الاثنين، يوليو 14، 2008

انين

تحديث
الحمد لله انا بخير وجزاكم الله كل الخير على دعواتكم وتوجيهاتكم وفعلا رب اخ لم تلده امي واشهد الله العلي العظيم اني احبكم في الله
الحمد لله تمت مصارحة مع الاحبة مغلفة بالود والحب وخرجنا منها بان الحب اللي جمع بينا في الله اكبر من اي شيء والصمت الذي ظننته سلبية ما هو الا انتظارلتهدأ عاصفتي وتبرد نار حزني واعتبرنا ان من يشرع في اي تعكير لمياه علاقتنا نعتبره كالذبابة لابد من التخلص منها
واذا كان دخوله لابد في حياتنا بحكم الرحم او الصداقة التي يفرضها العمل مثلا او اي شيء فيكون بالقدر الذي يرضي المولى ولا يعكر صفو علاقتنا
زوجي الحبيب دوره كان كبير جدا ايضا لانه ساعدني في تخطي هذه الكبوة وبصرني بأن الشيطان يريد سلبي الاجر بهواجسه
فالحمد لله على اني زوجة لهذا الرجل اللهم بارك لي فيه وفي اولادي وفيكم يارب وفي كل من قلق علي وحمل همي
احبكم في الله

عندما تتزاحم الافكار


وتتعانق مع الاحزان


لتكون صراع مع النفس


وابحث بنهم عن مكاني لاصب فيه أنيني ولا أجده


فالحمد لله أخيرا استطيع الانين


ولأبدأ معكم


هناك من لهم مكان في قلبي وأصلهم واحاول حبهم فقط لصلتهم بمن احبهم


فقط هذا يزكيهم عندي وبالتالي طلباتهم اوامر وأتحمل منهم الكثير كله لاجل من احبهم


هكذا انا-هكذا افكاري


ماذا افعل عندما يستغل من لهم صلة بمن احبهم صلتهم هذه وحبي هذا ليتحول الى استغلال وتطاول مغلف باغلفة سخيفة


ماذا افعل ؟؟؟؟؟؟؟؟؟؟؟؟؟؟؟


واجد من احبهم اختاروا افة العصر حلا لهم السلبية وهتعدي (مش هنتكلم في اي حاجة وهيتنسي)


لكن ابدا


سأدفع عن نفسي ذلك


سأدفع عن من أحبهم ذلك


هم اهم من ان اتحمل اي شيءقد يزعزع تربعهم في قلبي


لن اترك شيء قد يجعلني في يوم من الايام العن حبهم لصلتهم هذه بمن استغلوا هذا الحب


قررت


ان اجعل علاقتي بمن لهم صلة باحبتي ويستغلوني ان تكون محدودة لابعد الحدود ستكون بما يرضي الله ولا تهدد كياني


لن اسمح باي تطاول او استغلال


لن اسمح ان العن صلتكم هذه بمن احبهم والذي قد يجعلني العن من احيهم


لا لن اسمح بذلك


فهل ستساعدوني يا من احبهم ??????


ام ستحملوني ما لا اطيق?????!!!


اخشى الالم والحزن فقد اكتوى بهما قلبي في الماضي كثيرا بسبب عالمي الاخضر مدينتي الفاضلة!!!!!


لكن زادوني معرفة بهذه النفوس القبيحة


يا رب


انما اشكو اليك ضعف قوتي وقلة حيلتي


با رب


ساعدني ان ارضيك واحفظ اركان هذا القلب بمن يحويه


يا رب


ساعدني ان لا يمسس احبابي السوء


يا رب


ساعدني ان اتجاوز المي وحزني بسبب ما اخفيه عن احبابي من افعال من لهم صلة يهم اخشى لو عرفوها احبابي لا يفعلون ما اتمنى ان يفعلوه فيزداد الامر سوء


فقط اطلب منكم الدعاء


********************************************************


احبابي واخوتي في الله


اعتذر لكم عن عدم التواصل في الفترة الماضية بسبب الفيروسات الموجودة في جهازي وباذن الله الفني المتخصص هيقوم بعمل اللازم


وجزاكم الله خيرا جميعا


واشكر الاخ خالدفرج ووجهة نظري وجميع اخوتي واحبتي ممن عرضوا علي المساعدة في ذلك


بارك الله فيكم جميعا


تحياتي

هناك 57 تعليقًا:

روح يقول...

بنا يعينك علي احزانك
وتعدي منها بسلام
هوني علي نفسك
وتوكلي علي الحي الذي
لا يغفل ولا ينام
وعودا حميدا
وان شاء الله الجاي افضل
تحياتي

بنت الصالحين يقول...

نونو حبيبتي
حمدلله علي سلامتك ياقلبي

انا تبعت بجد من التدوينه دي


اجمدي كده مش متعوده عليكي كده

ومعلش استحملي الحاجه اما تكون غاليه اوي تستاهل اننا نضحي ونتعذب علشانها

وماتخافيش
قلبك الطيب ده عمره ماهيكره ابدااااااا

ودايما بيسامح اساليني انا


ربنا يسرلك امورك يارب ويبعد عنك وعن بيتك واسرتك اي سوء ويحفظكم يارب

سلامي لخطيبي يوسفتي باشا :))

وحمادشو برده علشان مش ضامنه يوسفتي يعني اصله شكله كده حاطط عينه في العالي واحنا مش اده ياعم

واسروئتي هانم (بلاش تيجي جنبها انتي عارفه دي ياماما بتتفاهم بالكوبيات بسسسس)

اما البرنسيس مريم فبلغيها اخترامي وسلامي وتقديري


ها فكيتي شويه ولا ارغي كمان
:))))

فاتيما يقول...

ربنا يخفف ألمك و يزيح كربك
غصبن عننا لازم بنتحط فى مواقف إختيار
صعب ترضى كل حد
المهم تكونى إنتى راضية عن خياراتك دى
و ربنا راضى عنك
بإذن الله
تحياتى و سامحينى على تقصيرى فى حقك

Unknown يقول...

السلام عليكم
ازيك يا نونو

بجد البوست غامض لدرجة انه مفهوم جدا
مستغربه طبعا من تناقض الجملة


لكن دي حقيقه في الاول لقيته غامض لكن بعدهافهمته اوي وفهمت وجهة نظرك

ربنا يقويكي

تحياتي

الطائر الحزين يقول...

خفف الله عنك

والله كل بيت لا يخلو

(المشكلة عندما تتضارب العواطف مع المصالح!!!!) تظهر الاشخاص

Unknown يقول...

حبيبتى هونى عليك

استعينى بمالك الملك ولا تعجزى

فهو القريب ان غاب القريب...وهو الصاحب ان فقد الصاحب

فرج الله كربك وابدلك بعد الهم فرجا وبعد الحزن فرحا

ودمتى سالمه وبكل خير

غير معرف يقول...

نونو في ايـــــــــه

انا مش فاهمك

خالص

حاولي تفهميني لو سمحتي

ثانيا انت سألتيني سؤال عندي وانا برضو مش فاهمه

انت بتعمللي الغاز

ولا بتفكري تعمللي فوازير رمضان

عموما
ياستي ربنا معاك

سلامي للعائلة الكريمة

مشروع انسان يقول...

جميل هذا الصراع
الذى ينم عن شخصية طيبة

تسعى بكل عزمها فى الحفاظ
على مبادئها وانسانيتها

وكل المعانى الجميلة فيها

اسال الله ان يعينك
ويثبتك

ويجزيكى عن من تحرصى عليهم خيرا

نعكشة يقول...

ربنا يعينك يا رب و يثبتك
ويزيد حبك بينك وب ين من تحبيهم
و يهدي كل من يحاول أن يتعدي حدوده

و يعزك
و يعز بيكي الاسلام و المسلمين

شدي حيلك

الله معكِ

دمتي سالمة

سلامٌ عليكي

أبوعمر يقول...

ولو اني مش فاهم حاجة بس خير خير

ربنا ييسر لكِ الحال
ويسدد قولك وعملك

Vague يقول...

ابدأ مما انتهيته منه..

هي الفيروسات دي لسه بقت مشكله في وجود برنامج كاسبر سكاي؟؟

ممكن يكون هو الحل
----------------------

انا طبعا مكسوف من نفسي عشان مش فاهم حاجات كتير عشان باللغة العربية
فالرد بتاعي هيكون:

ماذا اقول ...ماذا اقول في هذا القول.. وهل كل قول يقال مثل قول قيل قبل هذا القول؟؟

يارب تكوني فهمتي

المهم بقة انا حاسس انك متضايقة من اشخاص معينين فالموضوع ده..مش عارف ايه الحكاية..بس ربنا يعينك على احزانك..

تحياتي لكي

son's egypt يقول...

السلام عليكم
عندما يوجد اشخاص نعتقد ان صلتهم بينا لمصلحة ما
اعتقد اننا لا نسطيع ان نثق بهم او نتخذهم اصدقاء
قد تبدو هذه وجهه نظري الحادة بعض الشئ ولكنه ما اعتقده

عصفور المدينة يقول...

يا أختاه اثبتي ثبتنا الله وإياك وهدانا صراطه المستقيم

_**( قلب الأسد )**_ يقول...

اختى من كتاباتك يظهر انكى فى اشد حالات الحزن ولكنى ابشرك ان لا نكون الظلمة حالكة الا قبيل الفجر
تقبلى تحياتى

وجهة نظري يقول...

أولا مرحبا بعودتك للتدوين ... وحشتنا أرائك.

ثانيا أسف لألمك ومكنتش أتمني عودتك تكوم بألم كده.

ثالثا إياكي والتهاون أو الضعف. إياكي والتهاون. إياكي والتهاون. تحذير عن تجربه.

رابعا إياكي والإنتقام. عارف إن من طباع النساء الإنتقام والرد. إياكي. إلتزمي بدينك أو إلتزمي ببيتك، والأهم إلتزمي بعفة بلسانك.

خامسا وهو الأهم: المواجهه الفوريه مع الأحبه ... المواجهه العقلانيه وليست الأنثويه. واضح طبعا.

أفة العصر "السلبيه" "وحتعدي" دمرت حياتي ... بجد دمرت حياتي. أنا كنت سلبين بس كنت بتلطش من الشمال واليمين. وأنا الراجل، بس محدش إدالي الفرصه أخد موقف... أزعل مين من الأحبه؟ كده كده كله حيزعل مني.

بس متضغتيش اوي. عدي إلي ممكن يعدي، وناقشي إلي ممكن ميعديش، وأنا واثق إنك عندك عقل يقدر يعرف ده من ده. متضغطيش علشان أولويات الأحبه النفسيه مختلفه لطبيعه الخلق.

ومتزنيش تاخدي حقك أو الأحبه ياخدولك حقك .... متحطيش الأحبه بين المطرقه والسندان.

ربنا يهدي الجميع.

تحياتي.

غير معرف يقول...

أبعد الله عنك كل هم وضيق
وأعانك وخفف عنك

سبهللة يقول...

نونو
البوست خضنى
ياريت تطمنينى عليكى يا حبيبتى

أم أحمد المصرية يقول...

حبيبتي عاشقة النقابة
بقي انا جاية ازورك و لسه حعاتبك انك ما بتساليش عني اجدك زعلانة كده
نونو حبيبتي ما فيش حاجة في الدنيا تستاهل طول ما اولادك بخير بجد بجد اي حد تاني مش مهم و بعدين اي حاجة وحشة تعملها فينا الدنيا بتكون حتي نشتاق للجنه اخي قال لي كده و انا صغيرة و من يومها مصدقاه لأنه مش بيكذب
صدقيه انت كمان و احتسبي عند ربنا اي حاجة او اي حد زعلك و تذكري ان اللي بيحبوك اكتر بكتير
وانا منهم

KHALED يقول...

البوست مفهوم جدا
ربنا يعينك ونصيحة من أخ تعاملى بما يرضى الله وتأكدى أن الله لا يضيع أجر من أحسن عملا

خالص الود

عاشــــــ النقاب ـقــــة"نونو" يقول...

السلام عليكم ورحمة الله
حبيباتي واخواتي
جزاكم الله خيرا على مساندتكم ودعواتكم وتوجيهاتكم
واطمنكم علي الحمد لله اقدها وقدود بس كنت محتاجة شد على يدي وأتأكد أني صح
وأن فعلا المثل القائل ابعد حبة تزيد محبة دة مثل مثالي جدا اليومين دول
ودة مش معناه ان الواحد يقاطع الناس او يبتعد عنهم خالص
لا طبعا دة معناه ان المثالية والتفاني
عهده انتهى وما ينفعش خصوصا مع الاشكال دي من النفوس اللي ممكن تهد بيوت بتهورها واللي فاكرة ان صلتها باحبابنا اللي هي اصلا اتفرضت فرض علينا ما اختارنهاش حاجة كافية تفكر انها ممكن تلغي بيها كيان
لكن لالالالالا لازم وقفة تخلي كل واحد يفكر كويس هو كان فين وقت اللي لهم صلة دول كانوا محتاجينه والحمد لله صلته اللي المفترض اقوى بيا جعلته يردم عليهم ويسقطهم من الحسبان خالص
الغريب ان الناس ام نفوس مريضة دي ما فيش عندهم ادنى احساس بان اللي بيعملوه دة مؤثر في حياة هادية لكن علمني زوجي حاجة كويسة جدا ولعلي لازم اعمل بيها الان
وهي ان الاعمى ما دام مصر يبقى اعمى يبقى اخد بيديه واخليه يشوف
وانا شايفة ان دة هو الحل المثالي
اطمنكم علي جدا مع مزيد من الدعوات لاني هقول للاعمى انت اعمى لكن برضه بما يرضي الله ومن غير ما يزعل مني احبابي
لكن اتمنى احبابي يقدروا كويس اوي ويفتكروا ان احساسي دة تجاههم للحرص عليهم من كل الناس حتى القريبيبن مني انا مش القريبيبن منهم بس
وفعلا زي حبيبتي ام احمد ما قالت الدنيا ابدا ما تستاهل
وعلشان كدة لازم احافظ فيها على حبايبي واولادي وزوجي اول واهم ناس في حياتي وبعدهم اي حد تاني
فالحل هو التحجيم ما ينفعش نسيب حياتنل لحد يتدخل فيها او يفرض نفسه علينا كدة او يلخبطها بدعوى انه قريبي ولا احنا الاول قبلك ابدا
جزاكم الله خيرا وباعتذر لاخوتي اللي ما قدرتش اوصلهم قصدي لاني ما كانش ينفع افسر اكتر من كدة لان اللي هيقروا معاكم التدوينة دي ممكن اوي احبابي
ويمكن اللي لهم صلة كمان
اتمنى بس يقدروا يفهموا مش احبابي
انا عارفة ان حبايبي فهموا مش بس كدة اعتقد انهم كمان هبساعدوني خلاص
لكن اللي اتمنى ان بفهموا هما اللي لهم صلة لحسن ساعات كتير بشوفهم بيتعمدوا يحسسوني انهم فاهمين وبيستعبطوا
وزي ما وصيتوني الاهم هو الثبات على رضى المولى سبحانه وتعالى
وكما قال اخي وجهة نظري ايضا
وصاياكم تاج اخر على راسي
بارك الله فيكم
واعتذاري لاخوتي اللي ما قدرتش اوصلهم قصدي واللي بيتلخص في استغلال الاخرين لكرمك واخلاقك وفتح الباب على مصراعيه للتدخل في حياتك السافر وكمان التطاول عليك والتعلل انا بهزر انتي زعلتي
جزيتم كل الخير جميييعا
احبكم جداااااااااااااا واعزكم في الله
ربنا يبارك لي فيكم
فعلا رب اخ لم تلده امي ودة انا حاساه معاكم كلكم
سبهللة حبيبتي النهاردة انا في شبرا بس متاخر هكلمك بكرة باذن الله اثناء صلاة الجمعة نفسي ارغي معاكي كتييييييييير
السلام عليكم

زمرده يقول...

سلامتك من الانين اختي
وفرج الله كربك وازال همك وغفر لك

اختي الغاليه ربك كريم ورحيم
فقولي الله المستعان واستغفري الله
وان شاء الله ماتشوفي الا الخير

غير معرف يقول...

ربنا يثبت حضرتك ياااااااااااااااارب

ويكفيك الهموم

ويصرف عنك كل سوء

وربنا يشفى كمبيوتر حضرتك يااااااااارب

اوعى تفكر يقول...

مع انى مش فاهم حاجات كتير
بس اللى فاهمتوا
من اللى انا مش فاهمه
انك واضح انك حزينه
وجهازك بايظ
ربنا يسعدك
ويرجعلك الجهاز تانى زى الاول

رئـــــيسـة حزب الأحلام يقول...

انا شايفة الاحزلن مليه الدنيا
حولينا بس بجد مش عارفة حالة الحزن دى هتستمر لحد امتى
ربنا يسعدنا جميعا
تحياتى لكى

أبو خالد يقول...

هوني عنك بنيتي المهم مراعاة الله في حبايبك اللي هم أبنائك و زوجك لأنهم سيكونوا سبب دخولك الجنة
و لا تعيري أي احدا آخر أي اهتمام
هذا البوست جعلني في قلق عليك بنيتي
دمتي أبنة فاضله و بارك الله في عمرك

كلبوشستان يقول...

انا مش فاهم بالظبط

بس بدعي ربنا انه يريح بالك وقلبك

وتكوني بخير ويجزيك خير على صبرك وحبك اللي في الله

ارق تحيه لك اختي الكريمة

مشتاق لله يقول...

اختي عمر الله قلبك بحبه وحب رسوله وهداك الي سواء الصراط

bastokka طهقانة يقول...

روقي يا جميلة

و اكتبي دايما حترتاحي


اوروفوار

موناليزا يقول...

ولو انى مش فاهمة الموضوع اوى
بس اقترح ان احبائك يعرفوا حتى لايظلوا مخدوعين اكثر من هذا
ربنا ييسرلك امورك ويهيئلك كل الخير

Mafrousa يقول...

نونو
انا كنت بحاول افهم شوية
و اللي فهمته من ده كله
ان ناس قريبه جدااا من اللى انتي بتحبيهم بيستغلوا معملتك الطيبه و الكريمه معهم....و انتي بتعملي كده معاهم بس علشان خاطر الناس اللي بتحبيهم


صح و لا انا مافهمتش؟؟؟؟
المهم لو صح
انا كده و حتكلم لاني انا كمان بإن
اهل جوزي (مامته) بتفانى في عمل أي شيء ارضاءأ لزوجي و علشان خاطره بس
لاقيتنى اني انا اللي بعمل تقريبا كل حاجه و شايله هم حماتي
اكتر من بنتها اللى ولدتها
يعني بنتها اشترت دماغها ما فيه واحده بتعمل ...تشيل هيه الهم ليه؟؟؟

بس انا برجع و اقول انا بعامل ربنا....و ربنا شاهد
و الدنيا سلف و دين

بس الدرس اللي بطبقه حاليا هوه عدم التفاني
يعني كله بحسابه....مش حاجي على نفسي علشان حد
لان ربنا مش يرضى بكده
و لا حاجي على نفسي لارضاء زوجي برضه
انا ممكن آجي على نفسي و ارضيه فى بيتي اتحمل منه اى حاجه
بس مع اهله ديه مسؤليته هوه مش مسؤليتي انا
و مسؤلية اخته كمان
فانا قررت اني لا اتحمل ما لا طاقة لي به
الناس بقى كلها لما بتشوفك بتعملي حاجه خلاص بيستسهلوا..و يحملوكي عمايلها على طول


يالهوي البوست بتاعك فتحني فى اللى قلبي بيإن بيه برضه
تعالى يا قمرة حطي همك على همي
و نبكي

اما بقى لو مش ده كان قصدك
فأنا فضفضت و امرك لله

Unknown يقول...

ربنا يوفقك ويعينك على أى كرب يقابلك

ويوفقك لما يحبه ويرضاه ويكون فيه مصلحتك

يارب اللهم آمين

شكرا

مصطفى

Unknown يقول...

نونو
ازيك ياقمر
كالعادة متالقة ومليئة بالشجن
الله يفرج كربك وكرب المسلمين
نونو
ساعه وساعه نونو
اذكرى الله وتذكرى لجنة
وان شاء الله تبقى احسن نفسية
يارب تدومى بخير
ويارب ترجعى لنا بالسلامة وبسرعه ان شاء الله

اه
بنوتة ياريت لو فى فرصة نتقابل وانا والله بنت
مش ولد ولا حاجة هههههههههه
احبك فى الله

عمرو وجيه يقول...

السلام عليكم ورحمة الله وبركاته


اول زيارة لى للمدونة مكنتش أحب الاقى حضرتك متضايقة قوى


فرج الله همك و بدله فرحا و فرجا

محمد فوزي يقول...

كل اللي أقدر أقوله هو ربنا يفرج همك وكربك ويزيدك تعلقا به بحيث لا تشعرين مع هذا التعلق بأذى من مؤذ ولا بضيق من مغرض

وتحياتي

Unknown يقول...

نونو
انتى كمان مختفية ولا اية
انت فين ؟؟
طمنينى عنك يارب تكونى بخير
كل الود الخالص فى الله عزوجل

_**( قلب الأسد )**_ يقول...

ليكى عندى تاج يلا بسرعه تعالى خديه
واقرئى البةست الجديد بعنوان
" احبها. عشقها "

مؤنس فرحان يقول...

السلام عليكم

لازم نحدد أولوياتنا

ولازم نتعلم اننا نتخذ قراراتنا بناءا على الأولوية والمصلحة والمنطق

وربنا بيوفقنا للخير دايما .. حتى وان كنا موش فاهمين مغزى الخير دا او حتى موش شايفينه .. لكن ربنا سبحانه وتعالى بيبعت الخير فى الوقت المناسب

ربنا يوفقك للخير دايما ويسعدك ويكرمك

حنين.. يقول...

أختى العزيزه.... لايكلف الله نفسا أكثرمن طاقتها... أختى العزيزه خدى قرار وتوكلى على الله, وفقكى الله لمايحبه ويرضاه, , والله يا اختى انا كمان كدا, ومش بعرف اتصرف او اغير نفسى ازاى, وفى الاخر انا اللى بتعب نفسيا, اختك الصغيره حنين.. فى انتظار المزيد

حسن حنفى يقول...

كلام جميل
وشكرا لك علي المدونه
تقبلوا مروري

ادم المصرى يقول...

اختى حولى تكونى فخوره بهذا الابتلاء الله يختبرك وهذا فخر ليكى ان الله يختبرك لزم تحددى انتى فعلا مؤمنه ولا دا مؤقط صح ولا ايه ومن اعرض عن ذكرى فله معيشه ضنكا مشاء الله عليكى وعلى بوستك انتى وبنت النيل اتنين مميزين جدا فى عالم التدوين الله يحرصكو لينا

في حب مصر يقول...

السلام عليكم
هو انا مش فاهم ايه الحكاية.. بس في كل الاحوال ربنا يعينك ويسعدك ويبعد عنك كل مكروه او إساءة من اي حد.. ويحفظك انتي وكل اللي بتحبيهم

تحياتي

Unknown يقول...

ربنا يطب سريرتك وينعم عليكى بالطمانينه والسعاده دايما

ويبارك لكى في زوجك وابناءك ويحفظك لهم ويحفظهم لك

وربنا يصرف عنك كل هم وغم وحزن يارب

بوركتى يا غاليه

جنّي يقول...

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

Gannah يقول...

سبحان الله
انا جيت بعد هدوء العاصفة والحمد لله
بارك الله لك فى زوجك واولادك
وادام الود بينك وبين احبابك
تحياتى

دعوة الفردوس يقول...

كنت قلقه بشأنك صدقا

الحمد لله الذي من عليك بتجاوز الأزمة
نسأل الله لك الأجر
دعواتك بالله عليك

غير معرف يقول...

اختي الحبيبة
اولا مبروك علي تخطي الازمه و اسال الله ان يبارك لكي في زوجك و في اولادك كما اسال الله ان يرزقني الزوج الصالح
فياحبيبتي الزوج الصالح هو اكبر نعمه يمن ها الله علي البنت فهو الذي يدفعك للامام دائما هو الذي يساعدك علي طاعه الله عز و جل
فهذه نعمه تستوجب الشكر
قومي صلي ركعتين اشكري ربنا فيهم
اما عن الاحزان فهذه سنه الحياه
صدق الله حيث قال انه حلق الانسان في كبد
فالحمد لله و اسال الله ان يثبتك حبيبتي

Bongo يقول...

حمد لله علي سلامتك و الحمد لله علي تخطي الكبوة
ربنا يرزقك الرفقة الصالحة دايما
و يبارك لك في زوجك و اولادك

اللهم آمين

Unknown يقول...

السلام عليكم ورحمة الله وبركاته
أم يوسف(نونو)
سلامتك من الاه
سلامتك من الحزن
لكنها الدنيا وانتِ
ادرى بهاوبأحوالها فلا تحزنى
واصبرى صابرى وتصبرى واحتسبى
واطلبى الاجر والثواب عند من لا تضيع
عنده الوادئع ولا تفنى خزائنه ابدآ .
وفقكى الله الى ما يحب ويرضى

عاشــــــ النقاب ـقــــة"نونو" يقول...

السلام عليكم
احبابي واخواتي جزيتم الخير على سؤالكم ودعواتكم
الحمد لله الازمة عدت والمشكلة باتت من الماضي
اهلا بكل زواري وكل ضيوفي وتحية خاصة لكل زواري لاول مرة واتمنى دوام التواصل باذن الله
واحبكم كلكم في الله
ودعواتي لكل احبابي وحبيباتي في الله
وفقكم الله لما يحبه ويرضاه

Hosam Yahia حسام يحيى يقول...

الحمد لله انها عدت بخير

:d

ننتظر حضرتك

Unknown يقول...

السلام عليكم ورحمة الله وبركاته استاذتنا
وكيف حال استاذي الغالي
ربنا يحفظكم جميعا ويرضيكم في الدنيا والاخرة
----
قال انما اشكو بثي وحزني الى الله واعلم من الله ما لا تعلمون
--------
وجزاكم الله كل خير

عبد من عباد الله يقول...

الحمد لله انك بخير و ابقي طمنينا عليكي دايماً

mostafa rayan يقول...

الأخت الفاضلة : عاشقة النقاب
- صحيح انتي ليه غيرتي الأسم الحلو دة كنت بحس فيه مواجهة وقوة واعتزاز بزي انتي ترتديه عن اقتناع -
انا مش عارف ايه اللي حصل بس الحمد لله ان الصلح تم
- بالنسبة لموضوع الحجاب
فطبعا الحجاب فريضة يكفي ايات سورة النور والأحزاب واحاديث الرسول الكريم صلى الله عليه وسلم
قد نختلف في فرضية النقاب ونقول انه سنة كما قال الكثير من العلماء لكن الحجاب بشروطه الشرعية فريضة والقول بأن ايات الحجاب نزلت لأسباب معينة قول اقل من يرد عليه لأن العبرة بعموم الأية وليس خصوص السبب وهذه قاعدة شرعية معروفة ومتفق عليها
هناك من يحاول ان ينشر الفساد بين الناس ويقول بعدم فرضيته مثل المستشار العشماي واقبال شؤم - قصدي بركة ولو انها مش بركة خالص - وبعض السذج او من يروق لهم ذلك يمش ورائهم ويتبع ادلتهم الواهية
دعك من كل ذلك الهراء فأنت معك كتاب الله وسنة رسوله صلى الله عليه وسلم
وان كنت اطلب منك ان تكتبي بوستات تحثي فيها المحجبات والمنقبات ان تكون افعالهم مناسبة لما يرتدونه فكثير منهن للأسف لا يلتزمون بأي سلوك لا اسلامية ولا حتى اخلاقية او اجتماعية مما يعطي فرصة لهؤلاء يتكلمون
عذرا للأطالة
ودمت بكل خير وصحة وعافية

منى يقول...

الحمد لله انك احسن دلوقتى
شفت النحديث
ربنا يبارك ليك فى عيلتك كلها
ويصلح الاحوال مع الجميع
احبتك واحبه احبتك
تحياتى

عين فى الجنة يقول...

الحمد لله من قبل ومن بعد

بنت النيل يقول...

نونو

اتاخرت عليكى كتير انا عارفة واوعى تزعلى منى

وبلاش تغيبى علينا محتاجة اتكلم معاكى اوى اوى

ولما ترجعى بالسلامة ليكى تاج عندى

وسلامتك من الاحزان ومن كل مكروة

تحياتى لكى
بنت النيل

belal يقول...

الحمدلله إني دخلتب عد انتهائها
ربنا يكرمك ويوفقك
..