الخميس، يوليو 24، 2008

من هنا وهناك


السلام عليكم ورحمة الله وبركاته

طبعا كما نعلم جميعا ان هناك زوجة ناشز لابد من اصلاحها بالطريقة المثلى التي نظمها لنا اسلامنا العظيم ،ايضا هناك زوج ناشز نظم لنا اسلامنا العظيم كيفية ردعه واصلاحه وايضا ضربه !!!! نعم ضربه ولا تتعجبوا لكن كيف ذلك ستجدونه واكثر هنا في القوارير فشاركوني
تسللت الى عالمنا الاسلامي والى مصر المدعوة العلمانية فهل تريدون ان تعرفوا كيف ذلك ؟؟؟؟
شاركونا هنا في العلمانية

************

توقفت الكرة الارضية عن دوارانها واحتفل الكون كله يوم 20 يوليو بقدومي الى هذا العالم

واحتفلت معكم هذا العام بعامي الثلاثين فهنيئأ لكم ههههههههه

فعلا اشعر اني مختلفة هذا العام لاني بينكم ؛شاركتوني المي وفرحي ومرضي وقدمتم لي الدعم كثيرا فجزاكم الله عني كل الخير

*************

كل عام وانتم بالف خير وبصحة والى الله اقرب وفي طاعته ادوم قارب شهر رجب على الرحيل واقترب شهر شعبان ومن بعده رمضان فاللهم بلغنا رمضان

*************

يوسف ابني 3سنوات وقتها جالسا معي في مترو الانفاق وامامنا سيدة شابة تستخدم منديل ورقي وبعدها فورا وبدون تفكير ترميه من شباك المترو فينظر اليها يوسف مستنكرا وبصوت عالي (ليييييييييييييه كدة ليييييييييه)

فتنظر اليه السيدة مبتسمة ابتسامة احراج( معلش معلش)

وانا ابتسم ومن داخلي ياارض انشقي وابلعيها

**************

يقترح علي زوجي اننا نتناول العشاءفي يوم وجبة سريعة من نفسنا يعني نقف امام احد المطاعم ويذهب هو لاحضارها وتقف امام سيارتنا سيارة فارهة تهم بالانصراف وفي اثناء ذلك ينفتح الباب والمح حقيبة الطعام البلاستيك توضع جانب الباب ويغلق الباب وتتحرك السيارة

وانا في داخلي حسبنا الله ونعم الوكيل لان في جانب المطعم صندوق خاص لذلك

**************

ننطلق انا وزوجي والاولاد في احد شوارع وسط البلد ليلا وكان يوسف قد تعلم اغنية اشارة المرورفي المدرسة

لما تلاقي اللون الاحمر حاسب حاسب اوعى تمر

ونلمح اشاراة المرور والضابط المسئول يقف ايضا الحمد لله والاشارة حمرا والله حمرا والضابط يشير للسيارات بالتوقف وجميع السيارات تتحرك فيصرخ الصغير في ابيه قف قف ستدفع التمن( زي اسبيس تون )

يسألني الزوج (هو الاشارة حمرا صح قلتله ايوة طيب لو وقفت والعربيات كلها مندفعة اكيد هيخبطوني )

اشارة اخرى خضراء هذه المرة وكل السيارات متوقفة !!!!!!!!!!!!!!!!!!!!!!!!!!!!!!!!!!!

فيسألني الزوج (هي خضرا صح )فأهون عليه (يمكن الاشارات دي بتاعت المشاة مش السيارات )ويأتينا صوت الصغير( يابابا يلا اوامك عدي ومر) وفي نفس الوقت المشاة بيعدوا خضرا زرقا سودا بيعدوا

فنتمتم انا وزوجي في ان واحد اذا التزمنا باشارات المرور هنعمل حادثة نسال الله السلامة

ههههههههههههههههه وعجبي

******************

يوسف بحمد الله تخرج من الصف الاول الابتدائي واحتل المركز الاول واحتفلت به مدرسته وحضرنا الحفل وصاحب المدرسة ألقى محاضرة طويلة عريضة عن التربية وخطط المدرسة للتعامل مع طلابها والتفاعل معهم ولم ينسى أن يحذرنا من الضغط على اولادنا وذكرنا بأنهم أطفال و ولم ينسى التحدث عن النظام في حفل لا يعرف لهذه الكلمة معنى وذكرنا بالمصاريف وأنه سيحنو علينا ويأخذها بالتقسيط اذا احببنا وووووو من الكلام المعسول وبعد ابني ما اخد شهادة التقديرولعبة جميلة يشكروا عليها

كنت اتمنى انه يلتقط له صورة مع مدرسته والتي تقف بجاتب المدير فصعد لها الصغير واذا بالمدير بصوت جهووووور (أنزل أنت أخدت جايزتك خلاص )وتراجع الصغير في خوف وبابا العزيز بصوت هاديءمخاطبا الحاج صاحب المدرسة( بالراحة شوية هو دة التربوي)

فانخرس المدير واتحرجت له سلف

***************

فرنسا بلد الحريات وصانعة الحريات ترفض محكمتها منح سيدة الجنسية الفرنسية لانها منتقبة
وعجبي على الحرية في ثوبها اللامع

****************

تمسك شيماء بنت اخو زوجي بعشبة وتسألني هو ايه دة فأنسى اسمها وأحاول ان أتذكره معها

(دة اللي بيزود الحديد في الدم بتاع نقص الحديد اللي الدكتور عبد الباسط كان دايما يقول عليه بتاع الحديد دة )

ترد ايه عز اضحك واقولها (مش فاكرة بس مبدئيا مشيه عز)

العشبة هي الاملج تعوض نقص الحديد في الدم بتناوله كمشروب كالشاي او عن طريق نقعه في الماء وطعمه بعد التحلية بالعسل او السكر يشبه الكركديه

بالمناسبة هل فعلا سعر الحديد وصل الطن الى 8700 جنيه؟؟؟؟

***************

شاهدت حلقة لبرنامج الحياة اليوم عن اقباط المهجر وكان الضيف مايكل منير والذي يطالب الحكومة المصرية بحقوق الاقباط المهضومة على حد زعمه من خلال موقعه مهددا ان هذه المذكرة والمرفوعة على موقعه ان لم تنفذ سيرفعها للكونجرس ويحث كل اقباط المهجر على التحرك وتم ذكر ان تمويل اقباط المهجر من اسرائيل وتم التعتيم من قبل مايكل منير عن المنظم للمظاهرات التي تمت في الخارج والتي كانت لمجموعة من الاقباط خاصة اقباط المهجر للمطالبة بحقوق الاقباط المضطهدة على حد قولهم

وتم ذكر ايضا ان ما يقوم به اقباط المهجر يكون في مقابل مادي ليس اكثر لا مواطنة ولا وطنية ولا غيره
وطلب مايكل من الصحفي الرد باسماء وادلة فقال الصحفي ان ذلك سيكون سبق لصحيفته وسينشر ذلك فيها


أظن كفاية كدة

دمتم بخير وسعادة

تحياتي

هناك 98 تعليقًا:

أبوعمر يقول...

ننتش أول رد
ونقول تدوينة خفيفة وجميلة
ولينا رجعة بعد شوية
دمتي بخير يا استاذة

غير معرف يقول...

بارك الله لك في اولادك وزوجك -وخصوصا يوسف.
المشتاق لله

مشروع انسان يقول...

ربنا يخلى لحضرتك يوسف

جميل اوى غرس هذه المعانى والاخلاق فى اولادنا
والاجمل اننا نتابعهم ونراقبهم وهما بينفذوها
والاجمل لما نلاقى اثرها على الناس كمان

ربنا يعينكم على تربيتهم

جمعاوى يقول...

مش عارف أعلق على أنهى حته فى البوست


بجد مش عارف



المهم


ربنا يخلييك يوسف
و يجعله ذخرا للإسلام و المسلمين
اللهم آمين

الطائر الحزين يقول...

كل عام انت بخير

جميلة المقتطفات
أعانك الله وايانا

جمعاوى يقول...

حته كمان


الحديد فعلا تمنه كده !!!!

Ahmed Kamal يقول...

يا ستي كل سنة و انتم طيبين ، و ربنا يخليكم لبعض و يخلي لكم الأولاد ، لففتينا من الشرق للغرب ، فشكرا على الجولة :)

نعكشة يقول...

كل عام وانتي بخير و صحة و سلامة

ربنا يكرمك يا رب و يديكي طولة العمر و فعل الطاعات

جميل ان ابنك كدة ماشاء الله دة يدل انه نشأ علي كدة

ناس كتير كدة للأسف ، واحدة أعرفها فتحت الكان بتاعت البيبسي
و بكل بساطة رمت الحديدة دية علي الارض
قمت جبتها عشان أرميها في الباسكت
قالتلي ليييييييييييية ( عكس ابنك)
ماهو فيه حاجات كتير عالارض

صراحة معرفتش اقولها إية بس رميت البتاعة في الباسكت بردو

بنسبة لمدير المدرسة
بيفكرني برئيس قسم الكوميونتي او طب المجتمع
و في معظم محاضراتهم بيتكلموا عن الديمقراطية و الاسلوب التعليمي و حاجات كدة
المهم في مرة قام قايل اللي خد الغياب انهاردة و خرج من المحاضرة هحسبلو يومين غياب
مع العلم إن القرار دة لسة قايلة دلوقتي
وا لناس اللي مشيت دية مكانتش تعرف

قمت روحتله و قلتلة براحة: يا دكتور حضرتك لسة قايل الموضوع دلوقتي و اللي مشيو دول ميعرفوش
مينفعش كدة

قام قعد يزعق و يقول مش عارف اية ( مش فاكرة صراحة معلش)

بس دة إن دل علي شيء فإنه يدل علي ( التــنــاقــض)


اول مرة اسمع عن النبات اللي حضرتك قلتي عليه دة

........

بالنسبة للأقباط
عشان احنا مش دولة اسلامية أصلا و مش بنعمل الاحكام ولا القوانين الصح
من حقهم يطالبوا بأي حاجة

يلا ...

دمتي سالمة

سلامٌ عليكي

belal يقول...

ربنا يخليلهولكم ويباركلكم فيع وينفع بيه


فيه ناس كتير فعلا ..منظرهم يخدع ..بيكونوا آخر شياكة ..وكل حاجة
وتلاقيهم زي ما انتي قلتي
ماعندهمش أي حس تجاه النظافة أو الالتزام بشئ
كأطفال الشوراع

حسن حنفى يقول...

باركك الله
تقبلوا مروري

محمد فوزي يقول...

انا أخدت بالي والله من تغير السن في البروفايل وفكرت أقولك كل سنه وانتي طيبه وانا بعلق على البوست اللي فات بس خفت لتقوليلي دي بدعه وبتاع!!
معلش دي دعابه كده على الماشي


ربنا يبارك لك في زوجك وأولادك وتحيه خاصه ليوسف اللي ببراءته نازل سلخ في المهملين هههههه , ربنا يوفقه في إحراجهم كمان وكمان

نتأمل خيرا في مشروع قانون المرور الجديد , يا معين

أما أقباط المهجر فأنا مش عارف صراحه هما عايزين يوصلونا لحد فين , ربنا يستر على مصر وأهلها

تحياتي يافندم

wanna b a physician يقول...

كل عام وانتى بخير

.:.-=- ELGaZaLy-=-.:. يقول...

بارك الله لكى فى اهلك وفى اولادك وزوجك..

التدوينة جميلة بجد...ربنا يكرمك فيهم يارب

غير معرف يقول...

كل سنة وانت طيبة

وعقبال مليون سنة والف مبروك ليوسف

ربنا يحميكي

اما كمية الانتقادات دا طبيعي
احنا علي الكرة الارضية

عجبي ومليون عجبي

ماتشغليش دماغك بالناس خليكي في يوسف

كلنا تعبنا من الانتقاد والسخرية

تحياتي

http://kasperb4.blogspot.com/ يقول...

أستمتعت جداا وانا بقرا التدوينة دي والله
انا بقالي كتير مش بعرف ادخل بس المرادي عوضت الحمد لله

بالمناسبة انا بحب اسم يوسف جداا
اسم ابن اخويا كمان يوسف

ربنا يحفظهم وكل أولاد المسلمين
:)

Vague يقول...

يا سلااااااام على صور اسماعلية وجمالها

هو ده البوست بتاع اسماعلية؟؟

1- غريب ان المرأة تستحي من قول سنها الحقيقي
الف مبروك عامك الثلاثين

2-ضاع مني رجب.. بس ربنا يعوضني في شعبان ان شاء الله


3-4-انا واخد قرار مع صحابي نبدأ احنا وملناش دعوة بالناس ومنرميش حاجة فالشارع ..مش اما جيتي لقتي اسماعلية نضيف؟ّ اي خدمة

5-لو قريتوا في كتاب المرور هتعرفوا ان لو فيه عسكري مرور يبقى نسمع كلامه فضلا عن الاشارة

6-انا فاكر ان 5 او 10 كانوا الاول معايا في اولى ابتدائي

7- بس انا بحب فرنسا جدا جدا جدا..لان تلتها مسلمين..لكني طبعا معارض حكومتها المعارضه للحجاب

8-لاملج!!!! انا افتكرتها السبانخ
لا الحديد ب 9200



9- انا بحس ان في اضطهاد للمسلمين في مصر ..والمسحيين واخدين حقهم من الحكومة تالت ومتلت

سبهللة يقول...

ايه يا بنت ىالبوست دة ؟؟
من كل فيلم أغنية
عموما كل سنة وانتى طيبة واحنا طيبين
بوجودك معانا
مش عارفين من غيرك كنا عاملنا ايه؟؟
هههههههههه
مش هاقدر اعلق على كل مواضيع البوست
بس بالنسبة لموضوع النظافة
فى مقولة بتتقال وانتى بترمى الورقة فى الشارع خاصة لو انتى بترميها فى مقلب قمامة فى الشارع
keep cairo clean
اصل انا لما كنت فى لقاء المدونات الستات
خرجت من النادى لقيت قدامه شوية قمامة مرمين عالارض فى الجنب
فرميت عليهم ورقة كلينكس
قامت البت خيخة بصتلى اوى
فيما ما معناه عيب عليكى كدة
وانا شاورتلها علىالقثمامة اللى انا رميت عليها
وقلت لها keep cairo clean

امل يقول...

السلام عليكم
كل عام وانت الى الله أقرب وعلى طاعته أدوم وكل عام وأنت بخير أنا أيضا من مواليد شهر سبعة وربنا يخليلك يوسف ويبارك فيه
تحياتي وتقديري

Unknown يقول...

السلام عليكم ورحمة الله وبركاته
ربنا يبارك في يوسف ووالديه ويجعله صالحا وبرا بكم ان شاء الله
التناقضات والسلبيات في المجتمع تغير من الفطرة السليمه التي فطر الله الناس عليها
اما عن فرنسا فهي اخبث البلاد وكانت من اشد الاحتلالات علي بلاد الاسلام والتاريخ يقول ان انجلترا وامريكا كانتا قديستين بالنسبة لفرنسا
ان فرنسا هي بلاد العلمانية الاولي
هي التي تلعب بكل قوتها علي وتر تغير الهوية وطمس اللغة بل واحيانا التبشير بالنصرانية كما فعلت بالجزائر
فرنسا هذه صفحة سوداء قاتمة بالفعل في تاريخ البشر
وجزاكم الله كل خير

دعاء مواجهات يقول...

منوعات تدوينية

جميلة اوى

واجمل ما فيها براءة يوسف

بوسيهولى

تحياتى ليكى وليوسف

سلااام

منى يقول...

كل سنه وانتم جميعا بكل خير
ماشاء الله عليه يوسف ربنا يبارك فيه واخواته ويبقوا زيه

هو صحيح اللى يمشى عدل فى بلد مش عدله يعمل حادثه
ربنا يستر
تحياتى

صيد الخاطر يقول...

ماشاء الله ياام يوسف بارك الله لكي في ولدك وزوجك

أنا احب الصغار النابهين

نصيحة من اخ لك
حفظيه القران وهو صغير
ومتون العلوم الشرعية كالجزرية

وتحفة الاطفال

وبذلك يتيمز طفلك ويتفوق

ربنا يحفظهولك
نسالك الدعاء

عصفور المدينة يقول...

ما أطيب تلك المقتطفات

مجداوية يقول...

السلام عليكم
مرور للتحية على أغلى الأحبة و طلب الدعاء لأختك المزنوقة وأعود مرة أخرى للقراءة فى وقت الراحة

سلام يا غالية ودعائى الدائم بالخير لك ولكل اسرتك

nigro يقول...

كل سنة وحضرتك طيبة و إلى الله أقرب و على طاعته أدوم
و ألف ألف مبروك على نجاح ابن حضرتك
لأ و إيه ده الأول على المدرسة
بسم الله ما شاء الله
ربنا يباركلكم فيه يا رب
حاجة سيئة للغاية إن الذوق و الأدب و الأخلاق يبقوا مجرد تصرفات نظرية و شعارات و كلام في كتب و موضوعات تتقال في حصص ... و الواقع حاجة تانية
حاجة زي دي ممكن تصيب الطفل بالإزدواجية أو فقدان الثقة في أهمية و قيمة ما يتم تدريسه أو تعليمه له أو تربيته عليه حينما تتحطم القيم على صخرة الواقع

لله الأمر من قبل و من بعد

تدوينة سلسلة و سهلة و تدعو للتفكير


يلا سلام

كراكيب يقول...

ممممممممم هو ده اللي انا طول عمري بقول عليه "ماتقولش لحد اعمل حاجة وانت مابتعملهاش"
يعني مرة اخويا الصغير جيه يقولي ان المدرسة كانت بتقولهم عيب محدش يشتم صاحيه وفي الاخر الحصة قالتلهم: يابهايم اوعى حد فيكم ما يعملش الواجب
يعني اولا: شتمت وهي كانت بتنصحهم محدش يشتم
ثانيا: الشتيمة اصلا من غير سبب يعني على الفاضي والمليان
ثالثا: اخويا فضل يضحك عليها لما قالت حاجة وعملت عكسها

بجد البوست هايل ولذيذ كدة وخفيف خالص مالص

miro el niro kwaniro

موناليزا يقول...

لا ياستى مش كفاية ولا حاجة بجد استمتعت يتدوينتك دى جدا
لان فيها مواضيع منوعة وبطريقة واقعية واسلوب مبسط
بالتوفيق حبيبتى
وكل سنة وانتى الى الله اقرب والى طاعته ادوم وعقبال 110 سنة

وجهة نظري يقول...

1- إنشاءالله تحتفلي بقدومك للعالم كل عام إلي ماشاء الله بصحه وعافيه أنت وأولادك وزوجك.

2- أللهم أمين وكل عام وأنتم بخير، خلاص روائح رمضان هلت، اللهم إهدنا إلي ما أحببت، وتقبل منا أعمالنا وإغفر لنا سيئاتنا في ذلك الشهر الكريم.

3- ربنا يخليلك يوسف وكل أبنائك. مسئوليتك في الزمن الصعب إلي إحنا عايشين فيه إنك تحسني توجيهه. القيم إتشألبت وإتلخبطت والصح بقي غلط والغلط بقي صح.... ربنا يرحمنا جميعا.

4- مشكلة فرنسا وكل الدول إلي مش إسلاميه إنها ملهاش دعوه بالإسلام ولا بغيره .... هم عايزين ناس محايدين ماهومش علاقه بالأديان غير في بيوتهم. إنت مش عارفه للأسف سلوكيات المسلمين عامله إزاي هناك ... حاجه تكسف وتقرف. رايحين أوروبا بتقاليدهم ونقاليعهم وعادات بلادهم وبيفضحونا. تلاقي الراجل يقتل بنته لو مشيت مع بويفريند مثلا .... أهي دي تعمل مصيبه في أوروبا، لأنهم ميفهموش يعني إيه نمنع البنت تمشي مع البويفريند بتاعها، متدخلش مخهم، فما بالك بقتلها؟ إلي عايز يروح أوروبا يمشي بقي علي تقاليدهم يا بلاش، مقدرش أنا مصري مسلم أروح أوروبا وامنعهم من أكل لحم الخنزير مثلا، لو مش عاجبني مروحش من الأول أو ماليش دعوه بالموضوع دا خالص.... يعني دي أمثله. المشكله إن في بعض المسلمين فاكرين إنهم رايحين يفتحوا أوروبا وعايزين بالعافيه ياخدوا الجنسيه وهما أصلا مبيشتغلوش حاجه عليها القيمه، يعني عاله، فبيدوا أسواء أمثله عن الإسلام. أمل إن عرفت أوصلك قصدي؟

5- أقباط المهجر دول كنت كل ما أسمع سيرتهم أتجنن. وبعدين أنا فكرت، هما متسابين ليه وبيعملوا مؤتمرات وإجتماعات وخلافه جوه مصر؟ يعني النظام المستبد إلي عندنا دا حيهمه يخلص عليهم أو يعتقلهم؟ ما هو طايح في الكل ومش هامه حد .... إستنتجت إن أقباط المهجر دول بيمثلوا دور محطوطلهم، مجرد عرائس متحركه بينفذوا مهمه وحيخلصوا منهم لما يجي دورهم. فأي حاجه بيقولوها باخدها بإستخفاف وأسأل: من قالكم كده يا شاطرين؟ موضوع مالوش قيمه صدقيني، جزء من لعبة النظام، حيخلص دورهم ويدخلوا العلبه تاني.

تحياتي ليكي

غير معرف يقول...

أطال الله عمرك في طاعته
ما شاء الله عنه ابنك يوسف
نعم التربية
حفظه الله لأهله
وان شاء الله يكون له شأن عظيم

تحياتي

عاشــــــ النقاب ـقــــة"نونو" يقول...

السلام عليكم ورحمة الله
اخي ابو عمر يسعدني انكاول تعليق وحتى اخر تعليق ومجرد زيارتك
نورتني
-------------------
اخي المشتاق اللهم امين ويسعدني مرورك دوما
-------------------
امام الجيل اه والله بس يارب الناس تساعدنا شرفتني بمرورك
-------------------
جمعاوي روش طحن ههههههههههه علق من هنا وهناك تمن الحديد كدة يا خبر حدييييييد
نورتني
------------------

الطائر الحزين وحضرتك بخير -امين يارب - اسعدني مرورك
-------------------

احمد كمال وحضرتك بصحة وخير -امين يارب - ايه رايك جولة متنوعة اي خدمة نورتني
---------------

نعكشة وانتي بالصحة والسلامة -يارب امين- الحكايات اللي بتعكس سلبية كتير اوي يا نعكشة الظاهر لازم نربي الناس معانا كمان ربنا يسترها
الاملج دة جميل اوي انا جربته
عندك حق
اسعدني مرورك
--------------------
بلال اعزكم الله ربنا يرحمنا اسعدني مرورك
------------------
حسن حنفي يسعدني دوام التواصل واهلا بحضرتك دوما
تحياتي
-----------------
محمد فوزي لا ابدا قول احنا بنحتفل باي حاجة وكل حاجة لكن لازم تكون موضوعة في اطار شرعي يرضي الله انما احنا ناس طبيعية والله ههههههههههه
اعزكم الله
قانون المرور مش هتقدر تغمض عينيك
ربنا يسترها يارب وهما مثلهم كمثل الحما الذي يحمل اسفارا
اعزكم الله
اسعدني مرورك
---------------------
wanna b a physician
وحضرتك بالصحة والسلامة يسعدني تواصلك
------------------
.:.-=- ELGaZaLy-=-.:.
الحمد لله انها عجبتك يارب على طول
بيسعدني تواصلك ومرورك
---------------------
afew good men
وحضرتك بالصحة والسلامة عندك حق بس هقول ليوسف ايه على اللي بعلمهوله ويلاقي عكسه؟؟؟؟؟ احترت والله
بيسعدني مرورك كل تقديري
-----------------

الام وامال اهلا وسهلا بحضرتك اي وقت وكل وقت والحمد لله انها حازت اعجابكم
واعزكم الله وجزاكم الخير على دعواتكم
-----------------------
ادم هههههههههههههههه
هحط صور اسماعيلية لما اجي تاني هناك واصور تاني واكتب تفاصيل المرتين
اه جيت اسماعيلية لقيتها جميلة بس الشواطيء الناس يعني قاموا بالواجب وزيادة
تعليقا على عسكري المرور اذكر صديق لزوجي كان بيوصف له عنوان فقاله هتلاقي عمود جنبه عسكري مرور ما تسالوش اسال العمود
انا بقول سني ولا استحي يعني هصغر ولاهيغير الحقيقة
فرنسا تعارض الحجاب دة عادي لانها مش مسلمة انما تتناقض مع نفسها وتقول احنا دولة حرية وملوخية دة بقى اللي يفرض نفسه انها تراجع نفسها وتقول ان دولة --- خليها في سرك عشان الرقابة
الاضطهاد على المصريين كلهم والله
بس المنتقبين اكتر هههههههههههه
اسعدني مرورك
----------------------
سبهللة وانتي بخير ايوة اصله من هنا وهناك
وكيب كايرو كلين ههههههههههه
------------------------
امل وانتي بالصحة والسعادة يارب
--------------------

اخي الفاتح الجعفري اللهم امين يا اخي وجزيت الخير على دعواتك
التناقضات ملت الدنيا يا اخي ربنا يعافينا اما العلمانية ودولتها فرنسا فباذن الله سبرد كيدهم في نحرهم لكن اي حريات بيطالبوا بيها في ظل ما نراه اعتقد تن الحرية اللي بيطالبوا بيها لهم بس لكن باذن الله سيرد كيدهم في نحرهم
بيسعدني مرورك
تحياتي
---------------------------
دعاء مواجهات اهلا زائرتي الكريمة لاول مرة واتمنى دوام التواصل
حاضر هبسهملك وجزيت الخير على دعواتك
تحياتي
--------------------------
منى وانت بالصحة والسلامة وربنا يسترها ويعافينا
اسعدني مرورك
----------------------
اخي صيد الخاطر اعزكم الله
الحمد لله يوسف بيحفظ ومريم كمان ربنا يقدرني عليهم يارب ومحمد حتى بيلقط منهم ادعولي
وهبحث في الكتب اللي حضرتك اوصتني بيها وصايا غالية بارك الله فيك
اسعدني مرورك
----------------------------
عصفور المدينة جزيت الخير ويسعدني مرورك
------------------
مجداوية ياااااااارب يكرمك ويعينك وينجحك وتيجي للقراءة في اي وقت تحبي االمهم تعطري مدونتي بزيارتك
احبك في الله
-------------------
نيجرو وحضرتك بالف صحة وسلامة والحمد لله انها عجبتكم فعلا دة اللي الواحد خايف منه هقول للعيال ايه بعلمكم انا غلط؟؟؟!! واسعدني مرورك
----------------------

كراكيب وانا كمان ضحكت هنقول ايه
أتأمرون الناس بالبر وتنسون انفسكم
هو دة اللي بقوله
والله انتي اللي لذيذة خالص مالص وكمان بالص
تحياتي
---------------------
موناليزا حبيبتي وانتي بالصحة والسلامة والله بيسعدني مرورك بس اشمعنى 110
---------------------
وجهة نظري الله يعزك يارب الاهم اني اكونفي وسطكم ومعاكم وجزيت الخير على دعواتك واللهم بلغنا رمضان
موضوع اوربا اوافقك الراي عليه جدااااا وهي دي النصيبة كل واحد بياخد مكان مش مكانه وبيروحوا يفضحونا وخلاص ويعملوا دعاية مهببة الا من رحم ربي
اقباط المهجر هيجي لهم وقت وباذن الله هتنقلب الدفة عليهم اعبيا مش عارفين او مش عاوزين يصدقوا انها لما تخرب هتبقى علينا كلنا
مرورك بينور مدونتي ويسعدني
تحياتي وتقديري
------------------
اخي بهاء وحضرتك بصحة وسعادة واعزكم الله وجزيت كل الخير على دعواتك واسعدني مرورك بحق
----------------------------------
تحياتي وتقديري لكل زواري واتمنى دوام التواصل

Unknown يقول...

السلام عليكم ورحمة الله وبركاتة
ازيك يا نونو
ان شاء الله بخير
كل عام وانتى وكل المسلمين بخير اللهم بلغنا رمضان
بوستك يجنن ومنتوع
ما بين عادات سيئة لاناس رغم اختلاف مستواهم المادى وممكن الثقافى وايضا ما بين ما نمر به من نفاق اجتماعى
سواء فى ادعاء الحريات او الاقلية المتطهضدة وغيرها من الاشياء
ولا نملك الا ان نقول الا ان علينا ان نعلم انفسنا والاولادنا قيم قد تكون اندثرت لنواجه الحياة حتى وان لم يتعرف بها كل الناس لكن علينا ان نحدد ما نحب ان نكون عليه
بارك الله لك فى اسرتك
ووفقك الى ما يحبه ويرضاه

dr. Ahmed Sakr يقول...

ما شاء الله عليكى أختى

ربنا يبارك فيكى وفى خالد ويوسف

يارب تكونوا بخير

جيهان علي يقول...

السلام عليكم ورحمة الله وبركاته

كل عام وأنت طيبة
وإلى الله قريبة
وعلى طاعته دائمة


بالنسبة للسلبيات التي تحدثتي عنها في البداية فعندك حق أكيد في نماذج في المجتمع لا تقيم لحق الشارع وزن ولا لنظافته
والحل أن من يرى السلبيات أو القذورات في الشرع ويعلم أنها خطأ أن يغيرها هو
والدعاء لأمة محمد صلى الله عليه وسلم أن تعود لسنته الرشيدة

وكذلك في إشارات المرور يجب أحترامها
ولعل في قنون المرور الجديد الشفاء من هذا البلاء

أما نظام التربية للأسف الشديد كثير ما يكون كلامنا عكس أفعالنا

فرنسا بلد الحريات!!!

صدقيني ما عرفت ولا علمت عن احترام الحريات كما عرفت في القرآن الكريم وفي صدر الدولة الإسلامية عندما كان لها مكانتها وازدهارها


تحياتي

همس الاحباب يقول...

كل سنة وحضرتك طيبة وعقبال مليون سنة
طبعا شهر 7 شهر العظماء هههههههه
تاكدت انا دلوقتى
والف مبروك ليوسف وربنا يبارك فيه ويقر عينك به وباخوته
تحياتى وتقديرى اختى الكريمة

Unknown يقول...

تدوينه رائعه تريحنا قراءة هذه الأخبار الخفيفة

شكرا

صاحب المضيفة يقول...

بارك الله لك في يوسفك الجميل

وأعانك على تربيته على أصول دينه يارب


وجميل قوي موقف المترو ده بصراحة


ربنا يحفظه ويهنيكي بيه يارب

عالمى ازرق يقول...

كل سنه وانتى بخير
وربنا يحميلك ابنك ويقدرك على تربيته تربيه صالحه وسط كل اللى عايشينه

ذو النون المصري يقول...

اه و الله كفايه
معلوماتك في البوست الجديد كتيره
لكن اهم حاجه فيها موضوع مايكل منير اللي زاع صيته علي ايه مش عارف
مشكلة الوحده الوطنيه تعتبر اساس مشكلاتنا الي الان و لا نعرف كيف نشات من الاساس و هل لها حل ام لا؟

حسن حنفى يقول...

حضرتك ليكي تااااااج عندي ممكن تحليه لو مش ححلتيه قبل كده
:d

أحساس لسه حى ...أنا مش موافق يقول...

عزيزتى
بوست جميل
متنوع

مجموعة من الاخبار الشخصية

واخبار عامة مهمه ومنوعة

ونقد لسلبيات كتير

اكيد محتاج نفكر فى كل حته فى البوست واى موضوع طرحتيه فيه

تحياتى

سلام

الفاتح اليعقوبي يقول...
أزال المؤلف هذا التعليق.
Mafrousa يقول...

ايه يا نون ده ؟؟؟
حرااام عليكي يا شيخة
كده تعملى كده فى اختك مفروسه تفرسيها بزياده
اولا كل سنه و انتي طيبه
ثانيا كل سنه وانتى طيبه
وثالتا بقى كل سنه و انتي طيبه
ماهو لو انا اتكلمت فى حاجه تانيه حتفرس
و لو اتكلمت فى موضوع انا عاوزه اتكلم فيه انتي حتتفرسي
فبلاها فرسه لينا احنا الاتنين
وخليها
كل سنه و انتي طيبه

غير معرف يقول...

الأخت الكريمة عاشقةالنقاب
تحياتي للجولة المتنوعة التي اري ان اهم جزء فيه اخر جزء فها هو شهد شاهد من اهلها ان كله بتمنه ليس من اجل الأقباط ولا مصالحهم فهل ييفق الغافلون ؟

تحياتي ليك مرة تانية

غير معرف يقول...

كل عام وانتى بالصحه والسعاده تدوينه جميله

كل عام وانتى الى الله اقرب والى الجنة اسرع ومن النار ابعد

غير معرف يقول...

السلام عليكم ورحمة الله وبركاته

بسم الله ماشاء الله تدوينه جميله
ربنا يبارك فيكى

وكل عام وانتى الى الله اقرب

تسرنى زيارتك وابداء رأيك

أنين الروح

www.alrooo7.blogspot.com

بنوته مصرية يقول...

البوست جميل جداا وعجبني رد يوسف وانتقاضه

ربنا يحمية ويخليه ليكي ولي باباه


تحياتي لكي وبوسيلي يوسف

الفقير الى الله يقول...

السلام عليكم ورحمة الله وبركاته
انا في لما كنت في السعودية من يومين كده
كان الحكاية ده بقت على العلن الاشارة حمراء يمشوا خضرا يقفوا معرفش ان الدول الاسلامية كلها كده!!!!
بالمناسبة الباكستانية بيقولوا دايما في الاشارات تريقة على السعوديين
بابا خضراء فيه نوم حمراء فيه قوم!!!!
الله المستعان
بالمناسبة ربنا يخلي يوسف على الفطرة!!!!
لانها بقت صعبة
اما اقباط المهجر فخليهم انا كان نفسي اقول للمجنون اللي بيتكلم بلسانهم
مش لما المسلمين يخذوا حقهم في مصر اللي هما اكتر من 90 في المية تبقى اقباط المهجر تتكلم وافكره بسؤال
علل يعني افطن
هل عمرك شفت قبطي معتقل بلا سبب!!!
انا بقى عائلتي كلهم اعتقلوا الدور والباقي عليا!!!!
من غير سبب
انا برده عاوز حقي
تحياتي

د. إيمان مكاوي يقول...

أولا كل سنه وإنت بألف خير..وعقبال 100 سنه في طاعة الله .
ثانيا ألف سلامه عليك..ولو إنها متأخره شويه لأني أنا كمان كنت عامله عمليه ومش متابعه المدونات كويس..شفاك الله وعافاك
التدوينه جميله وخفيفه وجمعت سلبيات كتير
تحياتي

اسلام صديق يقول...

بوست جميل واسلوب رائع

جزاك الله خيرا وربنا يخليلك يوسف يارب


سعدت جدا بزيارة مدونتك

غير معرف يقول...

ههههههههههههههههههههه

صح كفاية بقى حرام

ياريت تقولي لنفسك الاول

لو امهات المسلمين عرفوا ان النقاب هايستخدم بالشكل ده

كانوا حددوا لبس النقاب

مش اي مسلمة تقدر تحترم قدسية النقاب

و انتي عارفة كويس اوي اذا كنتي بتحترميه و لا لأ

انا بكلمك في تعليقي ده مش عشان النشر

انا بقولك كده عشان الاسلام و امهات المسلمين ابرياء من اي مسلمة تخوض في اعراض غيرها و تتكلم عليهم بصورة وحشة و تجيب في سيرتهم و تشتمهم

اذا حصل و عرفتي ان امهات المسلمين اللي بتقتدي بيهم تلامزوا و لا تنابزوا على حتى سيدة كافرة ابقي اكتبي الامثلة دي في موضوع في مدونتك

عشان اعرف ان كل المنقبات من اول امهات المسلمين فيهم نفس صفاتك دي

احترامي للمحترمة

عاشــــــ النقاب ـقــــة"نونو" يقول...

السلام عليكم
اعتذر لاحبابي واخوتي هرد على بابا نويل
طبعا انتي معروفة بالنسبة لي جدا يا متخصصة الهجوم على الاخوان والنقاب واللحية
حتى هقولك انتي مين بالضبط يا ست يا بتاعت الاجندا
لان من طباعكم الجبن والتخفي فما تقدريش تدخلي باسمك
اذا كنتي انت ولا بتاعت الصحرا ربنا يشفيكم يارب من كل قلبي بدعيلكم
ربنا يشفيكم
انا طبعا عارفة ايه اللي تعبك اوي كدة
تدوينة انا مش موافق معلش اصلها جت على الجرح شوية
هدانا الله واياكم
لو عندك شوية كرامة ولو اني اشك ما تعلقيش هنا تاني
اقري بس وانت خرسة اللي تحبي تبثيه من سموم هناك مقلب ك اللي هي مدونتك القي قاذوراتك فيها

عاشــــــ النقاب ـقــــة"نونو" يقول...

اهلا بكل زواري الكرام المحترمين بارك الله فيكم وفي دعواتكم ربنا بتقبل
اهلا بزواري الكرام لاول مرة عالمي الازرق وانين الروح والافغاني واتمنى دوام التواصل فيما بينا
وحمد الله على سلامتك يا ايما باذن الله طهور
واهلا ببنوتة مصرية والفقير الى الله حمد الله على سلامتكم متتاخروش علينا
جزيتم الخير
تحياتي وتقديري

في حب مصر يقول...

كل سنة وانتي طيبة بمناسبة عيد ميلاد سموك
بس مش قولتي هي الارض رجعت تدور تاني بعد توقفها بسبب ميلادة ولا لسة واقفه..ههههههههههه

تحياتي

walaa rizk يقول...

بجد تدوينه جميله ومتميزه

وأحلى موقف موقف يوسف العسل ده

ربنا يخليه ليكى يارب

واما الأشارات

عادى

يبقى انت أكيد أكيد فى مصر


ربنا يعزك يارب

Mkjwe يقول...

كلام جميل جداً وهنيئاً لكي بالعام الجديد.
مدونتك جميلة جداً وأعجبتني صراحتن سجليني متابع.
تقبلي مروري ومشاركتي المتواضعة ... أحترماتي

دعوة الفردوس يقول...

كل عام وانتي الى الله أقرب
وعلى لبس نقابك أحرص
:))


ربنا يبارك في يوسف واخواته وأبوهم

تدوينة عسولة جدا

Mero.. يقول...

جميل اختي
اكتر حاجة تغيظ اللي بيرموا الحاجة في الشارع مع ان الزبالة قريبة ..
او بيعدوا الشارع من اي حتة مع ان خط المشاة موجود..
لكن الفساد منتشر اجتماعيا مش بس دينيا..
ربنا يسهل..
دمتي بخير اختي وحفظ الله لك زوجك واولادك..

doctor mohamad يقول...

السلام عليكم أم يوسف .. عقبال ما تشوفيه عريس .. و كل سنة و انتى طيبة .. فين الجاتوه؟؟

مشتاق لله يقول...

فعلا من هنا وهناك

أجـمــل قـلــب يقول...

اول زيارة لى فى المدونة الجميلة دى

وباذن الله مش الاخيرة

بصراحة الواحد مش عارف يعلق على ايه ولا ايه ولا ايه

اشارات المرور اللى بايظة والمخالفات بالفلوس بتخلص

ولا المنتقبة التى لم تحصل على الجنسية لالتزامها بدينها
ولا عدم النظافة على الاطلاق والهمجية فى التصرفات من اللى رمى المنديل من المترو

حتى اللى بيتكلم فى التربية مش عارف معناها اصلا

لا استطيع ان اقول سوى
نعيب زماننا والعيب فينا وما لزماننا عيب سوانا

احلى مافى الموضوع كله هو نجاح يوسف حصوله على المركز الاول واللى اعطى للبوست شكل فيه امل لاولاد هذا الوطن
مبروووووووووك على التفوق وربنا يكرمه ويجعله خادما لدينه بعلمه
وياريت متنسيش الساقع ههه
تقبلى تحياتى
http://a7lam-el7aya.blogspot.com/

غير معرف يقول...

موضوع جميل

بارك الله لك فى من احببت

طبيبك الخاص يقول...

بسم الله ما شاء الله..ربنا يحفظلك يوسف..والله احسست بفرحه كبيره جدا..ربنا يحفظه يارب

نونو يقول...

كل سنة وانتى طيبة يا نونو
وعقبال مية سنة
حلو اوى المشاهد اللى انتى حكتييها
وخاصة الحدييد ياااا جيتى على الجرح
ربنا معاكى يا حبيبتى ويثبتك ويرزقك الاخلاص فى القول والعمل

Gannah يقول...

اولا كل عام وانت بالف خير وفى طاعة الله
كل اللى ذكرتيه عن يوسف بيخلى الواحد يحس ان تربية الاطفال اصبح شيئا غاية فى الصعوبة فانت تغرسين فى الطفل القيم الصحيحة ولكنه يرى امامه العكس تماما فاعانك الله انت وكل ام
اما عن اقباط المهجر فيبدو ان لديهم خطة ما لزرع الفتنه و ربنا يستر وننتبه
تحياتى

shaimaa samir يقول...

السلام عليكم ورحمة الله وبركاته

يشرفنى دعوتكم لحضور حفل توقيع ديوانى الاول
اطياف الصمت

وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب


يشرفنى حضوركم جدااااا



بصىيا نونتى
مفيشاعذار
تجيبى يوسف
ووالد يوسف
واكنكوهتتعشوا برة مثلا
وانا يا ستى هعشيكو شيكولاتة لغاية لما تقولوا يا بس

بجد هستناكى جداااااااا
ومتقلقيش من موضوع النقاب
الست الوالدة هتساندك

بحبككككككك

Ahmed Al-Sabbagh يقول...

كل سنة وانتى طيبة وبخير وسعادة يارب

ربنا يكرمك ويعزك ويديمك على خير

ويحفظك ويوسف من كل سوء


أحمد الصباغ

Unknown يقول...

السلام عليكم ورحمة الله وبكاته
كل سنة وانت بألف خير ام يوسف
وعمرآ سعيدا مديدآ إن شاء الله
فى طاعة الله وعبادته والسير على هدى رسوله الحبيب محمد صلى الله عليه وسلم
وبارك الله لك فى اسرتك الصغيرة وحافظ عليهم من شياطين الانس والجن إن شاء الله.
مبارك ليوسف نجاحه وتفوقه (وليس هذا بغريب فهو ابن من؟)
كان الله فى عون ابنائك بعد هذا نونو حين يخرجون الى الحياة الواسعة فى بلدنا سيجدون وللاسف(وارجو من الله أن اكون مخطئة)اقول ان كل ما تعلموه من خير وشر وقيم ومبادىء صارت فى ذمة التاريخ
نعم صديقتى فهذا ما اراه فى عملى وحياتى وما قصصته انت من لمحات ذكية فى واقع الحياة.....
التعامل فى بلدنا صار صعبآ للغاية!!! نونو اقول هذا عن معايشة يومية للناس والواقع.
احتراماتى وتقديرى
ودعواتى لكِ

tarek alghnam يقول...

ماشاء الله عليكى
وعلى كتاباتك الرائعه
والتى دائما تهذف لخدمه الدين
تقبلى تحياتى
ودمتى بحفظ الله

أختكم فى الله يقول...

ربنا يكرمك حبيبتى ويباركلك فى اسرتك الجميلة

جزاكى الله خيرا

أختكم فى الله يقول...

بنحاول نتغير 5

ياريت تشرفونا و تقروا الفكرة و تقولولنا رأيكم

alqassam يقول...

السلام عليكم ... والله بوست اجتماعى غايه فى الروعه فى طريقة طرحه لعدد من القضايا المهمه فى ايامنا الملئية بالاحداث ...ويارب يحفظ يوسف لكى ويجعله من الذين يعز الله بهم دينه

الميكروباص يقول...

كان لازم يوسف يتكلم
ما كان يسكت ويخليها في سره

د/اجدع بنوته يقول...

العمر الطويل ليكى

وبوسيلى يوسف كتيير وعؤبال الكليه يارب

وفرنسا دى ع طول داخله ف تناقض

والمرور زى الفل

وبجد وحشتينى جداااااا

يارب تكونى بخير

طلاب من أجل مصر يقول...

بوست جميل وربنا يخليلك يوسف


وجعله نفع وزخر للإسلام

نبضات قلب يقول...

سلام عليكم هذه أول مرة أدخل فيها مدونتك
ما شاء الله المدونة شكلها جميل والمكتوب فيها أجمل
أجمل ما في هذا البوست إنه كوكتيل
أكثر ما شدني فيه هو مواقف يوسف ربنا يبارك لك فيه يا رب
تقبلي تحياتي ومروري

حنين.. يقول...

......... يا اختى العزيزه, انتى اتكلمتى فى حاجات كتير اوى, نعلق احنا على ايه.
اه.. نسيت من كتر المواضيع الجميله اقوللك.
كل سنه وانتى طيبه... ويديكى طولة العمر يا رب.
ويبارك فيكى.
ويباركللك فى يوسف ياااااااااااااااااارب, ويبقى زى زى, زى ما انتى بتحلمى,
دمتى سالمه
اختك الصغيره حنين
فى انتظار المزيد والمزيد

. يقول...

انا اول مره ادخل المدونه دى بس بجد احترمتها اوى و حبيتها
و دايما تكون المدونه فى تجديد

فليعد للدين مجده يقول...

عمر مديد في طاعة الله
وتهنئتي لك ولزوجك الكريم

وأنا مبسوط من يوسف وذكاؤه

ربنا يحفظه لكما ويبارك لكما فيه
تقبلي تحياتي واعذريني لتأخري

Unknown يقول...

كل عام وانتى الى الله اقرب وعلى طاعته ادوم والى الخيرات اسبق

وربنا يحفظلك يوسف ويرزقه عفة وخلق سيدنا يوسف

وبوادر انه هيكون نبته صالحه باذن الله ظاهره اهيه ربنا يحميهولك يارب ويباركلك فيه

هو لسه بس ماادركش ان ثقافة (معلش)التبريريه دى بقت بتجرى في العروق للاسف....ربنا يصلح الحال

momken يقول...

حلوة التدوينه دى

سريعه ومشوقه
بس موضيعها كتيييير اوى


كل سنه وانتى طيبه

تحياتى

الباحث عن الحقيقة يقول...

السلام عليكم ورحمة الله وبركاته
كل سنة وانتي طيبة
قريت البوست كله وهو ممتاز جدا
وضايقني اوي قصة فرنسا والجنسية للمنتقبة
دول بيثبتوا ان عداؤهم للاسلام
العالم بقى بجح ووقح في عداوته للاسلام ولسه فيه ناس بتغمض عنينيها وومش مصدقين
فيه مؤامرة اكبر من كده
اهو شوفوا بنفسكم
وربنا يخلى يوسف واسراء ويخليكم كلكم لبعض

أمـ الله ـة يقول...

لسلام عليكم ورحمة الله وبركاته
أستاذه نونو شكرا علي زيارتك الأولي لمدونتي وأرجو ألا تكون الأخيرة وأعذريني أني جيت المدونة قبل كدا وقرأت موضوعك لكن للأسف معلقتش أحب أقول لكي مدونة جميلة جدا ربنا يوفقك ديما

بنت سيناء.. يقول...

اجمل ما فى الامر اسم المدونة ولاول مرة اجد اسم كهذا..فالغالب ما اجد ذم فية لمجرد الذم..ذم دون الاستناد الى شئ راسخ..اللهم اكثر من امثالك العاشقين للاحتشام والستر

Unknown يقول...

اول البوست الواحد كان بيضحك منه ومبسوط
وبعدين
في نص البوست الواحد بدأ يرجع للواقع المظلم تاني
أما في اخر البوست
فالواحد طلع من فمه شتائم لم يشتمها من زمن
حسبنا الله ونعم الوكيل فيهم

نونو يقول...

نونو يا حبيبتى يارب تكونى بخير
مختفية فييين ؟
ربنا معاكى
ليكى تاج عندى ادخلى وشوفية
ربنا معااااااااكى
احبك فى الله

bastokka طهقانة يقول...

مقالك جه على الجرح يا نونو
كل سنة و انتي طيبة و ربنا يصلح حال البلد و يهدي اهلها
اوروفوار

عالم حبيب يقول...

الأخت الفاضلة عاشقة النقاب

بارك الله فيكي وفي هذه الخواطر الجميلة

هذا أول تعليق لي بمدونتك واسأل ربي الكريم أن يبارك لكم في اسرتكم وأولادكم ويوفقكم لكل خير

بالنسبة لموضوع اشاارات المرور ده فعلا شئ حقيقي وعادي في مصر الحبيبة .. يعني انا شفت اشارة مرور منورة أحمر وأخضر في نفس الوقت .. مع ان النظام حلو وكويس ومش هايكلفنا حاجة .. والواحد لما عاش في بلاد فيها نظام عرف ان النظام بيوفر علينا وقت وجهد كبير

وبرافوو على يوسف انه " زعق " للست دي .. ويارب سلوكياتناتتعدل شوية ونلتزم بتعاليم ديننا

دعاؤنا لنا ولكم الفردوس الأعلى

إشراقة أمل يقول...

عاشقة النقاب
اولا انا دي اول زيارة لى وماشاء الله مدونة جميلة جدا ولذيذة جدا
ربنا يوفقك
وكل سنة وانتم الى الله اقرب وعن المعاصي ابعد
موجوع جيد يعالج اكثر من قضية باسلوب رائع
وفقك الله
تحياتي
اشراقة

Unknown يقول...

دى اول زيارة بس حتتكرر كتيير ان شاء الله

مدونتك جميلة بجد واكثر من رائعه

تحياتى

Hosam Yahia حسام يحيى يقول...

فيييييييين بوستات حضرتك الجديده

عمرو المصري يقول...

عذرا للتحليق خارج السرب


أوغادين
أيوب غوليتش
مصطفي ميجوكوفيتش
ناصر أوريتش
محمد العطلة

هؤلاء وغيرهم الكثيرين
ربما لم تسمع عنهم من قبل وربما سمعت وربما لن تسمع أصلا
فتلك هي العادة عندنا أن ننسي أولئك الذين يرحلون في صمت

ان جذبتك الاسماء وأردت التعرف علي أصحابها هم وغيرهم
تابعونا الآن
في حلقات

المنسيون

فقط
علي
أرض الحرب

dr.Muslim يقول...

بارك الله لكم في يوسف ومريم وأنبتهما نباتا حسنا...

.

أستاذ خالد مش بيظهر ليه؟؟

قالقنا عليه دايما كدا.

ياريت تطمنونا

وجهة نظري يقول...

إيه فينك؟ مشفتش ليكي مواضيع جديده من فتره. لعل المانع خير إنشاءالله.

تحياتي ليكي ولأسرتك الجميله ولزوجك الفاضل.

عاشــــــ النقاب ـقــــة"نونو" يقول...

السلام عليكم ورحمة الله وبركاته
اخوتي واخواتي
بارك الله فيكم وفي دعواتكم وجزاكم الله خيرا عليها وربنا يتقبل يارب
واهلا وسهلا بكل زواري الكرام واهلا وسهلا بكل زواري لاول مرة واتمنى دوام التواصل بينا
واعذروني واعذرني يا اخي وجهة نظري واخي حسام على التاخير لظروف في الكمبيوتر الحمد لله انتهت وباذن الله اعمل حاجة جديدة هذا الاسبوع
والحمد لله انا بخير وجزاكم الله خيرا على السؤال وربنا يديم المعروف بينا يارب
دمتم بخير وسعادة وكل عام وانتم بالف خير
تحياتي للجميع

مستكه يقول...

جميله قوى مدونتك
بقولك ايه
ايه يعنى 30 ولا 40 ولاى 50
المهم بنقضيهم فى ايه
ربنا يحفظ لك عيلتك

Abd El-fatta7 يقول...

شكرا علي المقتطفات الجميلة دي

بجد مدونة حضرتك من اكتر المدونات اللي افتقدتها خلال الفترة اللي فاتت

ربنا يبارك فيكي وفي اولادك

حسن حنفى يقول...

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

زمرده يقول...

الله يخلي لك يوسف ويسعده (حقيقه حبيته)
وبجد اشتقت لحروفك واستمتعت بالتنقل
معك خلال هذه التدوينه من هنا وهناك

واخيرا ما اقول لك الا كل عام وانتي بخير
والله يبلغك رمضان ويسعدك