الأحد، يناير 13، 2008

!!!!!!هفضل برده احبها واحبها يمكن اصعب عليها في يوم وتحبني !!!!!!!!




  • السلام عليكم ورحمة الله وبركاته




  • مش عارفة عاوزة اكتب في حاجات كتييييير اوي بس دلوقتي حالا قررت اكتب هنا حاجة وفي مدونتي التانية




  • هكتب حاجة تانية بس كل اللي عاوزة اتكلم فيه بيصب في بوتقة واحدة ولا بلاش بوتقة دي خليها سكة واحدة




  • السكة دي يا سادة يا كرام هي قلة الدين مش بس قلته ساعات كتييييييير بتكون انعدام الدين ايووووووووووووووة




  • اصل دي نقرة ودي نقرة بصلي وبصوم وبدبح في العيد دة مش هوة الدين بس فيه حاجات تانية كتير






  • يااااااااارب




  • يااااااارب ارحمني




  • طيب ايه الموضوع ؟؟؟؟؟






  • اني بحب بلدي وبحبها اوي كمان بس يا ترى هي بقى بتحبني وعوزاني ؟؟!!عمركوا شفتوا ام حد يقولها




  • ولادك اهم تعالي خديهم تقول لأ مش عوزاهم ولعوا بجاز ايوة فيه والله ما احنا بنسمع حكايات وبنقرا كل يوم


  • انما ان سجنائنا المحكوم عليهم بالاعدام ومجودين في ليبيا واولياء الدم خلاص اتنازلوا عن دمهم واتصالحوا مع الجناة وقبلوا الدية وخلاص الموضوع انتهى



  • وخلاص السلطات اليبية قالوا لامهم مصر تعالي خدي ولادك ااااااااااا اه حكومة مصرتقولهم لا ولا اما الاجراءات تخلص ودة لما برنامج الحقيقة اثار موضوعهم لكن قبل البرنامج ماكانش حد سائل اساسافيهم



  • خلوا المساجين واهاليهم وصلوا انهم يقولوا



  • طب خدونا اعدمونا انتوا بس رجعونا بلدنا نموت هناك ونشوف ولادنا الاول



  • هوة دة اللي حصل مع السجناء المصريين المحكوم عليهم بالاعدام في ليبيا



  • ايوة بجد والمشكلة ان دة محصلش الا مع المصريين بس يعني السعوديين مثلا السعودية على طول كانت بتتدخل


  • وعلى طول بتتصرف لاولادها وغيرها انما مصر لا طب يا عالم كلنا فاكرين طبعا قضية الممرضات البلغاريات اللي كانوا في المستشفى في ليبيا برده ومعاهم طبيب فلسطيني وقامواا بحقن الاطفال بالايدز والقضية فضلت سنين وسنين واطفال كتير وبيتهيالي كبار كمان ماتوا وبقوا تراب لكن لا بلغاريا سابتهم وامريكا وغيرها ادخل كمان المهم في الاخر ايه حصلهم دفعوا شوية فلوس للاهالي ورجعوهم بلادهم وفي المطار صدر العفو عنهم ايوة فعلا اول ما نزلوا المطار اسستناهم مسئول كبير ولا يمكن الحاكم بحاله واصدر العفو الفوري والغلابة العرب ماتوا بس دول اخدوا الدية ووافقوا بس بيتهيالي يا اصحاب القانون كان فيه برده حق مدني برده وحقوق انسان تقول وتقول دة يرضي ربنا يعني المهم بلدهم احتضنتهم اهم


  • يا ناس ليييييييه كدة احنا ليه رخاص اوي كدة ليه دة حتى البني ادم غالي والله سيبك طيب من اني عربي طيب مصري ليه دايما بحس اننا المصريين بالذات مظلومين كدة من ناحية حقوقنا كبني ادمين الناس المصريين دول غلطوا ماشي حتى لو مش هيتم العفو عنهم طب هاتوهم ولعوا فيهم انتوا بلاش ننداس اوي كدة عوزاكم مش عارفة عوزاكم تعملوا ايه انا عن نفسي بعيط وادعي واتوسل لربنا اننا نغلى عند بعضنا


  • وهفضل ادعي ان بلدنا تحبنا زي ما بنحبها يا مسئولين بجد خلو بلدنا تحبنا بس


  • وانا مش هكرها وهفضل احبها واحبها يمكن اصعب عليها وفي يوم الاقيها بتحبني وتحب ولادي ونبص نلاقي بلدنا ما تقدرش فعلا بالفعل بالواقع تستغنى عننا زي ما انا وانت ما نقدرش نستغنى عنها



هناك 7 تعليقات:

صاحب المضيفة يقول...

النعمة دي مش بقت منتشرة خالص اليومين دول

للأسف ان معظمنا انحسر الوطني عنده بطريقة مخيفة

وأي كلام من ده دلوقتي بقى فاكهة زي ما بيقولوا

لكن ربنا يكرم ويعين على زرع الوطنية في قلب كل واحد

فكرة حلوة ومدونة جميلة

دمت بخير

مروة الزارع يقول...

بجد ما شاء الله عليكى

اول حاجة عجبتنى اسم مدونتك وخلانى اروح جرى عندك

................

فكرة البوست فعلا رائعة

مش عارفة لية مبقاش فية انتماء ابدا والكل بقى عاوز يهج

اتمنى ليكى كل خير

ومستنية البوستات الجاية

بنت الصالحين يقول...

وبعدين بقي
دايما كده بتحركيني
ربنا يخليكي ليا
شوفت الموضوع ده انبارح

وكان نفسي حد يكتب فيه
بس بجد مبسوطه انك انتي اللي كتبتيه

يارب يرجعوا لاهاليهم
الديه ودفعوها عايزين ايه تاني
وهما اقروا بالدنب وخلاص
يارب ارحمنا برحمتك

نستني بقي لما حد يتكرم ويتعطف ويتحرك
حسبنا الله ونعم الوكيل

الطائر الحزين يقول...

هنا على انفسنا فهنا على الناس

بارك الله فيك

غير معرف يقول...

حكومة للاسف ضيعتنا

لما غاب الدين كل حاجة كويسة غابت


بوست متميز الي الامام دائما ان شاء الله

عابد الرحمن يقول...

والله كفاية العنوان
تحفة عاشقة النقاب
بجد مش عارف اقول ايه
مدونة رائعة
واسم مدونة رائعة
ومواضيع رائعة
كم انتي رائعة عاشقة النقاب

dr.Muslim يقول...

موضوع رائع أختنا

ما شاء الله

والله يا أختي مفيش حد مش بيحب البلد

كلنا بنحب مصر

وده حب فطري

انما مسألة البلد تحبنا

شئ صعب شويه

وده السبب ان الشخص اول ما بيلاقي فرصه يسيب فيها البلد بيسيبها

اذا كانت البلد مش باقيه عليه...هو هيبقي عليها ليه

بس مفيش حاجه نقدر نقولها الا....انا لله وانا اليه راجعون

وحب الله ورسوله لنا أسمي وأكبر من حب البلد لينا ودي وجهة نظري وقاعده اسعي لتطبيقها في جميع جوانب حياتي

وللأسف ده الي مخلي البلد ماتحبناش...((أكيد المعني وصل))

جزاكم الله خيرا أختنا وتحياتي لأخانا الحبيب خالد