الأحد، يناير 06، 2008

اكيد هي منحة وان شاء الله هتعدي دعواتكم

  • عندي بنوتة صغنتوتة اسمها اسراء بطريقة او باخرى بلعت ورقة بسكوتة في بقها الصغنن
  • وبعد تطور للاحداث قالت الاشعة انها موجودة في القصبة الهوئيةاا
  • ودكتور الجراحة لازم يشيلها بجفت خاص النهاردة ظهرا
  • استحلفكم بالله تدعولها انها تقوم بالسلامة ويعافيها ربنا ويبارك لي فيها ويخليها ربنا يارب

امين

هناك 15 تعليقًا:

غير معرف يقول...

نسال الله العظيم رب العرش العظيم ان يشفيها ويشفى اولاد المسلمين يا رب العالمين

غير معرف يقول...

شفاها الله وعافاها وطمأن قلبك بإذن الله

فرنسا هانم يقول...

يارب
يارب
يارب
شافها وعافها يارب
ادعوا الله لها من كل قلبى
بالشفاء العاجل
وارجوكى
ارجوكى طمنينى

فرنسا هانم يقول...

شوفتى انا جيت تانى اسأل على اسراء
وملقتكيش مجوبانى
ايه اخبارها ؟؟؟؟؟؟؟؟؟
ارجو الرد السريع
مستنياكى عندى فى المدونه
وعلى فكره
انا جبت معايا شويه برتقال
وعصاير
وسيباهم مع البواب
سلام

بنت الصالحين يقول...
أزال المؤلف هذا التعليق.
بنت الصالحين يقول...

طمنين على اسراء بقى
انتى فين النهارده

ربنا يشفيها يارب


خالتو فرنسا
ادعى لاسراء يالخالتو
الدكتور معملهاش حاجه على فكرة لحد انبارح

وماتزعليش من ام اسراء
بس هى مشغوله والله وقلقانه عليها
ادعيلها بقى

عاشــــــ النقاب ـقــــة"نونو" يقول...

اشهد الله العظيم اني احبكم في الله
رب اخ لي لم تلده امي وهوة دة احسساسي معاكم ربنا ما يحرمنيش منكم ولا من سؤالكم
اسراء الحمد لله كويسة الدكتور امبارح بتاع الصدر والقلب طمني عليه وقالي مادام مافيش حاجة في الرئة يبقى مفيش داعي لسرعة التدخل بالجفت ونعيطها ونتعبها لان ممكن جدا الورقة تنزل في المعدة لوحدها او تفضل تتهري وتخلص لوحدها وقالي اتابع الحمام بتاعها واتابع اكلها لو بترج على طول ارجعله تاني واذا ما نزلش من الورقة حاجة ارجعله الخميس
لكن بفضل الله تعالى وفضل دعواتكم اليوم عملت اول حمام بعد المحنة دي وكان فيه حتة صغننة من الورقة دي وبالليل عملت تاني وكان فيه فرفيت صغننة اوي والحمد لله على كل شيء ادعولها بقى ربنا يشفيها ويتم شفاها لان الورقة المونيوم خفيف جرح زورها اوي وكان دة اللي مخليها ترجع وما تاكلش لكن بدات تاخد بعض حاجات بسيطة وطمنتكوا اهو
خالتي فرنسا جزاك الله خيرا على الزيارة المحملة بالهدايا دي بس ليه مع البواب احنا بيت كرم شرفيه بزيارتك يلا

الطائر الحزين يقول...

اللهم رب الناس اشفها وعافها
شفاها الله وعافاها من كل سوء

يارب اشفيها

وجعلها قرة عين لك

الفقيرة إلى الله أم البنات يقول...

الحمد لله كما ينبغى لجلال وجهك وعظيم سلطانك
الحمد لله حمدالله على سلامتها
وان شاء الله فى ميزان حسناتك
معلهش خللى بالك اكتر السن ده بيبقوا مخلوقات متحركه بدون عقل
ابنتى الكبيرة كانت غاوية تحط اى شئ فى انفها
واخر مصائبها وهى صغيرة وضعت لبان سمارة
وطبعا دخنا وفى الآخر رحنا المستشفى وشفطوها بشفاط غريب كده
سبحاان الله
محتاجيين الف عين
بس دايما قولى اللهم انى استودعتك ابنتى فانت خير حافظا"

عاشــــــ النقاب ـقــــة"نونو" يقول...

اختي ام البنات الله يخليكي ويطمنك ربنا يا رب وشرفتيني بزيارتك وسؤالك على اسراء
وربنا يعيني عليها هي واخواتها ويحفظ بناتك وولاد المسلمين اجمعين
العيال ههتجننا باين ايه اللي بيعملوه فينا دة ربنا يخليهم يا رب

عاشــــــ النقاب ـقــــة"نونو" يقول...

اخي الطائر الحزين شرفت مدونتي المتواضعة بس انا قصدت بمنحة لان حضرتك اكيد عارف ان من رحم المحنة تولد المنحة
فاحتسب ان المحنة دي هيجي معاها منحة وهتعدي المحنة باذن الله وتبقى المنحة
فهمت انا اقصد ايه
بس جزاك الله خيرا واتمنى انك تبقى الطائر السعيد مش الحزين وخصوصا اننا على ابواب عام هجري ان شاء الله يفرحنا كلنا

د/اجدع بنوته يقول...

ربنا يتك شفاها ع خير يارب

وتكون بقت كويسه وف اتم صحه بأمر الله

خالد يقول...

ربنا يطمنك عليها ويحفظها من كل سوء ويتم شفاها على خير

عاشــــــ النقاب ـقــــة"نونو" يقول...

د اجدع بنوتة جزاك الله خيرا على سؤالك ودعائك
وجزاك الله خيرا يا بابا خالد ربنا يطمنا سوا يا رب
واطمنكم الحمد لله اسراء بقت كويسة شوية النهاردة مع احساسي ان الورقة دي لسة ما اتحركتش من زورها لانها بتكح اوي لما تبلع اي حاجة وعشان كدة هاخدها للدكتور بكرة يشوفها ويطمني عليها دعواتكم معايا يا اخوتي في الله

عاشــــــ النقاب ـقــــة"نونو" يقول...

يا جماعة الحمد لله الدكتور امبارح بالتليفون بس حتى منعنا نروحله
قال ما دام بتاكل وبترضع من غير ما ترجع يبقى خلاص الورقة زمانها نزلت في المعدة وهتتهري مع الوقت وتنزل وخلاص بلاش هواجس ام
جزاكم الله خيرا جميعا يا رب
كنتم خير معين على المحنة اللي كان معاها فعلا منحة بالنسبة لي منحتي هي انتوا اصدقاء احباء بالنسبة لي ولابنتي