السلام عليكم ورحمة الله وبركاته
اعذروني بداية التدوينة هتكون بالعامية
ومع الاعتذار لاي حد هيزعل واي حد زعل بس دي كلمة حق ولازم تتقال
ولو فيه مدون مسيحي حصل معاه موقف زي دة اظن انه مش هيتوانى في انه يوضح اي
حاجة تحتاج توضيح وانا شايفة ان دة واجب علي
طبعا كلنا مستغربين مين بلبول دة!!!؟؟؟؟
اقولكم بلبول دة هو نجم غرف التبشير اللي في البال توك الشتامين
طبعا بيفضلوا يدوروا على اي شيء يتكلموا فيه ويشتموا وخلاص
يجي بلبول [دةتبعهم طبعا وعامل مسلم]ويتناقش معهم عن الدين ويقول انا اجاوبكم زي
ما انتوا عاوزين يقولوله شفت الايحاءات الجنسية [في نظرهم طبعا] اللي في سورة
يوسف وييفضلوا يشتموا ويسبوا ناكرين الاعجاز هنا في موقف كهذا بان الايات القرانية
ذكرت ما حدث دون لفظ واحد خادش للحياء وطبعا بلبول[اللي تبعهم وعامل مسلم]
يتهته في الكلام ويقطع وما يعرفش ينطق زي ما قالوله يعمل ويبدأوا وصلتهم شفتوا
اهو غرق في شبر ميه مش عارف دينك شفت دينك
اهو بلبول
وطبعا في الاصل يكون واحد مسلم بينقد سفر الانشاد واللي لازم يكونوا طردوه وبسرعة
يجيبوا بداله بلبول طبعاا علشان اصل الموضوع يضيع ودة الهدف
دي حكاية بلبول في البال توك
طيب هو راح فين بلبول وعاد منين؟؟؟
بلبول موجود في البال توك ولا يزال لكن الجديد انه اقتحم المدونات
ايوة موجود بينا في المدونات بعض المدونين بيكتبوا حكايات زي دي بالضبط بس طبعا
نصها او الجزء اللي يخدم بس ويدعوا انها حكايات حقيقية
طيب ايه ادلتي؟؟؟!!! انا سمعت حكايااااات كتييييير بالشكل دة
وعرفت حكايته لاني كنت بدخل هناك اشوف بيقولوا ايه لكني عرفت بعد كدة ان تواجد اي
مسلم في غرف التبشير الشتامين حرام شرعا بنص الاية 140 من سورة النساء
يقول الله تعالى: وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا
فَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ
وَالْكَافِرِينَ فِي جَهَنَّمَ جَمِيعاً [النساء:140]..
لكن اذا كنت بالفعل تريد ان تزداد علما وتسمع كيفية الدعوة للاسلام من اناس دارسين
وعندهم علم كافي فانا ادعوك لزيارة غرفة مسلم كريستيان ديالوج للداعية وسام عبد الله
على البال توك
والتي يدعو فيها النصارى للاسلام عن علم ودراسة لكتابهم ولوجه الله واسلم على يديه
اكثر من الفين مسيحي وممكن تدخل المنتدى بتاعهم
للتعرف على ما قاموا بعمله في الدعوة وسماع شهادات اناس اسلموا على ايديهم وسماع
المناظرات التي تقام بينهم وبين قساوسة وكهنة كبار
طيب كتابتي للتدوينة دي ليه؟؟؟
لاي مدون عاوز يكتب حكايات اكتب براحتك وزي ما تحب بس هاتها كلها على بعضها
بيتهيألي الموضوع يبقى اوضح ويتناقش بموضوعية اكترلكن تكتب وتنقد دين وخلاص
بيتهيألي دة يبقى ايه دة ولا اييييييه
دمتم بخير وسعادة
هناك 32 تعليقًا:
السلام عليكم اختي الفاضلة عودا حميدا ان شاء الله -موضوع جميل لان لي اكثر من تجربه مع اناس غير مسلمين وملحدين بعضهم اسلم والبعض وصل الي فكرة انه يوجد اله واحد فقط بعد حوار ستة اشهر -وبعضهم سب وشتم وذهب .عندي اقتراح بسيط لكل مشتغل بالدعوة قبل ذهابك الي هذه الغرف او التحدث مع اي شخص غير مسلم صلي ركعتين بنية دخوله في الاسلام وسوف تري النتيجة .والله ليست مجرد كلمات اطلقها في الهواء لتذوب لكنني جربتها بنفسي -لاجل هذا لايتحدث اصدقائي غير المسلمين عن الخمر والمواضيع الاخري امامي لمعرفتهم باني اتعامل معهم بديني -صلاة ركعتين ودعاء مذلة كافيه لتفتح الف قلب وقلب -ودمتم سالمين
جزاك الله خيرا
ونصيحتي لمن يدخل إلى هذه الغرف أن يكون مثلما وصف أخونا مشتاق
وأيضا أن يكون ذلك بتخصص وألا يكون ذلك عن طريق التجول أو الاستكشاف
وكذلك الأمر بخصوص أي من مجالات الدعوة صورة خاطئة أن يظن شخص أنه داعية فبالتالي يمكنه دعوة أي أحد مهما كان حاله
جزاك الله خيرا على التذكرة
أول زيارة لمدونتك
أنا لقيتك زى بتعشقى اللى بعشقه
تذكرة جميلة وموضوع مهم
جزاكم الله خيرا
بسم الله الرحمن الرحيم
بصراحة هو الموضوع دا فيه كذا حاجة عاوز اتكلم فيها , اولا موضوع بلبول دا مش شرط يكون مصطنع اختى يعنى فعلا فى مسلمين كتير بيدخلوا الغرف المسيحية وبيواجهوا ازمة فى الرد لقلة العلم , وبيتهتهوا فى الاجابات وممكن يقعوا فى اخطاء كبيرة , ودى مرجلة كل واحد دخل البالتوك مر بيها , لكن مش دى الخطورة الخطورة تكمن فى التوجه البلبولى لدى كتاب ومفكرين كبار , بيتخذوا المنهج الاعتذارى فى الدفاع عن الدين , فلا يعنيه توضيح الصورة الحقيقية للاسلام بقدر توفيق الاسلام مع تصورات غير المسلمين , يعنى النصرانى يقول انتم بتكفرونا فين بقى التسامح ؟ يقوم المفكر البلبولى يقول لا مابنكفركومش دا انتم اهل كتاب مش كفار , دا علشان ينفى تهمة التعصب الدينى عن الاسلام ويظهر ان الاسلام دين تسامح , يقوم النصرانى يقول طيب رسولكم لعن اليهود والنصارى , التانى يتلخبط ويتبرجل ويقول لا لا لا الحديث دا ضعيف , وهكذا .
بالنسبة لتلقى العلم الشرعى فليس مكانه البالتوك فى اى غرفة من غرفه مع احترامى للجميع يعنى , لكن له مصادر وعلماء يجب ان نتلقى منهم العلم الشرعى .
نقطة اخيرة احب اوضحها , ان الرد على الشبهات لا يجب ان يكون بطريقة ما انتم كمان عندكم , لأنه لا يمكن بناء الحق على الباطل , لكن ممكن تنفع عند تقرير المسلمات والاسس المنطقية التى يبنى عليها الحوار , وما يستخدمه الاخوة من نشيد الانشاد وحزقيال ووو فهو لا يعدو وسيلة للرد بالمثل على سفالات النصارى على البالتوك , لكنه ليس المنهج الامثل للرد ( هذا برأيى طبعا )
جزاك الله كل خير
بس انا متهيألي ان البالتوك ده بقى فاشل قوي ومبقاش عليه اقبال
جاري تصفح اللينك
تحياتي
ادم
شكرا جزيلا على المعلومة
لعل الناس تأخذ حذرها ، وتعلم كيف تتعامل مع مثل هذه الأشياء
---
تحية لأخي الكبير وأستاذي عصفور المدينة على الإضافة التي كنت أتمنى أن أضيفها
سبحان الله
امال حضرتك لو شفتي حلقات لزكريا بطرس
تعملي ايه
!!!!!!!!
أنا نزلتها كلها
وسمعتها كلها
والله ...اقسم بالله
ايماني زاد
!!!!!!!!
من كتر ما الكلام شديد السذاجه
وتافه
اي عيل صغير ممكن يعرف الغلط فيع فين
بس طبعا مانصحكيش انك تنزليها
أنا متخصص نوعا
:)
................
لو حبيتي تستزيدي عن الموضوع ده
الاخ أحمد الجيزاوي عامل مدونه اسمها مركز نداء لمقارنه الاديان
جميله
.................
ملحوظه
الحمله مش مواثيق وبس
لا
الميثاق بتاع كل خلق بيجي بعد الخلق بتاعه
ممكن تقرأي مقال اول خلق على المدونه
بس هوه تحت شويه
وبإذن الله الخلق التاني يوم الاتنين ها يكون نازل
اعزك الله
ان لم نكن على علم وخضنا فى هذا العراك سنفتن فى ديننا
الافضل البعد
تحياتى
جزاك الله خيرا
جزاك الله خيرا
اخى مشتاق
السلام عليكم احبتي في الله
اخي مشتاق لله بارك الله فيك ولكني الى الان لا اجد نفسي اهل لذلك فانا اعتبر نفسي في طور التعلم مبدئيا الا في امور بسيطة استطيع البحث فيها والكتابة ولا افعل ذلك الا عندما اكون قادرة على التكلم بالدليل لان مواضيع الدين والجدال حساس للغاية حتى لا اكون بلبول
بالفعل نحن سفراء لهذا الدين فينبغي دعوة انفسنا اولا ومن خلال تعاملاتنا نقدر ان ندعو الاخر وكثيرا حدثت معايا الاهم نستحضر النوايا
وجزيتم اخي على النصيحة الغالية
اخي عصفور المدينة بوركت اخي
لكني هنا في صدد التحدث عن بلبول الممثل الذي يقتادوه ااصحاب غرف الشتامين حتى يغطي على نقطة مناقشة هم فيها يكونوا في ضعف ويقوموا بطرد السائل فيها بسرعة
يعني مسلم داخل يسال عن سفر الانشاد والالفاظ الللي فيه يبداوا بطرده بسرعة او يقولوا انه خرج ويجيبوا بسرعة بلبول ومش لاقين مواقف في القران الا موقف سيدنا يوسف مع امراة العزيز فيدعو بالباطل انه فيه ايحاءات جنسية
ويبداوا في السبوالشتم ليغطوا على لب السؤال الاصلي وبعدها يشرحوا سفر الانشاد بيتكلم في ايه بالرغم من ان الموضوعين في مقارنة المة
اما عن الدخول لهذه الغرف فهو غير مجدي باي طريقة من الطرق لانهم ناس بتاخد فلوس وتدعم ممن الخارج للتبشير وليس لاتاحة اي فرصة لاي مسلم حتى وان كان دارس لاي ماقشة غير ان غالبا بيستشهدوا بالاحاديث الضعيفة والمرفوعة حتى ليومناا هذا لسة بيتكلموا في حديث رضاع الكبير الذي قتل بحثا
اذن االدول لغرف الشتامين حرام شرعا هناك غرف للدعوة للاسلام زي الغرفة اللي ذكرتها فيها بيدخل النصارى ليسالوا ويتحاوروا طبعا ساعات منهم من يدخل ليشتم ويجري لكن في حوارات قائمة استمع اليها لاتعلم عنهم وعن كيفية الرد عليهم هنا تستحق هذه الغرفة الدخول وامكوث فيها
دمت بخير اخي
اخي الصارم الحاسم جزانا واياكم اخي
===================================اللؤلؤة المكنونةاهلا وسهلا بحضرتك واتمنى دواام التواصل
===================================
اخي محمود بالطبع اخي انا معك في كلامك ولا اختلف معه
تلقي هناك يمكن ان يكونن بلبول حقيقي
من مسلم ليس لديه علم فمن غيرته رمى نفسه وخلاص
لكن حديثي هنا عن بلبول بيتكرر في حكاية واحدة هي اللي ذكرتها ودة على الدوام في غرفهم
اما غرف الشتامين اصلامفيش فيها علم ولا غيره دي معمول للشتم والسب وما بيسمعوش ولا يتناقشوا اصلا واول ما يتحط ادامهم سؤال يكشف حقائق عنهم بيظهر بلبول الممثلعلى طول واعتقد اغلبنا دخل مدونات ملاحدة ومتاسلمين وعلمانيين عاملين زيهم ما بيسمعوش غير صوتهم والمعارض لافكارهم بيتعرض للسب والسخرية وخلاص
العلم مكانه فعلا مش البال توك خالص
لكن غرفة مسلم كريستيان ديالوج الاخوة اللي فيها خاصة الاخ وسام عبد الله علمه واسع ودارس للكتب الانجيلية كلها وعنده اي اجابة واي رد على اي مسيحي عاوز يتاكد من دينه والله بفضل متعجبة ححتى انه يحفظ اسفارهم وترانيمهم ويعقد مناظرات بين اساقفة كبار ولديهم تقارير وهم كانوا بيظهروامناظراتهم على قناة الامة
ربنا يبارك فيهم وهي من اشهر غرف الدعوة لوجه الله تعالى لو دخلتها مش هتقدر تفوت يوم من غير ما تسمع بنفسك وعلى الهوا ناس بتدخل في الاسلام من خلالها
ربنا يبارك فيهم وفي حضرتكمرورك اسعدني
اخي ادم زيارتك اسعدتني واتمنى دوام التواصل
فعلا البال توك بتاع الغرف الشتامة فشل فشل زريع لان مرتاديه كثير منهم اصبح لديه وعي لذلك وكنت منهم
لكن غرفة الاخ وسام ربناا يعزها ولو انهم عندهم خطر الاغلاق بسبب التمويل زي ما حصل في قناتهم وقنوات اسلامية اخرى زي قناة الفجر كلهها بتغلق بسبب التموييل اما قناة الكليبات وزكريا بطرس فالداعم لهم اكبر
لكن الله اكبر
اخي خبيب اهلا بحضرتك ضييف كريم لاول مرة وجزيتم بالخير اخيواتمنى دوام التواصل
===================================
اخي انا انسان بالفعل استمعت كثيرا لما يقوله المدعو زكريا بطرس فعلا ففيها من السذاجة ما يجعل اي منا مهما كان لا يعلم عن دينه الاسلامي الا القليل لكن بشوية عقل يميز
والحمد لله النت مش مخلي في نفسنا حاجة وزكريا باشا نفسه على موقع صوت المسيحي الحر وموق قناته عامل الدعاية اللازمة له ولحلقات فيها دعاتنا وعلمائنا واللي يفرس انهم بيوضعوها قال يعني دي واحدة عليكوا ولكنها للي فاهم بيعرف انها عليهم هما بس اللي عاوز يفهم
متابعة للحملة لا تقلق اخي لكن عاووزة اعرف احنا هنساهم فيها ازاي وهنعمل ايه لكني متابعةمعك بكل ما املك
اخي انا انسان انا دخلت مدونة حوار الاديان فعلا حتى انها لا تسمح الابتعليق القائمين عليها فقط دمت بخير اخي
===================================
اخي الطائر الحزين بارك الله فيك اخي مرورك دائما بيضيف لي جديد بوركت اخي
اسمح لي ان اختلف معك الله يعز حضرتك
ان لم نكن وخضضنا في عراك سنفتن في ديننا لكن الافضل ان نبتعد لنتعلم ونتعلم كثيرا عن ديننا ثم ندعو بالتي هي احسن الست معي اخي
بارك الله فيكم جميعا
أختى الكريمة أغبط غيرتك على الدعوة وجعله الله فى ميزان حسناتك إنشاء الله كلنا أمرنا عندما نتصدر للدعوة إلى الله فهناك شرط وهو البصيرة قال تعالى (قل هذه سبيلى أدعوا إلى الله على بصيرة أنا ومن تبعنى وسبحان الله وما أنا من المشركين) والبصيرة درجة أعلى من مجرد المعرفة والعلم فى قوة الإدراك والوعى والفهم
وأضم صوتى لعصفور المدينة وأخى مشتاق
وجزاكى الله خيرا
دخلت قبل كده من فترة قريبة على غرف البالتوك مرات معدودة
بصراحة قرفت منه
انا اسف على اللفظ
بس دي الحقيقة
وانا دايما بقول ان الناس اللي بتتكلم وتشتم على الاسلام دول اغلب الظن انهم يهود
ف مرة بردو م المرات القليلة دي
كانو مشغلين تسجيل لواحدة يدعون انها كانت مسلمة وتنصرت
ووالله ثم والله
من يستمع لها وعنده ذرة من عقل او فهم
لايقتنع بنص كلمة من كلامها
واضح جدا انها قصص ملفقة
ومن ساعة ما سمعت داعية في غرفة اسلامية بيحذر المسلمين من التواجد في مثل هذه الغرف وقرأ الآية اللي حضرتك ذكرتيها
حسيت اني اول مرة اسمع الأية دي فعلا
ومن ساعتها عزمت على عدم دخوله بالكلية
اسف بس نسيت حاجة
البانرات الخاصة بالمقاطعة في اول المدونة
البانر التاني غير مكتمل
يبدو ان صفحة المدونة اقل عرضا من حجم البانر
وعشان كده بدل إلا رسول الله
مكتوب لا رسول الله
ممكن حضرتك تقللي عرض البانر من الكود الخاص به منعا لهذا الخطأ الغير مقصود
ومعذرة للإطالة
:)
مني في ميزان حسناتك ياحبيبتي
وانا معاكي ومع المشتاق لله واستاذنا عصفور
ربنا يعافينا ويعفيى عننا
الله اعننا ولا تعن علينا
اللهم استخدمنا ولا تستبدلنا
جزيتي خيرا حبيبتي في الله
عزيزتى
ده اسلوب وطريقه من اسالبهم الكتير
بس المشكلة بقه لما تلاقى مسلم بجد يتهاون فى دينه ويرحب بواحد بيهين فى دينه
وتلاقيهم كمان يجيبوا حكايات غير صحيحة المصدر او مؤكده ويحكوا عنها كانها حقيقه دينية
كويس انك بتعرفى الناس باى حد تشتبهى فيه
لان فى ناس بتصدق كلاامهم بنيه سليمة
تحياتى
سلااااااااااام
منى العزيزه
تحياتى لكى
احسن حاجه انى مبدخلشى على الشات اصلا
اما المدونات اللى انى اتكلمتى عنها
قابلت نوعياتها
وللاسف الشديد
اجدها تزداد
عمرى ماجربت البال توك ده
لكن حركات التبشير موجودة فى كل مكان
وربنا يحفظنا
نعم هذا هو القصد
البعد حتى نعرف
واذا عرفنا لابد ان ندعو بالتى هى أحسن
بارك الله فيك
تحياتى
السلام عليكم
والله يااستاذة الحوار ي مثل هذه الامور علي النت قد يشكل عائق ولكن اذا وجدنا الشخص الذي يريد الحديث والحوار العقلي والمنطقي لنتحادث اما اذا دخلنا لنشتم بعضنا بعض
وللاسف هذا يحدث من بعض المسلمين يدخلون ليسبوا ويشتموا وهذا مما يعطي انطباع او رد فعل سلبي من الاخر الذي تدعوه
وتبع السيئة الحسنة تمحوها
في مرة بالمناسبة دي دخلت علي غرفة شات وواحد اول مادخلت شتمني ولما تكلمت معاه بادب تحولت لغة حواره واعتذر
اقصد ان اساؤا لانسئ فالاساءة قد تظهر اننا همج مثلهم
وجزاك الله خيرا يااستاذة فقط ادعو الله لنا ان يثبتنا الايام القادمة
والسلام
السلام عليكم
بلبول هذا موجود في كل مكان - وليس في البال توك فقط
أمثال بلبول تجديه مع يوسف بطرس وامثاله وتجديه في اماكن عدة فيها محاورات عقيمة مثل تلك المحاورات والتي اغلبها تمثيليات ..
ونصيحتي هي نصيحة اخواني الذين علقوا من قبل
لا ينبغي الخوض في مثل تلك الأمور سواء بالرد أو حتي بالمطالعة إلا لمن لديه ثبات عقدي متين وحجة قوية وعقل راجح وصبر جميل لأن بذر الشك إذا وقعت في القلب- حتي لو كان هذا القلب قلباً مؤمناً - اثرث فيه تأثيراً شديداص وجعلته قبل أن يؤمن بالدليل يسأل عنه ولو في نفسه عدة مرات
ونسأل الله السلامة
وأحب ان أشكرك علي وضعك لرابط كتب الشيخ يحيي الزواوي عنك في مدونتك . جعله الله في ميزان حسناتك
اسلام عليكم
النقد مجرد النقد لا يعتيبر نقد بل يعتير اسفاف في حق الاخرين
لابد ان يكون النقد موضوعي من كل الجوانب
انا عايز احييكى على الكلام الجميل ده
وعايز اقولك
على لسانى وعلى لسان مسس راااايق
ان بلبول موجود فى كل مجال مش الشات بس
لكن بصور مختلفه
لعن الله بلبول
ان تنذري بعضا من وقتك لنصرة الله و رسوله و ماشرعه
شئ جميل
الهجوم على الليبراليين و العلمانيين
قاسي شويتين
خليكي في طريقك ده عالاقل مش هتاخدي سيئات في بنك حسابك الختامي من اللي احنا بناخدها في حين مكن تاخديها من هجومك على العلمانيين و الليبراليين
و بالنسبة للبالتوك عايز اقولك حاجة
انتي جيتي متاخرة اوي
تحياتي و تمنياتي بحسن الختام لنا جميعا
نسيت اقوللك
السعودية فقط هي مكان خصه الله بوجود مقدساتنا
و بعث منها نبينا خاتم الانبياء و المرسلين
و لكن لم يعط لاهلها صكوك الفتاوى يا اختي الكريمة
ربنا يهدينا و يهديكي
السلام عليكم
اختي الفاضلة اول زيارة لمدونة حضرتك المتميزة جدا ماشاء الله
بالنسبة لموضوع غرف شات النصاري فانا مرة واحدة دخلت روم من دي علي اساس ارد علي شبهاتهم لكن للاسف كل اللي بيقولوه سباب وشتم بطريقة سوقية جدا...انا سمuت سبابهم الرسول زامهات المؤمنين كذا مرة ومش قادر ارد طبعا لم اتمالك قفلت الروم وقررت مادخلهاش تاني ...بس بعدها عرفت عن "الاسلام كريستيان ديالوج" اللي حضرتك بتقولي عليهاولو دخلت ف بادخل الروم دي
جزاكم الله خيرا علي الموضوع المهم
تحياتي
عبدالفتاح
وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَافَلا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذاً مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعاً [النساء:140].
بالظبط بالظبط
هو دة اللي بقولة
من هنا ليوم الدين اعداء الاسلام مش هايبطلو شتيمة و لعن
يا ريت نركز في حاجات تانية
بدل ما نمسك في الفروع
تحياتي علي طرحك الجميل للموضوع
إرسال تعليق