الأحد، أغسطس 24، 2008

نور




السلام عليكم ورحمة الله


كالنورتخطف القلوب محبوبة من الجميع؛ هي نور هذا اسمها

مع مثيلاتها في الفصل هي الاذكى حتى ان معلمة فصلها تأخذها لفصل سنة سادسة لتقرأ لهم من كتبهم (بتغيظهم بيها -اصغر منكم واشطر)

كانت في الصف الاول الابتدائي وقتها ؛ لا يتجاوز عمرها الست سنوات بالتمام .

يحدث بين الاطفال الكثير؛ يغضبون ويتشاجرون وسريعا يعودون الى بعضهم البعض وكأن شيئا لم يكن؛اطفال.

يحدث بين نور وصديقتها فدوة شجار عادي وكانت فيه المجني عليها ؛وان كان فالامر يعالج وبسهولة هم اطفال صغار؛

بالرغم من ان نوروفدوة أخبرتا مدرستيهما وانتهى الموضوع ب (أنتي غلطانة يا فدوة اعتذري لنور) وانتهى الا ان فدوة قصت على والديها واحضرت فدوة ابيها المحامي المرموق لتشكو نور مرة اخرى لناظرة المدرسة والتي أوكلت الموضوع مرة اخرى لمدرسة الفصل فهي تعلم بما حدث اكثرمع مزيد من الترحيب والوعد باتخاذ اللازم امام عينيه

ويصعد المحامي الكبير الى الفصل وتجري عليه ابنته وتقف نور واثقة في نفسها تماما فهي لم تفعل شيء وتقص فدوة الحكاية وتقاطعها نور كثيرا لانها تكذب في روايتها وتنهر المعلمة نور لتتوقف عن الكلام فتبادرها الصغيرة (يا ابلة انا مش قلت لحضرتك والعيال شهدوا عليها امبارح ) فتنظر لها المعلمة مشيرة لها بالسكوت !!!فتصمت ؛

الى ان انتهت فدوة من قصتها المزيفة ليبدأ المحامي الكبير بوصلة عن التربية ودور المدرسة والمعلمة المقصرة والتي تركت كل هذا يحدث ولم تتدخل لتوقف هذه المهزلة في الوقت المناسب وقبل ان تتصاعد هكذا وتأتيه صغيرته تبكي(مصيبة بنت الباشا بتعيط)

الا ان وفي خضم هذا كله تفاجأ نور بصفعة على وجها الضئيل من المعلمة استقرت في وجدانها وقلبها الى اليوم وهي الان امرأة في بدايات العقد الرابع قبل أن تستقر على وجهها الضعيف وتنهار الصغيرة في البكاء؛وتنظر الى معلمتها قائلة (ما عملتش حاجة ما عملتش حاجة والله والله)فتصرخ فيها المعلمة أخرسي

ويرحل المحامي الاب عن المدرسة لكن لم يبارح ذاكرة نور ؛وتجلس فدوة في مقعدها بجانب نور معلنة عن انتصارها(بتطلع لسانها لها)فتتحسر الصغيرة وتنسكب دموعها .

وتنتهي الحصة وتخرج المعلمة وترسل من ينادي في طلب نور

وتأتي الصغيرة للمعلمة وعينيها الصغيرة تسألها (عملتي كدة ليه) فتبادرمعلمتها قائلة (انا ما عملتش حاجة والله)

فترد معلمتها ((عارفة)) فتتوقف الصغيرة عن البكاء منتبهة وتتسائل(امال ضربتيني ليه)

فتضمها المعلمة وتربت على كتفيها قائلة(( معلش معلش انا عارفة انك مظلومة وان فدوة هي اللي ضربتك على الحقنة مش انتي اللي ضربتيها

بس لو طلعتها غلطانة ابوها هيودينا في داهية دة محامي واحنا مش أده خلاص ما تزعليش يلا اغسلي وشك امووووووا)))

وبالرغم من صغر سن الصغيرة وقتها الا انها ادركت انها ابنة عامل البوفيه البسيط الفقير الضعيف والذي يمكن للمحامي الكبير انه ((يوديه في داهية بس ما عملش حاجة والله)) واصبح شعارها لما أكبر هتزوج محامي كبير

وانقطعت فجأة فدوة عن المدرسة وعلمت انها توفت أثر مرض خطير

وقتها ترى هل حزنت عليها نور

تمت

القصة من الواقع مع تصريف يسير


تحياتي

اللهم بلغنا رمضان

هناك 75 تعليقًا:

همس الاحباب يقول...

قصة جميلة
وتحدث فى الحياة كثيرا
بس الاسلوب والسرد رائع جدا
احسست بمرارة وحزن لحال نور والكثير مثلها
انها صورة مصغرة لما يدور حولنا
تحياتى والف سلامة على حضرتك
خالد

حسن حنفى يقول...

بجد قصه محزنه ومؤثره جدا

المحامي استغل قوته لصالح طفلته

وربنا اخدها منه

والبنت دي اغ\عتقد بالتربيه دي اما تكبر

هتكون ازاي وهتكون متكبره ولا لأ

وانا اعتقد انها ممكن تكون زعلت عليها

بس زعل بسيط

الطائر الحزين يقول...

رايت كثيرا من هذه الاحداث بعينى

يزرعون فينا الجبن من الصغر
ولا حول ولا قوة الا بالله
دعواتك
اللهم بلغنا رمضان

دكتور حر يقول...

أو دكتور كبير يمشي

:))))


العلامات دي بتنكت في النفس فعلا طول الحياة


ربنا يعافينا ويسترها معانا

afew good men يقول...

نونو لذلك لا اتعجب اطلاقا

عندما اجد احد الناس يحمل القسوة في طيات قلبه

وهو صغير


السلطة لها متعة السحر


والفقر له مذلة

ضياع الحق

وانتشار الظلم هو اهم سبب لانتشار الجرائم


عزيزتي


ياريتها اتعلمت تدافع عن حقها

لكن اخرستها صفعة علي وجهها من مدرستها

هل تعلمي ان تلك الصفعة تحعل بعدها

انسان بلا قلب

تفكر في السلطة

عندما يضيع حقك بيديك

تتفاجأانك

غريب

تحمل بين طيات قلبك كره وقسوة

وتتفادأانك تتعامل بقانون الغابة

الغاية تبرر الوسيلة

afew good men يقول...

ولو كانت الصفعة من القاضي سيدتي

لاصبحت اكثر تشويقا


ضاع الحق بيم ايدي اقذر الرجال

واسفل النساء

قاضي محامي

ومعلمة


هل نحتاج الي راقصة لتدفع عن ابنائنا


نونو
دائما تحزنيني

مع اصرارى يقول...

كل ما أخشاه أن أكون يوما والد فدوى ولا أدرى.
وربما قد كنت كذلك كثيرا ولم أدرى.
ولو حدث يوما فهل سأدرى؟
اللهم أرحم ضعف نفوسنا
اللهم يا حى يا قيوم لا تكلنى إلى نفسى طرفة عين وأصلح لى شأنى كله.

مع أعز التحيات
السلام عليكم ورحمة الله

أبو أسامة - مدونة كباية شاي يقول...

قصة جميلة الحقيقة وللأسف الشديد تعبر عن واقع موجود بقوة في كل مكان من المجتمع

ناس فوق إيدها طايلة
والباقي على طول منداس

زُمُرده يقول...

ازيييييييك

اولا سورري جدا على نقصيري بس انا جيت ومعرفتش ارد قبل كده يمكن مكنتش في مود كويس او حسيت اني مش هضيف جديد

ثانيا كل رمضان وانت بخير وصحه ويارب نتجمع في الجنه وعلى طاعته دوما

ثالثا البوست

قصه يوميه بتاخد كتيييييير من اطفالنا ونشئنا وتربيتهم وليها تأثيرات نفسيه خطييييره جدا
كفايه ان الطفل بيحس بالظلم وده ابشع احساس
كمان بيشوف قدوته بيغلط وبيبرر عجزه ويحلل الغلط
احنا بنبني شخصيات ضعيفه جدا جدا
ونخلي كل فرعون يتفرعن اكتر

ياريت كل واحد يقول ويتصرف وهو متخيل ان ده شيء ليه في الحياه وحااالا هيقابل ربه
هتفرق كتيييييييير

اشكرك على زياراتك
وربنا ييسرها ويقرب بينا

رفقة عمر يقول...

انا متاكدة ان نور حزنت على فدوة
لان الموت عندما ياخذ اى احد حتى ولو كان اشر خلق الله بياثر فى النفس كتثيرا
انا حزنت على فدوى
رحمها الله والحمدلله انها توفت صغيره حتى لاتكبر وبداخلها هذا الظلم والغرور

كل سنه وحضرتك طيبه
رمضان كريم

مشتاق لله يقول...

بلغكي الله رمضان يااختي انت واسرتك وتحية الي الاستاذ خالد

موناليزا يقول...

يااا الله
لا اله الا الله
بجد مش عارفة اقول ايه
بس فى كل الاحول المعلمة غلطانة وملهاش اى عذر

(احمد سكر ) يقول...

السلام عليكم

فعلا القصه رائعه

واظن ان نور زعلت جدا على صديقتها

لانها بنت متربيه على الصدق والقيم

بس للاسف مدرستها اللى زرعت فيها الخوف

تحياتى اختى الفاضله

وتسلم يداك على ماخطت به من قصة رائعه

اخيكى

احمد سكر

la3lahakhier يقول...

السلام عليكم
اولا اشكرك كل الشكر على سؤالك وسامحينى على التقصير انا اول ماربنا اخد بيدى قلت الف على الاحباب كلهم واعيد عليهم
ثانيا نور اكيد حتزعل لانى فدوة مجرد طفلة وحتى كذبها لاتدركه نور لابد الا تسامح المعلمة لانها هى الخائنة للامانة وحتى هى ايضا يمكن مسامحتها ولكن لابد وان تتعلم نور الا تخاف والا تتزعزع ابدا مادام الحق معها ومادامت لم تخطىء فى حق احد
كل الحب والتحية اختى الحبيبة

خالد يقول...

انا كمان اثناء الطفولة المعذبة وقع علي ظلم لم أنساه الى الآن ، كان اخويا الكبير نايم واخويا التاني عامل دوشة صحي افتكرني انا المزعج راح رازعني علقة ونام تاني
الكلام دا بقاله ييجي خمسة وتلاتين سنة
ولن يمحى من الذاكرة
ولو اني لما بافتكرها باضحك قوي
طيب انا والله

محمد يقول...

الاخت الكريمه
شرفتينى بزيارتك لمدونتى
لى تعليقين
1-بالنسبه للقصه
ليس هناك ظلم صغير وظلم كبير
هناك فقط ظلم وذلك بالنسبه لفعل الظلم, أما بالنسبه لمن وقع عليه الظلم, فأن المظلوم صغير السن أوضعيف الجانب يعتبر ظلمه تحدى لله تعالى.
العدل يبنى دول وأسر قويه
وظلم يهدم الكل
2-بالنسبه للحريه
المبدأ لايجزىء أما حريه للكل
أو لاحريه على الاطلاق
التعصب جهل
سيدى محمد عليه الصلاة والسلام
كان أرفق الناس بالناس ووأرحمهم وأصبرهم
شرفتينى بزيارتك مدونتى

عالم حبيب يقول...

لا حول ولا قوة إلا بالله العلي العظيم

قصة مؤثرة .. خصوصا وفاة الطفلةفي النهاية .. ربنا يرحمها يارب

عارفين ايه المشكلة .. ان الكبار بيتعاملوا مع الصغار من منطلق عقلية الكبار .. اللي مش هي دايما العقلية الصح

ياترى الأب كان بينتصر لبنته في الموقف ده ؟؟؟ لا و 10000000 لا .. الأب كان بينتصر لكبرياؤه هو .. وانه مش لازم يطلع صغير أمام صغيرته التي جاءت تشكوا له

في النهاية يجب أن نعلم أن معظم الخناقات والمشاكل وخصوصا بين " الستات " بسبب الصغار .. ولو تركوهم يتعاملوا مع بعض .. سينام الأطفال ويستيقظوا يلعبون مع بعض من جديد وينسون كل المشاكل لأن قلوبهم طاهرة

حتى أجد عنوان يقول...

كأني اراها الان بين تلك السطور ..لم تتجاوز تلك اللحظة..صوت الصفعة على وجنتها مازل يدوي في اذنها .. ونفس ملامح الدهشة على وجهها ..ومازالت تعيد نفس السؤال "لماذا" ... لكن الطيبون لا يتوحشون ولا تزيدهم تلك الصفعة قسوة .. انما تملؤ نفوسهم رقة وألما وحسرة على كل نور أخري ما زالت لاتدري "لماذا" .
كتابة رائعة تغترف صاحبتها من مشاعر صاحبة القصة .. فهي اما عاشتها أو عايشتها.

عاشقه الفردوس يقول...

جاءت قصتك يانونو فغرزت في قلبي جرح علي جروحه


حسبنا الله ونعم الوكيل علي كل ظااااااالم

عبدٌ من عباد الله يقول...

الحمد لله
بيقولو فى الامثال

يا بخت من بات مظلوم و لا باتش ظالم
و ياما حصل زى القصة دى كتيييير جدا

المهم النهاية
فى الآخرة
مش فى الدنيا

اذا سامحت فى الدنيا
تنتظر ان يغفر لك الله فى الآخرة

اذا لم تسامح فى الدنيا
يقتص لك يوم القيامة

يعنى الحمد لله
المؤمن
كده كده كسبان

اللهم ارزقنا الايمان و اجعلنا من المؤمنين

فليعد للدين مجده يقول...

موقف متكرر

أعتقد أنه قد حدث لنا جميعا

لابد هنا من التواصل الجيد بين الوالدين والاطفال لإزالة الاثار السيئة لمثل هذه المواقف وجعلها حافزا للطفل ليتفوق ويتميز علي ظالميه

دعوة الفردوس يقول...

اظن نور لن تنسى
وستحرص جدا على الا يحدث مثل ذلك مع ابناءها

اما عن فدوى
فلا ذنب لها في رايي
واظن نور حزنت كثيرا

صاحب المضيفة يقول...

وكم في الحياة من أمثال تلك القصص المحزنة


لاحول ولاقوة الا بالله


رمضان كريم

عاشــــــ النقاب ـقــــة"نونو" يقول...

السلام عليكم ورحمة الله
اخي همس الاحباب اصدقك القول وجزيت خيرا على سؤالك اسعدني مرورك
------------------
اخ حسن حنفي تحدث كثيرا وعلى كافة المستويات لكن انا اعرف صاحبة الشخصية كبرت ما انا قلت دلوقتي في عقدها الرابع يعني عدت التلاتين بفضل الله سوية جداااا وتذكرها لقصة زي دي بيخليها ايجابية في تعاملتها سواء الشخصية او اللي تخص اي حد يخصها وبرضه زعلت بشدة على فدوة ولما بتفكرها بتترحم عليها اكيد لانهاادركت لما كبرت انها ما لهاش ذنب
اسعدني مرورك
-----------------
الطائر الحزين وما اكثره واقساه اخي
يمكن نور ربنا كرمها ولم تتوحش فيا ترى كام واحد تجبر
ربنا ييسرلك وييسرلنا والمسلمين الحال يارب ورمضان كريم
اسعدني مرورك
------------------
دكتور حر ههههههههههههههههههه
اهو اي حاجة لها شان بس عاوزة اقولك دة حدث من يجي 25 سنة ووقتها ما كانش المؤهلات العليا مرترتة كدة فمحامي دة يبقى واااااااااو
يارب واياك نسال العافية
اسعدني مرورك
------------------
afew good men
اطمئن اخي فلم يجعل منها موقف كهذا امراءة متجبرة بل بالعكس الموضوع جعلها ايجابية وراجع تعليقي على حسن حنفيلكن لا ننكر ان نور فلتت فكم غيرها أثر هذا فيه سلبيا وطغى وتجبر نسأل الله العافية
والله حقك علي بس اعمل ايه
باذن الله ربنا يفرحك دوما
يسعدني طلتك دوما
--------------------
مع اصراري-- لا الله يكرمك اوعى ربنا يعافيك اما ما كان فقد كان وعفا الله عما سلف واصلح ما تستطيع
اللهم امين بارك الله فيك
اسعدتني طلتك
-------------------
ابو اسامة -مدونة كباية شاي
اهلا زائري الكريم ربنا يعافينا يارب
اسعدتني زيارتك
----------------------
زمردة اهلا حبيبتي وتتواجدي وقت ما تفضي الاهم نطمئن وبس
وكل رمضان وانتي بخير حبيبتي
اسعدني وجودك وباذن الله نتقرب يارب
--------------------
رفقة عمر فعلا حزنت وبشدة حتى انها كانت تذهب لاختها وتسالها هي حست بايه وعيطتي عليها؟؟؟
فدوى طفلة هي الاخرى الدور والباقي على الكبار
رمضان كريم حبيبتي
اسعدني مرورك
-------------------
مشتاق لله بلغنا واياك وكل عام وحضرتك بخير
------------------
موناليزا قولي الحمد لله رب العالمين
حبيبتي ادركت نور الموقف جيدا لما كبرت بس كانت عاقلة
اسعدني مرورك
-----------------
اخي احمد سكرادركتها صحيحة والخوف مش عارفة يمكن بس بتعارفي عليها يمكن ما لاحظتوش الاهم ان دة ما خليهاش غير سوية بالعكس
اسعدني مرورك
-----------------
la3lahakhier حمد الله على سلامتك اختي الحبيبة ورمضان كريم ونورتي الدنيا حبيبتي ولا اعتذار احبتي بين الاحباب
فعلا اعتقد انه حصل اللي فصلتيه
اسعدتني زيارتك
-------------------
بابا خالد ههههههههههههههههههههههه
في بيتي معقد نفسيا ؟؟؟!!!!يااااااااللهول خلاص اوعدك العلاج وعمل عقد نفسية لاخوك وولاده وانتقملك ولا تزعل هههههههههههههههههههه
بفرح لما بتفضى ترزعلي تعليق
-------------------------
اخي محمد اهلا بيك زائري الكريم لاول مرة والله شرفت بزيارتك فعلا واصدقك القول فيما ذكرته كله
اسعدني مرورك واتمنى دوام التواصل
-----------------------------
عالم حبيب
والله تحليلك من وجهة مهمة اراها فعلا حقيقة ياريت فعلا كله يراعي انهم ممكن يتخانقوا بسبب العيال ويتخاصموا الكبار والعيال اللي هما السبب اصلا يلعبوا تاني مع بعضهم
اسعدني مرورك
-------------------
حتى اجد عنوانا للدرجة دي مكشوفة اوي يعني؟؟!!!!اخي تملؤ نفسها رقة والما وحسرة بالظبط جدااااااا مع ايجابية في دفع اي ظلم خاصة اولادها واحبابها واللي تقدر عليهم
اسعدني تعليقك جدااااااااا
------------------
عاشقة الفردوس حبيبتي بعد الشر عليك ربنا يعافيكي
والظلم ظلمات حبيبتي
اسعدني مرورك
----------------------
عبد من عباد الله
بارك الله فيك واصدقك القول وربنا يجعلنا دوما من الكسبانين يارب
اسعدني مرورك
----------------------
فليعد للدين مجده حمد الله على سلامتك دكتور ايهاب ورمضان كريم واصدقك القول اخي
التواصل مهم على ان يكون تربويا ختى وان كان على حساب نفسه هذا لزرع قبم صحبحة وتنشئة سليمة
اسعدني مرورك
--------------------
دعوة الفردوس حقا حبيبتي لم تنسى ابداوفعلا ما سردتيه اراه يحدث امام عيني بطريقة تربوية مع ابنائها
اسعدني مرورك
************************
بارك الله فيكم جميعا واهلا بزواري لاول مرة واتمنى دوام التواصل
رمضان كريم







السلام عليكم

على عبدالله يقول...

انا اللى صعبان عليا نور وفدوى
لان الاتنين زى بعض (اطفال )ولو الموقف عديناه ماكنش هيحصل اى مشاكل
لكن المشكلة فى المحامى والمعلمة ودول بسم الله ما شاء الله ( كتر الله من امثالهم )

الانسان بيتعرض لمواقف زى دى وممكن يكون فيها المحامى او المعلمة ساعتها نسال الله ان يجنبنا الغرور وان يرزقنا حسن التصرف


خالص تحياتى
السلام عليكم ورحمة الله وبركاته

طارق الغنام يقول...

السلام عليكم
كلسنه وانتى بخير وربنا يعود عليكى الايامويحقق كل امالك واحلامك
كما عودتينا اجد عندك مايشدنى ولكن هذة المرة حزنت وانا اقرأ هذا البوست المؤثر
تقبلى تحياتى
ودمتى بحفظ الله

انا ودماغي يقول...

أولا أحب أن أقول لكى إن المدونة رائعة فعلا ما شاء الله...أنا القصة بجد زعلتنى و فكرتنى بحالنا كلنا الظاهر إن مبدأ القوة بقى هو اللى سائد فى كل حاجة بس للآسف اللى بيجهله الكثيرون إن القوة بيجلها يوم و تنتهى و مش بيبقى للإنسان غير عمله الصالح و لسانه الحلو مع الناس فلو كل واحد حط الكلام ده فى دماغه و إن زى ما ليه يوم عليه برضه يوم و إن ربنا منتقم جبار متهيألى الحال ممكن يتصلح..بس على فكرة العيب برضه من المدرسة لأن كل قوى فى اللى أقوى منه و مدام انا وقفت مع الحق يبقى لازم أعرف إن ربنا فى اللى معايا لأن الساكت على الظلم شيطان أخرس..اللى خلا المحامى و غيره واخدين راحتهم كدة هو إن ملقاش حد قدامه(قال لفرعون إيش فرعنك قال ملقتش حد يلمنى)

مؤمنه يقول...

السلام عليكم ورحمة الله وبركاته
أول زياره للمدونه ولا أحسبها الاخيره

هل ستحزن عليها نور ؟
وايحنا صغيرين او الزمايل عامة فى المدرسه لما يتوفى احد منهم حتى لو ما شوفناهوش قبل كده وما اتعاملناش معاه بنزعل اوى ما بالك هى زميلتها فى التخته هى صحيح ظلمتها بس دى شئ يرجع لشخصيتها وقدرتها على التسامح

اكيد عمرها ما هتنسى الواقعه دى وهتأثر على تصرفتها فيما بعد
دومتى بكل خير
وكل عام وانتى الى الله اقرب وفى طاعته ادوم
ورمضان كريم عليكى وعلينا ان شاء الله
والسلام عليكم ورحمة الله وبركاته

مؤمنه يقول...

السلام عليكم ورحمة الله وبركاته
أول زياره للمدونه ولا أحسبها الاخيره

هل ستحزن عليها نور ؟
وايحنا صغيرين او الزمايل عامة فى المدرسه لما يتوفى احد منهم حتى لو ما شوفناهوش قبل كده وما اتعاملناش معاه بنزعل اوى ما بالك هى زميلتها فى التخته هى صحيح ظلمتها بس دى شئ يرجع لشخصيتها وقدرتها على التسامح

اكيد عمرها ما هتنسى الواقعه دى وهتأثر على تصرفتها فيما بعد
دومتى بكل خير
وكل عام وانتى الى الله اقرب وفى طاعته ادوم
ورمضان كريم عليكى وعلينا ان شاء الله
والسلام عليكم ورحمة الله وبركاته

نونو يقول...

كل سنة وانتى طيبة يا نونو
رمضان كريم
بوستك حلو اوى
نتقابل ليلة العيد بقى

مع اصرارى يقول...

لعلك لم تدركى مقصدى
كل ما أخشاه الغرور بما أنا عليه من خلق بنما الواقع أن أكون ممن يعملون السوء بجهالة.
فقط وضعت نفسى محل هذا الرجل(أبو فدوى) فهو لا يرى نفسه إلا خيرا ولم ينتبه للحظة أنه جرح الفتاة(نور) وبالغ فى الدفاع عن ابنته.دونما تحرى للحقائق وبإندفاع أبوى ساذج.
لعلنا نخطئ مثل تلك الأخطاء دون تروى ومشاهدة لعيب النفس.

وتعليقى السابق كا مختصرا مفيدا لهذا التعليق

لكى وللعائلة احب التحيات
السلام عليكم ورحمة الله

Mero.. يقول...

دايما في حسابات تانية..
دايما فيه "لكن" و "بس" ...
ربنا مع المظلوم ويكتبله الخير ويرضيه بيه..
دمتي بخير أختي

محمد الجرايحى يقول...

الأخت الفاضلة: عاشقة النقاب
السلام عليكم ورحمة الله وبركاته
أحييك لطرحك الطيب والقيم والذى حمل بين طياته درساً وعبرة ..ومثل هذه القصة للأسف أختى تحدث وتتكرر كل يوم وبأشكل وصور مختلفة الأحداث مشتركة فى نفس المضمون .

تقبلى تقديرى واحترامى

دكتور حر يقول...

سألت عليكي في الحفل

قالو تعبانه وبنتها

نسأل الله لكما تمام الشفاء والعافية

اوعى تفكر يقول...

لا حول ولا قوة الا بالله
قصه حزينه جدا
ماهو طول ما الخيار والفاقوس شغالين فى البلد
عمرنا ما هنتقدم خطوه
حسبى الله ونعم الوكيل

وجهة نظري يقول...

كارثه، قصتك وقصة حطم قيودك.

مش عارف أقول إيه بجد، إنما عارف إن دا ناتج الظلم والفساد، طالما في ناس فوق السحاب بيدوسوا علي ناس تحت الأرض حنفضل كده.

دا مبيحصلش أبدا في دول محترمه، ويقولك أصل دا إبن فلان ولا دي من عيلة فلان .... كله مواطنين محترمين. إنما مصر فيها ولاد الناس وولاد الكلاب.

نفس المنهي عنه في الأسلام، التفاخر والتنابذ والتحزب والقبليه.

كل عام وأنتي طيبه.

الفاتح اليعقوبي يقول...

السلام عليكم
حاجة تغم والله البلد كلها بقت كده حتي علي العيال الصغيرة
والعيب ليس في الرجل او الطفلتين العيب علي المدرسة الخايبة اللي ضربت الطفلة
بس القصص دي بتحصل فعلا في مجتمعاتنا وكتير جدااا
بشكل بشكل اوسع واكبر
ربنا يهد الظلمة
والسلام

بــــ الخطاب ــن يقول...

قصه جميله وإن كان الحزن يملأها فهى تعكس لنا الواقع، نشعر به منذ طفولتنا فلا نستنكره فى كبرنا.

بت خيخة وأى كلام يقول...

كنت جاية اقولك كل سنة وانتى طيبة علشان خدت بالى من ان سنك زاد سنة فى البروفايل بتاعك

قريت القصة
جسمى قشعر وبكيت
انا بكره الظلم
مش بطيقه

نور كان جدعة وقالت الحق
المدرسة لما ضربت نور على وشها خلقت منها بت خيخة

هتخاف تقول الحق علشان متضربش تانى
هتاخد على قفاها وتسكت

لاستغرابى الشديد
ان بطلة القصة اسمها نور

بتفكرنى بواحدة اسمها نوران
شهرتها نور واصبحت خيخة بمرور الزمن



كل سنة وانتى طيبة علشان عيد ميلادك الى واضح انه كان قريب
وكل سنة وانتى طيبة علشان رمضان

سلام
اختك خيخة

نبضات قلب يقول...

كثيرا ما كنا في مكان نور وقليلا ما كنا في وضع فدوة وبين الوضعين حزنا كثيرا وفرحنا قليلا.
إلا أننا تعلمنا في النهاية ألا يكسرنا الحزن ولا تطغنا الفرحة
جزاك الله خيرا

سبهللة يقول...

قصة مثيرة ومبكية على حال الغلابة
دايما الغلابة مظاليم
عموما كل سنة وانتى طيبة رمضان على الابواب
شدى حيلك
اللهم بلغنا رمضان وارزقنا صيامه وقيامه ايمانا واحتسابا

عايزه اتطلق و يقول...

ياه قصه مؤلمه جدا والمؤلم فيها ان اليى اتعرضتت للظلم والمهانه دى طفله فشئ صعب جدا اما المدرسه كان ممكن تتصرف افضل من كده بكتيير محامى ايه اليى يواديهافىداهيه وداهية ايه دى اليى خايفه تروحها يعنى مفكرتش فى الطفله البريئه دى انها تنصرها طالما هيا متاكده انها معملتش حاجه ولا عشان بنت عامل البوفيه على رايك يبقى خلاص مباحه للاهانه والضرب والظلم وعدم الاعتبار..بس بالنسبه لنور اعتقد انها هتزعل على فدوه لان واضح من السطور ان البنت ذات قلب برئ ومش حقود بس رجاء منك تقوليلنا هيا اتجوزت ايه محامى زى ما كانت عايزه ...انتى شوقتينى..وكل رمضان وانتى طيبه يا حبيبتى واسفه لو كنت اتاخرتعليكى فى التعليق اسفه جدا كمان...فى رعاية الله وامنه..

ahmed_k يقول...

قصه مؤثره جدا
وآخر سطر فيها جعلني أتراجع عن ما كنت أنوي كتابته في تعليقي

الذنب ليس ذنب الصغيره فدوه بل ذنب أبوها الذي تنازل بعقليته إلي درجة تحدي طفله صغيره
كثيرا ما يحدث شجار بين التلاميذ
ولكن لننظر بعدما يكبرون نراهم من أغز الأصدقاء بحيث لا يفترقون
إن تلك المشاجرات ما هي إلا ذكريات طفولتهم
وعدم تدخل الأهل يجعل نفوسهم صافيه
من ناحية بعضهم البعض

وبذلك تنتهي الحكايه وكأنها لم تحدث

رحم الله فدوه فهي ضحية كبر وتعالي أبوها
وجازى نور خيرا علي ما تعرضت له من إهانه

تقبلي خالص مودتي

عايش ولكن يقول...

قصه حزينه ومؤثره بس للأسف ده واقعنا المحزن الوسطه والسلطه والمنصب اهم من اى شىء
تحياتى
علاء

بنت سيناء يقول...

قصـــــ من الواقع ـــــة؟؟لا حول ولا قوة الا بالله...الله يصبر ابوها وحتى ان كان ظالم.....كل سنة والجميع هنا طيب

منى يقول...

انها قصه كل يوم عزيزتى
من يملك القوه يقهر الضعيف
من يملك السلطه يظلم من دونه
ويبقى الامل فى القلوب الابيه التى لا تظلم ولا تستسلم
طل عام وانتى بالف خير
تحياتى

الفقير الى الله يقول...

السلام عليكم ورحمة الله وبركاته
اولا-كل سنه والجميع بخير
ثانيا- ده فعلا بقى حلنا انتي تقدري دلوقتي تكلمي امين شرطه ولا واحد من اغنياء مصر
الواحد بيسافر بره يلقيهم بيكرموا شعوبهم الا مصر افضل شعب ينضرب على قفاه
كل واحد لازم يقرا القصه ده بتدبر علشان هتحصل معاه هتحصل
تحياتي

Khaled يقول...

هل تعلمين أختى العزيزة كيف يستخلصون الذهب ..؟؟
بتسليط النار الشديدة علية فينصهر المعدن وتنعزل الشوائب والمعادن الرخيصة ويبقى الذهب وحدة ...
وانا باعتبر ان المواقف إللى الانسان بيتعرضلها بالذات وهوا صغير وبتسيب أثر فية بتعمل فية زى النار مابتعمل فى الدهب ...
حدث لى مثل ماحدث لنور فى نفس السن ايضا مع فارق بسيط
موضوع جميل
تقبلى تحياتى

جنّي يقول...

انا واثق ان البنت نور حزنت على زميلتها ..

اما المدرسة لو الأمر بيدي لصفعتها وفصلتها من عملها كمدرسة بالرغم مما فعلته واعتذارها للبنت ..

الوزارة مشغولة باختبار المعلمين المهزلة واكثر من النصف لا يصلح للتدريس او التربية ..

الوزارة مش عايزة اختبارات للمعلمين بل تحتاج اصلاح وتغيير جذري

جزاكي الله خيرا وكل عام وانتم والاسرة بخير ورمضاان كرييم
شكرا

بنت سيناء يقول...

حبيبتى نونو عايزة اتواصلك معك كيف؟كل رمضان وانتى بألف خير انتى والاسرة الكريمة

Gannah يقول...

نونو حبيبتى
كل سنة وانت طيبة
قصة محزنة جدااااااااا
لان الظلم من اقسى المشاعر وخاصة فى الصغر
ولكن امثال نور دائما متسامحون واكيد زعلت عليها
لكن اللى انا استغربت ليه تصرف المدرسة فالصفعة ستبقى فى ذاكرة الصغيرة دائما دليل على قهر الضعفاء
تحياتى

عايزه اتطلق و يقول...

كل رمضان وانتى بالف خير وصحه واسرتك فى افضل حال ان شاء الله ..اختك محاسن.

واحــد ميــت يقول...

قصة جميلة جداااااااا

والمغزى منها اكبر واكبر

والسلطة فعلا والنفوذ يتحكموا فى اى شىء فى هذا الوقت
وانا لله وانا اليه راجعون

تقلبى تحياتى

وادعوكم جميعا لزيارة اجمل قلب
http://agml-qlb.blogspot.com/

جنّي يقول...

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

eng يقول...

الصراحة القصة رائعة وكمان الإسلوب أروع ربنا يبارك فيك .

امل يقول...

السلام عليكم
قصة جميلة بس أكتر واحده هتتأذى فعليا من القصة دي هيه فدوه لانها كده هتتربى على انها تعمل اللي هيه عايزاه ما دام لها حد يسندها حتى لو غلطت وبصفه عامه مفيش حق بيضيع عند ربنا
كل سنة وانت بألف صحة وسلامة بمناسبة شهر رمضان الكريم ربنا يتقبل منا جميعا فيه ويغفر لنا ويرحمنا ويعتقنا من النار

مـحـمـد مـفـيـد يقول...

قصه بديعه

عاشــــــ النقاب ـقــــة"نونو" يقول...

السلام عليكم ورحمة الله
اخوتي واحبتي في الله
جزيتم خيرا جميعكم على تفاعلكم مع قصة نور
واطمئن اختي محاسن (عايزة اتطلق)بان نور سوية جداا والقصة محفورة في راسها ايوة والدليل انها حكيتهالي اهو
انما تعاملت معاها بشكل ايجابي يعني مردودها عليها كان ايجابي من حيث لاتظلم ولا تخلي حد يظلمها او يظلم ولادها
وتزوجت من زوج موظف كبير ومرموق وهمها اوي انه يكون له وظيفة مرموقة علشان اولادها ما يحصلهمش اي كسوف زي ما كان بيحصلاها
انما هي حزنت بشدة على فدوة وكانت بتقعد مع اختها الكبيرة وتسالها انتي شوفتيها وزعلتي عليها اوي وكدة يعني
لكن نور سوية جدا ما تقلقيش
-------------
مع اصراري
فهمت مقصدك جيدا قد نفعل مثل ما فعل المحامي يوما دون وعي ظنا منا انه الصواب لكن بالتاكيد هو ليس كذلك لكن يبقى هناك امل في مراجعة النفس دوما وليس من العيب ابدا عند اكتشاف اي خطأ كان تصويبه مهما كان صغيرا يمكن وقت ما نور انضربت لو المحامي قال للمعلمة الذنب ذنبك مش ذنب نور وطبطب على الصغيرة يمكن ما كانتش نور شعرت بالظلم
نسال الله العافية لنا ولكم
دمت بخير اخي
----------------


اخي خالد
تشبيهك اد ايه جميل ومعبر جدا اشكرك عليه
---------
خيخة ربنا يعافينا يا حبيبتي
وكل عام وانتي الى الله اقرب فعلا ميلادي كان الشهر اللي فات ربنا ما يحرمني من سؤالك ابدا
قولي لنور اجمدي والحمد لله انا بقيت خيخة اد الدنيا ولا ايه
بتنوريني يا ام شريف
-----------
دكنور حر
الله يكرمك يارب والحمد لله بقينا كويسين واللقاءات جاية كتير ونتقابل بعون الله
-----------
اخي جني الله يكرمك يارب
وكل عام وانتم بخير
----------
بنت سيناء الغالية ايميلي تحت امرك
ومنه نتواصل واعطيكي اللي تؤمري بيه
دة يشرفني اوي والله
لحد مدونتك هحطه
بوركتم
-------------
احبتي في الله جميعا كل باسمه نورتوني وشرفتوني
وتحية خاصة لاحبتي واخوتي وضيوفي الكرام لاول مرة واتمنى دوام الزيارة والتواصل بينا
وحمد الله على سلامة اخي الجرايحي
كل عام وانتم الى الرحمن اقرب
ورمضان كريم

أختكم فى الله يقول...

قصة رائعة جدا

جزاكى الله خيرا

كل سنة وانتى طيبة حبيبتى

ربنا يبلغنا رمضان ويغفر لنا ذنوبنا فيه

ويقدرنا فيه على ذكره وشكره وحسن عبادته


رمضان كريم

KING TOOOT يقول...

القصة دي جريمة
أيوة المدرسة مجرمة و الوالد المحامي مجرم
الحقيقة المجتمع كله مجرم في حق البنت الصغيرة دي
لازم نفكر في تصرفاتنا طول الوقت و نشوف أطفالنا حايتعلموا منها ايه
تحياتي و إحترامي
KING TOOOT

سبهللة يقول...

عندى بوست يهمك
وعايزة رأيك
كل سنة وانتى طيبة
رمضااااااان كريييييم

مدحت محمد يقول...

كل سنة وحضرتك طيبة


اللهم بلغنا رمضان يارب العالمين

Hosam Yahia حسام يحى يقول...

قصه رووعه

مع انها حزينه الا انها مريره

:(

ولا اعتقد انها زعلت عليها الا قليل جدا

bastokka طهقانة يقول...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

الحشرى - سيد يونس يقول...

ما شاء الله كما تعودنا مواضيع أختيارها موفق دائماً

بارك الله فيك أختى الكريمة

وقصه ليها معانى جمة رائعة

Gannah يقول...

كل عام وانتم الى الله أقرب
وعلى طاعته أقدر
وكل عام وأنتم بخير
رزقنا الله العفو والمغفرة ودعوات لا ترد
لا تنسونى من صالح دعائكم
أدامكم الله لى صحبة طيبة
نونو هتوحشينى اشوفك ان شاء الله بعد رمضان
تحياتى

Vague يقول...

السلام عليكم ورحمة الله وبركاته

رمضان كريم عليكي

وان شاء الله يسيب اثر فيكي بالايجاب طوال حياتك

Ahmed Al-Sabbagh يقول...

رائع جدا

كل سنة وانتى والأسرة الكريمة طيبين وبخير

ورمضان كريم

بعودة الايام

اللهم بلغنا رمضان وانت راضٍ عنا

تقديرى ومحبتى

أحمد

على عبدالله يقول...

اختنا عاشقة النقاب

كل عام وانتى بالف خير وصحة وعافية
وبلغنا الله واياك شهر رمضان
واعاننا على صيامه وقيامه وركوعه وسجوده وتلاوة القران فيه

وجعلنا واياكى والمسلمين اجمعين من عتقائه والفائزين فيه بجنات النعيم

اللهم امين

المستنصر بالله يقول...

القصه جميلة
كل سنه وحضرتك طيبة
رمضان مبارك عليكى

همس الاحباب يقول...

كل سنة وحضرتك بخير
والاسرة بصحة وسعادة
رمضان كريم
ربنا يتقبل منا ومنكم سائر الاعمال

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

نور فريد يقول...

السلام عليكم ورحمة الله وبركاته
كل عام وانتي والأخوه الكرام بخير بصحة وسلامه
قصة مأثره بجد
كثير من الأطفال قد تخلق لهم قعد من المدرسه اما لقسوة التعامل معهم مما يمنعهم من قبول التعليم وخروجهم دون شهادات والهرب وايضاً سبب ظهور اطفال اغنى يباهون بما لديهم في عالمنا الحالي اصبح الطفل والكبير في بوتقه واحده لم يعد الطفل خارجها سلمت يداك على هذه القصه

الفنان يقول...

هنا ولاول مرة اعلق على مدوناتك
هنا وقد تحمست جدا لانشاء مدونة لكى استطيع مشاركتكم
هنا ولاول مرة استطيع القول بانى اصبحت زو اهمية اجتماعية
هنا استطيع ان استفيد وافيد
هنا ...........الفنان ....... يا ترى عرفتينى ؟

elfanan يقول...

اليوم واليوم فقط سابدا التعليق على موناتك وبكل صراحة