسمها خلاص ابقى اخوان
وانا لا اخوان ولا غيره ولا لي في حكاية الاحزاب دي من اصله انا اؤمن ب واعتصموا بحبل الله جميعا ولا تفرقوا
اؤمن باننا كلنا مسلمون مصريون من المفروض ان كل الاحزاب دي تصب في بوتقة واحدة
وبما اني الكلام دة لا اشعر به تماما في مصر فحتى انتخابات مجلس الشعب ولا غيرها لا انتخب
لاني لا اوافق على فكر الاحزاب
والاخوان انفسهم لم ارى منهم ما ينفرني منهم ولم ارى ما اقول هذا هو انجازهم
فهل لاني منتقبة يجعلني اخوان
وحتى عندما اختلف مع مدون اومدونة في الراي
اراني اتكلم بمنتهى الاحترام فانا اضع امامي دائما ما يلفظ من قول الا رقيب عتيد
لكن لا يتقبل الاخر رايي وطبعا الكلام دة مش عامة دول البعض فقط
يعني البعض لا يتقبل النقض بصدر رحب ونتناقش فيه بكلام يرضي الله او حتى لا تعلق عليه خالص تحذفه او يحذفه وانتهى الموضوع
لما التدني في الحوار وحصد ذنوب
واذا لم ياخذ المدون حقه باسمه يدخل باسم مستعار او انيموس ويبدا في تكييل السباب والشتائم والقاء التهم جزافا بدون ادلة
والحمد لله انا لا اخاف من اي انسان انا اخاف رب العالمين واخشى من اي كلمة ان تلقي بي في النار سبعين خريفا انا مش اد الكلام دة
وعندما اوجه كلام اظهر باسمي ولا اتخفى والله على ما اقول شهيد
لما كل هذاا
لا انكر اني استفدت واتعلمت كتير جدا
واول شيء اتعلمته اني اتعرفت على اصحاب المدونات السوداء الذين يتخفون ويتلونون في المدونات التي نحسبها على خير والتي ادعو لهم من كل قلبي ان يهديهم الله لسواء السبيل
واتعلمت واتعرفت على مدونات تستحق ان اتابعها بشغف وان انهل منها العلم واسال الله لهم الثبات والصدق في النية والعمل
لكن لي رجاء وامل ان نحترم بعضنا البعض
لا انكر اني قمت بعمل اضطررت اليه حتى اجعل من اضطرتني اليه ان تصدر حكمها على نفسها بيديها
وما فعلته انها عندما كيلت لي السباب وقالت انها القت كلامي والذي كتبت لها فيه نصيحة منها ما يلفظ من قول الا لديه رقيب عتيد ونصيحة الاستفادة من الوقت ودعوت لها بالهداية في الزبالة
فاخذت كلماتها ورديت عليها في تعليق عند اخت وكانت برده داخلة تتلفظ بالفاظ عندها فطلبت من الاخت ان تلقي بردها في الزبالة وطبعا
نسيت انها كانت عملته في قبل كدة فكيلت السب لي واتى محامون ايضا كيلوا ما كيلوه وبعد ما انتهت فكرتها بما فعلته معي وانتزعت منها ومن اصدقائها حكمهم عليها
لكن طبعا ولله الحمد يعف لساني ان يذكر ويكتب ما كتبت لكن الغاية تبرر الوسيلة
فليتها تعلم ما كنت اريد ان يصل لها
وهو ان برده انا زعلت زيك كدة لما قلتي لي نفس الكلام
ولكن الظاهر انها لسة ما اتعلمتش نسال الله لها ولشباب االمسلمين الرشاد والهدى
وفي النهاية انا لا زلت اتعلم واعرف لكن هل من صدمات اخرى اتية
ربنا يستر

الخميس، يناير 24، 2008

جهازك فيه نجمة إسرائيل ؟؟

تحديث
السلام عليكم ورحمة الله وبركاته
احبتي في الله
عندما عرضت هذا البوست عن وجود نجمة داود الاسرائيلية في جهاز الكمبيوتر كان مقصدي المغزى القلبي والنفسي لتواجد شعار اليهودية الصهيونية في جهاز الكمبيوتر ليس اكثرهذا هو المقصد فهي تؤذيني تواجدها على جهازي وساحل محلها اي شيء اخر فعرضت موضوعي لمن يتاذى مثلي من تواجدها ومن لا تؤذيه ويعتبرها لا تضر ولا تنفع فهذا رايه وانا اتفق معكم تماما ان الاهم من حذف هذا الشعار العمل بجهد حتى ننشر ديننا وعلمنا الاسلامي حتى نحذف تواجد الاعداء من الوجود كله بعملنا وانجازاتنا وتقدمنا ورفعة رايتنا الاسلامية واشكر كل من دخل ناقدا ومؤيدا والان لمن يهمه الامر كيفية عثورك على نجمةة داود
دمتم بخير.
my computer ـــ 1 ـــ قم بفتح
c ـــ 2 ـــ قم باختيار القرص
program files ـــ 3 ـــ قم بفتح مجلد
microsoft office ـــ 4 ـــ قم بفتح مجلد
media ـــ 5 ـــ ثم مجلد
CAGCAT10 ـــ 6 ـــ ثم مجلد
J0285926 ـــ 7 ـــ الصورة اسمها
قم بإزالة هذه القذاره من جهازك
وانشروا هذه المعلومات بشتى الوسائل

الأربعاء، يناير 23، 2008

صبرا أهل غزة فإن موعدكم الجنة

صبرا أهل غَزّة في مثل هذه الأيام الباردة الشاتية .. أحسست إحساسا غريبا ورهيبا وأردت من إخوتي وأخواتي في الله أن يتخيلوه معي
حتى يفكروا في حل جذري غير التنيد والتشجيب والاعتراض ومص الشفاه أو على الأقل يشكروا نعمة الله عليهم فيما أعطاهم فيشكروه بالصلاة والصيام والقرآن . حبيبي في الله : تخيّل نفسك مع أمك وأبيك .. وزوجتك و أولادك .. في ليلة مطيرة ..
و أنتم جميعا في منزل تهدّمت أبوابه .. وتكسّرت نوافذه .. و انقطع عنكم الماء والكهرباء .. أطفالك يصرخون من الجوع والبرد .. و زوجتك الحُبلى يُقطّعها الألم .. و لا تستطيع شراء الدواء لها .. و والداك .. شيخان كبيران .. قد شحبت و جوههما .. و رق عظمهما .. و زاد مرضهما وعناؤهما .. تخيّل نفسك في هذه الحال ..
ولا مال لديك لشراء الغذاء والدواء .. و إذا ضاقت بك الحيلة لطلب العلاج .. خرجت بوالديك و أطفالك .. مشيا على الأقدام في هذا البرد القارص .. مشيت إلى المستشفى .. فإذا به خواء .. ليس فيه إلا الأنين والصراخ .. فعشرات المرضى قد سبقوك .. بأطفالهم .. و نسائهم .. وشيوخهم ..
وهم ينتظرون .. ولكن لا دواء .. و لا أجهزة لأن الكهرباء مقطوعة .. إخواني – إن هذه المأساة التي أعرضها لكم ليست من نسج الخيال .. إنما هي حقيقة .. يعانيها إخواننا المحاصرون في غزة .. إن عرض هذه المأساة ليست تقريرا إخباريا ..
ولكنّه تذكير بالواجب الذي تقتضيه الأخوة الإسلامية من النُصرة ..
{ يقول الله عز وجل : { وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ ،
{و يقول جل شأنه : { إِنَّمَا الْمُؤْمِنُونَ إِخْوَةٌ ،
وقال صلى الله عليه وسلم : " مثل المؤمنين في توادهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالحمى والسهر " . ومن لا يهتم بأمر المسلمين فليس منهم .. إن عرض هذه المأساة تذكير لنا بنعمة الأمن التي نعيشها .. إن عرض هذه المأساة تذكير لنا بأن الغفلة وللامبالاة بما يحل بالمسلمين من نكبات .. قد تؤدي لحلول العقوبة بالغافلين اللاهين .. الذين لا تتمعّر وجوههم .. ولا تتألم نفوسهم .. لِمَا يحُل بإخوانهم .. بلغ عدد الموتى بسبب هذا الحصار .. بلغوا المائة .. و جُلهم من المرضى والأطفال !! إن إسرائيل تتحكّم بـ 80 % من كهرباء غزة .. و 100 % من المياه.. 70 % من الوقود .. يا إخواني – إن الذي يجري في غزة ليس حصارا .. إنما هو حرب إبادة لشعب مسلم ، الهدف منه إثبات قدرة وبطش أخس وأقذر خلق الله . أيها المسلمون- في غزة أكثر من مليون وخمسمائة ألف مسلم .. يواجهون الإبادة الجماعية !!..
لأنهم أرادوا أن يعيشوا أحرارا كرماء .. لأنهم وقفوا في وجه المحتل وقالوا في عزة و إباء : سنقاتلكم - أيها اليهود - بكل نطفة في أصلاب الرجال .. وبكل جنين في أرحام النساء .. وبكل نسمة في الهواء .. وبكل قطرة ماء و ذرة هواء .. ولكن لا ندري هل لوطنية أم لله ، وأتمنى أن تكون ابتغاء مرضاة الله ، وليعتبر كل من يعتز بمصريته ووطنيته ويرى بماذا نفعتهم الوطنية والديمقراطية والعلمانية . معاشر المسلمين – إن إخوانكم في غزة يعيشون مأساة حقيقية .. انظروا ماذا حل بالناس يوم ارتفعت الأسعار .. أو أحسسنا أن هناك تلوثا في المياه أو انفلوانزا في الطيور ........ أو........... أو ............... انظروا كيف ضجر الجميع ..تأملوا كيف يصيب الناس الخوف .. كيف يتأففون عندما تتأثّر و تتكدّر معايشهم و أرزاقهم .. فكيف بمن حياته كلها كدر .. دخوله كدر .. وخروجه كدر .. ونومه كدر .. وقيامه كدر .. يرى البؤس والشقاء في أعين أطفاله .. وفي عظام أبيه وأمه .. أحبتي في الله - إغلاق 4000 آلاف مصنع .. و 3000 متجر عن العمل يصيب الحياة بالشلل .. لم يعد هناك نشاط يسمى تجاريا .. إلا بالمبادلة اليدوية .. تُعطيه زيتونا .. ويعطيك زيتا .. تعطيه دقيقا و يعطيك بيضا .. عادت الحياة إلى نمط بدائي بحت .. إخواني - المياه في قطاع غزة .. تنذر بكارثة بيئية .. فنسبة الملوحة التي يتحملها الإنسان العادي من أجل سلامة الكلي لا تتعدى نسبة في المائة .. ونسبة الأملاح في المياه الملوثة فوق ذلك يكثير .. و لا خيار لهم !! أكثر من 70 % من الأسر يعيشون تحت خط الفقر .. فأين منظمات حقوق الإنسان ! التي تجوب مجاهل إفريقيا .. وتتكلم عن الفقر والمجاعة ؟!! اليوم البؤس و المجاعه موجودة في فلسطين .. بجوار إسرائيل التي تدّعي الديمقراطية ويقول الغرب أنها نموذج الديمقراطية .. الذي يجب أن يحتذى ! فأين هذه الديمقراطية يوم أن اختار فلسطينيون حكم الإسلام ؟! يا إخوان - أكثر من 65 ألف شاب سُرحوا وابعدوا عن وظائفهم .. لا توجد مواد خام تُشغل المصانع .. أو تُوجِد للناس فرص عمل ! أكثر من 80 % من المحصول الزراعي دائما يُعرّض للتلف بسبب الحصار .. فالمزارع السكين يزرع و يحرث ويسقي و يشقى .. من الصباح إلى الغروب .. و إذا حصد محصوله .. قيل له لن تستطيع أن تبيع أكثر من 20 % منه .. والباقي يفسد عندك .. و أمام عينيك .. لماذا ؟ لأنك اخترت الإسلام خيارا !! : { وَمَا نَقَمُوا مِنْهُمْ إِلاَّ أَنْ يُؤْمِنُوا بِاللَّهِ الْعَزِيزِ الْحَمِيدِ } . إغلاق المعابر .. إغلاق الطرق .. يجعلهم يخسرون كل يوم الملايين من الدولارات .. و يتوقّع المراقبون أن القطاع مقبل على كارثة بيئية واقتصادية و إنسانية خطيرة .. بسبب نقص الأدوية .. وقلة المخزون الغذائي .. و ارتفاع الأسعار .. و زيادة مستوى التضخم .. أخذ الدواء يتناقص في القطاع .. ومات بسبب ذلك المئات من المرضى .. هناك 450 مريضاً بالسرطان في قطاع غزة ، 400 مصاب بالفشل الكلوي ، ونحو 450 مريضاً بالقلب .. هؤلاء معرّضون للموت جراء عدم توفر الأدوية والأجهزة الكافية لمتابعة حالاتهم ، فضلاً عن منعهم من السفر . ويزامن هذا الحصار حصار من نوع آخر ..حصار العلم و المعرفة .. الذي لا يقل خطرا و ضررا على المدى البعيد من الحصار الاقتصادي و المعيشي .. فلقد منعت سلطات الاحتلال أكثر من 300 ألاف طالب وطالبة من السفر للالتحاق بالمدارس والجامعات الأخرى !! لماذا ؟ حتى لا يعودوا إلى بلادهم أساتذة و خبراء و مختصين قادرين على إدارة شئون بلادهم .. حتى تمتلئ البلاد بالجهلة والأميين والمتخلفين .. ليتحول قطاع غزة إلى قطاع عمال .. يقول أحدهم : لقد رأيت وسمعت عن أناس لم يدخل اللحم في بيوتهم منذ سنة .. بل أكثر .. إلاَّ صدقة أو زكاة ! ويذهبون إلى محلاَّت ذبح الدجاج .. ليعثروا على بقايا أرجلها ؛ حيث يُوفّرها لهم أصحاب تلك المحلاَّت !! و رأينا أناساً يوماً يأكلوا غداءا فقط ، و يوماً آخر يأكلون عشاءا !! وفوق هذا الحصار .. في كل يوم يصبّحهم اليهود و يمسّونهم بغارة .. ترمي فيها الطائرات بمئات الأطنان من القنابل .. التي تُسوى بها المنازل بالأرض .. فما بالك بأجساد الأطفال و النساء و الشيوخ .. أما يكفي هذا الحصار .. أما يكفي التجويع .. أما يكفي المرض .. أما يكفي الإذلال .. مع هذا كله .. القنابل و النار والدمار .. اللهم رحماك يا رب بأهل غزة .. رحماك بهؤلاء الأطفال الرضع .. و الشيوخ الركّع .. وهكذا يُحارَب إخواننا في فلسطين .. يحاربون في لقمة العيش .. في نسمة الهواء .. يحاربون في الدواء .. يحاربون في عقيدتهم وحريتهم .. في حين يُفتح المجال للمنظمات اليهودية و النصرانية في جمع التبرعات و الأموال دون حسيب و لا رقيب !! فصبرا يا أهل فلسطين .. فإن أمم الكفر و لو وقفوا ضدّكم .. بمكرهم وكيدهم .. فإن معكم الفئة التي لا تُغلب .. والمُعين الذي يَخذُل .. ومعكم المَلك الذي لا تنفد خزائنه .. صبرا يا أهل غزة - فإنْ منعوا عنكم الدواء .. و الغذاء .. و الماء .. فإنهم لا يستطيعون أبدا أن يمنعوا عنكم مدد السماء .. قولوا لهم : { أَمْ عِنْدَهُمْ خَزَائِنُ رَحْمَةِ رَبِّكَ الْعَزِيزِ الْوَهَّابِ . أَمْ لَهُمْ مُلْكُ السَّمَوَاتِ وَالأَرْضِ وَمَا بَيْنَهُمَا فَلْيَرْتَقُوا فِي الأَسْبَابِ . جُندٌ مَا هُنَالِكَ مَهْزُومٌ مِنْ الأَحْزَابِ } . صبرا يا أهل الرباط .. و أبشروا ببشرى النبي .. عندما قال : يا طوبى للشام ! يا طوبى للشام ! يا طوبى للشام ! قالوا : يا رسول الله وبم ذلك ؟ قال : " تلك ملائكة الله ! باسطوا أجنحتها على الشام " . و عن عبد الله بن حوالة : قال رسول الله صلى الله عليه وسلم : " ستجدون أجناداً : جنداً بالشام ، وجنداً بالعراق ، وجندا باليمن " . قال عبد الله : فقمت فقلت : خِرْ لي يا رسول الله ! فقال: " عليكم بالشام ... فإن الله عز و جل تكفل لي بالشام و أهله " . قال ربيعة : فسمعت أبا إدريس يحدث بهذا الحديث يقول : ومن تكفل الله به فلا ضيعة عليه . و عن عبد الله بن عمرو رضي الله عنهما قال : قال رسول الله صلى الله عليه وسلم : " إني رأيت عمود الكتاب انتزع من تحت وسادتي ، فنظرت فإذا هو نور ساطع عُمد به إلى الشام ، ألا إن الإيمان إذا وقعت الفتن بالشام" . و عن عبد الله بن حوالة أنه قال: يا رسول الله ! اكتب لي بلدا أكون فيه ، فلو أعلم أنك تبقى لم أختر على قربك . قال: " عليك بالشام .. ثلاثا " . فلما رأى النبي صلى الله عليه وسلم كراهيته للشام قال : " هل تدرون ما يقول الله عز وجل ؟ يقول: أنت صفوتي من بلادي ، أدخل فيك خيرتي من عبادي ، و إليك المحشر ، و رأيت ليلة أسري بي عموداً أبيض كأنه لؤلؤ تحمله الملائكة ، قلت : ما تحملون ؟ قالوا : نحمل عمود الإسلام ، أمرنا أن نضعه بالشام ، وبينا أنا نائم رأيت كتابا اختلس من تحت وسادتي ، فظننت أن الله تخلى من أهل الأرض ، فأتبعت بصري ، فإذا هو نور ساطع بين يدي ، حتى وضع بالشام ، فمن أبى أن يلحق بالشام فليلحق بيمنه ... فإن الله تكفل لي بالشام وأهله " . هذه كله ليستبشر كل مسلم في كل مكان في العالم ... وليعلم أن نصر الله قريب ... ولكن من يستحقه هذا هو المهم . فليبحث كل إنسان في حياته وليرى ماذا قدم لهم ليس مالال فقط ولا تموينا فقط ولا سلاحا فقط ولا ما شابه ذلك فكل تلك إمدادات عينية لا معنوية ربانية ولا فائدة منها بلا مدد من الله . فليتب كل مسلم وليعد لربه وليتم ما قصر فيه وليبحث عن شيء في الطاعات لم تفعله لتفعله عل وعسى ان ينفع الله بها أسرة أو أحدا أو حيا بدعوة صادقة وعمل صالح متقبل .
قال تعالى {وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ {الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا
ولكن بشرط
{ ألا وهو {يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ

الاثنين، يناير 21، 2008

هتقولوا ايه لرب العباد يوم يجعل الولدان شيبا

صور لإستعدادات أبطال غزة وأهاليها لمواجهه الإجتياح والمذبحة اليهودية القادمة
...












السلام عليكم ورحمة الله وبركاته
هذا يا سادة ما يفعله الصغير والكبير في غزة استعدادا لمواجهة العدوان والمذابح اليهودية التي يعلنها اليهود بمنتهى الصراحة
وسط صمت عربي مذهل كالعادة فماذا فعلنا نحن العرب والمسلمون استعدادا للمواجهة ؟؟؟؟؟!!!!!!!
وماذا فعل الحكام العرب والمسلمون ؟؟؟؟!!!!!
الاجابة بمنتهى البساطة والمعروفة جدا لنا جميعا هي لا شيء نعم لا شيء حتى الاستنكار العربي لم والرفض لم يحدث فاين انتم يا حكام العرب واين انتم يا مسلمين ؟؟؟!!!!!!
ماذا ستقولون لرب العالمين سنحاسب جميعا عنهم هم يقفون بمفردهم لا سلاح متطور كالذي يواجههم لا تقنيات كالتي يواجهوهالا طعام لا ماء لا كهرباء
ستنتهي وسائل الحياة من ماكل وملبس ومشرب وادوية ويحاصرهم الموت في كل مكان بدءا مما ذكرته الى شبح المذابح التي يعلن اليهود شنها عليهم
والتي شنت بعضها بالفعل يستعدون هم بالقليل والمتاح الصغير منهم قبل الكبير فماذا سنفعل نحن ؟؟؟؟؟؟؟ادعوكم يا حكام العرب والمسلمين الى السعي لفك حصار غزة ادعوكم للوقوف الى جانب هؤلاء الاقوياء لتتعلموا منهم معنى الصمود والكرامة
ادعوكم لتذكر يوم تشيب له الولدان اليوم الذي ستقفون فيه بين يدي العزيز الجبار ويسالكم ماذا فعلتم للشعب الفلسطيني والمسلمين
وادعوكم جميعا للصلاة ركعتين في جوف الليل والدعاء لفلسطين ولغزة
ان يفك الله كربها وان ينصر الاسلام والمسلمين في شتى بقاع الارض وادعوكم لحملة نحشد فيها اقلامنا لدعم فلسطين واخوتنا هناك وادعوكم لاي شيء يرى كل منا انه قادر عليه فليفعله
وليكن الله المعين الاقصى ابدا لن يضيع وفلسطين عربية باذن الله ستعود


بسم الله الرحمن الرحيم
الَّذِينَ قَالَ لَهُمْ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ وَنِعْمَ الْوَكِيلُ فَانْقَلَبُوا بِنِعْمَةٍ مِنْ اللَّهِ وَفَضْلٍ لَمْ يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ عَظِيمٍ
اللهم انصر أخوننا المجاهدين في فلسطين اللهم أجمع شملهم ووحد صفهم وسدد رميهم وخذ من خذلهم يارب العالمين.

الثلاثاء، يناير 15، 2008

تحذير تحذير تحذير

السلام عليكم ورحمة الله وبركاته
يا جماعة التحذير دة جالي اليوم على الميل
ومش لاقية افضل من المدونة لنشره
واتمنى اي حد يقراه يتفضل بنشره وجزاكم الله خيرا
هذه الحادثة حصلت في باريس، وقد تحصل في اي وقت بأي مكان أخر قبل بضعة من الاسابيع وبالتحديد في السينما في باريس، احست احدى الفتيات بوخز في المقعد، وعندما قامت ، وجدت ابرة مغروزة في المقعد، ملصق بها ورقه مكتوب عليها ( لقد حقنت بفايروس الايدز ( مركز الحماية من الامراض أو السيطرة على الأمراض أبلغ عن وقوع هذه الحادثة في مدن أخرى غير باريس، وبعد فحص الابر وجد انها حاملة فعلا لفايروس الايدز . كما أنها حصلت في لبنان كما ابلغ المركز بان هذا النوع من الا بر وجد في الصراف الآلي ، ونطالب من الجمع توخي الحذر عند مواجهة مثل هذه المواقف، يجب التمعن والتدقيق في المقاعد قبل الجلوس عليها، كما يجب ايصال هذه الرسالة إلى جميع من تعرفونه، وكل من يهمكم امرهم وخاصة أفراد العائلة الصغير قبل الكبير . مؤخراً، صرح دكتور في الهند، حيث أن هذه الحادثة حصلت لأحدى مرضاه، أيضاً في السينما بنيودلهي، كانت فتاه مخطوبة، على وشك الزواج، وجدت الابرة بعد أن وخزتها وقد كان ملصق بها ورقة مكتوب عليها( اهلاً بك في عالم الإيدز ) الدكتور اخبر عائلتها بأن مفعول الفايروس لن يبدأ إلا بعد 6 أشهر، وعادةً المصاب يعيش مابين 5 إلى 6 سنوات، ولكن الفتاة توفت بعد 4 أشهر . يجب جميعاً أن نتوخى الحذر، تخيل بأنك بإرسالك هذه الرسالة قد تنقذ حياتك شخص غافل عن هذا الموضوع... رجاءً خذ من وقتك بعض الثواني وليس الدقائق وقم بتمريرها لكن من تعرفه

الأحد، يناير 13، 2008

!!!!!!هفضل برده احبها واحبها يمكن اصعب عليها في يوم وتحبني !!!!!!!!




  • السلام عليكم ورحمة الله وبركاته




  • مش عارفة عاوزة اكتب في حاجات كتييييير اوي بس دلوقتي حالا قررت اكتب هنا حاجة وفي مدونتي التانية




  • هكتب حاجة تانية بس كل اللي عاوزة اتكلم فيه بيصب في بوتقة واحدة ولا بلاش بوتقة دي خليها سكة واحدة




  • السكة دي يا سادة يا كرام هي قلة الدين مش بس قلته ساعات كتييييييير بتكون انعدام الدين ايووووووووووووووة




  • اصل دي نقرة ودي نقرة بصلي وبصوم وبدبح في العيد دة مش هوة الدين بس فيه حاجات تانية كتير






  • يااااااااارب




  • يااااااارب ارحمني




  • طيب ايه الموضوع ؟؟؟؟؟






  • اني بحب بلدي وبحبها اوي كمان بس يا ترى هي بقى بتحبني وعوزاني ؟؟!!عمركوا شفتوا ام حد يقولها




  • ولادك اهم تعالي خديهم تقول لأ مش عوزاهم ولعوا بجاز ايوة فيه والله ما احنا بنسمع حكايات وبنقرا كل يوم


  • انما ان سجنائنا المحكوم عليهم بالاعدام ومجودين في ليبيا واولياء الدم خلاص اتنازلوا عن دمهم واتصالحوا مع الجناة وقبلوا الدية وخلاص الموضوع انتهى



  • وخلاص السلطات اليبية قالوا لامهم مصر تعالي خدي ولادك ااااااااااا اه حكومة مصرتقولهم لا ولا اما الاجراءات تخلص ودة لما برنامج الحقيقة اثار موضوعهم لكن قبل البرنامج ماكانش حد سائل اساسافيهم



  • خلوا المساجين واهاليهم وصلوا انهم يقولوا



  • طب خدونا اعدمونا انتوا بس رجعونا بلدنا نموت هناك ونشوف ولادنا الاول



  • هوة دة اللي حصل مع السجناء المصريين المحكوم عليهم بالاعدام في ليبيا



  • ايوة بجد والمشكلة ان دة محصلش الا مع المصريين بس يعني السعوديين مثلا السعودية على طول كانت بتتدخل


  • وعلى طول بتتصرف لاولادها وغيرها انما مصر لا طب يا عالم كلنا فاكرين طبعا قضية الممرضات البلغاريات اللي كانوا في المستشفى في ليبيا برده ومعاهم طبيب فلسطيني وقامواا بحقن الاطفال بالايدز والقضية فضلت سنين وسنين واطفال كتير وبيتهيالي كبار كمان ماتوا وبقوا تراب لكن لا بلغاريا سابتهم وامريكا وغيرها ادخل كمان المهم في الاخر ايه حصلهم دفعوا شوية فلوس للاهالي ورجعوهم بلادهم وفي المطار صدر العفو عنهم ايوة فعلا اول ما نزلوا المطار اسستناهم مسئول كبير ولا يمكن الحاكم بحاله واصدر العفو الفوري والغلابة العرب ماتوا بس دول اخدوا الدية ووافقوا بس بيتهيالي يا اصحاب القانون كان فيه برده حق مدني برده وحقوق انسان تقول وتقول دة يرضي ربنا يعني المهم بلدهم احتضنتهم اهم


  • يا ناس ليييييييه كدة احنا ليه رخاص اوي كدة ليه دة حتى البني ادم غالي والله سيبك طيب من اني عربي طيب مصري ليه دايما بحس اننا المصريين بالذات مظلومين كدة من ناحية حقوقنا كبني ادمين الناس المصريين دول غلطوا ماشي حتى لو مش هيتم العفو عنهم طب هاتوهم ولعوا فيهم انتوا بلاش ننداس اوي كدة عوزاكم مش عارفة عوزاكم تعملوا ايه انا عن نفسي بعيط وادعي واتوسل لربنا اننا نغلى عند بعضنا


  • وهفضل ادعي ان بلدنا تحبنا زي ما بنحبها يا مسئولين بجد خلو بلدنا تحبنا بس


  • وانا مش هكرها وهفضل احبها واحبها يمكن اصعب عليها وفي يوم الاقيها بتحبني وتحب ولادي ونبص نلاقي بلدنا ما تقدرش فعلا بالفعل بالواقع تستغنى عننا زي ما انا وانت ما نقدرش نستغنى عنها



الثلاثاء، يناير 08، 2008

التاج الاول وباذن الله مش الاخير



السلام عليكم ورحمة الله



التاج دة بعتتهولي حلوتي عاشقة الفردوس


واسفة جدا على تاخيره

وعلى فكرة دة تاج جميل جدا اتمنى يضيف حاجة
فبسم الله ابدأه


نبدا الاسئله.......تاج لـــــــــــو
بسم الله والصلاه والسلام على رسول الله سيدنا محمد اشرف الانبياء والمرسلين
لومكنتش مصري بس عربي كانت هتبقى إيه نظرتك للمصريين واللي بيحصل



في مصر دلوقتي؟؟؟؟



هقول حسبى الله ونعم الوكيل .... لنا الله جميعا ودة لعدة اسباب اهمها ان الحال في مصر مش مختلف كتير عنه في اغلب اوضاع الدول العربية






أو لوكنت أوروبي أو غير مسلم بردو إيه نظرتك للعرب والمسلمين ؟



الحمد لله انا مسلمة وعربية ولو كنت غير كدة كنت لازم هدور على الحقيقة وكنت عارفة اني هلاقيها في الاسلام طبعا اما عن نظرتي للمسلمين هتبقى مطاطة شوية يعني مش نظرة موحدة فيه طبعا نظرة كلها اعجاب وفخر للمسلمين متمثلة في مسلمين كتيييير يشرفونا زي علمائنا الكبار يارب يخليهم ويبارك فيهم منهم مثلا الشيخ الحويني وحسان ويعقوب والمصري والمصلح ووسالم ابو الفتوح وغيرهم كتييييير وطبعا زغلول النجار وناس كتير في مجالات مختلفة برده زي زويل ولو اني زعلانة انه اتقدر برة واحنا لا لكن برده فيه ناس تكسف برده ودة عيبهم همة مش عيب الاسلام



بس اللي بيزعل الواحدان المسلمين همة اللي بيكونوا سفراء لهذا الدين وبتمنى انهم يكونوا اد هذا االدين العظيم



اما نظرتي للعرب كانت هتبقى نظرة حزن والم على الفرقة اللي احنا فيها مش عارفين نتجمع على كلمة واحدة ودة برده بسبب البعد عن الدين والمشي ورا الاجانب اللي همة دلوقتي عمالن يعملوا اتحادات ربنا يجمعنا يارب ونعلي راية الاسلام




لوقالولك إنت بقيت رئيس جمهورية هتعمل إيه؟



يااااااااااه



هتبقى حلم كبيييييييييييير هحققبيه حاجات كتيييييييير



اولها



الغاء عمالة المرأةودة لان هوة دة اللي خلى الحضانات هي اللي تربي العيال وتطلع لنا جيل معفرت بيتنطط وخلاص الا بقى الحضانة اللي بتقبض بقى ولا اللي ربنا اكرمها بحضانة كويسة تربوية تقدر تساعد الام على التربية لحد ما تشرف حضرتها وتاخد الواد منها وبما ان بين كل ميتت حضانة حضانة واحدة كويسة يبقى الست تلزم بيتها احسن بلاش بهدلة ليهاوللعيال وفيه بدائل كتيرة اوي ممكن تتثقف منها وتحقق ذاتها برده ومش بس كدة دةانا هعمل حوافز وجوايز ومسابقات بين ربات البيوت زي مثلا مسابقات تحفيظهم القرأن لعيالهم ولنفسهم كمان وربات البيوت المثالية والبيت المثالي والاعمال المنزلية وتنمية المشروعات المنزلية وتشجيعها وبرده ممكن اخليها تشتغل وهي مصونة في بيتها ممكن هي تنتج والدولة تسوق ليها وهي منصانة في بيتها من غير بهدلة وتبقى اشتغلت وكمان شغلت غيرها معاها من الشباب والرجالة العطلانة في كل حتة دي ودة في حدود الشرع اهو



وبعدين هلغي نظام التعليم القائم كله كله واخليه نظام تعليم متكامل هادف اولا ان العيل من دول على مايتخرج يكون حفظ القران كله



ونخليهم يعرفوا تاريخ بلدهم اااه بس برده يعرفوا تاريخهم الاسلامي كمان ونعلمهم دينهم كويس ويبقى فيه دمج منظم وبطريقة علمية بين العلوم الدينية والنيوية ونعلمهم ان مفتاح السر لكل حاجة حلوة هي تعاليمنا الاسلامية
اممممممممممممممممممم
وهرد المظالم لاصحابها (على قد مااقدر)



وهعمرالمدن الجديدة بالمشروعات وبالتالي تتوفر فرص عمل لكتير من الشباب ونجود صناعتنا ونمي اراضينا ونحاول نتخلى باقصى جهد عن اي استيراد خارجي بالتعاون مع اشقائنا العرب المسلمين واحاول الم حكامنا العرب واجتهد معاهم لتوحيدنا واعمل حملات دعوية لكل انحاء الدنيا للدعوة للاسلام واعمل مناظرات كبيييييييرة بين متخصصين دارسين الاسلام كويس اوي وكتب الغير مسلمين كويس اوي زي الاخ وسام عبدالله اللي في غرفة الحوارالاسلامي المسيحي واذيعها على كل الفضائيات المصرية وانشط السياحة بما يرضي الله وابعت اجيب كل شبابك وولادك اللي براكي يامصر يجوا يراعوكي ويبروكي ماهم اولى بيكي وانتي كمان اولى بيهم وحاجات كتيييييييرة اوي اهمها ارجع الاسلام كمان في حكمي والله كدة هتتعدل كل حاجة اتنيلت باظت




لو كان ينفع ترجع طفل تاني وتخليك طفل علطول هترجع؟ وليه؟
الطفوله دى مرحله رائعه كلها براءه وحب وعدم غش ومفيش فيها نفاق
ارجع بس مش على طول ارجع بقى عشان انمي الحاجات اللي محدش نماها في وانا صغيرة وماتت مع الوقت



ارجع عشان عاوزة اتعلم تاني حاجات كتيرة



ارجع عشان احلم تاني باني اكبربس على طول لأ عشان عاوزة افضل زوجة الاستاذ زوجي وام لاولادي دول
لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟
كل شئ بامر الله



اذاكان اراد ان عمرك ينتهي هينتهي من غير مرض ولا اي حاجة واذا اراد انك تعيش هتعيش رغم المرض



الاطباء سبب وهنعمل اللي في وسعنا بس اعنا على كدة بالدعاء وتقرب اكثر من الله



دة هيكون تعاملي مع الموقف

لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟



عذرا يا حبيبي يارسول الله
لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟



بصوا الاجابة دي هكتبها بعد تجربتي للامومة يعني انا لو ماكنتش ام مش عارفة الكلام اللي هقوله كان هيبقى هو نفسه ولا لااااااااا



المهم بعد تجربتي للامومة فانا بقول انها حلم وامل لاااااا يمكن الاستغناء عنه ابدا



لكن تفرق كتير هجيبهم من مين



ماممكن اجيبهم من واحد تعبني في عيشتي ويخليني كل ما ابصلهم ازعل انهم ولادي من الراجل المتعب دة فازعل عليهم وعلى نفسي واتمنى اني ما كنتش خلفتهم



وممكن احب خطيبي دة واتجوزوا ومانخلفش خالص ونعيش اسعد زوجين في الدنيا لكني بعد التجربة بتاعتي امومتي اللي اعطاني اياها ربي عن طريق خالد زوجي لا يمكن الاستغناء عنها
لو طلعت القمر هتكتب إيه عليه؟
اشهد ان لا اله الا الله وان محمدا رسول الله...
لوكنا في عصر إزدهار الأندلس كنت تتخيل نفسك إزاي؟
كما انا فقيره الى الله
لو مررت التاج ده لحد وما جاوبش عليه أعمل فيه إيه؟
ولا اى حاجه ... هو حر مش فرض عليه
لو هتسافر في أي مكان في الدنيا تعيش فيه هتروح فين ؟
السعوديه بلد الحبيب
لو مررت التاج تمرره لمين ؟؟



لاي حد يحب يجاوب عليه

الأحد، يناير 06، 2008

اكيد هي منحة وان شاء الله هتعدي دعواتكم

  • عندي بنوتة صغنتوتة اسمها اسراء بطريقة او باخرى بلعت ورقة بسكوتة في بقها الصغنن
  • وبعد تطور للاحداث قالت الاشعة انها موجودة في القصبة الهوئيةاا
  • ودكتور الجراحة لازم يشيلها بجفت خاص النهاردة ظهرا
  • استحلفكم بالله تدعولها انها تقوم بالسلامة ويعافيها ربنا ويبارك لي فيها ويخليها ربنا يارب

امين

الثلاثاء، يناير 01، 2008

همة مش ساكتين انما احنا نايمين هتصحوا امتى يا مسلمين ؟؟؟؟!!!!!!!!

اثناء اجازة العيد كان عندي مشوار لحد اخويا وتوهنا واحنا ماشين بالعربية
بقدرة قادر لقينا نفسنا على طريق مصر اسكندرية وطبعا احنا روحنا الاول على الطريق السريع من المؤسسة لقليوب المهم طول الطريق دة والتاني الاقي كل كام متر كدة يافطة كبيرة عليها اسم موبينيل حتى رقم تليفون الاغاثة السريعة برده موبينيل وتحت كل يافطة ارشادية اعلان واسم موبينيل
والمفاجاة بقى ان واحدة حبيبتي بنتكلم عن المقاطعة لموبينيل قالت لي يبقى عشان كدة بقى بيوزعوا في المدارس لطلبة الثانوي الناجحين بمجموع صغير وكبير خطوط موبينيل ببلاش
بالنسبة وانا يا جماعة اصلا من سكان شارع شبرا واحنا عارفين يعني ايه شارع شبرا بالنسبة للنصارى
يعني اغلب النصارى هناك شفت ان اغلب محلات المحمول ان لم تكن كلها بقت واجهتها برتقالي وعليها اسم موبينيل يعني لون موبينيل واسمه فقلت فعلا همة مش ساكتين
احنا بقى فين من دة كله طبعا نايمين حتى اغلبنا مش عارف حاجة عن المقاطعة اصلا ولا حد بيبلغ حد الا من رحم ربي
للاسف حتى اني لما اقول لحد على موضوع مقاطعة موبينيل لتجرأساويرس على الحجاب تلاقي الواحد من دول مش عارف وحتى يقولك ما هم بيعملوا عروض كويسة طب انتي سمعتي كدة بنفسك طب يعني هو رقم تليفوني هو اللي هيفقره طب ما فيه ناس هتجوع لما يقفل شركته وكلام كدة واهي
يا جماعة دة مشوار الالف ميل بيبدأ بخطوة ولو انا وانت وهي وكل واحد بلغ التاني هنقفل شركته وكمان هيلم لسانه ويمكن يسيب البلد كلها او يبطل بفلوسنا يدعم مقاتلي المسلمين في دارفور ويبطل يدعم اليهود والجديد بقى انه والنصارى بيدعموا دلوقتي الشيعة ماشين بقى بمبدأ عدو عدوي صديقي
ومفيش حاجة اسمها ناس هتتشرد ما فيه ميت حتة تانية للشغل محدش بيموت من الجوع وبعدين من ترك شيئا لله بدله الله خيرا منه
وعروضه اللي بيدعوا ان موبينيل بتعملها طب بذمتكم اللي بتديه الشركة دي باليمين بتاخده بالشمال صح ولا لا وكام واحد فينا لقى رصيده طار من غير استعمال ولا كام واحد فينا اتصل وسامع الطرف التاني والتاني مش سامعه ولا الرقم يجمع غلطولا اعمل اتصال من رقم متخزن في التليفون ويكون غلط واقفل وارجع اتصل تاني يبقى صح ولا الرسايل اللي ابعتها ونصها يفضل قيد التسليم يعني اصلا خدمة موبينيل مهببة نغورها في داهية بقى ونخدم دينا حتى بحاجة بسيطة زي دي ولا هنفضل على طول نايمين كدة يلا بقى اصحوا يا مسلمين وقولوله مش بفلوسنا هتحاربنا يا ساويرس لعنة الله عليك وكل عام هجري والمسلمين بخير