الخميس، يناير 24، 2008

جهازك فيه نجمة إسرائيل ؟؟

تحديث
السلام عليكم ورحمة الله وبركاته
احبتي في الله
عندما عرضت هذا البوست عن وجود نجمة داود الاسرائيلية في جهاز الكمبيوتر كان مقصدي المغزى القلبي والنفسي لتواجد شعار اليهودية الصهيونية في جهاز الكمبيوتر ليس اكثرهذا هو المقصد فهي تؤذيني تواجدها على جهازي وساحل محلها اي شيء اخر فعرضت موضوعي لمن يتاذى مثلي من تواجدها ومن لا تؤذيه ويعتبرها لا تضر ولا تنفع فهذا رايه وانا اتفق معكم تماما ان الاهم من حذف هذا الشعار العمل بجهد حتى ننشر ديننا وعلمنا الاسلامي حتى نحذف تواجد الاعداء من الوجود كله بعملنا وانجازاتنا وتقدمنا ورفعة رايتنا الاسلامية واشكر كل من دخل ناقدا ومؤيدا والان لمن يهمه الامر كيفية عثورك على نجمةة داود
دمتم بخير.
my computer ـــ 1 ـــ قم بفتح
c ـــ 2 ـــ قم باختيار القرص
program files ـــ 3 ـــ قم بفتح مجلد
microsoft office ـــ 4 ـــ قم بفتح مجلد
media ـــ 5 ـــ ثم مجلد
CAGCAT10 ـــ 6 ـــ ثم مجلد
J0285926 ـــ 7 ـــ الصورة اسمها
قم بإزالة هذه القذاره من جهازك
وانشروا هذه المعلومات بشتى الوسائل

هناك 27 تعليقًا:

الطائر الحزين يقول...

بارك الله فيك

بنت الصالحين يقول...

اه فعلا

في كل نسخه الاوفيس


ربنا يعيننا

حسبنا الله ونعم الوكيل

orkida يقول...

صح معاكى حق ربنا يبارك فيكى

dr.Muslim يقول...

جزاكم الله خيرا أختنا علي هذه الملاجظه الطيبه... سلامي لأخي خــــــــــالد

غير معرف يقول...

"انشروا هذه المعلومات بشتى الوسائل"
احم
اسفة ياافندم بس فين المعلومات دى؟
اعتقد نشر النوع ده من المعلومات اهدار للوقت والجهد والسعة من الشبكة العنكبوتية :):)
مش قصدى هجوم والله ، بس دى فعلا حاجة تافهة جدا جدا ، الرسالة دى جاتلى اوفلاين من سنة تقريبا .. وقعدت اضحك

"قم بإزالة هذه القذارة من جهازك!!" اقولك على فكرة احسن ، ارمى الجهاز عشان هو نجس ، لو كان انتل مثلا فمؤسيسيها يهود والبنتيام فور تقريبا متصمم فى فرعها اللى ف اسرائيل ،نجااااااسة ، ارمى الكومبيوتر بسرعة
ده اكيد خطة من اعداء الله اليهود عشان يهودوا شبابنا ، اول ماهتبص على النجمة لمدة 3 دقايق فى المركز هتحس بدوخة بعدين هتفوق منها يهودى صرف ، حتى جربها كده :)))
معلش انا مش داخلة عشان ارخم ولا اتريأ والله ، انا اللى خلانى اعلق انى زهقت من الشعارات والناس اللى بتتصدر فى الهيافة ، يعنى صورة 6 كيلوبايت ع الجهاز ضارة للامة ، ومسحها هيبقى بداية نصر الامة مثلا ؟؟؟

انا بدعو للدعوة لعدم نشر مثل هذه التفاهات ، ولو حد بعتلك حاجة زى كده ردها له وقوله بكفايانا تفاهة بقى الامة اتشربت تفاهة ، وتأكد انك لو شاركت فى الدعوة العكسية دى هتبقى بتساهم اكبر بكتيييير فى تكبير دماغ شباب الامة بدل ماعقولهم بقت اد النملة ومش عارفين طيخ من بطيخ

خالد يقول...

الرد المستفز السابق جعلني انظر الى الصورة فعلا ووجدت فيها شئ فعلا يثير الحزن وهو أن العلم الاسرائيلي يتصدره مجموعة من الشموع التي تشع بنور قوي يقف بثبات على شمعدان أعتقد انه ذهبي
!

!

هذه رسالة أكيد لكل مسلم

!
أن الصهيونية حتما ولا بد سيشع نورها





!

ولن يوقفها أحد

فهلا يا من علقت على هذا الموضوع بتسفيه أحلامنا نظرت نظرة أعمق
وعرفت أن الصهيونية القذرة التي تقتل الأطفال وتجوع الشعوب وتقوم على أشلاء وجثث الضحايا المسلمين

!

ألا تستحق منك أن تحذف رمزها وعلمها من جهازك ولو على سبيل الرمز بأنك ترفض ممارساتها

!

وكفانا استهزاء ببعضنا البعض هكذا بكلمات مثل ارمي الكمبيوتر بسرعة لحسن فيه نجاسة
أو ان العلم اليهودي فيه خطة لتهويد شبابنا إذا نظر اليه لمدة ثلاث دقائق ؟؟؟ هل هذا يصح نعيب في بعضنا البعض لمجرد رسالة نشرتها صاحبة المدونة فتتهم بالهيافة بدلا من أن نشجعها على احتقار كل مايمت لهذا الكيان بصلة

إن مسح هذه الصورة من جهازي لن ينصر الأمة الإسلامية كما شطح بك خيالك المستهزئ ، ولكنه سيرسخ رمز يتشرف به كل مسلم
إن مسح هذه الصورة ليس معناه ان دماغي بقت أد النملة واني مش عارف الطيخ من البطيخ

ولكن سيقول لليهود إن الحركة الصهيونية حركة معادية للإسلام والمسلمين والشمعدان لن تضئ شموعه وسأعمل على ذلك وسأستفيد من تكنولوجيا الغرب وأتعامل معها ولن أرمي الكمبيوتر في الشارع وأعيش في التخلف بل سأنهض بعلمي وأعلم أولادي
وسأقول لهم افعلوا أي شئ يرمز لاحتقاركم لإسرائيل حتى لو كان هايف زي حذف صورة العلم الإسرائيلي من جهاز كمبيوتر اخترع برامجه الإسرائيليين العباقرة وبنستعمله احنا لكن بعقولنا المتفتحة وليست عقولنا اللي ما تعرفش الطيخ من البطيخ

عاشــــــ النقاب ـقــــة"نونو" يقول...

طبعا ردا على التعليق قبل السابق بيتهيالي اللي قالوه استاذ خالد فتحي لكي كفاية يا ام عقل كبير وواسع
وورينا همتك في نصر الامة

عاشــــــ النقاب ـقــــة"نونو" يقول...

استاذ الطائر الحزين طلتك على مدونتي بتزدني شرف
عاشقة الفردوس ربنا يعينا يا حبيبتي يا رب
اوركيدا خطوة عزيزة يا اختي واتمنى تكرارها
مدونة يلا نفضحهم مبروك الافراج عن الدكتور ابراهيم
انا دخلت اوقع امبارح بس لقيتكوا بلغتوا انه تم الافراج
اتمنى زيارتكم دائما
استاذ خطاب حمد الله على السلامة وايه اخبار الامتحانات ربنا يوفقك
واكيد سلامك وصل لخالد الله يسلمك
جزاكم الله خيرا جميعا واتمنى مداومة المتابعة

غير معرف يقول...

عزيزى خالد

اعتذر على اسلوبى الساخر ليس لأنه خطأ بل فقط لانه اثار استياء البعض ، انا لم اتهم اى شخص بالهيافة بل انتقدت سلوك معين اعتبره من وجهةنظرى سلوك/ظاهرة هايفة ، هل اخطأت ؟ ...ام اننا اصابتنا حساسية النقد ؟ خاصة انى لم اوجه كلامى لأى شخص ، وكلامى "ارمى الجهاز الخ" موجه للقارئ بنفس اسلوب الموضوع الاصلى الموجه للقارئ ..

عزيزى ، الشمعدان هو رمز يهودى دينى تماما كنجمة داوود .. وهو يوجد فى عشرات الهياكل قبل نزول الاسلام بقرون ، هذا يعنى انه لا يحمل اى رسالة للمسلمين ، بل هو مجرد رمز لا يختلف عن نجمة داوود ، كما انه لا علاقة له بالصهيونية ، التى نشأت فى اواخر القرن التاسع عشر !!

هذا مااتحدث عنه ياسيدى ، لماذا لا نشغل انفسنا بالقراءة والتعلم ونشر علم مفيد ، لماذا لا نعمل خيالنا فى اشياء مبدعة ذات قيمة بدل من ان نستغله فى نسج مؤامرات عقيمة لا وجود لها إلا فى خيالنا !!

"تسفيه احلامكم؟" عن اى حلم تتحدث ، انا لم اسفه سوى سلوك اعتبره سفيه اصلا وليس بحاجة إلى تسفيه !!!

اقتباس :
"ألا تستحق منك أن تحذف رمزها وعلمها من جهازك ولو على سبيل الرمز بأنك ترفض ممارساتها"
"ولكن سيقول لليهود إن الحركة الصهيونية حركة معادية للإسلام والمسلمين والشمعدان لن تضئ شموعه "

الرموز ياعزيزى لا تقتل الاطفال ولا تجوع الشعوب ، ومسحها من الاجهزة لا ينقذ طفلا ، ولا يطعم جائعا ... ومسحها ايضا لن يقول للصهيونية اى شىء ، لأنهم لن ينشغلوا بمتابعة مثل هذا الهراء فلديهم اشغال اهم ، ولو وصلت إليهم مثل هذه الرسائل العبقرية ، لن تقول لهم سوى استمروا فى ظلمكم فهم مشغولون بمسح صورة سخيفة من اجهزتهم !!

" بدلا من أن نشجعها على احتقار كل مايمت لهذا الكيان بصلة "
"وسأقول لهم افعلوا أي شئ يرمز لاحتقاركم لإسرائيل حتى لو كان هايف "

اخى .. انشغلتم كثيرا بالتعبير عن الكراهية والاحتقار لأعدائكم و انشغلوا هم بهزيمتكم !!
فهلا شجعنا الفكر التنموي خيرا من تشجيع الكراهية التى احرقت قلوبنا واعمت عيوننا وشلت ايادينا وجعلتنا كتل غاضبة لا تفعل شئ فى حياتها سوى الغضب و السخط والصراخ
هلا قولت لأولادك شئ افضل من دعوتهم لترميز احتقارهم لإسرائيل
هلا قولت لهم ان اسرائيل صارت اليوم مثل اكثر المدن الاوروبية تقدما بعد ان كانت عدما فى نصف قرن رغم انها فى حالة حرب ، فقط بعملها وعملها صارت على القمة ، بينما تمادينا نحن فى جهلنا و نمنا فى القاع مع ديدان الارض

الا تشعر بالعار يااخى ان اسرائيل كانت هى السبب فى استمرار الحياة فى غزة طول هذه السنين ، فعندما قطعت امداداتها المجانية من الوقود لغزة غرقت فى الظلام والفقر !! فصحنا نحن فى وجهها "اليهود ولاد ال... هيموتوهم من الجوع" عجبا !! هلا خفضنا صياحنا قليلا وادركنا اننا عالة حتى على اعدائنا !!!!!

مازالت هناك الكثير من الكلام ، لكن ربما لن يجدى نفعا مع "الكتل الغاضبة" ولن يضيف شئ سوى فتق الجراح

لكن سيدى ، اعلم ان اول طريق لحل مشكلة هو الاعتراف بوجودها ....فهلا اعترفت - ياسيدى- اننا كأمة لا يمتلك معظم شبابها سوى عقول "اد النملة" ، ولا يعرفون طيخ من بطيخ ؟؟؟؟؟؟

تحياتى ،
قطرة من المحيط

غير معرف يقول...

عزيزتى نونو

انا اسفة عشان انتى اخدتى الموضوع بمحمل شخصى ، يمكن تعليق خالد اداكى ايحاء ان كلامى فيه اتهام او استهزاء بيكى ، لكن انا كلامى ماكنش موجه لأى حد وانتقادى كان للموضوع مش لصاحب الموضوع !!!
كلام خالد يمكن كفاية بالنسبة ليكى انتى ، لكن معلمنيش اى حاجة للأسف !!
وانا مستغربة من اسلوب ردك ، بس مش مشكلة ، انا عقلى كبير وواسع وقلبى كمان :))))

تحياتى لك، ومستنية رأيك انتى فى ردى على خالد ، والاختلاف فى الرأى لا يفسد اى حاجة ف اى حاجة :)

Che Ahmad يقول...

كنت داخل اقول ان الموضوع دا قديم وملوش لازمة بس لقيت فى ناس بتتحاور حواليه لكن انا هقول رأيي وبس

بالنسبة للموضوع دا لا هيقدم ولا هيأخر لا نجمة اسرائيل وجودها هيسقط القاهرة فى ايدي المغول ولا مسحها هيفتح عكا

يا جماعة المشكلة مش فى الصورة ولا فى الكومبيوتر لو ركزنا شوية وشغلنا عقلنا هنلاقي ان الصورة واحدة من صور الكليب ارت فى برنامج الأوفيس سويت من منتجات مايكروسوفت وهتلاقي برضه فى الكليب آرت صورة هلال وصليب وكنيسة واللى مش متأكد يدور
يعني هما كشركة حطوا كل حاجة تناسب كل حد يهود مسلمين ومسيحين ومتوقفوش ان بيل جيتس يهودي الديانة ومينفعش نحط حاجة للمسلمين لانهم ما شغلوش عقلهم بالهلال والصليب ونجمة داود لكن اشتغلوا واتقنوا عملهم

ردنا عليهم ما يكونش باننا نمسحها
ايه يعني بقي هما هيقولوا ما يولعوا يمسحوها ولا يخلوها مش هتفرق معانا
وياريت نلاحظ ان وجود الصورة دي هيسهل لو حد جه يعمل بحث عن وجود الصهيونية فى فلسطين مثلا اكيد هيحتاج الصورة لان البحث - اى بحث- لازم يكون مدعم بالصور

لما نحب نرد عليهم نعمل اوفيس سويت جديدة كاملة من بناءنا احنا ونحط اللى احنا عايزينه فيها محدش ليه عندنا حاجة بس لسه اوي بدري علينا علشان نعمل حاجة زى كدا علشان لسه شاغلين نفسنا بحاجات هى فعلا تافهه وملهاش اي لزمة وبدل ما نمسح يا جماعة يا ريت نبني يا ريت يكون رأيي وصل

تحياتى
تشي

عاشــــــ النقاب ـقــــة"نونو" يقول...

تصدقي ان فعلا بعد ردك وتعرفي على مدونتك اتاكدت ان كلاممك فعلا صح جدا
من ناحية ان فيه شباب عقلها اد النملة وما تعرفش طيخ من بطيخ صحيح
موضوع زي دة كان بمنتهى البساطة خلص في ان لقيتي النجمة وعاوزة تمسحيها اعملي مش عاوزة انتي حرة
للاسف كبرتي الموضوع واهدرتي انتي وقتك ووقتنا بكتر الكلام فيه
ولو اني طبعا ما اقبلش ان الرمز دة يبقى على جهازي حتى للمعنى القلبي
وبعدين يا ابنتي من قال لكي باننا لا نقرا ولا نحاول التعلم اكثر واكثرحتى نعرف ماذا سنعلم اولادنا اما عن نظرية المؤامرة اللي انتي بتقولي عليهاعقيمة للاسف ليست خيال ولا عقيمة واصبحت تؤتي ثمارها اهو عليكي مثلا وفي كتاباتك اللي اغلبها بتمدح في اسرائيل وغيرهامن اعداء الدين
وفعلا اشعر بالعار ان اسرائيل في فلسطين مش غزة بس لانها محتلاها ومش قادرين يطلعوها لوحدهم لانهم بيحاربوا بالحجارة ودة ذكرته قبل كدة في ان السبب هو ان العرب مش يد واحدة وحاجات كتير لكن تواجد اسرائيل في غزة مش للنزهة دة احتلال يعني مسيطرة عليهم وعلى حاجتهم حتى لو عملوا وانجزوا حاجة برده هيغتصبوها بحكم الاحتلال واللي عليهم المقاومة ومحاولة تحرير بلادهم ودة بيعملوه لوحدهم وبرده دة بسبب فرقتنا عن بعض لكن لو اتحدنا وبقينا يد واحدة زي ما دينا الاسلامي قال لنا واعتصموا بحبل الله جميعا ولا تفرقوا ماكانش هيبقى دة حالنا ولا كان هيجي يوم ونلاقي شبابنا عمال يشكر في اليهود وسلوكيات اسرائيل ومايفتكرش انهم برده نفسهم نقاد العهود وقتلةالانبياءوالاطفال ولازم اعرف اولادي
انهم كدة واعرفهم برده دينهم اللي بيحثهم على الاعتصام بحبل الله مش اقولهم بصوا اليهود حلوين ازاي بيحبوا بعض اوي وبصوا دي نجمتهم ودة شعارهم هيطلعوا يحبوهم ولا يشكروا فيهم يا اخت
ويا استاذ تشي انا عارفة ان دخولك الكريم بدعوة من الاخت بنحاول اننا نبني والحمد لله مين قال لك اننا بنهد بس بما يرضي الله ويلا همتك معانا نبني سوا ونقول مفيد ونعلم اولادنا اننا مسلمين واسلامنا عظيم بس برده نعرفهم حقيقة اليهود
والاختلاف في الراى برده لا يفسد اي حاجة في اي حاجة

الـسـيـدة نـون يقول...

شكرا شكرا شكرا
ربنا يجازيكى خير يارب
اختك خيخة

raspoutine يقول...

السلام عليكم ورحمة الله وبركاته

اولاً بشكرك على زيارتك لمدونتى
ثانياً بحييكى على مدونتك والمواضيع اللى انتى كتباها ما عدا اخر موضوع
صدقينى انا حاسس بيكى لاننا كلنا زيك بنحب دينا وبنعشق بلدنا وبنغير عليها من كل غريب بيحاول يخرب لكن الموضوع اكبر من كده الموضوع اكبر من نجمة سداسية الشكل موجودة على جهازى او جهازك الناس دى بقت واقع ملموس ومجوده فى مجتمعنا الناس دى بقو شركا للمصريين رجال الاعمال والحكومة الناس دى دخلت مع الحكومة فى اتفاقيات ومعاهدات تجارية
يعنى بقت مصيبة وكابوس مش عارفين هنصحى ونفوق منه امتى يعنى مبقوش مجرد نجمة موجودة فى جهازك وجهازى
بما انك غيورة على بلدك ودينك يبقى لازم تكتبى بشكل اوضح وجاد وتظهرى الحقيقة على الاقل لنفسك قبل الغير
اكتبى وانا مستنى اشوف الجديد بتاعك

ربنا يوفقك ويباركلك

شكراً ليكى

ايمن فاروق

Che Ahmad يقول...

اسف

انا ما بدخلش عند حد بدعوة من حد
ولو انا جاى علشان دروب هى اللى قالتلي فهقول ومش خايف من حاجة ولا من حد الحكاية انى لقيت تعليقك فى بلوج دروب ودخلت عندك لقيت الموضوع
اما عن رأيي فلو تكرمتي ودخلتي منتدي طلبات وطالبات حاسبات ومعلومات هتلاقي ان نفسي ردي عليكي رديته هناك لان الحكاية دي عامله زى الهوجة اللى بتطلع كل شوية وبعدين تقف وبعدين تعلي كل فترة الاقيها انتشرت وكان ليا رد رخم شوية قبل كدا ولكن ردي المرة دي عادي يعني ولكن الحاجة اللى مرضيتش اقولها
اننا شعب مصر والعرب عموما
بنتصدر فى الهايفة
ودي بقي الهايفة اللى فى الهوجة الايام دي فى كل حته فى المنتديات والبلوجز والميلز
منشره الله اكبر انعم واكرم يا شباب الاسلام يعني هى جت على دي يعني اللى مأخرة نصرة الامة
بلا نيلة
انا لما بقول بصوا اسرائيل عامله ازاى مش بمدح فيهم دي حقيقة واقعة لا تحتمل التأويل هما أحسن منا الف مرة ولا اكون مبالغ ان قلت ان اسرائيل قوة عظمة لا يستهان بها بس احنا بقي بنعمل حاجة غريبة بقي نقول لاطفالنا وشبابنا اليهود ربنا هيدك بيهم الارض وهننتصر عليهم بفضل الله
يقوم شبابنا( يأنتخ ) ويقعد فى البيت مستني لما ربنا يدك بيهم الارض
بالذمة مش حاجة تكسف
اسرائيل اللى بتقولي انى بمدحها دي اتوغلت فى سينا لما لقيت انها مش هتملكها بالسلاح لمكتها بالعقل وضحكت علينا وسينا دلوقتى مليانه يهود كتييييييييييييييييييييير واديها احتلتها ومش هنقدر نعمل حاجة ليهم
اسرائيل اللى بتقولي انى بمدحها تتحكم فى الجزء الاعظم من الاعلام الغربي بكافه اشكاله وجزء لا بئس به من الاعلام العربي
اسرائيل اللى بتقولي انى بمدحها قوة عظمى بيتعملها الف حساب
اما العرب بقي فأحنا مجرد صفر ع الشمال شغال مساحة لنجوم من ع الاجهزة
اممممممممممممممممم
اشك اننا كعرب قادرين نوصل للصفر اصلا
اسف ان كان كلامي يضايق بس دي الحقيقة المرة اللى لازم كل واحد يقعد قدامها ويبص علشان يعرف احنا فين وهما فين

اخر حاجة
مش انا اللى بروح حته علشان حد دعاني والمدونة اللى بدخلها وبعلق فيها بيكون بكامل ارادتى وتفكيري مش بطلب من اى حد تاني

حاجة كمان قبل ما انسي
لو المدونة ما تستحقش ما كنتش كلفت نفسي عناء التعليق ومجرد تعليقي فى بلوج بيعني انى معجب بتفكير او شخصية صاحبه او ع الاقل بالموضوع المطروح للنقاش

خلص كلامي
تحياتى
تشي

عاشــــــ النقاب ـقــــة"نونو" يقول...

اسمحولي ارد على الاستاذ تشي
انت زعلت لما قلت انك جيت بدعوة من عند الاخت طب ليه بس ودي زعل يعني اصلي لسة مش معروفة ولقيتك مدون عندها فذكرتهاوبس
وماكنتش فاكرة ان الموضوع دة هياخد الحجم دة فعلا
بس انا معاك في كلامك يا استاذ تشي ان اليهود متقدمين عننا بس مش احسن مننا كتير برده واحنا الامل فينا كبير طول ما فيه شاب زيك فاهم اهو وانا بجتهد برده مع اولادي واهو بعمل اللي هيقدرني عليه ربنا في محاولة لنشر ديني على ادي كدة بجانب تربيتي لاولادي تربية اسلامية علمية
ترضي الله شغالين مساحة ولا مقشة بقى انا كان قصدي المعنى العاطفي يا جماعة حتى ونشغل مكانها مكان الصورة اي حاجة تانية او تسيبوها مش دي المشكلة انا كمان ضد الهيافة صدقوني وبرده نفسي اعمل حاجة لديني حتى وان كانت مسح صورة وهيافة بالنسبة لي دة اقدر عليه بجانب اني انشر ديني واعلم اولادي وانهض بيهم واعمل اللي يقدرني عليه ربي
وانا اللي اسفة لو كنت ضايقت اي حد
وجزاك الله خير على الكلمتين الحلوين دول واتمنى التواصل

عاشــــــ النقاب ـقــــة"نونو" يقول...

استاذ ايمن فاروق الحقيقة اللي اكبر من النجمة واضحة وجلية وعارفين كلنا الواقع المؤلم وبسعى واسعس لايضاحها والله معانا
اسعدني مرورك واتمنى التواصل

عاشــــــ النقاب ـقــــة"نونو" يقول...

خيخة خطوتك عزيزة
ولا شكر على واجب
اوعي تحرميني من الزيارة

عاشــــــ النقاب ـقــــة"نونو" يقول...

استاذي خالد فتحي
كفاني عزا ان الاسلام ديني ومحمد صلى الله عليه وسلم سيدي ورسولي
وكفاني عزا اني زوجتك
ربنا يخليك لي وللعيال

عاشــــــ النقاب ـقــــة"نونو" يقول...

تم تعديل بعض الخصائص حتى لا يكون هناك اي مجال لتدني الحوار
جزاكم الله خيرا
حتى من قام بكتابات غير لائقة لنفسه اولا

مروة الزارع يقول...

معلشى أنا مقصرة فى حق سامحينى أنتى عارفة اللى فيها

بجد موضوع رائع انا لاقيت كلامك مظبوط

جزاكى الله خيرا عنا

خالد يقول...

أرد على قطرة من المحيط لوسمحتي يا عاشقة النقاب
.
تقولي لي

الا تشعر بالعار يااخى ان اسرائيل كانت هى السبب فى استمرار الحياة فى غزة طول هذه السنين ، فعندما قطعت امداداتها المجانية من الوقود لغزة غرقت فى الظلام والفقر !! فصحنا نحن فى وجهها "اليهود ولاد ال... هيموتوهم من الجوع" عجبا !! هلا خفضنا صياحنا قليلا وادركنا اننا عالة حتى على اعدائنا !!!!!

.
ياترى

ياهلترى كلامك دا يا اختشي ولا ناقلاه من جريدة ايديعوت احرونوت

"النجم القادم" يقول...

السلام عليكم
اختى الفاضل
شكرا جزيلا على المعلومة الجميلة دى بس انا الحمد لله ملقيتش الصورة دى موجوده عندى على جهاز الشركة الحمد لله
وشكر على زيارتك الغالية لمدونتى وارجوا تكرارها

"النجم القادم" يقول...

السلام عليكم
اختى الفاضل

جزاكى الله على كلامك الجميل والمعلومات
الرائعة دى
ربنا يجزيكى خير
وعلى فكرة انا ملقيتش الصورة دى
على جهازى الحمد لله
وشكر ا على زيارتك الجميلة دى لجهازى

"النجم القادم" يقول...

على فكرة انا علقت مرتين ومش لاقى التعليقات هى بتروح فين

Bella يقول...

مع احترامي الشديد

اذا كنا نستورد تكنولوجيا وعلم من عندهم فماذا نتوقع؟؟

عندما نصبح مصدرين للعلم والتكنولوجيا يمكننا وضع اعلامنا وصور تخصنا واي شيئ يخطر ببالنا تماما كما كان اجدادنا العرب اهل الطب والهندسة والكيمياء وغيرها من العلوم يجبرون العالم كله لتعلم العربية حتى ينعهلوا من علومنا

فهل اذا حذفنا النجمة تنحل عقدتنا وتقل مشاكلنا وننتج علم؟؟

الحقيقة نحن بحاجة للعمل الفعلي على انتاج العلوم قبل ان نفكر في اي شيئ آخر

وارجو نشر تعليقي طالما هناك رقابة على التعليقات

تحياتي

عاشــــــ النقاب ـقــــة"نونو" يقول...

اهلا بحضرتك في مدونتي واتمنى دوام التواصل
وياريت لو تقرا التحديث للبوست دة بيرد على حضرتك
دمت بخير