الجمعة، فبراير 22، 2008

رسالة الى توتي

حبيبي الغالي وابني الكبير




وحشتني اوي اوي وعارفة اني لما بقولك كدة على طول بتجيلي




كان نفسي اوي تتزوج لكن انا عارفة انك دلوقتي فرحان وسعيد اوي اوي




انت جيت قلت لي كدة




ياترى متزوج كام واحدة دلوقتي؟؟؟!!!




وياترى ثواب خروجك في سبيل الله وتركك لاي شبهات في العمل اخذت ثوابها ولا لسة




نفسي تيجي تقول لكل واحد ضل طريقه وتقوله ايه الحقيقة اللي بتستناه




لكن ان غدا لناظره قريب




النهاردة22 فبراير تمر الذكرى الخامسة على رحيلك من هذه الدنيا




عارفة انك كنت لسة بتقترب من عمر ال33 سنة وكان زواجك بعد 3 اشهر




لكن احسبك الان احسن حالا وفرحا مما كنت بيننا




وحشتني اوي اوي يا توتي دة الاسم اللي كنا بنحب نناديك بيه وسطنا وتحب تسمعه مني
وقالولي ان اسمي اخر اسم قلته وبعدها صعدت روحك لبارئها يا ترى كنت عاوز تقولي
ايه
بيتهيالي انت هناك احسن




مش كدة يا سيد




كان نفسي تكون معايا وانا بقرر البس النقاب عارفة انك كنت هتفرح




اوي زي ما فرحت لما لبست الخمار




هستناك تجيلي في احلامي زي ما عودتني اول ما




اقولك وحشتني بتجيلي على طووووووووووووول في احلامي




الى اللقاء يا اعز واحن واطيب قلب كان في دنيتي




الى اللقاء عندما يحين الموعد في الجنة باذن الله




اختك