الأربعاء، أبريل 30، 2008

دعوة للحب

تحديث اخر اهم
اسعدني جدااااااااا دعواتكم وسؤالكم عني وانا والحمد لله اصبحت معافاة وزال المرض بفضل الله تعالى فالحمد لله على كل حال
تعليقاتكم على الموضوع ثرية جدااااااا
تعلمت منها الكثييييير
فحتى نستفيد جميعا سأبروزها في تدوينة قادمة باذن الله
واهلا وسهلا بكل زواري لاول مرة أتمنى دوام التواصل فيما بينا
أشهد الله العلي العظيم أني احبكم في الله
===================
تحديث هام
اولا انا أهنأ حبيبتي في الله ام احمد المصرية لاني سمعت لها تدوينة يوم الخميس والتعليق الذي تم عرضه كان للربان تهانيا يا حبيبتي في الله
ثانيا أشكر تفاعلكم مع موضوعاتي بوركتم احبائي في الله
وباعتذر عن تفعيل الموديريشن مرة اخرى لان فيه مدونة بتدخل تسب سباب غير لائق فحرصا على زوارى قمت بتفعيله مرة اخرى لكن اي تعليق مهما كان فيه اختلاف في وجهات النظر سيتم عرضه والرد عليه والتناقش معه المهم ان تكون التعليقات في اطار محترم وخالية من اي سباب لاني ساحجب تلك
ثالثا اعتذر عن عدم متابعتي الكافية اليومين الماضيين واحتمال اليومين القادمين لمروري بوعكة صحية شديدة
لكن من دعوني حاليا لتدوينتهم تلبية لدعوتهم الكريمة ساتوجه فورا للتعليق عليها
واوعدكم بالتعليق على تعليقاتكم في هذه التدوينة بطريقة وافية باذن الله
أسألكم الدعاء
جزيتم كل الخير
[تحديث ]زعم قوم ان المحبة اثم ويح بعض النفوس ما أغباها
أنا بالحب قد اهتديت الى نفسي أنا بالحب قد عرفت الله

السلام عليكم ورحمة الله

تعرفت عندما دخلت عالم الانترنت والتدوين لكثيرمن المصطلحات

لكن لم اكن اعرف ان هذه المصطلحات تخفي خلفها ايضا جماعات وتوجهات مختلفة وايضا وراء كل توجه وجماعة منها خلافات بينها وبين الاخرى

واستغربت كثييييييييرا عندما وجدت ان كل هذه الجماعات مسلمين وتألمت في نفس الوقت

حتى انا لم اسلم من هذاالتصنيف عندما دخلت عالم التدوين فأجد من قال عني سلفية واخر قال اخوان
يا الهي انا احب كل هؤلاء سلفيين واخوان ويشرفني نتمائيي لهم واحب واحترم كل من قال لا اله الا الله ويسعى لرضى الله ورسوله محمدصلى الله عليه وسلم ويحترم الصحابة الكرام والتابعين ويتأسى بهم وبرسولنا الكريم
واتمنى ان يأتي اليوم الذي تعود فيه الخلافة الاسلامية والحكم الاسلامي ويسود الاسلام االعالم
على ايدي سلف ..اخوان او تبليغيين او اي مسلم
فكل هذه الجماعات والاسماء كلها مسلمين
هناك خلافات يمكن حلها فيما بينهم بسهولة
اعلم ان الخلاف بين السنة والشيعة عميق وكبير لكن في ظل ما نواجهه الان يمكن ان نطرح الخلاف جانبا او نفتح حواار هاديْ لحله او طرحه جانبا
واعلم ان الخلاف بين باقي الفرق يمكن حله بسهولة لان الجوهر واحد
اتمنى ان نطرح الخلافات والمشاكل جانبا ونتحد سويا على حب الله ورسوله ونطلقها دعوة للحب والتاخي فما بيننا

فهل هذا مستحيل في ظل ما نحن فيه الان؟؟؟؟!!!!!!


اتمنى ان يكون هذا ممكن حتى لا نوفر فرصة لأعداءالدين يفتكوا بنا
اطلقوها معي دعوة للحب


تحياتي

هناك 85 تعليقًا:

مدحت محمد يقول...

دعينى اطلقها معكى
الحب فى الله

المشكلة فى ناس بتحب تزرع الفتنة
وتزرع الحقد وتقسم وتفرق للاسف

فى النهاية
انا
معاكى
وتعالو كلنا نتفق على
اننا نحب بعضنا فى الله
تحياتى وتقديرى

shaimaa samir يقول...

اولا
اناجاية عشان ااقولك انتى وحشانى جداااااااااا
ومش بتنورينى بجد مفتقداكى
ثانيا
ياه تلك المسميات التى اسام منها واملها
سمونى فى الكلية
شيماء مسميات
لانى كلما بكلمهم ااقولهم انسواالمسميات
نتكلم تحت اسم واحد الاسلام
وبسسسسسسسسسسسسسسسسسسسسسسسسسسس
بس انافاهمة وجهة نظرهم فى وضع المسميات
ربنايكرمنا جميعا
جزاكى الله خيرااااا حبيبتى
ربنا يبارك فيكى
احبك فى الله بصدق
وبصدقافتقدك انتى وموناليزاكثيرا

mohand يقول...

يا ريت والله
ويا ريت يسمعوا بس ويفهموا انهم مهما كانوا اخوات

بس تقولي لمين

تحياتي

mohand يقول...

اه نسيت اقولك اني انا كمان لم اسلم من التصنيف زيك كده بالظبط

تحياتي

دكتور حر يقول...

ربنا يكرمك اختنا عاشقة النقاب

دايما بقول

ان المشكله
ان حتى لو اتفق كل الجماعات الدعوية
مش هيقدروا بسهوله على كم الفساد والخراب اللي الناس فيه

فما بالك لو اختلفوا

لكن عندي رأي ان طرح الموضوع ده على المدونة مش كويسلأنه بيدخل الناس فس قصه هم ممكن يكونوا مش عارفينها اساسا

او عارفينها وهي نايمه
وانا شايف ان الموضوع على المدونات غير ملحوظ
فايه رأي حضرتك لو طنشنا القصه دي اساسا

عاشقه الفردوس يقول...

وانا كمان عايزة الكل يتحد بغض النظر عن توجهه
كلنا مسلمين
ولا اله الا الله سيدنا محمد رسول الله هتجمعنا باذن الله


ادعومعاكي للحب والتاخي والمصالحه
وتوحيد المسلمين وعدم تشتيتهم

وجهة نظري يقول...

أنا زيك كده، كنت فاكر الدنيا حلوه، يعني مسلمين ومش مسلمين بس، وعشت طول عمري مش عارف غير إني مسلم مؤمن بالله وسيدنا محمد صلي الله عليه وسلم، والصلاه صلاه، والصوم صوم، وكده.

لاااااا دا الدنيا مختلفه خالص، خصوصا بقي لما تحتكي بيها في مدونات بأراء مختلفة، والأغرب من الأراء هما المسلمين من دول تانيه .... ساعتها بقي تقدري تفهمي ليه دول العالم بتقولك المسلمين مش كويسين وأفكارهم غريبه .... الله!! مانا عايش أهو ومسمعتش الإتهامات دي!! أصل إنتي مشفتيش المسلمين التانيين بيعملوا إية وبيقولوا إيه.... إحنا في مصر أخرنا سلفيين وإخوان وخلاص،بس في العالم ما خفي كان أعظم، الإخوان دول نعمه مهما قالوا.

أنا عايش في بلد صغيره في رومانيا، مفيهاش أي مسلم غيري، فمبيعرفوش أي حاجه عن الإسلام خالص، وعموما رومانيا من الدول إلي بتحترم الإسلام جدا لأن ليهم صلات قويه مع تركيا ومصر. المهم إن في أول رمضان ليا زوجتي عرفتني علي سايت للمسلمين الرومان، قلت أشترك فيه بأرائي وأعمل معاهم نشاطات، المهم إتفقت مع مدير السايت إن نعمل جزء بالأنجليزي علشان أي حد عنده إستفسار عن الدين أساعده، شرح قران، ترجمة نصوص وكده..... كل الناس كانوا فرحانين وإبتدينا نشتغل ونشرح (مش فتاوي مني، أنا كنت بترجم فتاوي من علي النت).... لقيتلك ناس بينطوا يناقضوني، ويستهزئوا بيا وأنا مش فاهم.... أتاري السايت دا بيديروه الشيعه، ولما عرفوا إني مصري إبتدوا يلخبطوا في الكلام ويكفروني، وواحد طلعلي وقالي ملاكش دعوه بمراتي تعلمها، إنت حتبوظلها افكارها... مع إني والله كنت بترجم أحاديث وبجيب صور عن كيفية الصلاه والوضوء واترجمها وحاجات كده بس.. وعمري ما أحب افتي من دماغي أبدا.

بصي، الحل سهل اوي، الإسلام مش كيميا ولا عايز دراسات، دول هما كلمتين والسلام عليكم ورحمة الله وبركاته.... دا العالم البدو إلي ماشافوش أي حاجه ولا بيعرفوا يقروا حتي مسلمين واحسن مني كمان، فكل واحد يخليه في نفسه وفي أهل بيته ويتعلم ويعلم ولاده، ولا يهمه يتقال عليه سلفي والا إخوان ولا ليبرالي والا مسلم شيوعي والا شيعي والا غيره، هوا إلي بيقول دا يعني كان بينزل عليه الوحي وعارف تصنيف الناس؟

خلافه إسلاميه وحكم للعالم؟؟ يمكن بس معتقدش حيحصل قريب، المصالح متضاربه حتي ما بين العرب نفسهم، ومحدش طايق حد، علشان كده سهل اوي التفريق بينا، يضربوا الشيعه مع الوهابيين، والإخوان مع السلفيين. خيبه والله، بس مش حتعرفيها غير لما تشوفيها.

أسف طولت عليكي في الرد، وتحياتي ليكي.

فرنسا هانم يقول...

الخلاف بين اشيعه والسنه من قديم الزمن
ومن المستحيل حله
انا مش متشائمه
ولكن
فعلا الحل من رابع المستحيلات

مع اصرارى يقول...

موضوع جميل جدا يناقش قضية ازلية تحتاج دائما الى اعادة التوجيه والاجتياح العقلى "ان الذكرى تنفع المؤمنين"
بارك الله فى اختى وما زلت انتظر اطلالتك الكريمة ولعلك تدلين بالنصائح حيث انى حديث العهد التدوين.

صحفية روشة يقول...

اول تعليق
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

صحفية روشة يقول...

باين انه مش الاول عشان انتى حاجبه التعليقات
بس كويس اكيد اننا يكون دستورنا اسلامى لان ده هيصلح حاجات كتيييير اوى لازم تتصلح
__________________________________
ميفوتكش البوست الجديد (شيوخ على ما تفرج)
______________________
للى عاوز يزور لوحه شرف يدخل مدونتى وهتلاقو لينك لوحة شرف فيها
لوحة شرف هى لوحه شرف لكل من دون فابدع وينشر بها افضل بوستات كتبها البلوجرية

احساس لسه حى يقول...

عزيزتى

اكيد فى ناس مبتعرفش ان التديين ملهوش انتماء وان مش لازم اكون متدين اكون سلفى او اخوانى

والانسان نحكم عليه بأرائه ممكن نختلف فى بعضها ونتفق فى بعضها

المهم خلافنا يكون فى حدود المعقول

واللى يتعدى المعقول ده لازم نقوله استوب انتى كده مش عادل ومتوازن فى عرضك للمواضيع

وصعب ميكنش فى خلاف

لان صعب ميكنش فى اختلاف

الدنيا كده

ربنا يجمع ويقوى الفئه الصح فى كل مكان

سلام

الربان يقول...

تحياتي

المشكلة اننا لا نعرف ثقافة الاختلاف
رأيي انا الصواب و الأخرون الي الجحيم
و التكفير اسهل شيء...

يا ريت أختي الكريمة...نتجمع حول ما نتفق عليه..نحاول ان نعظم الاستفادة منه...و ان نتلافي ما نختلف عليه...

تحياتي و تقديري و أشكرك علي موضوعك
الجميل الذي يدعوا الي الوحدة و ترك التفرق و التحزب و التعصب.

الطائر الحزين يقول...

واعتصموا بحبل الله جميعا ولا تفرقوا

احمد الجيزاوى يقول...

احيكى اختى فى الله وجزاكى الله خيرا على الفكر الاسلامى الوسطى الرائع الذى كتبتى بهى هذا البوست
وبخصوصاحيكى على هذى السطور
(((((((( يا الهي انا احب كل هؤلاء سلفيين واخوان ويشرفني نتمائيي لهم واحب واحترم كل من قال لا اله الا الله ويسعى لرضى الله ورسوله محمدصلى الله عليه وسلم ويحترم الصحابة الكرام والتابعين ويتأسى بهم وبرسولنا الكريم

واتمنى ان يأتي اليوم الذي تعود فيه الخلافة الاسلامية والحكم الاسلامي ويسود الاسلام االعالم

على ايدي سلف ..اخوان او تبليغيين او اي مسلم

فكل هذه الجماعات والاسماء كلها مسلمين

هناك خلافات يمكن حلها فيما بينهم بسهولة ))))))))))))

تحياتى
احمد الجيزاوى

صلطح يقول...

السلام عليكم
===========
يشرفنى طبعا انى اكون اول تعليق على البوست ده
==============
انا معكى ان يوجد جماعات كتيرة فى مصر
ولكن العمل الجماعى فريضه شرعيه وضرورة بشرية ولن تنهض امة بفرض واحد ولكن بجماعه من المسلمين

========================
واقترح تبادل الاعلانات على المدونة فيما بيننا وقد بدأت بنفسى
========
وصلطح صلطح يا عم الحاج

عبدٌ من عباد الله يقول...

الله أكبر
أول تعليق

راجع تانى

عبدٌ من عباد الله يقول...

الحمد لله ان فيه حد بيفكر كده
لا سبب لوجود كل هذه التقسيمات
فكلها يؤدى الى التفرق
و ليس الى الجماعة

تجد هؤلاء يناظرون هؤلاء
و هؤلاء يتناقضون مع هؤلاء

و لا حول و لا قوة الا بالله

النجم القادم يقول...

السلام عليكم

اختنا الفاضلة اول تعليق اهوت

ربنا يبارك فيكى

وكلنا الخوات فى الله

وزى الصورة ماهى معبرة

اخوان سلف كلنا مسلمين وكلنا نعمل من اجل اعادة الخلافة

اللهم وفقنا فى مشروعنا اللهم امين

mazlomen يقول...

ولا يزالون مختلفين
تلك سنة أرادها الله في خلقه لتتنوع الدنيا ولا تصبح قالب واحد
فالتنوع مطلوب ولكن المشاحنة مرفوضة
أنا احب السلفي والتبليغي لأننا كلنا في مركب واحد وهدفنا واحد

mohand يقول...

ارجو المرور علي اخر موضوعاتي في مدونة الباحث عن الحقيقة باسم استفتاء عن الافتاء يهمني رايك
تحياتي

واحدة مفروسة يقول...

انتى عارفه انى بحبك من دون ان اراكى..أواتعرف عليكى من قريب...ولكنى استشعر فيكى الاعتدال المفُتقد هذه ألأيام.......انا معاكى...بس لا اعتقد ان ما تأملين به سوف يحدث...........انا مثلك تماما مستعجبه من هذه التصنيفات التى لا معنى لها.....سوى خلق الفتن...و ما يدور فى دنيا التدوين يجعلنى اتخوف من ما تُخبئه ألأيام .....ربك يستر علينا جميعا

أم أحمد المصرية يقول...

صديقتي العزيزة اولا وحشتيني
تانيا دايما موضوعاتك في الجون كلامك صح جدا بس مين اللي يسمع

امام الجيل يقول...

اكرمك الله يا فندم

نعم اعتقد ان الفاهم والمخلص مش هيقيد نفسه داخل اطار معين فقط

ويلغى كل من يخالفه
والخلافات تكون معظمها ليست فى اصول
ولكن للاسف قليل اللى ينحاز للدين وفقط
دون النظر الى اى شئ اخر

ربنا يهدينا جميعا ويبصرنا ويرزقنا الاتباع للدين
وان نعرف ان اى جماعة او ما شابه ما هى الا وسيلة وليست هى كل شئ

رئـــــيسـة حزب الأحلام يقول...

انا نفسى الفئات دى تتصالح مع بعضها وتنتهى الصراعات دى ونتالف ودة هيكون فى مصلحة الجميع

monaliza يقول...

متفقة معاكى جدا
وفى حاجة بجد بتوجعنى جدا وهو هذا التقسيم احنا مسلميـيييين وبس
تعرفى مرة بنت دخلت الاسلام حديثا وفوجئت بها تقول انا دلؤتى بقى تبع الاخوان ولا الشيعة ولا تبع ايه؟
يارب ارزقنا حبك وحب من احبك وحب كل عمل يقربنا الى حبك
بارك الله فيكى حبيبتى ودمتى بكل الخير

صاحب المضيفة يقول...

تسلم الأيادي

كام واحد فينا بيفكر بالمنطق ده

للأسف هو رجوعنا لورا من شيء شوية


ربنا يرحمنا ويوحد صفوفنا جميعا

وشكرا على موضوعك الجميل و المهم


دمت بسعادة

الباحث عن الحقيقة يقول...

من قال لا إله إلا الله صادقا من قلبه دخل الجنة
المشكلة اننا مش بنطيق بعض وده يقول عن ده مبتدع وده فاسق وده جاهل وده زنديق وده ...الخ نعوت واوصاف
وتلاقي نفسك جوه تقسيمات غريبة
زى واحد يقولي انت اشعري
وألاقي اشعري ده مذهب اهل السنة والجماعة يعني كلنا اشاعره ما عدا السلفيين
هو فيه ايه
مين ابو الحسن الاشعري ده

فليعد للدين مجده يقول...

اختي الكريمة
لا مانع ابدا من تعدد الجماعات العاملة للاسلام فهو تنوع تخصص وليس تعارض
واختلف مع الحالمين بتوحيد الجماعات فهو وهم لأن الناس مختلفين في فهمهم وفي قدراتهم وفي ميولهم
وخدمة الاسلام مجالها واسع
وحجم الباطل المطلوب دفعه ضخم
فليدلي كل بدلوه في اطار الاحترام والتعاون

وسندهش اذا علمنا ان القرآن الكريم أشار لمشروعية التعدد في خدمة الاسلام

(وما كان المؤمنون لينفروا كافة فلاولا نفر من كل فرقة منهم طائفة ليتفقهوا في الدين ولينذروا قومهم اذا رجعوا اليهم لعلهم يحذرون)

وهو ما اعتبره قاعدة شرعية معتبرة

اوعى تفكر يقول...

الحقيقه المشكله دى واقعه
بس مش عند ناس كتير
وموجوده عند كل الافكار بلا استثناء
المشكله الخلاف فى التفكير بدأ يولد الكره
لكن اللى بيعملوا كده بيبقوا معظمهم جهلاء ومش فاهمين الاسلام
ومطلوب من عقلاء وكبراء هؤلاء الجماعات
ان يتبنوا حملة محبه يفهموا فيها اللى مش فاهمين حاجه
لان فعلا الخلاف فى الرأى اللى اصلا كلهم صح لا يفسد للود قضيه
على فكره انا مريت بالحكايه دى فى بداية التزامى لانى انا كنت بمشى
مع اصحابى السلفيين ودول اكتر اصحابى واخوتى وكنت مع الاخوان
حقيقه انا صدمت من اللى كان بيحصل
بين الشباب
لكن كنت بلاقى الكبار من الناحيتين
بيحاولو يعلمونا ان احنا منبقاش متطرفين فى افكارنا
شكرا على انك فتحتى ساحة حوار للموضوع ده لانه فعلا موضوع كبير
عذرا على الاطاله
السلام عليكم ورحمة الله وبركاته

مجداوية يقول...

السلام عليكم

اولا اسمحيلى أضحك على ان الكل فاكر انه أول تعليق كنت الأول بأقع فيها لكن فهمت بعد كده انك بتخزنينا وتطلعينا شروة واحدة حضرتك يعنى وأى حد بيكون مشرف على التعليقات

ثانيا : لا مستحيل حنتفق لأن معنى اتفاقنا هو عدم مصداقية حديث رسول الله عن الفرقة الناجية وتفرق الأمة الى 73 فرقة عشان كده حنفضل مختلفين لأنه صلى الله عليه وسلم لا ينطق عن الهوى لكن تكفير بعضنا البعض وادعاء كل فرقة بأحقيتها فى دخول الجنة وتكفير من يخالفها فده بقى الجهل بعينه
لقد تبين الرشد من الغى والدين واضح وبسيط وأبسط من كل هذه التعقيدات والصراعات

الايمان بالله ثم الاستقامة والايمان بالله وكتبه ورسله واليوم الآخر والقدر خير وشره واتياء الزكاة واقامة الصلاة وصوم رمضان واتباع سنة الرسول الكريم ومن تبعه من الخلفاء الراشدين على سنته وعلى كتاب الله

هذا يكفى أى مسلم يحاول ارضاء الله والفوز بالجنة وهذا ما يجب أن نكون عليه جميعا وما ذكرة( الأخ الكريم وجهة نظرى )من اختلاف المسلمين أمام الغرب مدعاة لنفورهم وهم أيضا مختلفين بين مذاهبهم التى يكفر بعضها بعضا

الحمد لله على نعمة الاسلام والايمان وكفى بها نعمة

موضوع رائع وان كنت أختلف معك فى النهاية السعيدة فلن تحدث الى قيام الساعة والله أعلم

تحياتى وتقديرى أختى الحبيبة

جيهان علي يقول...

السلام عليكم ورحمة الله وبركاته

كل من يؤمن بأن لا إله إلا الله وحده لا شريك له وأن سيدنا محمد - صلى الله عليه وسلم - رسول الله

فهو مسلم أخ في إلاسلام ولا أعتقد ان هناك بعد الأخوة شيء
فلو وعينا هذا جيدًا ما صار بيننا كل هذه الخلافات

وأنا أحب البشر جميعا وبالأخص أخواني في العقيدة

تحياتي

صلطح يقول...

السلام عليكم
=========
ادبستى فى تاج تعالى خديه من المدونة بعد اذنك

============
وصلطح صلطح يا عم الحاج

كريم عاطف يقول...

للأسف اللي بيستفيد من موضوع التصنيف ده هما أعداء الإسلام ولازم كل واحد فينا يتحط في خانة حتى اللي مش تبع اي حد بيسموه مسلم معتدل ،ياريت ييجي اليوم اللي كلنا نبقى فيه وحدة واحدة ومش مهم الأسماء المهم نبقى كلنا جوانا اننا مع بعض

ذو النون المصري يقول...

انا موافق علي الدعوه خصوصا ان الكثيرين من ابناء التيارات المختلفه اصبحا يتنابذون و يتنافسون في امور لا تستحق المنافسه و لا ياتي منها خير و تاتي بالخلافات غالبا
و يا حبذا لو كانت هذه الدعوه بداية لدعوه اخري علي المستوي الوطني بين ابناء الديانات المختلفه و ابناء البلاد العربيه المختلفه

عبده الرايق يقول...

ايه ده كل الناس بيقولوا انهم اول تعليق
ازاى يعنى
عموما
انا فرحان جدا
لانى
اول تعليق
هيييييييييييييييييه
الخلاافات ستستمر ما استمرت الحياه
لان كل واحد متشبت برايه وللاسف معندهوش اى استعداد يسمع للاخر
يعنى
لا الشيعه هيسمعوا للسنه
ولا السنه هيسمعوا للشيعه
وحتى عندما يجتمع الطرفان
يستعد كل طرف لكى يقحم الاخر ويفرض عليه رايه
ولا يستعد لكى يستمع منه

خديجة عبدالله يقول...

نتعاون فيما اتقفنا عليه ويعذر بعضنا بعضا فيما اختلفنا عليه

لسنا متشابهين في الميول وفي التعاطى معها ولنذكر قوله عزوجل (ولا يزالون مختلفين)..نحن لا نحتاج أن نتوحد علي مسمي واحد بقدر احتياجنا أن نتوحد علي معنى واحد وهدف واحد

الغاية هى الله ..والفوز بجنة الله وكل من المسلمين على ثغرة عليه أن يدافع من خلالها من أجل في النهاية أن تعود الخلافة الإسلامية وأستاذية العالم

للأسف ما يحدث حاليا أننا استبدلنا ثقافة الحب في الله بثقافة أخري تدعي ثقافة النقد فتجدنا انشغلنا بنقد الواقع عن اصلاحه وبحث كل فرد عن عيوب أخيه رغم أنه من المفروض أن يجبر المسلم كسر أخاه

وتلك الثقافة للأسف هي التى تجعلنا نخاف ونعود فنقول لو وضع كل مسلم قاعدة وحدة الصف مستشعرا الحب في الله لإخوته لعدنا مسلمين أعزة بحق إن شاء الله

كل ما هو اسلامي هو مطلوب طالما أنه واضح الهوية يعني اسلامي بجد

جزاكى الله كل خير أختى الكريمة

وأحبك في الله :)

مع تحياتى وكل احترامى

الفاتح اليعقوبي يقول...

السلام عليكم
الف سلامة علي حضرتك واسال الله العظيم ان يشفيك انت وسائر مرضي المسلمين
والله يااستاذة انا لااري اي مشكلة في الاختلاف فالاصل بين البشر انهم ليس لونهم واحد و اطوالهم ولا اجناسهم ولكن اري العيب في من يختلفون مشكلة بيمر بها ابناء الصحوة الاسلامية انهم في فترة من الفترات اصبحوا يوالوا ويعادوا علي جماعتهم وعلي شيوخهم وهذه مصيبة كبيرة فالولاء والبراء لله وحده وليس لافراد او لجماعات
ولكن اعتقد ان هذه الامور قد هدات وطئتها كثيرا في الاونة الاخيرة وخصوصا مع ظهور اجيال من افراد الصحوة متفتحة كثيرا عن ذي قبل
ولنا في من سبقونا من سلف هذه الامة في اختلافهم لاننا طبيعي ان نختلف لان ايضا افهامنا ليست مثل بعضها ولكن يجب ان يكون هناك حب وتفاهم واخوة حقيقية بيننا
وانظري لمقولة الامام يحي بن معين عليه رحمة الله وهو مؤسس علم الجرح والتعديل وهو يقول :(قد نجرح ونعدل علي اشخاص قد سبقونا الي الجنة ووضعوا رحالهم فيها)
ويقول تعالي :(مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ )
فالغالب من الجدال وال نقاش الطويل هو حظ النفس لااكثر اسال ان يصلح ذات بيننا ويوجه قوتنا الي مافيه خير دنيانا واخرتنا
والسلام

Sally يقول...

دعوة كريمة .. من أخت كريمة
ليتنا نتحد على قلب رجل واحد
كما نتحد على قول لا إله إلا الله محمد رسول الله

دمتى بخير أختى
سالى

وجهة نظري يقول...

أختي، أحزنني مرضك، وأرقيكي برقية جبريل عليه السلام للنبي عليه الصلاة والسلام: بسم الله أرقيك والله يشفيك من كل داء يأتيك من شر النفاثات في العقد وشر حاسد إذا حسد.

أمل ان تعودي إلينا سريعا شافيه معافيه.

نور يقول...

جميلة دوما

شفاك الله وعافاك
ونفع بك وتقبل منك

دعوة طيبة جدااااااا ...... بس تخيلي والله العظيم كنت عايزة اكتب في نفس الموضوع ... دوما سباقة بالخير

لي نقطة واحدة في أمر الإختلاف

ما دمنا متفقين في الأصول فلا بأس

أما الإختلاف في الأصول والأمور العقائدية التي بنى عليها إسلامنا فلا تهاون فيها ... رأي شخصي وهذه وجهة نظري تجاه الشيعة الرافضة

دمتي بخير وحفظك الله وأبنائك وزوجك

وجعلكم جميعا من اهل الفردوس الأعلى

الربان يقول...

تحياتي

تعرفي ان موضوعك مهم جدا...لان الناس بتصنف علي كيفها...و تضيف فلان لطائفة
وعلان لاخري...مع ان الكل مسلم...
في رأيي ان هناك مجموعة من الناس همها هو التفريق بين الناس...و زرع بذور الشقاق و الاختلاف...
لهذا يجب ان ننتبه جيدا...و نتمسك باننا مسلمون لله موحدون به...وهذا كل شيء...

نسأل الله الهداية لنا جميعا الي ما يحب و يرضي...

تحياتي و تقديري

بحبك يامصر يقول...

موضوعك جميل ومهم
ما يهمنى فى كون من اتعامل معه ينتمى الى جماعه بعينها؟
المهم انه يتعامل معى ومع غيرى بسماحة الاسلام وتقوى الله
انا لست انتمى لاى جماعه فما يسيئنى فى اتخاذ جماعه مثل الاخوان ان الاسلام هو الحل
هو الاسلام مش هو الحل ولا ايه؟
وبيقولوا الله غايتنا والرسول قدوتنا
ايه يضايق اى مسلم فى كلام زى ده هو مش الله غاية كل مسلم والرسول قدوة كل مسلم؟
وايه يضرنى او يضايقنى فى ان السلف ينتهجون منهج الرسول وصحابته والتابعين اكيد كلنا ده هدفنا
يا مسلمين كلنا لادم وادم من تراب
ربنا يجمعنا على كلمة التوحيد
وينصرنا على اعداءنا
تحياتى على الموضوع المهم

الفقير الى الله يقول...

انا سمعت كلمه عجبتني اوي
كان قول للشيخ ابن القيم بيقول فيه ايه
ان سالوك عن مذهبك فقل مذهبي الاسلام وان سالوك عن شيخك فقل شيخي رسول الله صلى الله عليه وسلم
بس ده كلام زمان الكلام اللي كان فيه المسلمين كانوا مسلمين صح قولا وعملا
اما الان فهناك مقولة بدل الاولى اللي هيا ايه ان المسلمين اتفقوا على ان لا يتفقوا
لاكن نخلينا بالعقل يعني اه هيكون بنا ود مع بعضنا لاكن اظن هناك بعض الطوائف نحن نختلف معها في الجذور يعني بعضهم يسب ابو بكر وعمر والخ فمن المستحيل الاتفاق معها والله المستعان

mostafarayan يقول...

الأخت الفاضلة عاشقةالنقاب
بداية : سلامتك من المرض ونسأل الله العظيم رب العرش العظيم ان يشفيكي
ثانيا : اريد ان اقول لك شيئا وليتسع صدرك له
انا معك اننا يجب ان ندع الفرقة فيما بيننا ونتحد جميعا ضد عدو يتربص بنا
ولكن إذا كان هذا الأتحاد تحت راية اهل السنة
( اقصد به السلفين والأخوان والتبليغ وحتي الناس العاديين كمان الذين لا ينتمون لأي فكر إلا انهم سنة
- وانا منهم على فكر- )
فأنا معه واول الداعين له
اما الأتحاد بين اهل السنة والشيعة فأنارافض له فأنت تعلمين كم الضلال والكذب في عقيدة هؤلاء الشيعة ومدي الكره الذي يضمرونه لأهل السنة وانهم يسبون الصحابة الكبار
فكيف نتحد معهم ؟
ارجو ان يكون رأيي قد وصل لكي
وتقبلي تحياتي

la3lahakhier يقول...

بارك الله فيكى اختى الكريمة على تلك الروح المتفاءلة المحبة التى نفتقدها
كل التحية

أنا مسلمة يقول...

أولا شفاكم الله وعفاكم

فى قاعدة فقهيه سمعتها جميلة جدا
نتعاون فيما إتفقنا عليه
ويعذر بعضنا البعض فيما إختلفنا عليه

وياريت نعذر بعضنا البعض فى إختلافنا طالما الهدف واحد مش لازم كلنا نمشى فى طريق واحد يمكن أن تتفرع الطرق ولكن لنصل لهدف واحد فى الأخر

جزاكم الله خيرا أختنا عاشقة النقاب

حسبي الله ونعم الوكيل يقول...

دعوة جميلة للحب فى الله انشاء الله

حزلووووقه يقول...

اه بجد عندك حق

والف سلامه عليكي


سلامي

حزلووووقه

Vague يقول...

االله ينور

والله كنت عايز اكتب في الموضوع ده... وبالفعل عملت حاجة كده عن الاختلاف بس مانشرتهاش .. مش عارف ليه

وحدة الامة ليست في وحدة الرأي... وانما في احترام الرأي الاخر

ammola يقول...

باعتذر لك عن التأخير لظروف خاصة
والله يا بنتى صوتنا اتنبح من الكلام فى الموضوع ده..هو الحب صعب أوى كده؟ بيتهيألى أن الكره هو اللى صعب ومحتاج لخطط ومؤامرات وحاجات كده من الوحشة دى لكن الحب ساهل خااااالص
:)
هى فعلا دعوة جميلة لحاجة جميلة

ahmed saker يقول...

السلام عليكم و رحمة الله و بركاته

المشكلة الوحيدة ان كل واحد متعصب لرأيه

و لو كل واحد فينا شاف ايه الكويس في التاني و اتعامل معاه علي هذا الاساس ستكون العقبة خير ان شاء الله
الغريب ان كل الجماعات الاسلاميه هدفها واحد و الكل يحاول ان يقوم بهذا الهدف و بصدق و لكن للاسف يقومون اشياء تسبب عكس ما يريدون
اسف للتطويل
شكرا لك

في حب مصر يقول...

أولا الف سلامة ليكي من الوعكة الصحية
ثانيا موضوع التقريب بين السنة والشيعة انا اعتقد انه غير منطقي لان فيه فروق في اصل العقيدة بين الاتنين
حكاية الخلافة الإسلامية والدولة الإسلامية دي تجاوزت وقتها ومش هنرجع تاني للعصور الوسطى، والفكرة دي تحديدا بتخلي الناس تخاف من الإسلاميين.
تقبلي مروري

عاشقه الجنه يقول...

الف سلامه عليكي غاليتي
فعلا عندك حق
انشغل الناس بتصنيف المسلمين الي طوائف
انا شايفه ان ده غباء
فنحن كلنا مسلمين
نقول لا اله الا الله و نقول محمد رسول الله
و نحب الصحابه و نحترمهم
و نقدر اهل السلف
و يجمعنا كتاب واحد
و سنه واحده
فكيف نختلف
و ان ختلفنا فالاختلاف يكون في امور فرعيه
و في الاختلاف رحمه
فكيف لنا ان نتجادل و ننقسم
شكرا ليكي حبيبتي في الله و الف الف سلامه عليكي يا غاليه

بت خيخة وأى كلام يقول...

هاى عاشقة النقاب
نونويم

انا لسة ماقريتش البوست بصراحة
انتى بس كنت سايبالى تعليق عندى
وكاتبة فيه انك لما تفوقى من العيا هتبقى تبعتيلى ايميل عن الاستطلاع
فحبيت اجى واقولك
الف سلامة عليكى
ويارب يكون عيا بسيط مش جامد
تحياتى ليكى يا حبيبتى
اختك خيخة

bar2ash يقول...

السلام عليكم
بغض النظر عن كوننا منقسمين داخليا الي فرق كتيره وكل فرقه بتحاول تثبت انها الاجدر وانها الاحق بصحبة النبي والاحق بالجنه

لكن هقولك علي حاجه عجبني رد للشيخ محمد حسان لما اتسأل سوال زي ده
عن تحديد هويته
كانت اجابته انه مسلم من اتباع محمد

ياريت كلنا نكون كدا


انا بجد فخور ان في حد ملتزم لسه
واتمني تشرفيني في مدونتي

كنت عايز اقولك علي حاجه

احذري الفتنه ... يارب تكوني فهمتيني

سلام

مفقوعة مرارتي من حماتــــــــــــي يقول...

الف بعد الشر عليكي ياحبيبتي

المشكلة ان الدعوة لدين الإسلام مابقتش بالحسنة وبالموعظة الحسنة
يعني انتي واحدة من الناس السمحة اللي انا بحبها في الله ... واتمني ان يحذو الدعاة حذوك ...إنسانة بشوشة في ردودك ... جميلة في صفاتك .
هي دي الدعوة الحقيقية
الدين المعاملة ..
تحياتي

النجم القادم يقول...

اختنا الفاضلة ليكى تاجين عندى تعالى خديهم

صيد الخاطر يقول...

السلام عليكم
أختناالكريمة لعلي اول مرة اعلق عندك لكن ليست اول مرة ازور فيها المدنة
نفع الله تعالى بكم وكتب اجركم

مااريد ان اقوله
ان تنوع الجامعات المحختلفةظاهرة صحية كإسلام

لكن المهم ان يظل هذا الاختلاف اختلافا لايتحول الا خلاف
فاختلافنا للتنوع لا للتضاد

نسال الله تعالى ان يعيي جميع الاطراف هذا الامر

hend...hanady يقول...

احنا نسينا المقاطعة سواء الدنمارك او امريكا واسرائيل حبيبتنا اللى بنديها معونتنا لغاية ما اتجرات هولندا وورا الدنمارك وهولندا هناك حامى العرين اعظم دول اوروبا اقتصاديا المانيا التى توفر الدعم والحماية لهولندا والدنمارك
على فكرة فى جروب على الفيس بوك لدعم المقاطعة سواء الدنمارك وهولندا او امريكا واسرائي اسمه حى على المقاطعة ياريت تساعدونا فيه

حطم القيود يقول...

رااائع ربنا يكرمك ويبارك فيكى يارب

نعم احنا بيجمعنا جزع كبير اسمه الاسلام....مهما كترت اغصاننا فاحنا بننتمى لشجره واحده

ربنا يرزقنا الحب في الله

وسلامتك الف مليون سلامه
شفاكى الله وعافاكى

بورك قلمك...خلص تحياتى

monaliza يقول...

ياحبيبتى ربنا يشفيكى ويخفف عنك ويجعله فى ميزان حسناتك

فرنسا هانم يقول...

حبيبتى انا جيت اطمئن عليكى لقيتك كاتبه تحديث انكى فى وعكه صحيه
الف الف سلامه ليكى
شفاكى الله وعفاكى

Ahmed Al-Sabbagh يقول...

والله انا اكتر حاجة بحبها فى التدوين والمدونات

انها عرفتنى على ناس لو كنت عشت عشر اعمار على عمرى ما كنت هقدر الاقيهم ولا اسمعهم ولا اتعلم منهم

وانتى واحدة من الناس دول

تحياتى لكى

احمد

مجداوية يقول...

السلام عليكم

اتمنى ان تكونى احسن الان اختى الحبيبة شفاك الله وعافاك اللهم آمين

مشتاق لله يقول...

عافاكم الله وشفاكم وجعل العافية سربالكم في دينكم ودنياكم -اما عن التصنيف -شخصيا اجده ن اسخف ماابتلينا به وفي ظني ان اي انسان بسيط وغير متعلم يجده فصرة جيدة للكلام والجدل- دمتم سالمين

shaimaa samir يقول...

شفاكى الله وعفاكى
ودعواتك لى ايضا
احبك فى الله

bar2ash يقول...

مبدأيا الف ملبون مليون سلامه ليكي
ويارب تكوني بقيتي احسن

الفتنه الي حذرتك منها هي اني اخشي عليكي من النت ومصايبه وماهي الا خطوات للشيطان
والفرق بين الحلال والحرام شعره
يارب يثبتك وتكوني من اهل الجنه بأذن الله

يارب تكوني فهمتيني صح

سلام

أحمد سعيد بسيوني يقول...

بسم الله
ادعوكم الى قراءوة هذا المقال الرائع
السلفيين والاخوان وقصة حب مؤثرة
هنا
http://www.almesryoon.com/ShowDetailsC.asp?NewID=38081&Page=1&Part=11
تحياتي

رئـــــيسـة حزب الأحلام يقول...

حمد الله على السلامة والف بعد الشر عنك

حزلووووقه يقول...

الحمد لله ياعاشقه النقاب

كويس انك بخير

وسلامي ليكي

حزلووووقه

الفاتح الجعفري يقول...

استاذتنا
ربنا يحفظ حضرتك والف سلامه
شفاكم الله وعافاكم
-----
وده اولا ثانيا اسف جدا علي التأخير بس لان الموضوع محتاج تركيز في التعليق وانا مكنتش مركز تماما اليومين اللي فاتوا
ثالثا سلامي للاستاذ خالد ربنا يحفظه وييسر له الامر وعايزين نشوف موضوعاته الجديدة
-------
رابعا التعليق علي الموضوع
والله انا شايف حضرتك من تخلف هذه الامة علي هذا النحو غياب ثقافة الوحدة والتجمع والترابط والاخوة وهذا العنصر من اهم عناصر قيام الدولة الاسلاميه وليس من الغريب ان النبي صلي الله عليه وسلم اول مااستقر بالمدينة قام بفعل امرين في غاية الخطورة
1/بناء المسجد
2/آخي بين المهاجرين والانصار
وهما امرين في غاية الخطورة ,ونحن الان او من قبل فقدنا هذا الامر فحضرتك التجمع وعناصر الترابط بين اهل السنة اكثر بكثير من عناصر الفرقة ولكنهم يتركوا جميع عناصر الارتباط ويأخذوا بأسباب الفرقة فلو نظرنا الي الاخوان والسلفيين والتبليغ وانصار السنة لانجد فرق في اي شيء تقريبا الا اختلافات في التطبيق والفروع ولكل اجتهاده ولكن المنهج واحد والعقيدة واحده وفكرة نصر الاسلام وااحده ,الامر يحتاج الي عدة اشياء
1/بذل جهد من الشيوخ والدعاة لتزكية روح الاتحاد والاخوة
2/وجود قضية مجمعه تجمع الناس عليها
3/وجود علم وفقه قوي يزكي الفهم لدي الناس بعون الله ومدده
4/اخلاص النوايا لله عزوجل ومراقبة الله في كل عمل
5/الابتعاد التام عن كلمات الفرقة واثارة النعرات المذهبيه وعدم الذم في الاخر واتقاء الفتنة تماما
--------------
وفي النهاية
والف بين قلوبهم لو انفقت ما في الارض جميعا ما الفت بين قلوبهم ولكن الله الف بينهم انه عزيز حكيم
فهذا فضل من الله عزوجل يمن الله به علي من يشاء من عباده
اللهم اجعلنا من اسباب النصر والتمكين
وجزاكم الله كل خير

المستنصر بالله يقول...

شفاكى الله وعفاكى
الف سلامه على حضرتك

رفقة عمر يقول...

الف سلامه اسال الله العظيم رب العرش العظيم ان يشفيك
لا باس عليكى حبيبتى
ربنا يرجعلك لمدونتك بالسلامه اللهم امين

سكــر يقول...

السلام عليكم

كدا اسافر يومين

ارجع الاقيكى تعباانه

الف سلامه عليكى

ياريت تطمنينا فى ااقرب وقت

تحيااتى

احمد سكر

bar2ash يقول...

السلام عليكم
يعلم الله ان هذه من احب المدونات الي قلبي

وتعليقاتك عندي بتشرفني والله

هستني تعليقاتك

Khaled Farag يقول...

أولا ألف سلامة ..
وربنا يجعلة فى ميزان حسناتك أختى الكريمة
أما موضوع البوست فدة كلام كبير
محتاج دماغ واعية وفكر مستنير و نسأل
الله تعالى أن يلم شمل المسلمين

تحياتى بدوام العافية

bar2ash يقول...

عاشقه النقاب
ربنا يثبتك
ردك وصل ومش زعلان بجد والله

Gannah يقول...

عزيزتى
سلامتك و ان شاء الله تكونى بخير الان
يا ريت نعمل كده فعلا و كفانا افتعالا للخلافات اللى فى النهاية بتخدم اعداء الاسلام
اختلافنا وارد و لكن ان يجعلنا الخلاف نكره بعض و كل واحد يتصور ان الاخرين اعدائه هذا هو الشىء الغير مقبول
عدونا واحد
كل من عادا الاسلام فهو عدو لنا على اختلاف تواجهاتنا
سعدت بزيارتك لمدونتى
تقبلى تحياتى

حسن محمد توفيق يقول...

الاخت الفاضلة
منى

كل التحية والتقدير لك على هذا الكلام الجميل ..بس بلاش حكاية الخلافة ممكن يكون هناك طريقة عصرية لوحدة المسلمين لانى ارى ان الخلفاء المسلمين رحمهم الله اجمعين ..وليكن الاختيار باصواتنا وفى حرية وديمقراطية وليس بالتوريث ..الموضوع كبير وادعو الله معك ان يتوحد المسلمين ويكفى ما حدث ولناخذ عبرة مما حدث فى العراق وربنا يسترها على لبنان
شكلها هتكمل منذ الامس القتال شغال بين السنه والشيعة
حسبى الله ونعم الوكيل
فى العملاء والخونة
شكرا لك والى لقاء قريب لك كل التحية والتقدير ..

حسبي الله ونعم الوكيل يقول...

دعوة للحب جميل جزاكى الله خيرا عنها
تحياتى لكى

somaa mahaba يقول...

هى دى مساوىء الفتنه نتجرع من كؤسها حتى الان ربنا يهدى الجميع
طبعا انا معاكى احترم كل انسان قال لا اله الا الله
لكن حقيقه لا احب كلمه سلفى اخوانى لان دا اسمه تفرقه بين الناس ويجعلهم شتات بالاضافه الى انه فى كلمه اطلقتها بنت زميلتنا سلفيه جعلتنى قلت لنفسى اذا كان هؤلاء هم السلف يبقى عليه العوض ومنه العوض فى وسط الكلام بتقولى احنا سنه انتوا مش سنه السلفيه هى السنه...بقولها امال احنا ايه تقول معرفش بس منتوش سنه انتوا مش سنه ولا تنتموا ليها ....حسستنى انى يهوديه...اما انا مش سنه ومعظم الشعب لا ينتمى لتايارات دينيه مش سنه يبقى احنا فى نظر السلف كفره والعياذ بالله.... وتقولى السلف لا يتزوجون الا من السلف....يعنى تقريبا لغوا ايات من القران ...ولا ممكن يتجوز مسيحيه او يهوديه بس واحده مسلمه مش تابعه لتياره لا يعنى سوانا بالمشريكين...!!؟؟
ما علينا من الحوار دا بس انا من ساعتها فعلا تاكدت ان الحق هو ان محدش يقسم بين المسلمين وبعضهم ....
يعنى جميعنا سنه باختلاف مذاهبنا ولا داعى للمسميات فهى لا تدعوا الا للمزيد من التفرقه بين المسلمين وخلق طوائف وفتن اسوا من فتنه الشيعه والسنه...
يا ريت فعلا الناس تحب بعض وتفهم دينها صح
تحياتى ليكى سومه_87

somaa mahaba يقول...

اه صحيح ايه حكايه التعب سلامتك
الف سلامه ان شاء الله يا رب بوش
تحياتى ليكى سومه_87

monaliza يقول...

حمدالله على سلامتك ويارب دايما تكونى بخير

sara يقول...

بارك الله فيكِ أختي الحبيبة
دعوة رائعة للتعاون و الحب في الله
فكلنا تجمعنا كلمة التوحيد و أتمني من الله أن تتعاون جميع الجماعات في خدمة الاسلام و يتم التنسيق بينها دائما...
فالاخوان والسلفية و التبليغ...الكل يعمل في خدمة هذا الدين
فهي تشبهني بمجموعات عمل كل يبرع و يتميز في اتجاه معين..و هذا التنوع يثري و حيوي و لا يعيبه شئ سوى نقص التعاون و التنسيق المثمر