السبت، أكتوبر 05، 2013

ممكن دقيقة ونص من وقتك الغالي ؟!!



ممكن دقيقة ونص من وقتك الغالي??



بس على شرط تكمل قراءة الموضوع لاخره :)



لاني بصراحة خايفة نكون من ناس غفلت قلوبهم وانشغلت ومش خايفين حتى على نفسهم ومجرد ما حد يقوله اقرا الموضوع دة او يديله ورقة يا اما يتصفح الموضوع على الطاير او يحط الورقة على اقرب مكتب ولا درج ولا يقول هوريها لغيري اصلي عاوز غيري ياخد الثواب كمان ماشي حلو دة بس عوزينك انت كمان تقرا ومش تدي الورقة ولاتقول لحد على مكان الموضوع لابقى دة< انت تقرا وتبلغ اللي فيها بنفسك للي تحبه وتخاف عليه .



طيب كفاية بقى ---------------------------------------ايه الموضوع ؟ا



الموضوع هو العشر ايام الاولى من شهر ذي الحجة



خلاص هيبدءوا بكرة وكل عام وانتم بخير والمسلمين اجمعين , ماشي فيهم ايه؟



الخير كله فيهم بل هم خير ايام الدنيا وربنا اقسم بيهم في سورة الفجر والفجر وليال عشروكمان فيهم ان رسولنا الحبيب صلى الله عليه وسلم فال عنهم في الحديث الصحيح ((ما من ايام العمل الصالح فيهن احب الى الله منه في هذه الايام قالوا ولا الجهاد في سبيل الله قال ولا الجهاد في سبيل الله الا الرجل خرج بنفسه وماله ولم يرجع من ذلك بشيء ))رواه البخاري



يعني الخلاصة احنا اليومين دول ابواب السماء مفتوحة وفي رحمات نازلة لنا من عند ربنا وثواب لا نتخيله من الله للعباد وطبعا انا وانت من افقر عباد الله لهذذا الثواب.



المهم انت ناوية وانت ناوي تعملوا ايه؟!!!



ااااااه عاوزة اعمل حاجات بسيطة سهلة وثوابها كبير وكمان مش عاوزة وقت كتير



بص يا ستي وبص يا سيدي



فيه ابواب خير كتيييييييييييييير ولا هتكلفنا ولا هتعطلنا,!!!!!!!!



الاكيد بقى انك بتعملها وبتعمليها على انها عادة يومية لكنك لا تنوي بهاانها عبادة لله تستحق عليها الثواب



طب زي ايه؟



قلت زي ايه هقولكوا وكمان هدعم بالحديث الدال عليها:



- السلام [ لاتدخلوا الجنة حتى تؤمنوا ولا تؤمنوا حتى تحابوا اولا ادلكم على شيء اذافعلتموه تحاببتم افشوا السلام بينكم ] صدق رسول الله صلى الله عليه وسلم2



- الصبر [ما يصيب المسلم من نصب ولا صب ولا هم ولا حزن ولا اذى ولا غم حتى الشوكة يشاكها الا كفر الله بها من خطاياه وسلم] صدق رسول الله صلى الله عليه وسلم3



- الصدقة [ الصدقة تطفىء الخطيئة كما يطفىء الماء النار] [الصدقة تطفىء غضب الرب وتدفع الميتة السوء]4



- الوضوء [من توضا فاحسن الوضوء خرجت خطاياه من جسده حتى تخرج من تحت اظفاره]



- الشهادة بعد الوضوء [من توصا فاحسن الوضوء ثم قال [اشهد ان لا اله الا الله وحده لا شريك له واشهد ان محمد عبده ورسوله اللهم اجعلني من التوابين اللهم اجعلني من المتطهرين فتحت له ابواب الجنة يدخل من ايها شاء]يا سيتي دي حاجات بسيطة مقدور عليهاانا عاوزاعمل حاجات اكتر من كد ة بكتييييير طالما الثواب كبير في الايام دي



طيب حاول ان تحرص على العبادات البسيطة بس لازم تنوي انها عبادة لله ومش عادة تعودت عليها:



- صلاة الفجر وصلاة العصر [من صلى البردين دخل الجنة ] البخاري



_ صلاة الجمعة[من توضا فاحسن الوضوء ثم اتى الجمعة فاستمع وانصت غفر له ما بينه وبين الجمعة الاخرى وزيادة ثلاثة ايام



- السنن الراتبة مع الفرائض:[ما من عبد مسلم يصلي لله تعالى كل يوم اثنتى عشر ركعة تطوعا من غير الفريضة الا بنى الله له بيتا في الجنة]



-صلاة الضحى [يصبح على كل سلامى من احدكم صدقة فكل تسبيحة صدقة وكل تحميدة صدقة وكل تهليلة صدقة وكل تكبيرة صدقة ونهي عن المنكر صدقة ويجزيء من ذلك كله ركعتان يركعهما من الضحى ]



- ذكر الله تعالى [ألا أنبئكم بخير اعمالكم وازكاها عند مليككم وارفعها في دراجاتكم وخير لكم من انفاق الذهب والفضة وخير لكم من ان تلقوا عدوكم فتضربوا اعناقكم ويضربوا اعناقهم قالوا بلى قال ذكر الله تعالى]



- قراءة القراءن الكريم وتلاوته [اقرءوا القران فانه ياتي يوم القيامة شفبعا لاصحابه]



-فضل لا اله الاالله وفضل سبحان الله وبحمده [ من قال لااله الا الله وحده لا شريك له له الملك وله الحمد وهو على كل شيء قدير في يوم مائة مرة كانت له عدل عتق عشر رقاب وكتبت له مائة حسنة ومحيت عنه مائة سيئة وكانت اه حرزا من الشيطان يومه ذلك حتى يمسي ولم يات احد بافضل مما جاء به الا رجل عمل اكثر منه ] وقال من قال سبحان الله وبحمده في يومه مائة مرة حطت خطاياه وان كانت مثل زبد البحر]



طيب دي حاجات فعلا سهلة وبسيطة بس لو عاوز ثواب اكبر اعمل ايه ؟؟



عليك بالصوم في هذه الايام وتحرص على كل الاعمال نفسها وانت صائم قد كان النبي صلى الله عليه وسلم يحرص على صيام هذه الايام فصيام اليوم الواحد منها تطوعا يبعد المسلم عن النار سبعين خريفاكما اخبرنا صلوات ربي عليه وسلامه [ ما من عبد يصوم يوما في سبيل الله تعالى الا باعد الله بذلك اليوم وجهه عن النارسبعين خريفا] رواه البخاري



ولعلمك بأخ هيكون لك ثواب الاعمال وانت صائم دة غير ثواب الصيام نفسه في هذه الايام يعني خير كتييييييييروالمكافاءة بقى بتكون يوم صيام عرفةااااااااااااااه صيام يوم عرفة دة بيكفر ذنوب السنة الماضية والباقية



اهم حاجة فبل كل دة واول شيء نبتدي بيه كلنا هو((التووووووووووبة ))ايوة التوبة






والتوبة تتكون من ثلاثة مراحل:



1- الاقلاع عن الذنب2- الندم عليه3- العزم على عدم العودة لهذا الذنب مرة ثانية



خلصت الدقيقة ونص ؟؟؟!!!!



آآآآآآآآآآآآآآآه لكن
عمرنا ما خلصشي واحنا قادرين النهاردة عوزاكم بس تخلصوا النية وتبدءوا وباذن الله اكيد ربنا هيوفقنا لطاعته



استحلفكم بالله كل من يقرا هذا الموضوع يدعيلي بالحج مع زوجي واولادي ويدعو لاخي  وامي  واموات المسلمين بالرحمة والمغفرة ودخول الجنة بغير سابقى عذاب يارب

كل عام وانتم بخير♥♥♥

الأربعاء، أغسطس 14، 2013

الخميس، يوليو 18، 2013

خطييييييييييير فيديو استغاثات اهالي ومحلات رابعة من الاحرار شاهد قبل الحذف



شفته !!
اتكسف بقى على دمك !!

الأربعاء، يوليو 17، 2013

مش مفاجاءة ابدا ولا اللي جاي كله هيبقى مفاجاءة !!!!!


الثلاثاء، يوليو 16، 2013

اللهم بلغت اللهم فاشهد ؛ عاجل جدااااااااا

فيديو من هناك واضح فيه جدا كل حاجة
هتشوفوا فيه بوضوح جهاد المناكحة !!
وهتشوفوا فيه بوضوح تجار الدين!!
والمفاجاءة انكم هتشوفوا فيه المجاذيب والمخطوفين والمحتجزين بالقوة !!
على فكرة انا بانشر الحاجات دي وببصرك بها يمكن تفوء وتصحى  وتتقي الله في اخوانك واهلك وعلشان نقف انا وانت يوم القيامة وابقى حجة عليك ايوووووووة حجة عليك بنكشف لك الحقيقة اهو ماهو لازم فيه كدب وفيه حقيقة  !!
ملكش عذر اصلا !!!
اعتبرني باكدب واعتبر القنوات اللي بتاخد منها معلوماتك برضو بتكدب يبقى تنزل بنفسك او تاخد الكلام من ناس عدووووول او حد قريب من المكان يشوف ويقولك موثوق فيه من غير قالوله  وسمعت من اي حد وخلاص ومن اعلام انت عارف كويس بيشتغل لصالح مين !!
او انزل شوف بنفسك انت ووثق اللي تشوفه قبل ما تفتري على الناس بالباطل !!!
نتلاقى يوم ترد المظالم وكل واحد هياخدحقه وابقى قول لربنا اصلهم قالولي في السي بي سي ولا قالولي في العربية ولا السيسي هو اللي قال  ولا نونو هي اللي قالت !!
دي دعوة تشوف بعينيك الاتنين وتسمع بودانك وتحكم قلبك !!
ما تبقاش من اللي قال عليهم ربنا عميت ابصارهم وقلوبهم ما تبقاش قلوبكم كالحجارة او اشد قسوة !!!
تعرف لو  تسكت خالص وتلزم دارك  احسن لك !عارف ليه ؟!! لانم ممكن تقتل اخوك بكلامك ولا تقذف اختك بافترءك عليها او تحدث فتنة بسببك ايوة ممكن 
اعدل واتقي الله يا اخي !!
دي دعوة لمن لا يزال يملك بين ضلوعه قلب ولا يزال به بضع من انسانية :"(
فلتلحقوا بالركب 
اللهم بلغت اللهم فاشهد :"(

هاااااااااااااام وعاجل للاحرارفقط

هاااااااااااااااااااااااااااام وعاااااااااااااااااااااااااااااااجل دى شوية نصايح من الأطباء ومفيدة جدا
للوقاية من القنابل المسيلة للدموع المستخدمة مؤخرا فى احداث شهر نوفمبر :1- تخلص من جميع ملابسك فى كيس بلاستيك وتخلص منها2- اشرب لبن كتير او زبادو3- خد اقراص فيتامين سى4- خد اقراص فحم كل 8 ساعات لامتصاص الغاز من معدتك5- اشرب عصير جوافة لزيادة نسبة الصوديوم المستنزف من جسمك6- لو الانف بينزل منها مخاط اسود ، روح المستشفى لان كده معناه الرئة مصابة وممكن تحصل فيها جلطات7- اخلط ابيكو جل بتاع الحموضة بضعفه مياه واغسل بيه عنيك ووجهك8- خد معاك 2 كمامة وضع بينهم قطن فيه فحم لامتصاص الغاز9- ارتدى نظارة كبيرة عشان تحمى عنيك ومتستخدمش عدسات لاصقةو الماسكات و نظارات الغوص بتحمى10- اغسل ايديك ووجهك بالابيكوجيل المخلوط بالمياه11- خد Hydrosafe عشان بيخفف الم العضلات وبيظبط كيميا الجسم اللى اتأثرت من الغاز12- متأجلش ده لتانى يوم ، اعمل ده دلوقتى

الجمعة، يوليو 12، 2013

عذرا يا رفيق الدرب لم يعد لك امان !!

اللي يفرح في الدم ويقول يستاهلوا !!
اللي يقول ايه وداهم هناك !!
اللي بسبب خلافه معاهم يبرر الدم !!
راجع انسانيتك كلمة حيوان ليك شرف !!

الأربعاء، يوليو 10، 2013

رسالة ل********************

بسم الله الرحمن الرحيم 

يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ وَلا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ


                                                        صدق الله العظيم 

الاثنين، يونيو 24، 2013

بسرعة بسرعة ادخلوا اوام

الليلة ليلة النصف من شعبان اكثروا من الدعاء والأستغفار
النبراس النبراس
ًأنصحكم بقراءه هذا الدعاء في هذااليوم فأبواب السماء مفتوحه للاستجابه بمشيئته تعالى ((ٱللہم لا تشمت اعدائي بدائي ، واجعل القرآن العظيم دوائي وشفائي ، انت ثقتي ورجائي واجعل حسن ظني بك شفائي ، اللهم ثبت علي عقلي وديني ، وبك يا رب ثبت لي يقيني وارزقني رزقاً حلالاً يكفيني وابعد عني شر من يؤذيني ، ولا تحوجني لطبيب يداويني ، اللهم استرني على وجه الارض ، اللهم ارحمني في بطن الارض ، اللهم اغفرلي يوم العرض عليك ، بسم الله طريقي والرحمن رفيقي والرحيم يحرسني من كل شيء يلمسني ، اللهم اعوذ بك من شر النفاثات في العقد ومن شر حاسد اذا حسد ، اللهم اني عبدك ابن عبدك ابن امتك ناصيتي بيدك ماض في حكمك ، عدل في قضاؤك اسالك بكل اسم هو لك سميت به نفسك أو أنزلته في كتابك ، أو علمته أحداً من خلقك او استاثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي ، اللهم يا مسهل الشديد ، و ياملين الحديد ، و يامنجز الوعيد ، ويا من هو كل يوم في امر جديد ، اخرجني من حلق الضيق الى اوسع الطريق ، بك ادفع ما لا اطيق ، ولا حول ولا قوة الا بالله العلي العظيم ، اسالك اللهم بقدرتك التي حفظت بها يونس في بطن الحوت ، ورحمتك التي شفيت بها ايوب بعد الابتلاء ان لاتبق لي هما ولاحزنا ولاضيقا ولاسقما الا فرجته ، وان اصبحت بحزن فامسيني بفرح و ان نمت على ضيق فايقظني على فرج ، وان كنت بحاجه فلا تكلني إلى سواك وان تحفظني لمن يحبني وتحفظ لي احبتي ، اللهم انك لا تحمل نفساً فوق طاقتها فلا تحملني من كرب الحياة مالا طاقة لي به وباعد بيني وبين مصائب الدنيا وتقلب حوادثها كما باعدت بين المشرق والمغرب ، اللهم بشرني بالخير كما بشرت يعقوب بيوسف وبشرني بالفرح كما بشرت زكريا بيحيى ، اللهم يامن لا تضيع لديك الودائع ، اني امانة لديك فاحفظني واهلي والمؤمنين في هذه الساعه المباركه ، اللهم انزل على قبور موتانا الضياء والنور والفسحة والسرور ، اللهم جازهم بالحسنات احسانا ، وبالسيئات عفوا وغفرانا حتى يكونوا في بطون الالحاد مطمئنين ، يارب اجبر كسر قلوبنا على فراقهم ، ولا تجعل آخر عهدنا بهم في الدنيا ، وابني لنا ولهم بيوتا في الجنة ، واجعل ملتقانا هناك آللهّمً آمٌيّـنً يَآرْبً آلعّالمٌيْنً((،وصلى اللهم على محمد وال محمد))لو سمحتوا خلوها تمر على اكبر عدد حتى يدعون الله بهذه الادعية ولا تحرمونهم الدعاء

اللهم من قام بايصالها للناس،اللهم فأغفر ذنبه ويسر امره وفرج همه وأقض دينه، واشف مريضه ، وأجعل له من كل عسر يسر آمين رب العالمين وصلي اللهُمَّ على محمّدٍٍ وآله الطاهرين


وكل عام وانتم الى الرحمن اقرب :)

الجمعة، مايو 24، 2013

حياة مرة اخرى تجربتي :)

السلام عليكم ورحمة الله
وحشتوني ووحشتني المدونة والتفاعل معكم صحبة الخير
اولا كل عام وانتم بخير اللهم بلغنا رمضان 
يوافق اليوم الذكرى الاولى لوفاة امي فلاتنسوها من صالح دعائكم
اللهم ارحمها واغفر لها واغسلها بالماء والثلج والبرد وادخلها جناتك يارب بغير عذاب واجعل قبرها روضة من رياض الجنة هي واخي واموات المسلمين يارب العالمين
_________________________
مررت بتجربة امس اسميتها موت ثم حياة ؛ لا أعلم لها تفسيرا أو ربما يعجز عقلي عن تفسيرها
سأقصها عليكم كماهي
غفوت قبل صلاة المغرب بقليل وايقظني زوجي لالحق بها واستيقظت بحمد الله وصليت المغرب ثم اذن العشاء وصليته ووترت ودخلت لاجهز وجبة لزوجي واولادي ؛ كنت نبهت على ابنتي وابني بعمل في المطبخ لم يتموه مرارا وتكرارا فثارت ثورتي كان امامي على حوض المطبخ مجموعة من الحلل الصغيرة فضربتها بعصبية تطايرمنها حلة صاج صغيرة في الهواء ووقعت على قدمي ظننتها كدمة من شدة الألم فاذا بالدماء تتدفق من اصبع قدمي الصغير فانخفضت لاوقف النزف بتجميع وغلق الجرح وبالفعل قد كان بدأ النزف في التوقف لكن وقتها شعرت بدوار فظيع فصرخت على زوجي (( أنا بدوخ يا خالد ))((خالد رجله اليمين مكسورفيها 3اصابع ومركب فيها 3مسامير من 23يوم )) فرد علي صراخي (( اقعدي على الكرسي ورجعي راسك لورا )) جلست على كرسي اضعه في المطبخ ولم أشعر بعدها بأي شيء الا صرخات صغاري ((ما تموتيش يا ماما ..ما تموتيش يا ماما )) استمعت لهذه الكلمات باذني اليسرى واحسست بمن يجذبني منها لأستيقظ وقتها فتحت عيناي ورددت(( متخافوش .. ورددت الشهادتين وبادرت بالسؤال هو ايه اللي حصل )))وجدت نفسي بأرضية المطبخ بجوار زوجي طبعا اخدت كدمة محترمة في ظهري الحمد لله  وحولي أطفالي يبكون ويصرخون وزوجي رد (( وقعتي فطلبت مية بسكر عملتها بنتي وشربت منها 
استعدت بعض وعيي وكنت اشعربرعشة غريبة وتنميل في يداي وقتها طلبت من ابنتي اسدالي ونقابي وارتديتهم وبادرت بالاتصال بصديقة غالية علي جاءت على الفور لتساعد زوجي وتساعدني بالخروج لمستشفى خوفا من تدهور او اي شيء من ذلك لشعوري بهبوط 
سالت زوجي هو ايه اللي حصل قالي بالحرف دخلت عليكي لقيت عينيكي ابيضت وفتحتي بقك وصوت حشرجة فظيع كأن روحك بتطلع واتشنكتي وخشبتي  ووقعتي من على الكرسي خدتيني معاكي واستقريتي على رجلي المكسورة ووشك مابقاش فيه دم خالص قلت خلاص دة الروح بتطلع  اضطريت استحملك لحد ما اشوف حد يشيلنا احنا الاتنين :)))) !!
المضحك اني لما روحت المستشفى ريقنا نشف على ما جالنا حد في الطواريء يقيس الضغط وقالت 130على 90وقالت مش عارفة هبعت لكوا حد تاني !!!ريقنا نشف تاني على ما جالنا حد تاني وقاس الضغط وقال 110على 80 !!!!!!!
ولما بقى الدكتور النبطشي جالنا قال فين الجرح وطبعا داس في كل حتى فيه تقريبا علشان يتأكد ان مفيش كسر وقال دي كدمة بس وتخلل ذلك عبارات دلع ستات ، مفيش حاجة، بلاش دلع!!! وزوجي متغاظ منه لانه شاف الموقف وعمال يفهمه اني اغمي علي وكان تفسيره ان الألم الشديد خلى الجسم يعمل دفاع بالاغماء ليشغل نفسه عن الألم !!! طيب لما الألم شديد لدرجة اني اغمي علي منه بتدوس وبتفتح في الجرح ليه زيادة عن اللزوم لحد ما نزف تاني ؟!!
بقيت اقول لزوجي معلش من اللي بيشوفوه ومن كتر الادعاءات بقى حالتي بالنسبة لهم دلع ستات !!

انما بكرة مع استشارة
زوجي قالي بقى استغلي الموقف دة العيال هيعملوا اللي انتي عاوزاه مايسمعوش الكلام تقوليلهم اموت لكوا بقى ؛)))))

الحمد لله رب العالمين على كل حال 
الحمد لله حمدا كثيرا طيبا مباركا فيه 
لا تنسوني من صالح دعائكم
نحبكم في الله