الثلاثاء، يناير 08، 2008

التاج الاول وباذن الله مش الاخير



السلام عليكم ورحمة الله



التاج دة بعتتهولي حلوتي عاشقة الفردوس


واسفة جدا على تاخيره

وعلى فكرة دة تاج جميل جدا اتمنى يضيف حاجة
فبسم الله ابدأه


نبدا الاسئله.......تاج لـــــــــــو
بسم الله والصلاه والسلام على رسول الله سيدنا محمد اشرف الانبياء والمرسلين
لومكنتش مصري بس عربي كانت هتبقى إيه نظرتك للمصريين واللي بيحصل



في مصر دلوقتي؟؟؟؟



هقول حسبى الله ونعم الوكيل .... لنا الله جميعا ودة لعدة اسباب اهمها ان الحال في مصر مش مختلف كتير عنه في اغلب اوضاع الدول العربية






أو لوكنت أوروبي أو غير مسلم بردو إيه نظرتك للعرب والمسلمين ؟



الحمد لله انا مسلمة وعربية ولو كنت غير كدة كنت لازم هدور على الحقيقة وكنت عارفة اني هلاقيها في الاسلام طبعا اما عن نظرتي للمسلمين هتبقى مطاطة شوية يعني مش نظرة موحدة فيه طبعا نظرة كلها اعجاب وفخر للمسلمين متمثلة في مسلمين كتيييير يشرفونا زي علمائنا الكبار يارب يخليهم ويبارك فيهم منهم مثلا الشيخ الحويني وحسان ويعقوب والمصري والمصلح ووسالم ابو الفتوح وغيرهم كتييييير وطبعا زغلول النجار وناس كتير في مجالات مختلفة برده زي زويل ولو اني زعلانة انه اتقدر برة واحنا لا لكن برده فيه ناس تكسف برده ودة عيبهم همة مش عيب الاسلام



بس اللي بيزعل الواحدان المسلمين همة اللي بيكونوا سفراء لهذا الدين وبتمنى انهم يكونوا اد هذا االدين العظيم



اما نظرتي للعرب كانت هتبقى نظرة حزن والم على الفرقة اللي احنا فيها مش عارفين نتجمع على كلمة واحدة ودة برده بسبب البعد عن الدين والمشي ورا الاجانب اللي همة دلوقتي عمالن يعملوا اتحادات ربنا يجمعنا يارب ونعلي راية الاسلام




لوقالولك إنت بقيت رئيس جمهورية هتعمل إيه؟



يااااااااااه



هتبقى حلم كبيييييييييييير هحققبيه حاجات كتيييييييير



اولها



الغاء عمالة المرأةودة لان هوة دة اللي خلى الحضانات هي اللي تربي العيال وتطلع لنا جيل معفرت بيتنطط وخلاص الا بقى الحضانة اللي بتقبض بقى ولا اللي ربنا اكرمها بحضانة كويسة تربوية تقدر تساعد الام على التربية لحد ما تشرف حضرتها وتاخد الواد منها وبما ان بين كل ميتت حضانة حضانة واحدة كويسة يبقى الست تلزم بيتها احسن بلاش بهدلة ليهاوللعيال وفيه بدائل كتيرة اوي ممكن تتثقف منها وتحقق ذاتها برده ومش بس كدة دةانا هعمل حوافز وجوايز ومسابقات بين ربات البيوت زي مثلا مسابقات تحفيظهم القرأن لعيالهم ولنفسهم كمان وربات البيوت المثالية والبيت المثالي والاعمال المنزلية وتنمية المشروعات المنزلية وتشجيعها وبرده ممكن اخليها تشتغل وهي مصونة في بيتها ممكن هي تنتج والدولة تسوق ليها وهي منصانة في بيتها من غير بهدلة وتبقى اشتغلت وكمان شغلت غيرها معاها من الشباب والرجالة العطلانة في كل حتة دي ودة في حدود الشرع اهو



وبعدين هلغي نظام التعليم القائم كله كله واخليه نظام تعليم متكامل هادف اولا ان العيل من دول على مايتخرج يكون حفظ القران كله



ونخليهم يعرفوا تاريخ بلدهم اااه بس برده يعرفوا تاريخهم الاسلامي كمان ونعلمهم دينهم كويس ويبقى فيه دمج منظم وبطريقة علمية بين العلوم الدينية والنيوية ونعلمهم ان مفتاح السر لكل حاجة حلوة هي تعاليمنا الاسلامية
اممممممممممممممممممم
وهرد المظالم لاصحابها (على قد مااقدر)



وهعمرالمدن الجديدة بالمشروعات وبالتالي تتوفر فرص عمل لكتير من الشباب ونجود صناعتنا ونمي اراضينا ونحاول نتخلى باقصى جهد عن اي استيراد خارجي بالتعاون مع اشقائنا العرب المسلمين واحاول الم حكامنا العرب واجتهد معاهم لتوحيدنا واعمل حملات دعوية لكل انحاء الدنيا للدعوة للاسلام واعمل مناظرات كبيييييييرة بين متخصصين دارسين الاسلام كويس اوي وكتب الغير مسلمين كويس اوي زي الاخ وسام عبدالله اللي في غرفة الحوارالاسلامي المسيحي واذيعها على كل الفضائيات المصرية وانشط السياحة بما يرضي الله وابعت اجيب كل شبابك وولادك اللي براكي يامصر يجوا يراعوكي ويبروكي ماهم اولى بيكي وانتي كمان اولى بيهم وحاجات كتيييييييرة اوي اهمها ارجع الاسلام كمان في حكمي والله كدة هتتعدل كل حاجة اتنيلت باظت




لو كان ينفع ترجع طفل تاني وتخليك طفل علطول هترجع؟ وليه؟
الطفوله دى مرحله رائعه كلها براءه وحب وعدم غش ومفيش فيها نفاق
ارجع بس مش على طول ارجع بقى عشان انمي الحاجات اللي محدش نماها في وانا صغيرة وماتت مع الوقت



ارجع عشان عاوزة اتعلم تاني حاجات كتيرة



ارجع عشان احلم تاني باني اكبربس على طول لأ عشان عاوزة افضل زوجة الاستاذ زوجي وام لاولادي دول
لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟
كل شئ بامر الله



اذاكان اراد ان عمرك ينتهي هينتهي من غير مرض ولا اي حاجة واذا اراد انك تعيش هتعيش رغم المرض



الاطباء سبب وهنعمل اللي في وسعنا بس اعنا على كدة بالدعاء وتقرب اكثر من الله



دة هيكون تعاملي مع الموقف

لو سمح لك برؤية الرسول عليه الصلاة والسلام وإنك تقوله كلمة واحدة بس أو جملة واحدة بس هتكون إيه؟



عذرا يا حبيبي يارسول الله
لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟



بصوا الاجابة دي هكتبها بعد تجربتي للامومة يعني انا لو ماكنتش ام مش عارفة الكلام اللي هقوله كان هيبقى هو نفسه ولا لااااااااا



المهم بعد تجربتي للامومة فانا بقول انها حلم وامل لاااااا يمكن الاستغناء عنه ابدا



لكن تفرق كتير هجيبهم من مين



ماممكن اجيبهم من واحد تعبني في عيشتي ويخليني كل ما ابصلهم ازعل انهم ولادي من الراجل المتعب دة فازعل عليهم وعلى نفسي واتمنى اني ما كنتش خلفتهم



وممكن احب خطيبي دة واتجوزوا ومانخلفش خالص ونعيش اسعد زوجين في الدنيا لكني بعد التجربة بتاعتي امومتي اللي اعطاني اياها ربي عن طريق خالد زوجي لا يمكن الاستغناء عنها
لو طلعت القمر هتكتب إيه عليه؟
اشهد ان لا اله الا الله وان محمدا رسول الله...
لوكنا في عصر إزدهار الأندلس كنت تتخيل نفسك إزاي؟
كما انا فقيره الى الله
لو مررت التاج ده لحد وما جاوبش عليه أعمل فيه إيه؟
ولا اى حاجه ... هو حر مش فرض عليه
لو هتسافر في أي مكان في الدنيا تعيش فيه هتروح فين ؟
السعوديه بلد الحبيب
لو مررت التاج تمرره لمين ؟؟



لاي حد يحب يجاوب عليه

هناك 9 تعليقات:

الطائر الحزين يقول...

اجابة تلقائية جميلة وفقك الله


بارك الله فيك

خالد يقول...

اجابات ممتازة ما عدا اجابة سؤال لو كنتي اوروبية غير مسلمة

ما الداعي لحزنك على المسلميين أرجو تصحيح هذا الخطأ

بنت الصالحين يقول...

هههههههههههههههههههه
تعليق استاذ خالد دائما اتوقعه
قبل ان اقراه
مع حضرتك ان فعلا ممكن نطرتها هتبقي مختلفه وممكن لا
لان حتي لو اقليه بتنطر لنا بنطره مختلفه غير الاحتقار اقصد ...هي شايفه نفسها ان لو مكانهم هتكون مع القله دي


دمت معلقا معارضا
ربنا يبارك في حضرتك




اجاباتك كلها روعه واكتر حاجه بجد عجبتني بتاعه رئيس الجمهوريه
تعرفي لو حصل ورشحتي نفسك انا اول واحده هنتخبك

بس ماتنسينيش معاكي :))

ربنا يباركلك في زوجك واولادك يارب
وطمنين علي صحه اسراء

بوركتي ورزقتي الفردوس وكل عام وانتي بخير
النهاده اول يوم في السنه الهجريه الجديده ربنا يجعلها سنه سعيده عليكي مليانه بالطاعات اللهم امين

عاشــــــ النقاب ـقــــة"نونو" يقول...

فعلا جاوبت من وجهة نظر اوربية غير مسلمة انظر للمسلمين نظرة حيادية

بعيدة عن التعصب
وجزاك الله خيرا يا حاج خالدوهوريك في البيت
اما لو عاوز نظرتي المتعصبة هقولك ان كان مرة فيه بنت اسرائيلية ماشية في الشارع قابلتها المذيعة وبتسالها ايه رايك في العرب دلوقتي ردت وقالت اتمنى ان يموت كل العرب بالسرطان


اختي عاشقة الفردوس جزاكي الله خيرا يا حبيبتي على ردودك المشجعة لي على طول
ومتخافيش بس الرئاسة تيجيي بس

dr.Muslim يقول...

السلام عليكم

ما شاء الله اجابتك جميله

وتحياتي لأخي خالد ...وللعلم أنا كنت في حارة زعتر باسم حفيد بن الخطاب

اتمني زيارتك اختنا وزيارة أخي خالد عبد الفتاح وارائكم علي تدويناتي باستمرار وجزاكم الله خيرا وبارك لكما

فرنسا هانم يقول...

برضه مرضيتيش على ايه اخبار اسراء
ومش هاعلق قبل ما اعرف

فرنسا هانم يقول...

انا رجعت للتدوينه اللى فاتت واطمنت على اسراء
ومستنيه انهارده الخميس انتى قلتى هتروحى للدكتور
وابقى طمنينى
اما عن التاج
اول ما تمسكى رئاسه الجمهوريه هترفدينى من الشغل
طيب انا مش متجوزه
مين يصرف عليا ؟؟؟؟

الطائر الحزين يقول...

كيف حال ابنتكم؟؟؟

عاشــــــ النقاب ـقــــة"نونو" يقول...

السلام عليكم اخي خطاب المصري
نورت المدونة وشرفتها بطلتك عليها واتمنى ما تكونش الاخيرة
خالتي فرنسا حالا هطمنك زيااااادة بس في تدوينتها
اما عن مين هيصرف عليكي بقى لما ارفدك من شغلك يا ستي هيبقى زوجك اللي هجوزهولك لان هيبقى العمل انتشر والرزق كتر وكمان بعون الله الدين هيعم والناس هتشبع فمفيش سرقة بقى ولو ما رضتيش تتجوززي برده يبقى وليك اللي برده بعون الله فلوسه هتكتر وهيبقى عارف ان دة واجبه ناحيتك ولا ايه
المشكلة هنا ان دينا عمل حساب كل حاجة ولكن البشرية هي اللي سايقة ال.......... كلنا عارفين ان الست مننا تلزم وليها وظروف الغلا وقلة الدخول خلت غصب عن كل واحد انه يتخلى عن مسئوليته او انه لا يتقي الله في مسئوليته دي لو كان يقدر بعولها فعلا امال هوة للذكر حظ الانثيين ليه
اخي الطائر اكرمك الله يا اخي