الأحد، ديسمبر 23، 2012

علي محتاج معجزة ممكن تكونوا انتوا السبب فيها




تحديث

انا لله وانا اليه راجعون

علي توفاه الله يوم 12فبراير
وقبل وفاته باسبوع واحد ربنا رزقه بآدم وعنده ادهم 3سنوات
لله الامر من قبل ومن بعد
ربنا يرحمه ويغفرله ويدخله جناته بغير حساب هو واخويا وامي واموات المسلمين اجمعين يارب
دعواتكم
اخوتي في الله
علي في حالة حرجة في العناية المركزة
علي من حوالي اسبوع عمل حادثة ونتج عنها نزيف دموي في المخ وارتفاع في درجة الحرارة ووظائفه الحيوية 2من 15 دة وضع علي من ساعتين :"(
علي محتاج لمعجزة ممكن تتحقق بدعوة خالصة منكم
علي اب لطفل عمره 3سنوات وله طفل اخر جي في السكة
اهل علي واصدقائه هيصوموا بكرة بنية الشفاء
بالله عليكم لا تنسوا علي من دعواتكم
علي اخويا اللي امي ما خلفتوش
ربنا يشفيك يا علي انت واللي زيك يارب
:"(

الثلاثاء، نوفمبر 20، 2012

ولا نقول الا ما يرضي ربنا

عيد الطفولة
فتحت صفحة جوجل لقيتها صورة بتفكرنا بيوم الطفولة!!!!!!!!!!!!!!!! فككتبت بلون الدم 

أطفال أسيوط
أطفال غزة أطفال سوريا،ميانمار......
الدم  واحد ،التراب واحد،المصاب واحد .
حسبي الله ونعم الوكيل 
انا لله وانا اليه راجعون 
قلبي مع أهاليهم  ودعواتي ربنا يصبرهم يارب ويبرد قلوبكم 
كلمة للرئيس مرسي ورئيس الوزرا هشام قنديل 

قال الله تعالى في محكم كتابة (يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ ) المائدة آية(8) من هنا البداية

الثلاثاء، سبتمبر 18، 2012

نص كلمة

أبدو قوية هكذا أنا ..... اتقن التمثيل



فاتيما عاوزة اطمئن عليكي انك بخير
مدونتك ما بتفتحش
زوار مدونتي
مشتاقة لكم اوي وبيوحشني تعليقاتكم
اغفروا لي تقصيري
احبكم في الله

السبت، سبتمبر 15، 2012

حبيبة ****قصة واقعية


[B][CENTER][SIZE="4"][COLOR="Blue"]كنت هناك أشاهدها تجري هنا وهناك
تجري تارة وتمشي تارة وتدفن رأسها الصغير في حضن امرأة عرفت فيما بعد أنها جدتها من الام
كلما انشغلت عنها بما انا اقف لاجله امام حجرة وكيل النائب العام في محكمة شبرا الخيمة لفتت نظري اليها حينما ترمقني بنظراتها او اسمع لها ضحكة غالبا ما تبدو مكتومة يا الهي ماذا بها ؟!!هكذا سألت نفسي
انها حبيبة الطفلة التي لم تكمل عامها الرابع بعد
رأيت والدتها وهي تروي بضع كلمات لمن يقف على باب وكيل النائب العام ولفت نظري تذمر الرجل وتمتمته بكلمات لاحول ولاقوة الا بالله ،دة اخر الزمان وهكذا
لم ألتفت كثيرا لذلك الامر وظننت ان الامر لا يتعدى مشكلة بين زوجة وزوجها الى أن انفتح الباب لينادي المنادي على الام لتدخل لوكيل النائب العام وماهي الا لحظات وخرجت وهي تقول ((هو قال لي اقعد مع نفسي كدة وافكر قبل ما اتنازل وهو مالوش مصلحة في كدة تتنازل او لا كدة كدة هو هيقوم بشغله بس قالي الواد دة مريض نفسي وممكن يؤذي غيرها )) وهنا اعترض عباراتها من كانت تحكي له منذ بضع دقائق قائلا ((هو انتي داخلة تتنازلي؟؟!!)) فردت بكل ثقة ((ايوة طالما بنتي سليمة هنؤذيه ليه حرام يمكن ربنا يصلح حاله )) فأيقنت هنا ان في الأمر شيء خاصة وكان هناك شاب يقف على بعد مني يبدو في العشرين من عمره او اقل قليلا ظن انني معهم فهمس لي(( ما تكلميها يا أختي ما تتنازلش حرام كدة ))
والجدة تحتضن الصغيرة وتبكي وشاب اخر يقف مطأطأ الرأس يبدو عليه علامات الرهاق الشديد منزوي في جانب لا يتكلم مع احد
ورأيت اخر يرتدي بدلة انيقة يقف بجانب الام عرفت فيما بعد انه محامي الطرف الاخر ورجل يبدو في اواخر الاربعينات يبدو عليه علامات الوقار والتقى
فهممت متجهة ناحية الام لاستوضح الأمرقائلة (تتنازلي عن ايه بس فهميني ونفكر معاكي )هكذا وجهت كلامي للام والتي سردت الحكاية قائلة :smiley-pray:
أبدا ولد عنده 12سنة اخد البت واغتصبها بس الحمد لله البت سليمة مفيهاش حاجة الحمد لله
فاهتز كياني ومر من أمامي صورة أبنتي اسراءفهي تقترب منها في العمر اللهم احفظها يارب وسألتها في مرارة داعية الله ان لا تكون هي قائلة (بنتك دي) فأشارت الجدة ايوة ولم ادري بنفسي والاوانا اصرخ فيها هتتنازلي عن ايه وليه فترد علي ((ماهو بنتي سليمة وطالما سليمة خلاص مالوش لازمة ))فرددت بنتك سليمة جسمانيا ادامك لكنها اتشرخت نفسيا انتي مش شايفة بنتك مضطربة ازاي فترد الجدة ان الصغيرة لا تنام واذا نامت تستيقظ صارخة وماعدتش بترضى تروح لحد وتستعطفني الجدة ((قوليلها يا بنتي قوليلها ما تتنازلش )) واستدير لاحدث الام فاجدها انزوت بجوار جدا يخفيها عن عيني وبجانبها ذو البدلة الانيقة ((محامي الخصم )) والرجل الذي يبدو عليه علامات الوقار وهو عم الولد ))وفي نفساللحظة ياتي امين الشرطة وفي يده شاب يقترب من ال16عاما والجدة تصرخ وتقول هو دة يا بنتي هو دة
فخرج قلبي من مكانه فزعا يا الهي هذا على تلك في اشارة للصغيرة !!!:(:smiley-pray:
واستجمعت قواي وهممت اصرخ في الام دة 12 سنة دة بذمتك يا شيخة ؟!!دة بالغ وفاهم كويس بيعمل ايه وهيعملوا تاني دة يتربى ويتعلم ويعالجوه لو مريض وعاوزينك تتنازلي يدفعولك حق الدكتور النفسي الليبنتك لازم تتعالج عنده سنين علشان تنسى اللي حصل لها دة فترد الام مسرعة ماهو بنتيسليمة وان كشفت عند اربع دكاترة فرددت مستنكرة (وقالولك سليمة))فردت قائلة ((خدش بسيط في غشاء البكارة ))
:(:smiley-smokingangry هكذا هي حبيبة طالما سليمة :(
قلت لها انا حجة عليكي يوم القيامة وهقف انا وانتي ادام ربنا وهبقى حجة عليكي انا عرفتك وقلت لك وبنت الناس الليهيتعمل فيها كدة بعد كدة ذنبها في رقبتك انتي فترد(( لا ان شاء الله مش هيعمل كدة تاني ))والمحامي يقول للوقور احمد ربنا انك وقعت في ناس زي دول دة ربنا بيحبكوا !!!!! والجدة تبكي ابوها راميهم عندي من وقتها وقال لبنتي ام حبيبة روحي اتنازلي وخلصي مش عاوز فضايح انتي اللي قصرتي واهملتي وانتي عند امك لان الحادث حصل عند الجدة !!!
ويأتيني الوقور ويقولي ((يعني هو القسم والسجن هيربوه ؟))قلت له ايوة اللي اهله مش عارفين يربوه الاصلاحية تربيه بقى فردد لا والله ده هيبقى مجرم ودي اول مرة يعملها وابوه متوفي اصلا فترد الجدة وهي تحتضن حفيدتها(( لاااااااااادي رابع بنت ))يا الهي :smiley-pray: وانا اصرخ في الام ((حرام عليكي بنتك وبنات الناس)) واتركها وانزوي لاهاتف ابنتي للاطمئنان عليها في المنزل :smiley-pray:
ويقاطعني الوقور قائلا(( عاوز اقولك حاجة ممكن)) فآذن له أتفضل فيقول ناصحا ((يعني ادعو الى سبيل ربك بالحكمة والموعظة الحسنة ))فأرد في قلبي وعيني تشمئز الى النظر اليه ولساني يرفض الكلام له ((فاهمس قائلة لنفسي واين أنت من اتقوا الله وقولوا قولا سديدا ))ولا اعلم لما لم يجاهر بها لساني لعلي استخسرتها فيه من شدة غضبي :smiley-smokingangryوانصرفت لجوار الجدة امسح على رأس الصغيرة والتي بدت ترتعد من الخوف واسالها(( اسمك ايه بقى)) ولا تجيب فتجيب الجدة(( حبيبة)) وتدفن رأسها في حضن جدتها وكأنها تريد الأختفاء واقول لها بيدلعوكي بوبة بقى وتضحك الجدة وترتسم على شفاه حبيبة ابتسامة بسيطة وتنظر في عيني فاحاول محادثتها (( عندي بنوتة حلوة اوي زيك كدة اسمها اسراء ))فتدعو لها الجدة بالستر والعفة وتغلبني دمعة والقي السلام وابتعد تاركة المكان باكمله
وكلمات الام لا زال لها طنين في اذني ((طالما هي سليمة ؛خدش بسيط في غشاء البكارة ؛حرام يضيع مستقبله؛لا ان شاء الله مش هيعمل كدة تاني . ))
أحبائي كل ذلك بالحرف حدث يوم الخميس الماضي 12ظ
تمت [/COLOR][/SIZE][/CENTER][/B]

السبت، أغسطس 18، 2012

كل عام وانتم الى الرحمن اقرب
عيد سعيد علينا كلنا
لاتنسوني من صالح دعائكم
أحبكم في الله

السبت، مايو 26، 2012

أمي محتاجة تدعولها وتدعولي بالثبات والصبر انا لله وانا اليه راجعون

امي ماتت انا لله وانا اليه راجعون
الله يرحمك يا امي
تلقيت خبر وفاتها وانا أغمس يدي في حبر التصويت على الانتخابات 24مايو قبل المغرب بدقائق !!!!!!!!!!
أسألكم الدعاء T_T
اللهم اغفر لها وارحمها واغسلها بالماء والثلج والبرد ووسع مدخلها يارب
الله ابدلها دارا خيرا من هذه الدارواهلا خيرا من هذه الاهل
اللهم بدل سيئاتها حسنات ونقها من الذنوب كما ينقى الثوب الابيض من الدنس
اللهم اغفرلها خطاياها يارب اللهم ادخلها الجنة بسلام
اللهم اجعل قبرها روضة من رياض الجنة
اللهم اجعل قبرها روضة من رياض الجنة ينوره القرآن يارب
اللهم احشرها مع النبيين والصديقين والبررة يارب
اللهم تجاوز عنها يارب ولا تحرمنا اجرها يارب
يارب يغفرلك ياامي يارب انتي واخويا واموات المسلمين اجمعين
يارب افرغ علي الصبر والثبات يارب
آمين آمين آمين
وصلى الله على سيدنا محمد وعلى اله وصحبه وسلم تسليما كثيرا T_T

http://www.tvquran.com/

الاثنين، مارس 12، 2012

محمد حازم صلاح ابو اسماعيل رئيسا لمصر باذن الله

السلام عليكم ورحمة الله
المقال هنا له اتجاهين فكرة للدعاية
والاتجاه التاني رد مفصل على نقاط انتقاد الاستاذ الشيخ حازم صلاح ابو اسماعيل والرد عليها بالدليل والفيديو لمن يهمه ان يسمع بأذنيه ةليس باذن واحدة وفقنا الله الى ما يحب ويرضى اللهم ولي علينا من يصلح
سنحيا كرامااااااااااااااااا
اولا فكرة للدعاية بسيطة
دلوقتي فودافون عاملة عرض
50رسالة مجانية في اليوم اطلب *2020# بسعر 2جنيه واشترك بإرسال رسالة لـ 10 من
أصدقائك على الموبايل - و إرسال نفس الرسالة لـ 100 من أصدقائك على الفيس بوك و
مثلهم على الإيميل - ومثلاً تكون نص الرسالة كالتالى :-إذهب إلى أى مكتب
شهر عقارى و إدعم حازم صلاح أبو إسماعيل مجانا
الأسم بالكامل - محمدحازم صلاح أبو اسماعيل محمد عبد الرحيم
أسم الشهرة - حازم صلاح أبو إسماعيل
الرقم القومى
- 26106162100875 ..
وابعت انشروها وجزاكم الله
خيرا

الرد بالتفصيل على كل نقاط الإنتقاد بالدليل والفيديو tag similarly ------->الرد بالتفصيل على كل نقاط الإنتقاد بالدليل والفيديوالرد بالتفصيل على كل نقاط الإنتقاد بالدليل والفيديو ***هام جدا***1- حازم صلاح .. متطرف يرى ان الخلاف مع تنظيم القاعدة خلاف فى الرأى مثل الخلاف فى الرأى بينه وبين الليبراليين ولا مانع لديه من تواجدهم على الاراضى المصرية مثلهم مثل حزب الغد او المصريين الاحرار بالضبط.http://bit.ly/xNhdlGhttp://bit.ly/wI1aI9http://bit.ly/AeOo1S***هام جدا***الرد:الشيخ حازم قال تحديدا وبوضوح (انه يختلف معهم) ... كيف قهمت أن هدا تطرف ؟؟!!....... هل قال أنه معهم؟؟!! ..... وإذا كنت تريد رأى الشيخ فى من يعتدى على غير المسلمين فهو يقول أنه يعلم أبنه أنه عندما يدافع عن المسيحى ويقتل ... فإنه شهيد ... هل هذا تطرف؟؟!!http://youtu.be/0EW7IadqHdQ--------------------------------------------------------------رد ابو اسماعيل على فيديو منتشر لحديثه عن " البيبسي "شاهد الرد من هنا http://on.fb.me/A67LHh---------------------2- حازم صلاح .. رجعى يطالب ختان الاناث فى الوقت الذى يدين فيه العالم كله وكل اطباء مصر والازهر والكنيسة ودار الافتاء هذه الممارسة المدمرة للفتيات.http://bit.ly/xMP1Elالرد:أيضا قال فى نفس الفيديو وبالنص الصريح أنه (الختان ليس واجبا فى الشرع) .... أموت وأعرف أنت فهمتها إزاى !!!ثم عدد بعد ذلك الأسباب الفقهية لدعوة الناس للختان وخلاقه ... أرجو مشاهدة الفيديو جيدا------------------------------------------------------3- حازم صلاح .. مع فرض فهمه للتدين على الجميع بلا استثاء بقوة الدولة والقانون.http://bit.ly/y6ph82http://bit.ly/we7nh4يا أخى لو أقتربت أكثر من الدين الأسلامى العظيم لكان هذا الفيديو مما يجعلك أكثر المؤيدين للشيخ حازمإنة يتحدث عن فكره واضحه .... لكل الناس لهم حريتهم فى فعل ما يشاؤون دون الخروج بها على المجتمع لعدم إفساد العامه .... وهذا لن يتم إلا تدريجيا وبتهيئة المجتمع أولا لذلك... وهذا رد بالفيديو لكيفيه وطريقة تطبيق الشريعه تدريجيا ... إلا إذا كنت تعارض تطبيق الشرع من الأساس ... فلا فائده من المناظره هناhttp://youtu.be/8BZBVZoUlVQ------------------------------------------------------------------4- حازم صلاح .. مع فرض الحجاب .. على المسيحيين !!! وبيقول ده دينهم اللى بيقول مش انا !!.http://bit.ly/y6ph82الرد : لا تعليق وسياق الحديث دليل على أنتقائك كلام مغلوط-----------------------------------------------------------------------5- حازم صلاح .. برنامجه الاقتصادى مبنى على فكره على فكرة خاطئة وغير قابلة للتطبيق هى فكرة اجبار الشركات الاجنبية على انشاء مصانع فى مصر لكى يسمح لها بمزاولة النشاط داخل مصر .. وهذا كلام غير وارد !لأنه لا توجد شركة كبيرة فى العالم لديها استعداد لتكون رهينة لادارة دولة تعسفية وهناك دول اخرى تقدم التسهيلات اللا نهائية .. وقد سبق ان رفضوا معاملة مشابهة من الهند .. والهند سوق فوق المليار انسان مش مجرد 80 مليون. ومع ذلك قامت الارجنتين منذ ايام باجراء مماثل نتيجة ازمتها الاقتصادية مع شركتى ابل وبلاكبيرى .. لتتغلب الشركتان فورا على المشكلة دون بناء مصانع .. الاولى عن طريق التنفيض :) والثانية عن طريق التعاقد مع وكيل محلى يخلص المسائل.http://on.fb.me/xhQog8الرد:يا أخى البرنامج الإقتصادى إلى أنت مقربتش منه ... فى 10 مشاريع ....... مش قائم على مشروع واحدتانى حاجه وده الأهم إن مش هتفتح الشركات دى علشان مصر فيها 80 مليون ... لا طبعا ... علشان الموقع بين 3 أسواق قاريه..... وميناء قناة السويس للشحن والتفريغ ...رغم إن خدمات الميناء وحدها تكفى .... ولو رحت بصيت على ميناء جبل على فى دبى وكمية المصانع إلى موجوده .... مش هتصدق نفسكوبعدين إيه اللنك إلى أنت جايبه ده ... أنت قلت هتجيب دراسه إقتصاديه ولا حاجه!!!--------------------------------------------------------------------------------------------------6- حازم صلاح .. يجاهر بالكره لجميع الاديان الاخرى السماوية وغير السماوية.http://bit.ly/yHttMaطيب قلى كده أنت بتحب اليهوديه أد أيه؟؟ .. لو بتحبها نص نص ... فكر تانى وإقرا عن البوذيه ......... هتموت فيها------------------------------------------------------------------7- حازم صلاح .. يريد استفتاء الازهر فى مصير البهائيين واصحاب الاديان الاخرى .. علشان يقرر ماذا سيصنع بهم.http://bit.ly/yHttMaالرد:وإيه الغلط فى كده؟؟!!----------------------------------------------------------------------------------------8- حازم صلاح .. يعد ويخلف .. كما فعل فى الميدان عندما حشد الحشود للاعتصام ثم انصرف وتركهم الجمعه السابقة لعيد الاضحي واللي امهل فيها ابو اسماعيل المجلس العسكري 24 ساعه وبعدين احتفى ليعرف من كان بالميدان بعد هذا انه اتفق علي الحضور بعد اسبوع (مع الاخوان).http://bit.ly/xqJMz9http://bit.ly/Ay73Kgالرد:انت تتحدث عن مطالبات بالمظاهرات هى من جعلتنا نبدأ الأن فى إنتخابات الرئاسه ...وكان الفضل فيها يرجع إلى الشيخ حازم .... شكرا لأنك ضفت الفيديو التانى لأنه يوضح ماذا حدث بالضبط وواضح انك مشفتوش اساسا------------------------------------------------------------------------------حازم صلاح .. ليس لديه خبرات سياسية على الاطلاق. (وارجو من المؤيدين بيانها لنا لأنى مستغرب كيف تتغاضون عن هذا القصور الكبير)الرد:معلوماتك خاطئه ... والرد بالفيديوhttp://youtu.be/Kjk8kN_kH6Ehttp://youtu.be/Sa7elFGzS0U-----------------------------------------------------------------------------------10- حازم صلاح .. ليس لديه خبرات ادارية على الاطلاق.(وارجو من المؤيدين بيانها لنا لأنى مستغرب كيف تتغاضون عن هذا القصور الكبير)الرد:معلوماتك خاطئه ... والرد بالفيديوhttp://youtu.be/Sa7elFGzS0U-------------------------------------------------------------------------------------------------------***هام جدا***11- حازم صلاح .. حاجة من اثنين يا اما يكذب يا اما يفتى بغير علم فى الاقتصاد الاسرائيلى .. ويتحدث بارقام ومعلومات خاطئة. مع انه يدعى انه درس الموضوع ل 6 سنوات !!!http://bit.ly/AiLV50***هام جدا***الرد:برضه بعد بحث مأخدش فى أيدى أكتر من 5 دقائق لقيت ان الحقيقه مرة ....مع إحترامى لحضرتك فى فرق ما بين GNI وال GDPGNI=Gross national Income الدخل القومى الإجمالىGDP=Gross Domestic Product الناتج القومى الإجمالىالراجل أخذت قيمة GDPو ترك القيمة التى يقصدها الشيخ حازم اللى هيا GNIو لو قسمت ال GNI على سكان إسرائيل ال 7مليونو قسمت قيمة ال GNI بتاعت مصر على سكانها ال 81 مليونهتعرف حجم مأساة مصر فيها إن دخل الفرد فى إسرائيل 13 ضعف المصرىإحسب بقى الدخل الزراعى وإنتبه إن الدخل غير الناتج لأنه يتضمن الإستثمارات الخارجية اللى بره إسرائيلولا يشمل أيضا وجود ديون مصريه ولا توجد ديون أسرائليه----------------------------------------------------------12- حازم صلاح .. لم يكن له اى موقف محسوس قبل الثورة مناهض لمبارك .. ولم يكن لديه اى مانع من الرقص فى اللعبة السياسية للحزب الوطنى بدليل ترشحه فى انتخابات 2005 (على قوائم الاخوان بالمناسبة).http://bit.ly/yY4zXbالرد:كلام غلط .... والرد بالفيديوhttp://youtu.be/rGggOheV5CMفى صفحه كامله على نشاط حازم أبو أسماعيل قبل الثورة هتعجب المؤيدينhttp://www.facebook.com/KanFeen7azem-------------------------------------------------13- حازم صلاح .. لم يسمع به احد قبل الثورة .. سمعنا عن كل مشاهير الاخوان وسمعنا عن اغلب المرشحين للرئاسة مثل البسطاويسى وحمدين لأن كانت لهم مواقف ملموسة ومحسوسة .. وقتها كان حازم صلاح يرتدى الرداء الدينى ويقضى وقته على القنوات الفضائية.http://bit.ly/yadlaZالرد:يا أخى الكريم الدكتور كلامك برضه غلط ده رجل قانون و متحدث في الفكر الإسلامي و الشؤون السياسية و الإسلامية و العامة , و له دراسات دستورية و قانونية مستفيضة , كما أن له دراسات و أبحاث تخصصية وفيرة في ثلاثة علوم هي التربية و الإدارة و الاقتصاد لمدة 25 سنة فضلا عن العلوم الشرعية على نحو تخصصي كامل .أقرأ السيرة الذاتيه من هنا وانت تعرفhttp://www.facebook.com/HazemSalahFB?sk=app_205685412791524------------------------------------------------------------------------------14- حازم صلاح .. اخوانى فكرا وتربية .. وهو معترف ومقر بهذا .. وبالتالى انتخابه يعتبر تسليما للبلاد تسليم مفتاح للاخوان المسلمين .. اللى مبسوط بيهم فى البرلمان .. ينتخبه !!http://bit.ly/wdPuWaالرد:ده موضوع تانى ... انت أصلا معادى لمنهج الإسلام السياسى وعموما الشيخ حازم أنتقض الإخوان فى سياستهم (الحاليه) هناhttp://youtu.be/__TK6pBTdS8--------------------------------------------------------------------------15- حازم صلاح .. مع تقييد حرية الفكر والابداع بحيث ينصب نفسه او هيئة من اختياره لاجازة الاعمال الفنية والفكرية.http://bit.ly/we7nh4http://bit.ly/xBDHqLالرد:اضمنلك انك هتلاقى مؤيدين جداد بسبب الفيديوهات دى ... فيك الخير----------------------------------------------------------------16- حازم صلاح .. كان مع تحطيم التماثيل فى افغانستان .. وهو بالتالى مع تحطيم التماثيل الفرعونية وان كان لم يفصح عن هذا بعد. ورغم ذلك لم يخفى اعجابه بفكرة "تحجيب التماثيل" كحل مرحلى لمشكلة التماثيل الفرعونية !http://bit.ly/yvUyLWhttp://bit.ly/zkANyeالرد:أنت تتهم الشيخ حازم فى ما لم يقوله ... فهو لم يقل انه سيحطم التماثيل الفرعونيه ... فلا تحكم على نوايا الناس دون علم فتقع فى الإثم--------------------------------------28- حازم صلاح .. لم يتقى الله فى العاملين المسلمين المصريين بشركة بيبسى الذين تضرروا من القائه الاتهامات جزافا لشركة بيبسى بان اسمها اختصار pay every penny saving israel بينما بيبسى مشتقة من حامض البيبسين وهو الامر المتوافر لاى مطالع للانترنت لو اراد التبين لخبر جاءه به فاسق.http://bit.ly/xxzKoNالرد: يا أخى مقاطعة المنتجات الامريكيه فى وقت الدعم الامريكى لإسرائيل فى الحرب على غزة كانت واجب شرعى وقومى ووطنى ... هو أنت مكنتش عامل مقاطعه ولا إيه؟؟؟----------------------------------------------------------------29- حازم صلاح .. الذى يزعم فى كل مكان انه خبير اقتصادى لا يشق له غبار لا يعرف هل ال penny واحد على مائة ام واحد على الف من الدولار !!http://bit.ly/xxzKoNالرد: خذلت عقلية جبارة فى كلمه فقط ... عندما خذلته الذاكرة فى عمله لم يعد يتعامل بها الأن.------------------------------------------------------------------------30- حازم صلاح .. يريد ان تعود المرأة الى المنزل والا تشارك فى العمل الا اذا كانت عانسا او مطلقة او ارملة .. ويرى ان عمل المرأة من اسباب ارتفاع معدلات الجريمة ! وسيسعى للفصل بين السيدات والرجال فى اماكن العمل اصل انتاجية الشعب المصرى ناقصة تدمير بان نقسم كل كيان الى قسمين !!http://bit.ly/wn1ZPzالرد : مقطع رائع .... أدعو الشباب لمشاهدته.-----------------------------------------------------------------------------31- حازم صلاح .. يريد الاتصال بامريكا ويعتبر اتصالها بشرى كبيرة جدا للاسلاميين !http://bit.ly/wGodLqالرد : جبت منين يريد الأتصال بأمريكا!!!! .... المقال كويس يا جماعه ... يا ريت تقروه--------------------------------------------------------------32- حازم صلاح .. قبل الثورة كان مجرد شيخ مغمور على قناة الناس الفضائية.http://bit.ly/yadlaZالرد:يا أخى الكريم كلامك برضه غلط ده رجل قانون و متحدث في الفكر الإسلامي و الشؤون السياسية و الإسلامية و العامة , و له دراسات دستورية و قانونية مستفيضة , كما أن له دراسات و أبحاث تخصصية وفيرة في ثلاثة علوم هي التربية و الإدارة و الاقتصاد لمدة 25 سنة فضلا عن العلوم الشرعية على نحو تخصصي كامل .أقرأ السيرة الذاتيه من هنا وانت تعرفhttp://www.facebook.com/HazemSalahFB?sk=app_205685412791524

الأحد، فبراير 26، 2012

احساس مش عارفة اوصفه

مش عارفة اوصفه
لما اغلى الناس بتتألم والدكاترة قالوا خلاص نهاية او معجزة
ومفيش في ايدي حاجة غير الدعاء
وارفع ايدي علشان ادعيلها بس مش عارفة ادعي بأيه !!!
خايفة اقول ربنا يخليكي ويطول عمرك ويستجاب الدعاء وتفضل تتألم !!!
طيب ادعي واقول ربنا يستردها علشان ترتاح من ألمها !!!
ادعي اقول ايه بس ؟!!
مؤمنة بالله ان لكل اجل كتاب
بس ما يتوصفش احساسي مع كل تليفون منتظرة يقولولي خلاص
وما يتوصفش كل زيارة وهي بتعيط وتقولي نفسي اتقلب لوحدي على جنبي نفسي امشي على رجلي واقولها الحمد لله على كل حال
ربنا يتولاك ِ يا أمي ويرحمك برحمته يارب أمي
لا تنسوها من دعائكمT_T

الثلاثاء، فبراير 21، 2012

فاكرين توتي ؟؟كتبت له رسالة هنا من 4سنين تعالوا ادعوله :)

يوافق اليوم الذكرى التاسعة لاسترداد المولى لوديعته(( اخويا سيد)) وقتها كان عمره 32عام فجأة وقبل فرحه ب3شهور ورغم انه كان اكبر مني 8سنوات الا اني كنت باعتبره ابني وبيجري علي في اي حاجة اخويا علمني الصلاة وانا صغيرة وعلمني صلة الرحم علمني التسامح والحنان علمني العطاء بدون ما انتظر مقابل في يوم كنت في زيارة لبيتنا بيت ابويا وشقته كانت تحت التشطيب في نفس البيت وماما قالت لي شفتي سيد جايب ايه فوق في شقته ؟ايه يا ماما قالت لي لقيته جايب كلب صغير!! ولفه وجايب له لبن ولانشون فضحكت وقلت له ايه دة يا توتي كنت دوما اناديله بتوتي قالي وانا راجع من شغلي بالليل لقيته بيترعش من البرد صعب علي صغير اوي اخدته بس على بال ما يدفى ويقدر يدافع عن نفسه _وفي يوم تاني لقيناه شايل بنوتة عمر سنتين وداخل علينا بيها وقالع الجاكيت بتاعه ولاففها بيه قالنا دي بنت العامل الصغيرة امها بتولد قيصري في المستشفى وابوها مش عارف يوديها فين وعمال يضرب فيها رايح جي خدوها معاكوا راعوها لحد امها ما تطلع من المستشفى !!! غير خروجه في سبيل الله في وقت اللي يطلق لحيته على طول على امن الدولة _ اخويا ربانا وعلمنا 3بنات مع والدي وزوج اتنين مننا في حياته والتالتة لما توفى وصى بكل جهازه لها اخويا كان عارف انه عمره قصير دوما كان بيقولنا كدة انا حاسس اني هموت الوحيد اللي دوما كان يبر كل الناس حتى وان أسائوا ليه ربنا يرحمك ويغفرلك يا حبيبي ويسعدك يارب زي ما اسعدتنا كلنا ويجعل قبرك روضة من رياض الجنة ويبدلك دارا خيرا من هذه الدار واهلا خيرا من هذه الاهل ويبدل سيئاتك حسنات ويدخلك الجنة بغير حساب ويجمعني بيك في الجنة يارب العالمين _يا سيد يا حبيبي انت معايا على طول عمرك ما فارقتني لحظة ولا عمري حسيت انك متوفي اخويا مالوش اولاد يدعوله فامانة عليكوا تدعوله بالرحمة والمغفرة