الثلاثاء، فبراير 12، 2008

التاج الثاني



السلام عليكم ورحمة الله وبركاته احبتي في الله
وحشتوني جدا جدا
عارفة ان عندي تاجين اخرين متاخرين غير التاج دة واحد قراني من حبيبتي عاشقة الفردوس واخر من حبيبتي خالتشي فرنسا
بس حبيت ابدا بالتاج دة الاول علشان له وقت محدد فقلت اخلصه الاول وبعدين ربنا يفرجها بعد كدة
بسم الله ابدا
احب انوه الاول ان التاج اللي عامله الاستاذ احمد الصباغ وارسل لي بواسطة الاخ العزيزعابد الرحمن بشكره على التاج دة
1هل توافق على حذف خانة الديانة من البطاقة الشخصية ؟
لا اوافق
ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين؟
المثليين في رايي افراد غير اسوياء وربما مرضى و الشخص غير السوي او المريض يلزمه علاج اما نفسي اجتماعي او عضوي واذا كان يابى تلقي هذا العلاج ويرفضه فهو عاصي لامر الله فنحن نعلم كيف غضب الله على قوم لوط الغير متطهرين
بالطبع هم موجودون ورايت مدونات اصحابها يجاهرون بذلك اما عترافي بهم من ناحية اقراري لتواجدهم فهم موجودون بالفعل ام اني اتعامل معهم كاي فرد في المجتمع بالطبع لا فهو شخصية غير سوية من هذه الناحية لا يقدر على التحكم بنفسه في هذه الشهوة الشاذة فكيف لي ان اضمن ان يتعامل معي بطريقة سوية من كافة النواحي ومن اين اضمن انه لن يسيء الكلمات والافعال خاصة اما م اطفالي فالافضل التباعد عنهم الا اذا تم الشفاء من هذا الشذوذ عملا بالاية الكريمة الا من تاب واصلح وعمل عملا صالحا لانها
معصية تختلف عن اي معصية اخرى
تحديث لتوضيح وجهة نظري وللاجابة التامة عللى السؤال
المثلية حرية شخصية لا طبعا
لكن حرية شخصية لفاعلها فقط في بيته وفي سره لا يجهر بها ولا يطالب له ولمثله
بحقوق لهذا السلوك الشاذ ان يمارس
لكن اذا كان يصر على معصيته هذه فلا يجهر بها ويغلق عليه بابه ولا يؤذي مجتمعه
بهذه الكبيرةوالا لزم عليه تطبيق حد الله اذا افسد في المجتمع
اما اعترافي بالمثلية بان لهم حقوق فبالطبع والقطع ليس لهم اي حقوق
الامن يطلب الشفاء وفي سرية ايضا
غير ذلك لا والف لا
الحمد لله اصدقائي احسبهم على خير فليس لي اصدقاء مثليين

هل تعتقد بوجود إضطهاد للمسيحين فى مصر ؟
والله انا ارى ان الاضطهاد الذي نعاني منه نحن المنتقبات والمحتجبات فاق اي اضطهاد واضيف على ذلك الملتحين ايضا واعتقد اننا لم نرى اقباطا دلوا المعتقلات كالملتحين والاخوان لمجرد الاسام هو الحل ةولم نرى اخت حرمت من ارتقاء منصب معيدة بالجامعة لانها قبطية لكن سمع زوجي من جارنا اشرافه بنفسه على عدم تعيين اخت منتقبة معيدة في الجامعة لانها منتقبة ولم نرى مذ1يعة اقيلت للعمل الاداري لانها قبطية لكن اقيلت لانها احتجبت
الاضطهاد الذي يتخيله الاقباط هو شعرة بيضاء في جسد الثور الاسود بمقارنته بالاضطهاد الذي يلقاه المسلمون انفسهم حول العالم وكفاية كدة لحسن انا عندي كتيييييييير
من هو الشخص الذى تختارة لرئاسة مصر ؟


شخص يكون مرده كتاب الله وسنة الرسول الكريم
أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟
لا احبذ موضوع الاحزاب فهي تدعو للتفرقة وانما ساكون هيئة من العلماء المسلمين الكبار و اقتصاديين ومجالات عديدة للتشاروعملا بالاية وامرهم شورى بينهم
لكن احزاب للتناحر والتفرقة لا احبذه تم اضافة توضيح هنا لوجهة نظري
هل توافق على مشاركة كل من : الإخوان المسلمين - الأقباط فى الحكم؟تحديث
بعد مشاورات ومطاحنات والراي والراي الاخر مع مدير اعمالي واللي دائما يصوب اخطائي بيدي يعني بعد ما يقيم علي الحجة والبرهان توصلت الى الاجابة التي ارضي بها الله في هذا السؤال
اوافق على مشاركة كل من كان مردوده كتاب الله وسنة الرسول


الاقباط هم جزء من مصر لا يمكن اغفاله لكن التعامل معهم سيكون كما كان يتعامل معهم الرسول صلى الله عليه وسلم
لكن هم جزء من هذا الوطن وسيخضعون معنا للحكم بالشريعة الاسلامية
فى رأيك الشخصى .. ما هى أفضل مدونة على بلوجر قمت بزيارتها؟


مدونات عديدة


مدونة اخي العزيز عصفور المدينة استفاد منها كثيرا


مدونة الطائر الحزين ايضا استفيد منها الكثير
مدونة اليعقوبي والجعفري لها فضل علي اتعلمت منها كتير
وبفرح عند دخولها بشعر ان شبابنا لسة بخيردة تحديث واجب


مدونة خمسة فضفضة اشعر فيها باني اعيش مع الناس


مدونة عاشقة الفردوس صافية زي صاحبتها


مدونة اخي عابد الرحمن اضحك اوي واستعيد معه ذكرياتي في التدريس


مدونةمروة الزارع سلطة فعلا ودمها شربات وطبعا فرنستي الجميلة واسلوبها الممتع


مدونة محب الدين مفيش وقت ومدونة اخي خطاب المصري اخوة في الله فعلا وكانهم من ابي وامي


مش قادرةاقول مدونة عابر سبيل بتاعت البيه زوجي عطلاااانة على الاخر الله يسهل له


ومدونات كتييييييييييرة لسة بت خيخة واستاذ الجيزاوي طبعا الصحفي المحامي وامنا ام البنات الطيبة الخدومة وكتييييييييير اوعوا حد يزعل اني ما ذكرتوش دة سهو في الذاكرة فقط


.
للإناث فقط : هل توافقين على الزواج من رجل مطلق ؟


اوافق لكن اعرف سبب الطلاق وعلى اساسه تتم الزيجة او لا
اذا تزوجت وأنجبت ولدين وبنتين .. أى الأسماء تحب أن تسمى ؟


الحمد لله تزوجت وانجبت ولدين هم يوسف ومحمد


وبنتين هم مريم واسراء ربنا يخليهم ويبارك فيهم يارب



هل تعتقد أن توريث الحكم فى مصر . . سيتم فعلا أم لا ؟


اعتقد انه فعلا في طريقه للتوريث

فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به


افضل انجاز هو نزول المواليد على بطاقة التموين:D
واسوا عمل هو انه حتى يتم نزول المواليد لابد من استخراج شهادة ميلاد لهم بالكمبيوتر مما ادى لتواجد طوابير لا حصر لها :D :D



هل كتبت مرة بوست ف البلوج ومسحته؟امتى وكتبت ايه؟؟؟ لو مش عندك بلوج ...هل كتبت حاجه ف ورقه وقطعتها؟؟؟ او ايميل ومبعتوش؟؟؟


لا الحمد لله ما حصلش


بس كتبت ايميل النهاردة وما بعتوش علشان مش عارفة ابعته اصلا
لو حسيت بحد بيتظلم قدامك هتعمل ايه؟؟؟؟


هحاول ادفع عنه الظلم اذا كنت اقدر واذا لم يكن بامكاني يبقى هدعمه نفسيا وادعو له

لو رايح المريخ وهتاخد حاجات معاك هتاخد ايه؟؟؟ ولو شخص هتاخد مين؟؟؟؟


هاخد بوصلة علشان اتجاه القبلة للصلاة وسجادة الصلاة وهاخد مصحفي وهاخد الموبايل ابو كاميرا معايا اصور بيه لو ينفع او الكاميرا الديجيتال وهاخد بطانية بيقولوا هناك الجو برد اوي وطبعا ترمس شاي كبيييييير وكفاية كدة عشان الحمولة


لو شخص واحد هيبقى الاستاذ خالد زوجي ويا ريت العيال كمان عشان ما بحبش اسيبهم عند حد
اهم حاجة احج بس مع اولادي وزوجي


وولادي يحفظوا القران كله والله دول لو حصلوا مش عاوزة حاجة تاني من الدنيا



ماهو الرقم المفضل لديك؟؟
ما عنديش رقم مفضل بس افضل استخدام الارقام الفردية
من اكثر الشخصيات المؤثرة عليك في حياتك شخصية عامه و خاصه؟؟؟


في حياتي الشخصيات اللي اثرت علي الشخصية العامةالشيخ محمود حسين يعقوب والشيخ حسان وعمر عبد الكافي


الشخصية الخاصة الاستاذ خالد زوجي




شخص تضحى بحياتك من اجله؟؟؟؟


دلوقتي زوجي واولادي

اجمل اغنيه .و...اجمل نشيد ..و...افضل شيخ ..و..افضل منشد..و..افضل مكان؟؟؟؟؟


اجمل اغنية اي اغنية دندتها مع زوجي بالنسبة لي اجمل اغنية




اجمل نشيد اي نشيد لمشاري راشد ودعاء اللهم ارحم شقايا لشادية


افضل شيخ


عائض القرني ويعقوب ومحمد حسان وابو عمار والدكتور عمر عبد الكافي مع حفظ الالقاب اما افضل شيوخ قارئين للقران الشيخ عبد الباسط ومحمد جبريل ومشاري
لما تكون سعيد يتعمل ايه ...ولما تكون مخنوق بتعمل ايه او بتروح فين؟؟؟؟


والله الموضوع بيبقى نسبي ممكن لو حاجة غير متوقعة او حاجة تحققت اسعدتني يبقى ركعتين شكر او تصدق او افضل احمد ربنا كتير


ممكن بقى اعمل للعيال وابوهم حاجات حلوة ياكلوها وممكن افضل اتكلم كتيرعن السعادة دي


مش حاجة محددة يعني


لما بكون مخنوقة باستغفر الله كتير واشغل نفسي بحل الموضوع اللي خانقني او ابعده عن تفكيري خالص او اصلي وادعو دعاء تفريج الهم


هل ممكن تتأسف لأنسان ..لو كنت غلطان؟؟؟
لو غلطانة ممكن اصحح الغلط ابلغ من انا اسفة لكن ممكن الاعتذار الصريح يكون مطلوب احيانا
امتى مريت بموقف مضحك اوى ومكنتش قادر تمسك نفسك من الضحك؟؟
دلوقتي البوست اتنشر من غير ما اخد بالي وبعدين عدلته ونسقته وجيت انشره النت اتقطع وبعدين تاني حفظته وكل ما ابعته النت يقطع قعدت اضحك من الفرسة

لو هتموت بعد ساعة (بعد الشر) ايه اول حاجه هتفتكر انك المفروض تلحق تعملها؟؟
الاستغفار والصلاة ركعتين ووداع اولادي وزوجي وامي وتوصية زوجي مفيش مرات اب للاولاد
لمن تمرر هذا التاج ؟

امرر التاج لعابر سبيل ودة لاجباره العمل بالمدونة

وعاشقة الفردوس واي حد يحب يجاوبه
-

هناك 26 تعليقًا:

MerMaid يقول...

ازيك؟؟
اجابات موفقة

تحياتي

بحبك يامصر يقول...

سعادتى لا توصف بأول تعليق
بصراحه اجابات جميله جدا كلها
واقعيه وحب لله ورسوله ويارب يسعدك بزوجك واولادك

بحبك يامصر يقول...

انا عملت تعليق وشكله ماوصلش
هحاول تانى
اجاباتك جميله بجد وكلها حب لله ورسوله
ربنا يرضى عنك يارب

عاشــــــ النقاب ـقــــة"نونو" يقول...

السلام عليكم ورحمة الله احبتي
اهلا وسهلا الاخت ميرميد في اول تعليق لحضرتك على المدونة
الحمد لله انا بخير
جزاك الله خيرا على السؤال والتعليق واتمنى دوام التواصل
-----------------------------------
اهلا وسهلا بحبك يا مصر معلش دة مش اول تعليق الاخت ميرميد سبقت حضرتك المرة الجاية بقى
اصل عاملة موديريشن
وجزاك الله خيرا على الدعوات يارب تكون من نصيبي امين
بس انا بقى سعادتي لا توصف لتواصل حضرتك
-----------------------------------

عصفور المدينة يقول...

حفظك الله وزوجك وذريتكما وبارك فيكما
وإجاباتك طيبة جدا وفيه تشابه لإجابات كثيرة عندي مع إجاباتك

وفي انتظار الأستاذ خالد في مدونته المهجورة

Unknown يقول...

اختناعاشقة النقاب
ربنا يبارك في حضرتك
اجابات ماشاء الله متزنه جدا
بس سؤال
ازاي هتحددي اتجاه القبله من علي المريخ؟
مش هتبقي صعبه شويه
---------------------
طيب والوقت مش اوقات الصلاه هتختلف ازاي هنحددها من علي المريخ؟
هههههههههههههههه
دي بقي مدرسة الاحناف في الفقه كانوا يقعدوا يفكروا ويقولوا لو كذا لكان كذا ولو كذا لكان كذا
يعني يقعدوا يفترضوا المسائل ثم بضعون حلولها
وعجبتني جدا اجابة اضطهاد الاقباط
---------
موضوع العلمانيين 5 نزل
وربنا يبارك لحضرتك يارب في اولادك ويحفظوا القران ويعملوا به ويكونون بارين بكم طائعين لربهم
وجزاكم الله كل خير

عاشــــــ النقاب ـقــــة"نونو" يقول...

الاخ الفاضل عصفور المدينة جزاك الله خيرا
ما هو لازم يبقى فيه تشابه يا افندم طبعا ما دام مردودنا لكتاب الله وسنة نبينا صلى الله عليه وسلم وكمان انا جاوبت على التاج من هذا المنطلق وايضا من استفادتي من حضرتك دة لا يمكن اغفالهوانا كمان منتظرة المدونة المهجورة بس هو معذور مشغول جدا فعلا
دمت بخير

عاشــــــ النقاب ـقــــة"نونو" يقول...

اخي الفاتح الجعفري اهلا وسهلا بحضرتك
هحدد اتجاه القبلة بالاجتهاد على اد ما اقدر وان شاء الله ربنا يتقبل
بس اوعدك اني مش هطلع المريخ قبل ما اقرا واستفسر من علمائنا كويس علشان اعرف ازاي اؤدي عباداتي
والله موضوع الاقباط دة عندي لسة كتير جدا فيه لاني عايشة في وسطهم اصلا بس هعمله بوست قريب جدا
وموضوع العلمانية دة بقى حكايته حكاية هروح اكمله حلا عند حضرتك وهعمل مفاجاة فيه ان شاء الله تكمله
بس موضوع فقه مدرسة الاحناف معلومة لازم اقرا عنها جزاك الله خيرا اخي
دمت بخير وسعادة

Empress appy يقول...

لا احبذ موضوع الاحزاب فهي تدعو للتفرقة وانما ساكون هيئة من العلماء المسلمين الكبار و اقتصاديين ومجالات عديدة
شوفتى ده بجد اللى بقوله اجابه هايله ومش 27 حزب يا ست الكل دا انا اتغظت غيظ منهم يا ساتر على التفكك
ليه تعليق موضوع شهادة الميلاد الالكترونيه قيلينا عليها من زمان جدا بس بما اننا شعب بيتحرك على اخر لحظه فونقنا الدنيا معانا
حلو اجاباتك ووجهه نظرك

"النجم القادم" يقول...

انا بحجز مكان وراجع باذن الله لاقولك راى معلش انا فى الشغل وفتحت فمش فاضى اقرى انتظرى راى فى التاج

عاشــــــ النقاب ـقــــة"نونو" يقول...

الاستاذة ابي اهلا وسهلا بحضرتك
فعلا انا ضد اي شيء يدعو للتفكك مهما كانت وجهات النظر مختلفة
موضوع شهادة الميلاد الالكترونية عارفة انه من زمان
بس برده عارفة اني لما باجي اثبت اولادي كمواليد بيطلعوا لي شهادة ميلاد عادية وبياخدوا كمان عشرين جنيه وبتترمي في البيت ودلوقتي كل حاجة ماشية بالشهادة الالكترونية دي وبرده لما جيت اطلعها دفعت خمسة جنيه للشهادة طيب ما هو مادام العمل من الاول بالشهادة الالكترونية ليه بتطلعوا لنا اللي بتترمي
ودلوقتي كمان للاستغلال طبعا رفعوا سعرها
وبعدين الموضوه دة مذكور في سؤال انجازات الحكومة ومساوئها يعني تهكم مني
يعني
خطوة عزيزة اتمنى تكرارها للتواصل

غير معرف يقول...

السلام عليكم
اجابات جميلة ربنا يتقبل من حضرتك يارب

ويبارك لك في زوجك واولادك

اما مسئلة الاحزاب دي انا موافقك ولكن هذه اراء لاصحابها ومن صعب فرضها علي الناس جميعا وان كان الامر لن يقابل بترحاب بين الناس


والسلام

الـسـيـدة نـون يقول...

اجاباتك حلوة وسلسة
وشكرا ليكى جدا على اضافة اسمى فى مدونات بتقريها
سلام
اختك خيخة

ِِAdem El-Mahdy يقول...

سلام عليكم

الردود ما شاء الله قويه
انا جالى التاج ده من احمد الصباغ و رديت عليه على الدونه ارجو النظر اليه و جزاكم الله خيرا

محمود المصرى يقول...

بسم الله الرحمن الرحيم

بارك الله فيكم اختى الكريمة

فقط بالنسبة لموضوع البوصلة على المريخ علشان تحددى اتجاه القبلة , هى البوصلة بتتحرك تبعا لجاذبية الارض , يعنى تشير الى القطب الشمالى للأرض فخارج مجال الكرة الارضية لن يكون هناك جاذبية وبالتالى البوصلة لن تعمل .
اما بالنسبة لموضوع المثليين فلا اعتقد انهم مرضى , لأنهم لو كانوا مرضى لما حق عليهم العقاب والعذاب , لكن هذا فساد فى الفطرة , كمن لا يجد غضاضة فى الزنا كما نرى فى الدول الغربية , فطرتهم فسدت بحيث لا يشعروا بتصادم افعالهم مع الفطرة .
بالنسبة للاجابة حول الاضطهاد للمسيحيين اتفق مع حضرتك تماما فيما تفضلتى به ,اما بالنسبة لموضوع الاحزاب اعتقد انه يحتاج لأعادة تشكيل الفكر السياسى لدى الامة , لأننا للأسف مقولبين تبع التصور الغربى فالناس ممكن لا تستوعب موضوع الغاء فكرة الاحزاب .

صحفية روشة يقول...

لاحظت حاجة
كل اجاباتك
الله الرسول الصلاة الصيام الزوج الاولاد
انت مش بتعملى حاجة تانية فى حياتك غير كدة
مقصدش تقليل اهميتها
انا معرفش اعيش من غير صلاة
لكن انا بعمل حاجات تانية كتير فى حياتى
وبتكلم عن حاجات مختلفة فى البلوج وكدة يعنى
على العموم اجاباتك حلوة اوووووووووووى
سلام

dr.Muslim يقول...

السلام عليكم

ما شاء الله اجابات طيبه وموفقه

أنا أخدثه من حضرتك بأه يا أختي
وجاوبت علي أسئلته

((مع انك ما أرسلتيهوش ليا بالاسم بس مش مشكله ))

وفعلا جزاكي الله خيرا أنك أرسلتيه لأستاذ خالد لأني كل ما أدخل عنده ألاقي نفس الموضوع الي مش عايز يحط غيره أقعد أقرأ فيه برضه لما حفظته

جزاكي الله خيرا وسلامي لأخي خالد

dr.Muslim يقول...

اضافه بسيطه يا أختي

ما شاء الله حضرتك كل اجاباتك تدل علي أن كل حياتك : الله الرسول وزوجك وأبنائك
وهذا ما يجب أن تكون عليه المرأه المسلمه وهذا شئ يحسب لكي ان شاء الله

لأن الله تعالي قال (( وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }

فأبشري يا أختي فأنتي في الطريق الصحيح ان شاء الله فما أجمل أن يكون الله غايتك وكل همك هو ارضاؤه وارضاء زوجك والحفاظ علي بيتك

وجزاكم الله خيرا

عاشــــــ النقاب ـقــــة"نونو" يقول...

اخي النجم القادم في انتظارك
يهمني راي حضرتك
===================================
استاذي اليعقوبي
دة رايي عاوزين تنتخبوني على كدة اهلا وسهلا مش عاوزين هتنتخبوني برضه انا ديمقراطية وهخليكوا تنتخبوني
:D
===================================
اختي خيخة اهلا وسهلا اتمنى دوام التواصل===================================

عاشــــــ النقاب ـقــــة"نونو" يقول...

اخي ادم المهدي جزاك الله خيرا اخي على دعوتك الكريمة للتاج في مدونة حضرتك والحمد لله لبيتها
اتمنى التواصل الدائم
==================================
اخي محمود المصري والله يا اخي هجتهد في موضوع الصلاة دة بشتى الطرق وهسال عليه قبل ما اطلع المريخ
اما عن موضوع المثليين دة انا مع حضرتك جدا جدا وبالطبع في منهم من يلزم حتما تنفيذ حد الله عليه فورا
لانه مفسد في الارض ويجاهر بفساده
انما الاترى ان يمكن ان يكون منهم من هو في حكم المدمن او المريض النفسي ويقر ويعترف بانه على خطا ويريد تصحيح هذا الخطا بالمساعدة العلاجية التي تلزم ذلك سواء النفسية او البدنية واعتبر هذا مثل الكافر الذي اغلق عليه بابه ليمارس كفره بعيدا عني ولا اعلم عنه شيء يعني قافل بابه عليه لا يشيع فساده
هذا لا يطبق عليه حد الا اذا جهر بكفره وبدا يشيعه ويفسد علي
الست معي في ان منهم من يريد العلاج نظرا لان تم توجيهه لذلك بطريقة خاطئةما وعندما افاق وتدارك امره الغريب اراد التوبة
ماذا نفعل مع هذا
اجابتي كانت من هذا المنطلق
اما الذين يطالبون بالاعتراف بهم وبحقوقهم والكلام الفارغ اياه فهم ومن يساندهم لهم مني ومن الله ما يستحقون وبالقطع تطبق عليهم الحد اللازم
اما عن الاحزاب اتمنى من الله ان نكون يد واحدة في كل شيء مردودن هو كتاب الله وسنة رسوله

عاشــــــ النقاب ـقــــة"نونو" يقول...

صحفية روشة اهلا بحضرتك
اختي والحمد لله اهتماماتي كثييييييرة جدا واكتب في الكثير ولكي ان تقراي مدونتي ومدونتي الاخرى في مكتوب ولكن هل ما اكتبه يحمل فعلا الفائدة ام انه كتابات والسلام وهل ما اكتبه سيسيء الي او احصد به الجزاء الطيب من رب العالمين
وهنا يوضح لكي الفرق
انا اختلفت لاني اردت من زمن ان يكون لي منبري الخاص اكتب فيه فقط ما يدعو لله ولرسوله من خلال اي شيء
حتى يمكن ان اكتب عن اشياء شخصية لكن ينبغي ان يكون من وراءها هدف ودعوة والاكبر ان ترضي الله ورسوله وليس لملء الفراغ والكتابة والسلام وان اجد متنفس لي واخوة يساندوني في وقت ضيقي لكن كله في اطار ما يرضي الله ورسوله
حتى تكون مدونتي حجة احسبها لي وليست علي
لكن حياتي مليئة جدا جدا ورقم واحد فيها الزوج والاولاد واسعى جاهدة فعلا على الجنة من خلالهم ورضى الله ورسوله
ادعو لي اختي ان يوفقني الله لذلك
اتمنى ان تكون فكرتي وصلت اليك
اسعدني مرورك وارجو التواصل

عاشــــــ النقاب ـقــــة"نونو" يقول...

اخي خطاب شرفتني يا اخي بمرورك وتعليقك اقيم
اتمنى من الله ان يتقبل دعائك لي اخي وجزاك الله خيرا
ومعلش الاستاذ خالد مش فاضي حتى لنا نفسنا نشوفه انا والاولاد كفاية مش عارف
يومين الضرائب وربنا يعينه ويعينا لحد ما يسلمها
واوعدك انه هيجاوب التاج اقرب وقت
اخي المدونة مدونتك لك ان تاخذ منها ما تريده دون اي حرج وخلاص بعد كدجة هارسل اي تاج ياتيني لحضرتك لحد المدونة
دمت بخير اخي

"النجم القادم" يقول...

النجم القادم قد اتى من جديد
بنوره الفريد
بجد يلا بينا وحده واحده
اولا موضوع التضيق على المحجبات والمنقبات عجبنى جدا وموضوع ان القبطيات هم الا بيتقلدوا المناصب صح انا معاكى
وانا زعلان منك وهعيط كمان يلا بقى هيي هيي هيى هيى بقى كده انتى مش بتحبى مدونتى وربنا لاخوفك لما تيجى عندى وانا عمال اقولك اوعى تخاف وبرده ماشى يا حماتى
بالنسبة لاسماء بناتك
انا خلاص حجزت هيه شوفى يلا هتجوزينى مين فيهم مريم ولاإسراء يلا انا منتظر الموافقه علشان اجيب الدبل
هو المريخ فيه شبكة لو فيه بالله عليكى قوليلى اروح هناك احسن اصل الشبكة هنا خلاص تخنق
وشكر على الاجابات الجميلة دى ربنا يباركلك
وانا اسف انى اتاخرت فى موعدى بس انا اهوت اوفيت بعهدى وجيت

عاشــــــ النقاب ـقــــة"نونو" يقول...

اخي النجم القادم انا روحت المدونة اهو
ومش هخاف ولو خوفتني هقول اعوذ بكلمات الله التامات
والجوازة هتم باذن الله بس يلا اقف في الطابور اخي عابد الرحمن واخي الجيزاوي برضه واقفين فيه وبناتي بقى يشاوروا
مرورك بيسعدني دوما ويلا بقى قلت للريس على طلباتي ولا لسة
على فكرة انا معاك ان الشبكة بتاعت المحمول بقت تموت مش تخنق
دمت بخير وسعادة

غير معرف يقول...

رغم اختلافي التام مع اجاباتك ومع اسلوبك في الحياة التدوينية الا ان الموضوع والاجابات كانت تحمل جانب جميل من الانسانية
اتمنى لك التوفيق مع زوجك واولادك

عاشــــــ النقاب ـقــــة"نونو" يقول...

الله يهديك وايانا يا مصطفى
شكرا على المرور