الجمعة، فبراير 01، 2008

اتمنى اكون حبة قهوة مطحونة وانتوا؟؟؟!!!!



إشتكت إبنة لأبيها مصاعب الحياة ، وقالت إنها لا تعرف ماذا تفعل لمواجهتها ، وإنها تود الإستسلام ، فهي تعبت من القتال والمكابدة . ذلك إنه ما أن تحل مشكلة تظهر مشكلة أخرى. إصطحبها أبوها إلى المطبخ وكان يعمل طباخا ... ملأ ثلاثة أوان بالماء ووضعها على نار ساخنه ... سرعان ما أخذت الماء تغلي في الأواني الثلاثة. وضع الأب في الإناء الأول جزرا وفي الثاني بيضة ووضع بعض حبات القهوه المحمصه والمطحونه ( البن ) في الإناء الثالث .. وأخذ ينتظر أن تنضج وهو صامت تماما.... نفذ صبر الفتاة ، وهي حائرة لا تدري ماذا يريد أبوها...! إنتظر الأب بضع دقائق .. ثم أطفأ النار .. ثم أخذ الجزر ووضعه في وعاء .. وأخذ البيضة ووضعها في وعاء ثان .. وأخذ القهوه المغليه ووضعها في وعاء ثالث. ثم نظر إلى ابنته وقال : يا عزيزتي ، ماذا ترين؟ أجابت الإبنة : جزر وبيضة وبن.. ولكنه طلب منها أن تتحسس الجزر ..! فلاحظت أنه صار ناضجا وطريا ورخوا ..! ثم طلب منها أن تنزع قشرة البيضة.. ! فلاحظت أن البيضة باتت صلبة ..! ثم طلب منها أن ترتشف بعض القهوة ..! فابتسمت الفتاة عندما ذاقت نكهة القهوة الغنية..! سألت الفتاة : ولكن ماذا يعني هذا يا أبي؟ فقال: إعلمي يا ابنتي أن كلا من الجزر والبيضة والبن واجه االخصم نفسه، وهو المياه المغلية... لكن كلا منها تفاعل معها على نحو مختلف. لقد كان الجزر قويا وصلبا ولكنه ما لبث أن تراخى وضعف، بعد تعرضه للمياه المغلية. أما البيضة فقد كانت قشرتها الخارجية تحمي سائلها الداخلي ، لكن هذا الداخل ما لبث أن تصلب عند تعرضه لحرارة المياه المغلية. أما القهوة المطحونه فقد كان رد فعلها فريده ... إذ أنها تمكنت من تغيير الماء نفسه. ومـاذا عنـك ؟ هل أنت الجزرة التي تبدو صلبة..ولكنها عندما تتعرض للألم والصعوبات تصبح رخوة طرية وتفقد قوتها ؟ أم أنك البيضة .. ذات القلب الرخو .. ولكنه إذا ما واجه المشاكل يصبح قويا وصلبا ؟ قد تبدو قشرتك لا تزال كما هي .. ولكنك تغيرت من الداخل .. فبات قلبك قاسيا ومفعما بالمرارة! أم أنك مثل البن المطحون .. الذي يغيّر الماء الساخن ..( وهو مصدر للألم ).. بحيث يجعله ذا طعم أفضل ؟! فإذا كنت مثل البن المطحون .. فإنك تجعلين الأشياء من حولك أفضل إذا ما بلغ الوضع من حولك الحالة القصوى من السوء . فكري يا ابنتي كيف تتعاملين مع المصاعب... فهل أنت جزره أم بيضة أم حبة قهوه مطحونة
منقول

هناك 30 تعليقًا:

عابد الرحمن يقول...

لم اخطا عندما سميتك بالسيدة الفاضلة
فحقا كم انتي رائعة
موضوع جميل وشيق وهادف وممتع
والي الامام اختي الغالية

عابد الرحمن يقول...

صحيح لو دي صورة بنتك اللي في البروفيل
يبقي شيلها عشان الحسد ربنا حميها ليكي

احمد الجيزاوى يقول...

انا اول تعليق رائع
شرف ليه مكنت احلم به
اولا احيكى على اسم الرائع لمدونه
وادعو الله لك بثبات امام الفتت الحياة والنت والتدوين

اما بخصوص البوست حكمه عظيه
تخيلى انى لا اعرف حضرتك وله تعرفينى وانتى منزله البوست دة ومنقول كمان بس جه بنسبالى فى وقته لانى فعلا كان عندى مشاكل كتير جدا مبتخلص ومشاكل من الوزن الثقيل ولكن بعد قرائه هذا البوست الحمد الله
بعيد تفكير
ربنا يكرمك وجزاكى الله خيرا
ممكن طلب اخير
العروسه الحلوة دة اى صورته عندك فى المدونه ممكناطلب اديه
مهرة عينى وشقه فى قلبى
ربنا يحفظه ويحميه
احمد الجيزاوى

الطائر الحزين يقول...

فهمت المعنى بمجرد قرأه العنوان

اللهم اجعل فكرك حبات قهوة تغيرى بها الماء الآسن الى ما عذب فرات أو الى فنجان قهوة يضبط رؤوس الناس الى الحق والى الطريق المستقيم


بارك الله فيك

بحبك يامصر يقول...

الحقيقه موضوع رائع وفكرته هايله
تعلمت منه الكثير
شكرا

فرنسا هانم يقول...

وانما اتمنى ان اكون حبه قهوه مطحونه
تدوينه ممتازه
رغم انها برضه منقوله
احييكى على نقل ماهم مفيد لنا
واحييكى ايضا على امانتك فى النقل
ملحوظه
لقد قرأت التدوينتان السابقتان
عن العلم الاسرائيلى
اللى يستاهل حرقه
وعن الناس والتعليقات فى المدونات
واحب ان اعرفك انى تعرضت لموقف محزن جدا
علق عندى شخص اعوذ بالله من بذاءته
وكتب كلاما بذيء عن المولى عز وجل وعن الديانات
مسحت تعليقه على الفور
وذهبت الى مدونته
وهالنى ما وجدت من قاذورات
فخرجت مسرعه
دون ترك اى اثر لى فى هذا المستنقع
ملحوظه مهمه
اسراء عامله ايه ؟؟؟؟؟

عاشــــــ النقاب ـقــــة"نونو" يقول...

جزاك الله خيرا اخي عابد الرحمن
اما بخصوص البنوتة دي اسراء بنتي واشكرك على خوفك عليها والله خير حافظا

عاشــــــ النقاب ـقــــة"نونو" يقول...

استاذ احمد والله الشرف لي انا
وجزاك الله خيرا على دعواتك ويارب يثبتنا واياك لنصرة هذا الدينن العظيم
والحمد لله اني قدرت اضيف لحضرتك حاجة وربنا يوفقك لما يحبه ويرضاه واللي حضرتك قلته دة بيحصلي دة علشان ربنا يريد لك الخير على طول
اما بالنسبة للعروسة بقى هي 9 شهور بس ويشرفنا ان حضرتك تستناهاا واحنا لا بنطلب لا شقق ولا مهرولو ان اللي عرضته غالي والله بس احنا كفاية علينا اخلاق ودين حضرتك دول بقى ثروة
يلا كلم ابوها علشان تحددوا التفاصيل ابوها صاحب مدونة عابر سبيل

عاشــــــ النقاب ـقــــة"نونو" يقول...

ااخي الطائر الحزين امين يا رب العالمين ونبقى كلنا في خدمة الاسلام والمسلمين يا رب العالمين
بحبك يا مصر لا شكر على واجب واتمنى تكرار الزيارة والتواصل

عاشــــــ النقاب ـقــــة"نونو" يقول...

فرنستي الجميلة
الله يخليكي يارب
بصي الناس دي لولا افلاسها ما كنتش تسب وتشتم همة مش فالحيين الا في دة ربنا يهدي هنقول ايه بس
اسراء الحمد لله كويسة بس شوية برد كدة على الماشي بس عندي طواريء في البيت
يوسف عامل عملية اللوز واللحمية دة ابني الكبير 6 سنين
ويارب ما اتحرمش منك ولا من سؤالك علي
دمتي بخير

Alexandrian far away يقول...

الأخت نونو
تحية طيبة وبعد
أنا جئت لأرد زيارتك لمدونتي
وعلى الصبح كده صدمت بتدوينتك دجي ألي تعل وتهيج القولون
عموما ما علينا دي مدونتك وأنتي حره فيها ومحدش ضربني على أيدي عشان أدخلها
المهم يا ستي
مدونتك من بابها مستفزه
من أول صورة البنت الصغيره المقموعه بكيس المخده ألي على راسها، وطبعا محتاج وقت طويل أقول لك البنات ألي بتقمع من السن ده بتطور نفسيا بشكل سلبي قد أيه
ما علينا برضه
وبعدين أسم المدونه
عاشقة النقاب
فيه حد برضوا يعشق حتة قماش؟
طيب أنا بحب ألبس جينز دايما
أسمي مدونتي عاشق الجينز مثلا؟
أيه ضعف الخيال والقدره على الأبداع دي؟
ثم جملة التعريف
أتمنى أن يسود المسلمين العالم
أيه العنصريه والميول الأستعماريه دي؟
عايزه المسلمين يستعبدوا العالم ويبقوا أسياد عليه؟
هو ده هدفكم؟
أستعباد العالم؟
ثم حالة البراءه اللزجه أللي في مدونتك عجيبه خالص وخاصة أنها لا تتسق مع الكلمات المشحونة بالأشواك السامة التي تركتيها عندي في المدونه أو عند فانتازيا
وألي هي كان ناقصها شويه وتتحول لردح صريح
أخيرا أبقى بصي للكلام شويه عشان تعرفي صاحب التدوينه جنسه أيه وهو مين
ولا النقاب مش مخليكي شايفه كويس

تحياتي وأنا أهو رديت الزياره
أبقي شرفيني تاني
عندي بن محوج يجنن

مروة الزارع يقول...

اولا وحشانى جدااااااااااااا

اسفة على الغيبة

بس بجد انا ربنا عالم بيا

................

بجد موضوع راااااااائع اثر فيا

انتى جميلةةة جداا


انا بحبك فى الله

................

دعواتك

عصفور المدينة يقول...

بارك الله فيك وجعلنا وإياك قهوة تغير ما حولنا
ولا أقولك خليها عسلا يغير طعم الماء

Unknown يقول...

اختنا عاشقة النقاب
بارك الله فيك واحسن الله اليك
طبعا ماشاء الله موضوع متميز جدا واحسنتي اختيار المثال والرساله والهدف من الموضوع واضح جدا للي بيفهم او يعقل
يقول الله عزوجل(وتلك الامثال نضربها للناس ومايعقلها الا العالمون)
طبعاانا عرفة من اخي اليعقوبي علي المعارك اللي دائره في بعض المدونات والله يااستاذه الناس دي ناس مجرمه فعلا تحاد الله والاسلام جهرا لايستحون ولايستخفون من الله والناس دي كلنا فاهمنهم كويس جدا هم والله بلاء البشر فعن نفسي لاادخل عندهم حتي لااضيع وقتي وجهدي مع الاشكال دي بس محمود وحضرتك وباقي الناس المحترمه يدخلون ليدافعوا عن الاسلام فلكم الله وتحملوا الاذي في سبيله 0
بس ممكن حضرتك تسمحيلي ارد علي الاخ اللي معلق قبل الاخير ربنا يهديه
هو بس حضرتك البنت المقموعه بكيس المخده وعاشقة النقاب كل ده من فرائض الاسلام فكونك مسلم وتنكرهم وتتريق عليهم فاانت عندك خلل شديد جدا في عقيدتك وتتوب وتعود الي الله اما ان كنت غير مسلم فهذا من ديننا ولاقمع ولاقهر ولاكبت وخليك في اللي انت فيه ومالكش دعوه بحد كويس0
لاطبعا مش كويس ياسيدي ان المسلمين يسودوا العالم لو كنت فهمت المقوله لان انت طبعا مش جي تفهم انت راجل عندك القولون والضغط والسكر ربنا يشفيك انت داخل تهاجم وخلاص حتي مدتش لعقلك فرصه انت تفهم التدوينه بس ماعلينا المسلمين يسودوا العالم بأخلاقهم ودينهم النور والرحمه والعدل الي البشر كافه لااستعباد ولاقتل ولادمار لسنا صليبين ولاشيوعيين ولاعلمانيين فلسنا روسيا ولاتركيا ولاالصرب لم يقم المسلمين بعملية تطهير عرقي واحده في تاريخهم علي عكس باقي القوي فنسود بالرحمه والعدل لابالظلم والقهر0
انما انت والعلمانيين والملحدين عندكم فوبيا النقاب والحجاب دي مشكلتكم مرض نفسي هنعمل ايه بس والله احسن من اللي ماشيه مبينه لحمها تظهر عوراتها للناس تخالف الله والرسول انما احنا نطيع الله ورسوله ولانخالفه او نعصاه وعامة هناك يوم سيعرف كل من هؤلاء عاقبة امره واللي بيتريقوا علي النقاب والحجاب ويسخروا منهم في يوم هيجمعنا عند رب السموات والارض وسنعلم من الضال ومن المهتدي0
اسف جدا تاني يااستاذه للرد عندك في المدونه
بارك الله فيك
ويسرلك وثبتك وجميع المسلمين
وجزاكم الله كل خير

عاشــــــ النقاب ـقــــة"نونو" يقول...

اليكساندريا فار اواي
انا نشرتلك التعليق اهو اللي داير تنشره في المدونات وخايف الناس ما تستفيدش من تعليقاتك بس بجد انا سة متلخبطة من طريقة كلامك هو انت رجل ولا ست على فكرة الطريقة طريقة ستات
اما عن اللي انت كاتبه فالاخ العزيز الجعفري رد عليك شوية اياك ربنا ينعم عليك وتفهم مقصده وما تحولوش كعادتكم لحاجة تانية
اما بالنسبة لردي انا بقى فهكتفي حاليا باني اقولك ان كيس المخدة اللي بنتوتي لبساه ونقابي فعلا هو بيعمل حالة نفسية سلبية وسيئة جدا بس للي زيك وعموماوعلى فكرة لسة ردي عليك وعلى شلتك لم ينتهي بعد هعملهولكم مفاجاة
ومؤقتا دلوقتي سلاما
اياك تكون فهمت

عاشــــــ النقاب ـقــــة"نونو" يقول...

حبيبتي مروة الزارع فينك يا صغيرتي
اتمنى لك كل التوفيق يا اختي وجميع بنات المسلمين يا رب
وطمنيني عليكي يا اختي
واحبك الذي احببتني فيه

عاشــــــ النقاب ـقــــة"نونو" يقول...

الاخ العزيز الكريم عصفور المدينة
اهلا وسهلا بحضرتك في مدونتي المتواضعة واتمنى التواصل الدائم
ويارب نكون عسل كلنا ونغير طعم حياتنا كلناا لطعم العسل اللي موجود بوفرة في الدين الاسلامي العظيم ويا ليتهم يعلمون

عاشــــــ النقاب ـقــــة"نونو" يقول...

اخي الجعفري حمد الله على السلامة
دة شرف كبير لي ان حضرتك ترد على مدونتي اصلا فما بالك لما ترد بهدف الدعوة يبقى كمان اعطتني ثواب جزاك الله خيرا عليه
اما المدونات اياها فنسال الله العظيم ان يهديهم لسواء السبيل ووقتنا اللي بنقضيه هناك نحتسبه لله
وعلى الاقل نوضح الصورة للي ما يعرفش او عارف وعامل ما يعرفش
وربنا معانا

خالد يقول...

ماشاء الله لا قوة الا بالله
موضوع مفيد وتعليقات ثرية خصوصا الأخ الفاتح اللهم افتح علينا جميعا
.

لا دي حاجة حلوة قوي قوي
يعني عسل
ألا انتي صحيح حبة قهوة مطحونة
مش كفاية مطحونة في البيت
الله يكون في عونك
.
انا باحس ان الجعفري دا بيخش في المفيد بهدوء أعصاب كدا وكلامه بينزل على القلب يبرده
.

الفاتح اليعقوبي يقول...

السلام عليكم
ربنا يبارك في حضرتك
لعلنا نضعف اما المؤثرات ولكن لايجب ان نلين ولا يجب ان ننكر قوتها لنقدر كل شئ بقدره وبقوته الحقيقية حتي نستطيع المواجهة والاستعداد الجيد

لي عند حضرتك طلب
معلش دد اول تعليق بس لي طلب ممكن
متعلقيش عند السيدة الفاضلة اللي انت عرفاها تاني
الواحد والله لو يعلم انه سيحدث نقاش متحضر كنا اتنقاشنا انما دول شوية ملاحدة علي شيوعيين علي كارهين للاسلام علي شوية جهلة وضلالية
فسيبك منهم والفيصل بيينا وبينهم الشارع والناس هؤلاء النفر يهزمون يوما وراء الاخر في الشارع الرجل البسيط يكره مثل هؤلاء وافكارهم

فمثلهم كمثل الكلب ان تحمل عليه يلهث او تتركه يلهث
كده كده لسانه مدلدل وخلاص


وانا اقسم لحضرتك ان مثل هؤلاء بالفعل ليسوا الا مجموعة من الجهال مدعي علم وهم اجهل من النعال في الفاترين


والحوار معاهم لاطائل من ورائه ولن ياتي بجديد فهم صموا اذانهم هدانا الله واياهم



ده كان طلبي لحضرتك وفقط اطلب من حضرتك انك تقراي عن العلمانية وظروف تكونها واسباب انهيارها في مصر وفي بعض الدول الاسلامية لكي تعرفي عدائهم الشديد للاسلاميين اسف اقصد عدائهم الشديد للاسلام

ولو دخلتي مدونتهم هتعرفي هما اهي بالظبط
واسف علي التطويل


وربنا يشفي كل مريض مصاب بقولون او ضغط او سكر ويهديه
والسلام

الفاتح اليعقوبي يقول...

السلام عليكم
استاذة عاشقة النقاب اسال الله ان تكوني بخير

والله معني جميل ورائع فقط نحتاج ان نغير ولا نتغير
نؤثرؤ ونتاثر بحدود


والله المستعان والسه ان نصمد امام هذا الجو


لي طلب عند حضرتك
معلش عارف انه طل سخيف ومش من حقي بس ممكن متعلقيش عند الاشكال الضالة دي تاني

لان هؤلاء البشر لايتناقشوا بل يتجادلوا وينحدرون الي مستوي اخلاقي قذر
من الاخر
دول شوية شيوعيين علي علمانين متطرفين علي مدعي ثقافة وهم اجهل من النعال في الفتارين وشوية مدعي اسلام ودين وهم اكثر مايكرهوا هو الاسلام وياليتهم فقهوا فيه شئ لانهم قوم لايفقهون


والله لو عندي اعتقاد انه سيتم نقاش بينينا وبينهم لناقشنا ولكني اعلمهم جيدا هؤلاء يسبون ويتجرؤن علي الله ويتقولون عليه مالايرضي من القول
فهؤلاء هم الروبيضات


فمثلهم كمثل الكلب ان تحمل عليه يلهث او تتركه يلهث كالانعام بل هم اضل


فمتتعبيش نفسك وتوجعي قلبك النقاش معهم لايكون عبر النت ولكن يكون من خلال الواقع
فالنت كلام شغال والسلام ومحدش عارف يوقف حد واهه كله بيتكلم

فقط اقراي وادعو ال سبيل ربك واعرفي من ةهؤلاء والي ماذا يدعون

اسف اختنا الفاضلة علي التطويل تقبل الله منك حرقة الدم والاعصاب اللي هناك

والسلام

ِِAdem El-Mahdy يقول...

Al salam 3lykom

this is my first time visiting yr blog

and 2nsa2 Allah not the last
relly its very beautiful blog

about the bost
relly its amazing
Allahom 2g3lna 7bet Bon
thanx much

w bas
salam 3lykom

Dr.khaled يقول...

نقل طيب
أنا فاكر إني قرأت موضوع مشابه بس كان البصل أحد أعضائه

Unknown يقول...

لا اناولا حبه بن مطحون ولا جزره ولا بيضه
أ ناانسان
ربنا خلقني كده
وهافضل كده
أنا باغير وبتغير
بس باغير بالشرع
وبالتغير للصح
تحياتي على المدونه الجميله دي

غير معرف يقول...

السلام عليكم
انا افتكرت ان التعليقات ضاعت بعد ماوضعتها فقمت حطيط تعليق تاني
بس خير
اهم حاجة يكون المعني وصل
والسلام

عاشــــــ النقاب ـقــــة"نونو" يقول...

استاذي الحبيب خالد فتحي ربنا يعيني على خدمتك انت وعيالنا بس اياك يطمر
:D :D ;D :D :D
اما رايك في الاخ الجعفري واضم الاخ اليعقوبي عندك حق جدا
----------------------------------
استاذي اليعقوبي عندك حق يا اخي وطلبك على عيني وراسي
وهنتهج نهج جديد معاهم باذن الله يرضي الله وهو المطلوب نرضي الله ونمشي في الدعوة لله من غير ذنوب
وتقبل الله منا ومنكم
___________________________________
-ِِAdem El-Mahdy اخي
اهلا وسهلا بحضرتك في مدونتي المتواضعة وجزاك الله خيرا على كلامك
واتمنى التواصل الدائم
-----------------------------------
اخي الضاكتور خالد لا اللي جالي ماكانش فيه بصل
اشكرك على التواصل
----------------------------------
انا انسان
دة تشبيه بسيط يا اخي يقرب المسائلة كلنا طبعا بشر والطبيعي ان التغيير يكون بالشرع وبما يرضي الله
اهلا وسهلا بحضرتك واتمنى دوام التواصل
-----------------------------------اخي اليعقوبي الحمد لله الكلام الحلو عمره ما يضيع بس انا مفعلة الموديريشن علشان انشر المفيد والكلام اللي ينفع فقط
حتى المرة التالتة اللي حضرتك كتبتها لسة موجودة عندي بس هي نفس التعليقين اللي فاتوا
واسفة اني تعبتك
-----------------------------------
جزاكم الله خيرا جميعا واتمنى دوام التواصل

عابد الرحمن يقول...

طيب بس انا من حقي اني اجيب مهر يليق بعروستي
وانا شايف ان كنوز الدنيا كلها متكفيش
شكل الجوازة هتبوظ
هههههههههههه

عاشــــــ النقاب ـقــــة"نونو" يقول...

استاذي واخي الكريم احنا نجهزها ونكلف الفرح ونوديها لحد البيت ما دام ارتضينا الخلق والدين
دة شرف كبير لينا والله بجد مش كلام
يارب اعيش واشوف ولادي متجوزين شباب زيكوا همهم الدين والبلد كدة
شرفتني ونورتني

فرنسا هانم يقول...

انا جايه اطمئن على يوسف
وطبعا على حبيبه قلبى
منمنتى الغاليه
اوعى تزهقى منى
انا لما بحب حد
بتقرب منه خالص
تحياتى الخالصه

عاشــــــ النقاب ـقــــة"نونو" يقول...

اختي فرنسا دة انا فاتحة قلبي كمان تنوري وتشرفي في اي وقت تحبيه انا كمان احبك في الله
الحمد لله يوسف قام بالسلامة وهينزل المدرسة الاحد القادم وكلنا بخير الحمد لله
ما تحرمش من سؤالك علي يا حبيبتي في الله