الخميس، أكتوبر 09، 2008

العيد والمدارس في جولة معايا

السلام عليكم ورحمة الله



اولا أتوجه لكل زواري بالشكر على دعواتهم وتهانيهم بمناسبة التدوينة الماضية وجزاكم الله كل الخير دوما بتسعدونا






كل عام والامة الاسلامية بخير وباذن الله العام القادم نصلي التراويح وصلاة العيد في المسجد الاقصى المحرر بعون الله






في العيد نصلي صلاة العيد انا وأسرتي الصغيرة في مسجد كبير ياتي اليه المصليين من كل حدب وصوب ولكثرتهم حتى يتم افتراش الشارع للرجال ويبقى المسجد للسيدات والحمد لله



وكم تكون فرحة كبيرة ونحن نكبر تكبيرات العيد وأطفالي من حولي



واشعر بفرحة وكاني لا زلت صغيرة واقول لنفسي باذن الله تعالى الله سبحانه يباهي بنا الملائكة اليوم ويغفر لنا



لكن ترددت هذا العام بالذات في قول ذلك داخلي وظللت اردد يارب ارحمنا يا رب أغفر لنا ولا تؤاخذنا بما فعل السفهاء منا



تخيلوا لما؟؟؟؟؟؟؟؟؟؟؟؟!!!!!!!!!!!!!!!



تربيت وعرفت أن المسجد له أداب ووفقني المولى أن أعلمها لاطفالي الصغار حتى ان
والدهم عندما يأخذهم المسجد للصلاة علمهم ان يقفوا في اخر الصف وان المسجد للصلاة
والكلام يكون بصوت منخفض والجري واللعب له مكانه وليس المسجد كما أصبحنا نرى
الأن من سلوكيات اعتبر الاهل هم السبب المباشر لما يفعله الأطفال من أخطاء



ماذا حدث هذا العام يا ترى؟؟؟



شممت جميع انواع البرفانات ومزيلات العرق بل وأفخم أنواعها وكأن البنات منتظرة
الخروج هذا اليوم لتفرغ على كل منها زجاجة برفان



رأيت جميع أنواع وألوان البدي (المدهون على الجسم) وألوانه الصفراء الفاقعة المضرة
للنظر والبمبي المسخسخ والمصحصح وحدث ولا حرج في الوان ومقاسات واشكال لا
يصح لبسها احتراما لقدسية المكان حتى شكل الحجاب والاسدال وللأسف حتى النقاب
بقى فيه بترتر وعليه حرف
وانا لله وانا اليه راجعون



ناهيك عن اللامع واللازق والمدهون على الجسم والوان المكياج ووووووووو وكان
الاخوات تناست أنها الان في بيت من بيوت الرحمن



وحدث ولا حرج في السلوكيات أيضا من كلام ونميمة على فلانة ووو وضحكات
وصرخات وتلطع في الطريق سواء بنات اوشابات او شباب ايضا الا من رحم ربي


خطبة العيد هذا العام كانت جميلة جداااااااااا وابكتني وأضافت الي معلومات جديدة كنت
اعرف بعضها واكتملت بفضل الله لم يلتفت اليها الا من رحم ربي
سأفرد لها تدوينة باذن الله



فما ان سلم الامام حتى كدت انا وصغيراتي ندهس( بضم النون) بالاقدام



فوقفنا في جانب واستمعت للخطبة وانا متوقفة وأجلست ابنتي ورأيت اولاد كما يفعل
ابائهم وامهاتهم يفعلون وهذا يحدث معي في تربية اطفالي
فالطفل يقلد والاباء والامهات بمثابة المرآة لهم فلما لا نستغل ذلك في بث السلوكيات
الصحيحة دون توجيه كلامي لهم هذا أسهل بكثير !!!!!!!!!!!!!!!!!


والفتيات الصغيرات واللاتي على ابواب المراهقة أليس لديهن امهات خرجن امامهن بهذه
المناظر المبتذلة وهن ذاهبات الى المسجد
اليس لهن اباء وأخوة يجري في عروقهم الدماء



يا الهي حتى الذهاب للمسجد اصبح هكذا ؟؟؟؟؟؟؟؟؟!!!!!!!!!!!!!!!!!



عندما رايت ذلك تسآلت في نفسي



هل يباهي الله بنا الملائكة الان ؟؟؟!!!



هل يشهدهم انه جلا وعلا غفر لنا؟؟!!!



اللهم لا تؤاخذنا بما فعل السفهاء منا



لا املك لهن الا النصح والارشاد بالحسنى والدعاء لهن ولاهليهن بالهدى والرشاد



===================================






بالطبع طل العام الدراسي الجديد يوم الاحد
21 من سبتمبر



وكأم حريصة على مستقبل صغيرها وللاسف
ذهب صغيري هذا اليوم لكنه أتى بضربة شمس وحسبي الله ونعم الوكيل وقررت ان
أمنعه من الذهاب ولخوفي الشديد على المنظومة الفذة للتعليم ذهبت مرة اخرى للمدرسة
بصحبة والده وصغيري لأجد المدرسين والمدرسات في حجرهم والفصول خاوية على
عروشها الا من خمس او ست تلاميذ وهممت ابحث عن مدرسين صغيري وعندما
وجدتهم سالت عن ما تم تدريه في فترة مرض ابني لاعوضه



وطبعا كان لا شيء بل وقالوها واضحة ننتظره يوم 7 اكتوبر (وعليكي خير)



والحمد لله ذهب اخذ جدوله اليوم فقط 9 اكتوبر



اما عن مصاريفه والتي التزم بدفعها جدا حتى اني العام الماضي دفعتها قبل دخول
المدرسة ب4 شهور كاملة عند تقديمي لاوراقه وبالطبع تم تاخيره عن اصدقائه في تسلم
الكتب وعندما ذهبت للاستفسار ثاني يوم قالولي (هاتي وصل المصاريف) وعندها كدت
الطم خدي ولكني تذكرت ان ذلك مخالف للعقيدة
فاكتفيت بالتعجب!!!!!!!
وتسآلت في نفسي(امال ايه قرارات الحكومة بعدم منع الكتب حتى عن اللي ما
دفعش مصاريفه ودة بيحصل في مدرسة خاصة امال الحكومي ايه)شرطا دفعت
المصاريف فعلا في شهر 5 قبل دخول المدرسة ب4 شهور (بس الابلة مش فاضية تطلع
الايصال الاصلي الموجود عندهم اجيبه انا اسهل ويتأخر استلام الكتب مش مشكلة يعني)



المهم دفعت المصروفات والتي سالنا تليفونيا عنها وقالوا كذا وبعد الدفع طلبت تسلم الكتب



فردوا وقالوا( ادفعي فلوس الكتب الأول)



فسالت في براءة (امال المبلغ وقدره والذي يزيد عن العام الماضي مقدار 400 جنيه بالكتب يبقى ايه)))



طلع القسط الاول بس والكتب لوحدها وكأنه كمين يا عالم



طب ما قلتوش ليه طبعا مالطة)



سالت في براءةمرة اخرى (الكتب بكام فذهلت طبعا ووجدتهم هذا العام لنا مطلق الحرية
في شراءها من الخارج وكان كمين آخر)



وذهبنا من مدينتنا للجيزة اخر شارع فيصل لشراء الكتب في طابور طويل عريض في
الشمس ساعتين وتم شراء الترم الاول ب11 جنيه فقط والحمد لله



ورجعنا يا حضرات للمدرسة لنبدا شراء كتاب الانجليزي ومعه كراسة مخاطبة( بيكتب
فيها الواجب) وانشطة ثمنها 80 جنيه اذا كنت هشتري الكتب من المدرسة



ويصبح ثمنها 20 جنيه علشان (ما نعملهاش تاني ونشتري الكتب من المدرسة لان
الستين جنيه بيضيفوهم لكتاب الانجليزي والذي حتما سنشتريه عااااااااا)



ليصبح ثمن الباقي من الكتب 119 جنيه لان تمنها اجمالي 160جنيه



ذهلت من المفاجاة حقيقة



وسألت (يا عالم ما قلتوش ليه من الاول ما كدة يبقى طولها زي عرضها انتم همكم تستنزفونا وخلاص



طيب مش هشتري الا الانجليزي ومش من عندكم بقى ويا انا يا انتوا بس قالولي منين)



وهكذا هخبط مشوار اخر للقاهرة لشراء كتاب الانجليزي والذي يبلغ سعره 60 جنيه
علما بانه كله صور والمدرسة تكتب ما تعطيه للاولاد في الكراسات (شوية كلمات وخلاص)



فقط احب أقول أن المنظومة التعليمية جديرة بالثقة والحمد لله احسن قرار تم اخذه اليوم
هو ان ابني هيرجع من المدرسة الساعة الواحدة والنصف بدلا من الثالثة الا الثلث يوميا
( وبما انهم ما بياخدوش حاجة اخر حصة فباذن الله هجيبه الساعة 12 يوميا)



ما حدش يلاقيلي حل ابعت الواد يمتحن بس وبلاش تضييع وقت



طولت عليكم



كل عام وانتم الى الرحمن اقرب






هناك 55 تعليقًا:

mohamed ghalia يقول...

أتمنى من الله أن يتحقق الحلم وأن يكتب لنا صلاة فى العام القادم فى المسجد وأن يصلح الله حال المسلمين
تقبلى تحياتى
كل عام وأنتى بخير

لورنس العرب يقول...

بالنسبة للجزء الأول: ما شاهدتيه سببه الجهل، فقد حدث في مرة من المرات وانا خارج من الجامع وجدت واحده ست ومعها ابنتها ترتدي ملابس- من اللي بتترش على الجسم عن طريق الاسبراي- وتريد دخول المسجد، وعندا منعها الناس قالت أنها لا تعرف أن هذا لا يجوز !
هي فعلا لا تعرف، وحتى لم تحاول أن تعرف طول حياتها ان هذا خطأ
لكن الموضوع من أوله لآخره فسحه- يوم العيد لازم نخرج نصلي، ولما نخرج لازم نجهز الهدوم ونقف أمام المرآه، شيء عادي
............
التعليم حاليا تجاره
وعندما ارتفع سعر البنزين والسولار في أواخر العام الدراسي الماضي اتخذ أصحاب المدارس قرار بزيادة مصاريف باص المدرسة وكأنهم سائقي ميكروباصات مش أصحاب مدارس ومؤسسات تعليمية
وفي جامعة 6 أكتوبر وجامعة مصر الدوليه بعد أن يدفع الطالب آلاف الجنيهات رسوم الدراسة يقوم بدفع مبلغ 50 جنيه رسم استخراج الكارنيه!
ثم يدفع طائله لزوم الكتب
وفي مدرسة بنت أخويا- الليسيه- بيقوموا بعمل رحلات كل شهر عشان العيال تدفع،
يوجد مدرسة - لا اتذكر اسما بالتحديد حاليا- عملت أرباح العام الماضي 100 مليون جنيه
التعليم تجاره واسعه ورائجه
وياريتهم بيعطوا الطلبه شيء محترم نظير الاموال الطائله التي يدفعها ولي الأمر
مستغلين فرصة أن كله ائف على أولاده وطامع في أن يكونوا في أفضل حال


لي عوده

حسن حنفى يقول...

كل سنه وحضرتك طيبه وحضرتك ليكي تاج عني بجد فعلا الاخلاق بقت بتنحدر بشكل رهيب يارب اعف عنا

ماما أمولة يقول...

كل عام وانت بخير اختي الحبيبة

ربنا يكون في عونك وعونا ويصبرنا على

كل حاجة في الدنيا

اللهم امين

Gannah يقول...

لا حول ولا قوة الا بالله
طيب لبس بالشكل ده فى الشوارع لكن كمان فى المسجد
يعنى بجد موضوع اللبس والبرفانات ده زاد عن الحد ومحتاج وقفة لكن مع مين مع الاسرة ولا مع البنات نفسهم وليه ميكونش فى كل مسجد أخوات يكون دورهم التوعيه والنصح بالحسنى
أما بالنسبة للى بيحصل فى المدارس فالطالب اللى مبيدفعش المصاريف مش بيستلم الكتب
أختى مدرسة وحاليا بتجمع تبرعات للطلبة الغير قادرين حتى يمكنهم استلام الكتب
اى حاجة تقولها الحكومة غالبا بيكون عكسها الصح
تحياتى

مهندس مصري يقول...

لا أجد ما اقوله سوى حسبنا الله و نعم الوكيل و كان الله في عونك

زمرده يقول...

الله يهدي المسلمات والمسلمين

والله يعينك على صداع المدرسه
لو كان ينفع كنت بقولك خليه يدرس
انتساب (يعني منزلي)واخر السنه يروح
للامتحان .. ولكن مااظن مسموح للاطفال

وكل عام وانتي بخير

نور يقول...

حبيبة قلبي .. وحشتيني بجد

ازيك وازي الأولاد يارب تكونوا بخير كلكم

بالنسبة للجزء الأول .. للأسف انا بشوف المنظر ده من زمان جدا .. لدرجة اني مبقتش احب اروح اصلي في العراء او المساد الكبيرة لما يحدث فيها .. لكن بصلي في مسجد صغير جنب البيت وانا زعلانة جدا .

ربنا يوفق الاولاد في المدرسة ويعينك على متابعتهام وتربيتهم

ادعيلي انا بمتحن باطنة الايام دي

الرومـيصاء يقول...

حقيقة انا شايله هم انى ادخل بناتى المدرسه مع ان لسه قدامهم 4سنين كده ولا حاجه بس الله المستعان
والله يكون فى عونك
وكل عام وانتى بخير
تحياتى....

سمكه وحده يقول...

اولا
كل سنه وانتي الي الله اقرب ويارب يسبتك

ثانيا اما عن الموضوع ده بجد بيستفذ الناس اللي عندها نخوه وحياء وخوف من ربنا بجد

ربنا يهدي بجد كل البنات والله في بنات كتير متعرفش انها بكده بتبقي وحشه وهبلله وعبيطه جدا يعني ياستي متعملي اللي انتي عاوزاه في بيتك ياستي وخليكي في الشارع بنت او سيده مسلمه بجد ربنا يرحمنا والله
ويعنا علي الطاعه ويهدي بنات المسلمين الي ما يحب ويرضي وانا قبلهم

تحياتي
سمكه

mo'men mohamed يقول...

بالنسبة لما حدث فى العيد فلن أجد أفضل من دعائك

أما بالنسبة لمصاريف الدراسة فأنظرى لهذا لموضوع
مع اللم انه من سنتين وان المصاريف تضاعفت تماما الواحد بقى إثنين
http://klamfelmamno3.blogspot.com/2007/08/blog-post_14.html

السلام عليكم و رحمة الله و بركاته

mahasen saber يقول...

ازيك يا نونو وكل عام وانتى واسرتك بالف خيروسلام وطمأنينه ...
اولا بقه موضوع المسجد فللاسف انا فعلا بشوف بعض الناس مبتعملش احترام واعتبار لهيبته مع انهم لو فى مجلس مدينه هتلاقيهم منتهى الضبط والربط
فللاسف احنا بايدينا بنجرح فى دينا ومن غير ما نحس ...
ده بيت ربنا وانا فيه فى حضرة ربنا ازاى الكلك وارغى وادردش وانم وكانى قاعده فى بلكونة بيتنا..ربنا يهدى ..
اما موضوع البس فهرجع وااقول تانى يا نونو انا مش بقيس الانسان بلبسه انا ممكن تكون واحده مشملتزمه وتلاقيها بتحترم اخلاقيات واداب المسجد جدا وانا بشوف نماذج كده كتير وبشوف ستات ملتزمه والله يا نونو بيبقوا فى المسجد قاعدين للساقطه والاقطه وهاتك يا رغى ومنتهى الاستهتار بقدسية المكان..

فالاخلاق والاحترام مش بيتقيدوا بلبس معين...
ونيجى يا جميله بقه للمدارس المدارس الله يكون فى عونك ايه ده ومدرسه خاصه انتى طمنتينى يا نونو على مستقبل ابنى...اعبد الرحمن لسه داخل الحضانه الشهر ده ولسه قدامى المشوار بتاعك على خير ان شاء الله
بس الكارثه بقه ان المدارس بقت زى المستشفيات زى باقى المصالح الحكوميه كله استثمار فى استثمار
الواحد يا نونو والله ما عارف هيلاقى ادميته فين...

رميساء يقول...

تقبل الله منا ومنكم صالح الأعمال

ربنا ينصر الإسلام والمسلمين

norahaty يقول...

السلام عليكم ورحمة الله وبركاته
نونو العزيزة
أم يوسف وأخوته حفظهم الله
بالنسبة للجزء الاول عارفة يانونو لا أنسى ولد صغير (مسيحى)جاء مع اخته وهى زميلة لى فى العمل .المهم اول ما ألتقت به زميلة اخرى (مسيحية برضه)
اول شىء سألته مين (ابوك؟)فطبعآ اول شىء جاء فى بالى انه سيقول اسم ابوه الحقيقى ولكن الطفل وبسرعة رد بأسم القسيس لكنيستهم.ساعتها تمنيت ان يعرف اطفالنا اسم أمام الجامع القريب منهم كهذا الطفل .العيب فى الوالدين إن نشأ الطفل على عدم احترام المسجد.
أما بالنسبة للجزء الثانى من موضوعك
فحبيبتى التعليم بقى مشكلة فى بلدنا فلازم تحطى اعصابك فى ((ديب فريزرر)من النوع الجامد لان المسيرة التعليمية امام يوسف واخوته لسه طويلة :حتشتكى من دلوقتى؟لسه بدررررررررررررررررررى
سلامى وتحياتى واحتراماتى لكل الامهات مع بداية العام الدراسى الجديد والسعيد إن شاء الله

عاشــــــ النقاب ـقــــة"نونو" يقول...

السلام عليكم ورحمة الله
mohamed ghalia
اهلا بحضرتك زائري الكريم لاول مرة واتمنى دوام التواصل
وكل عام وحضرتك بخير
امين يارب العالمين
=====================
لورنس العرب
للاسف سببه الجهل ممكن وساعات اخرى سببه الغفلة وربنا يعافينا يارب
اما عن التعليم في مصر فمش هتقدر تغمض عينيك
حمدالله على سلامتك وكل عام وحضرتك بخير
====================
حسن حنفي
وحضرتك بخير وسعادة والتاج جزيت خيرا عليه
وربنا يعينا يارب
تحياتي
د================
ماما امولة
وحضرتك بخير يا ماما امين يارب
تحياتي
===================
gannah
عليكي نور يا جنة هو دة اللي اقصده
حرة حرة بس المفترض ان فيه قدية للمكان دة ما ينفعش واحدة تدخله وتلبس فيه ما لا يليق بالمسجد ونقول دي حرية
دة امه سوء ادب مع الخالق خلاص يعني
اما بالنسبة للتوعية والنصح للاسف اصبح الكلام كلام وخلاص الا من رحم ربي
وحتى اصبح كلمة وانا مالي هما صغيرين اسهل الا من رحم ربي
حتى المتلقي نفسه بقى هقول ايه بس بنسمع كلام كتير لا يليق بالرغم من الترقق الا اني اصبحت ادعو بطريقة غير مباشرة
زي مثلا لما حد يلاعب بنوتة من بناتي ويكون لبسه مش اد كدة اقول بصي قولي لطنط بصي انا جاية المسجد لابسة جميل ازاي ادام ربنا علشان يجبني ويا مسهل وربنا يهدي يارب
ربنا يكرمك ويكرم اختك خير يارب ويقدرها على فعل الخير
وكل عام وانتم بالف خير
=====================

مهندس مصري
امين يارب وترجع لنا بالف سلامة
وكل عام وانت بخير
======================
زمردة يارب يا حبيبتي
الانتساب بيكون لدواعي السفر او الكبار بس
وكل عام وانت بصحة وسعادة
===================
نورحبيبتي انتي وحشاني اكتر وربنا يكرمك ويوفقك وينجحك يارب العالمين
احنا بخير الحمد لله
بالنسبة للجزء الاول انا كمان بشوفه من زمان بس في الشارع بصراحة اول مرة اركز والاقيه كمان في الجامع وربنا يرحمنا
الله يعزك حبيبتي على دعواتك ويااارب ناجحة بعون الله
تحياتي
===================
الروميصاء حقيقة ربنا يسترها يارب وخايني طيبة بخير واديكي خبراتي يا حبيبتي
وكل عام وانت بالصحة والسعادة
==================
سمكة واحدة
اهلا حبيبتي زائرتي الكريمة لاول مرة ويسعدني تواصلك
النخوة والحياء موجودة حبيبتي باذن الله بس نقول يارب ونسعى
اللهم امين
ياريت وحشة وهبلةووو انما ربنا بيزعل منها زي ما بقول لعيالي والله عندي يوسف بيتعفرت لما بقوله عاوز ربنا يحبك ولا يزعل منك يتجنن ويقولي لا يحبني ما يزعلش يا ماما
طيب نقول ايه للكبار بس ربنا يهدي
كل عام وانت بخير وسعادة حبيبتي
======================
mo'men mohamed
بارك الله فيك اخي لا خير اجده افضل من الموجود في الدعاء
المصاريف ؟؟؟؟حدث ولا حرج
بناكل احنا في بعض وربنا يرحمنا
هدخل الموضوع اتصفحه
نورتني واسعدني مرورك
تحياتي
=======================

محاسن حبيبتي
اهلا وسهلا انا بخير بفضل الله وكل عام وانتي بخير حبيبتي وابنك في حضنك وباذن الله العام القادم بل اللحظة الجاية تكون اهدأ بالا وافضل حالا يارب
اللي قصدته من موضوع اللبس هنا بعيد تماما عن ما رميتي اليه
انا قصدت اللبس وانتي رايحة الجامع برضه دة بيت من بيوت الله ما يصحش
وزي ما قلتي احنا بندي فرصة لغير المسلمين يقولوا بصوا رايحة عاملة ازاي المسجد ؟؟؟
وبيتمسكوا الاجانب يلبسوا حجاب جوا مزاراتنا التاريخية من المساجد طب يعملوا بيه الاول
روحي مسجد الحسين وانتي تشوفي وتسمعي الكلام دة لا وعلى النت كمان
اما عن مقياس الانسان باللبس انا معاكي فعلا مش هينفع واحدة لابسة نقاب في زمانا دة يتقال انها جهبز ولا ما بتغلطش انما المفروض انها تحافظ على انها تبقى سفيرة لهذا الزي انما الزمن دة فعلا يتقال فيه مش كل من ركب الفرس خيال
وبرضه ما ينفعش اقول على اللي لابسة مش ولابد انها كذا برضه لكن لازم نتفق ان الاساس ان الجوهر لابد وان يتطابق مع المظهر وما يخالف ذلك فهو عيوب بشرية
وكان ليا تدوينة بعنوان شوية كلام ووجهة نظري بباطة يسعدني تطلعي عليها كانت حول ذلك تفيدك في كدة اكتر
شرفتيني ونورتيني
وكل عام وانتي بخير وسعادة
================================
تحياتي لكل زواري

عاشــــــ النقاب ـقــــة"نونو" يقول...

رميساء
اهلا بحضرتك زائرتي الكريمة لاول مرة
يارب امين
وكل عام وانتي بخير
================
نورحياتي حبيبتي
والله الموقف اللي حضرتك بتحكيه دة بالذات بحاول اعمل احسن منه مع ولادي واي مجد بندخله بهتم اولادي يروحوا يسلموا على الامام ونسميه عمو الشيخ
وله قدسية عندنا بان لو ماما زعلت ولا عملوا حاجة غلط هقول لعمو الشيخ وربنا هيزعل منك بتخلي العيال يحبوهم ويحترموهم
ودة المفروض في اي بيت
وربنا يرحمنا يارب
ويعينا بقى على المشوار
طلتك بتسعدني جداااااا
وكل عام وانتي بخير وسعادة يارب
تحياتي

حنين القلب يقول...

اولا صلاه العيد على فكرة مش انتوا بس لا احنا كمان عندنا الوضع بقى غريب اوى البديهات دى بقت كارثه هى ممكن تتلبس اه انما مش فى مسجد
عارفه احنا قبل الصلاه واحنا بنكبر وكل واحد بيلف يبع حاجه اى شىء يخص اليوم ده تلاقيه
سردين ورنجه وبصل وليمون
لعب وبالونات للاطفال
عيش
اى شىء وطبعا ده مش فى مسجد لاننا بنصلى فى الخلاء لان مش فيه مسجد يتحمل العدد ده كله
بس برضه لازم يكون فيه احترام
دى صلاه عيد وبنخرج من بيوتنا علشانها
ربنا يغفر لينا ويهدينا جميعا

ثانيا المدارس دى استغلاليه جدا وكده حرام كمان دنا كده اقول الحمد لله انى مش عندى اولاد علشان التعليم
وان شاء الله لما ربنا يكرمنى مش هعلمهم
هوديهم عند الميكانيكى يتعلموا صنعه احسن
يلا بقى
ربنا يصلح ليكى حالك ويحفظلك اولادك وزوجك ويوفقهم
ويجعل الفلوس دى كلها بفايده بعد التخرج
ملحوظه صغننه
وحشتينى اوى والله

Geo Amr يقول...

اولا كل سنة وانتى طيبة انا عايز اكلم فى الجزء الاول لانة بالفعل شئ مستفز اولا البنات انا الى عايز اعرفة ازاى البنت تقبل انها تقف قدام ربنا كدة نفسى اعرف ازاى وفى حاجة كمان هو البيت مش فيه حد يقول كدة غلط كدة عيب ولا العلية فوضى وخلاص ثانيا بالنسبة للاولاد فى حاجتين انا بجد شوفت سلوكيات سيئة فى اول رمضان فى مسجد قريب من بيتى لكن فى العشر الاواخر رحت مسجد تانى لقيت بجد اطفال بسم الاله ما شاء الله عليهم ربنا ينفع بيهم الاسلام والمسلمين حاجة بجد تفرح ادب وحفظ القران وعلم بجد دول فعلا يقال عليهم اطفال مسلمين بس فى الاول والاخر موضوع الاطفال دة بيرجع فى على البيت لازم الاب والام قبل ما ياخد ابنه او بنته المسجد يعلمهوم اداب المسجد بالنسبة للجزء التانى بتاع المصاريف انا لسه عمى كان بيشتكى ليا امبارح من المصاريف والقسط الاول بجد حسبى الله ونعمه الوكيل اسف على الاطالة

موناليزا يقول...

ده لبس العيد للمدونة):
اما عن البوست فلا املك الا حسبى الله ونعم الوكيل

المستنصر بالله يقول...

نسال الله للاخوات الهدايه يمكن مجرد حبهم للصلاه فى الجامع ورؤيتهم انسانه ملتزمه مثل حضرتك ودروس العلم ممكن يجلهن يلتزمن بالزى الصحيح
ربنا يهدى بنات وشباب المسلمين

بخصوص المصاريف بما انى مازلت عازب فلا اعلم شئ
بس ربنا معاكم ويوفقكم

واسف جدا للتاخير بالتهنئه باعياد الميلاد السعيده ودايما فى سعادة ورضا

تحياتى لحضرتك

امام الجيل يقول...

اعانكم الله
واعان كل اسرة مصرية

فى هذا الوقت الصعب
وربنا يرفع عنا البلاء والغلاء

والمتسببين فيه بالمرة
:)

كل عام وانتم بخير

محمد الجرايحى يقول...

الأخت الفاضلة
السلام عليكم ورحمة الله وبركاته
وكل عام وأنت بخير
أختى : بالنسبة للفتيات لهؤلاء الفتيات ومايرتدينهمن ملابس مخالفة للشرع ويذهبن بها إلى بيوت الله نعم أنا معك أنه شئ محزن ولكن الذى يحزن أكثر أن هذا هو نتاج ضعف عام فى المجتمع فى الثقافة الدينية ، فالمدارس لم تعد تهتم بالتربية الدنية والمناهج فارغة لاتسمن ولاتغنى من جوع ، الإعلام مشغول بتفسير الأحلام ، والفتاوى الفارغة .. أين الثقافة الدينية ؟؟؟
لايوجد ، قد تكون هذه الفتاة نبتة طيبة ولكن لم تجد من يرعاها ويقومها
ويرشدها الطريق الصحيح ..
ومجرد ذهابها للمسجد هى بداية طيبة وتحتاج فقط لم يكمل لها الطريق ويمهدها لها....

رفقة عمر يقول...

كل سنه وانتم بالف خير وزوجك بخير واولادك بخير
عارفه انى متاخره قوى بس الواحد فى توهان كدةالله المستعان
ربنا يقدركم على تعليم الاولاد ووييسر لكم الخير اللهم امين
بس البرفان مش احسن برضه من الروائح الكريهه لكم عانيت منها وانا اصلى التراويح فى الجامع انا بفضل الله لا اضع برفانات بس على الاقل لازم تكون الملاس رائحته كويسه وان تكون مغسوله وان يكون واضعين مزيل للعرف زى فيبكس او ريكسونا تعرفى ان اللى يشوش عن مصلى فى صلاته ياثم لانه اخرجه من الخشوع
ربنا يفقهنا فى الدين اللهم امين
ربنا يبارك لحضرتك ويزيدك من فضله اللهم امين

علاء سالم يقول...

السلام عليكم

معاكي حق للأسف بقت ظاهره غريبة
حتى الجوامع معدتش بتخلوا من محجبات القلب اللي حجابهم في قلوبهم يحجبهم عن الحق
وحتى ملابس المحجبات الموجوده حالياً معظمها أكثر سفوراً من ملابس غير المحجبات

ربنا يرحمنا برحمتة

أما عن موضوع التعليم فإحنا رجعنا لعصر ماقبل مجانية التعليم
مع الفارق بين أخلاقيات المعلمين زمان ودلوقتي

هاقول تاني ربنا يرحمنا برحمتة

خالص تحياتي

حياتنا الزوجية يقول...

السلام عليكم ورحمة الله وبركاته
جزاك الله خيرا علي مشاعرك تجاه ما يحدث
وبارك الله فيكي لاثارة ما اليفه الناس وتعودوا عليه
ولكن هناك تلميح بسيط لا اقصد به و الله يعلم ذلك الا النصح ليس التعديل اتمني ان لا تفكر ولو للحظات ان تلطمي وجهك لأن انت قدوة لأنك صاحبة منبر لنشر الافكار اتمني لكي التوفيق و النجاح الدائم.



حياتنا

هو كدة يقول...

اتمني لك التوفيق ودوام السعادة وكل عام وانت بخير ولونها متاخرة وكل عام دراسي وانت دافعة المصاريف ولكني اتعجب لتعجبك
طول محنا في عهد حزين يا ما هنشوف
وادعوك الي زيارة مدونت البسيطة هو كدة كن جميلا.



ابو فاطمة

فرقة انقاذ يقول...

مصر مغلقة للتعديل



لا عتاب

لا استغراب

لا حزن


فرقة انقاذ

عبد من عباد الله يقول...

اهلاً يا استاذه و الله وحشتني مدونتك و بمناسبه كلامك عن صلاه العيد بالرغم من انه يوحي بالأسف و الحزن إلى اني شايفه انه شئ كويس و يخليني اتفائل اكتر كمان ...

برغم كل اللي قولتي عليهم دول يكفيني انك كنتي وسطيهم و تأملتي من حولك و لعلمك انتي مش لوحدك تأكدي ان كان فيه كذا واحده غيرك بتتأمل زيك و لعلمك برده كان فيه اللي بتتأمل فيكي علشان تبقى زيك و بزات اللي قولتي عليهم على ابواب المراهقه واللي في المراهقه نفسها ( لان في السن دا الشخص بيغلب عليه صفه الاكتشاف و الخروج من دائره ابوه و امه و بيحاول يكون ليه شخصيه مستقله وبيبنيها على الناس التانيه ويحاول يقارن بموضوعيه ) لذلك كان فيه بنات بتبص عليكي و بتتأمل فيكي برده و لحظه تأمل كافيه انها تغير حياة انسان ...

عرفتي انا ليه من حقي اتفائل ؟!

أبو أسامة - مدونة كباية شاي يقول...

أختي الكريمة :
بالنسبة للعيد
كل عام وأنتم بخير
وما رأيتيه للأسف الشديد هو مشكلة منتشرة في كل مصر وليس عندكم فقط ( أيا كان مكان هذا العندكم ) ، وإن كنت أرى أنه من الظلم أن نحمل مسئولية هذه المشكلة للآباء فقط ، بل في رأيي إن الملتزمين ( والمثقفين شرعيا ) عليهم مسئولية أكبر تجاه تعليم هؤلاء الآخرين ما يعلمونه هم من الدين .
ــــــــــــ
بالنسبة للمدرسة :
أنصحكم أن تخرجوه من التعليم فالجهل والتعليم في أوطاننا سواء .

تحياتي

son's egypt يقول...

السلام عليكم
عام سعيد وربنا يحقق ليكي امانيك
والف سلامة علي صغيرك
اما بالنسبة لموضوع البوست المدارس والعيد
واكنهم يريدون ان يخرحوا كل مليم من جيوب هذا الشعب
ربنا يكون في عونك وزتقدري تزرعي في اولادك الاخلاق اللي تحلمي يكونوا بها

حياتنا الزوجية يقول...

توضيح كلمة الطم الوجه تخالف العقيدة وتنافي ما امر الله به فمن قراءها في مدونتك ممكن ان يستخدم الكلمة في مواضع اخري وتصبح كلمة كل لسان وانما نحن نعتبرك بأسلوبك الفريد قدوه
جزاك الله خيرا علي زيارة المدونة واتمني دوام الزيارة



حياتنا

انا ودماغي يقول...

بالنسبة للمساجد فعلا أنا لقيت أشكال غريبة أوى

و قلت ربنا يهدى مدام قدروا يجوا المسجد إن شاء الله ربنا يخلى نور فى قلبهم يقدروا يشوفوا بيه الحق





أماعن المدرسة

فا مقدرش أقول غير حسبى الله و نعم و الوكيل و ربنا يكون فى عونك

عاشــــــ النقاب ـقــــة"نونو" يقول...

السلام عليكم ورحمة الله
حنين القلب كل عام وانتي بخير حبيبتي وربنا يطعمك ما يحرمك يارب
اصبتي ما ارمي اليه من ان المسجد له قديته برضه
نورتيني
=======================
Geo Amr
الحمد لله فيه برضه سلوكيات ايجابية وحاجات تفرح بس للاف السلبي بياخد الايجابي في الرجلين
يعني مرة في المسجد زوجي بيقولي الاولاد بيلعبوا ويجروا ومشوشرين على المصليين والامام بعد الصلاة بيقول للمصليين دول اولادكم علموهم كدة غلط
بسرعة بصوا على ولادنا واللي هما بفضل الله ملتزمين
طيب كدة السلبي اهو شوف اثر على الايجابي ازاي
ربنا يهدي الجميع يارب
نورتني
======================
موناليزا للاسف الشديد:(
وربنا يرحمنا برحمته
نورتي وشرفتي
======================
المستنصر بالله
اللهم امين يارب العالمين
وثقتك غالية والله انا اصغر من كدة
وربنا يرزقك بالزوجة الصالحة التي ترضي بها الله وتعينك على الطاعة يارب
كل عام وحضرتك بخير
====================
امام الجيل
امييييييييييين يارب
نورتني بجد
====================
اخ محمد الجرايحي
فعلا قديكون عن جهل او غفلة وضعف المجتمع وتعليقك معك فيه جدا وربنا يرفع عنا البلاء
واصدقك مجرد صلواتهم في المجد تنم عن ان لا يزال فيهن الخير ونسال الله الهداية لبنات المسلمين يارب
وكل عام وحضرتك بخير
بتسعدني بتواجدك
====================
رفقة عمر حبيبتي
انا معاكي في كل حاجة بس المفروض المرأة لا يشتم لها عطر لا ذات رائحة كريهة ولا فجة
المهم يشتم منها رائحة النظافة
وذلك يتطلب الحموم هههههههههههه
يارب امين
نورتيني حبيبتي
==========================
اخ علاء سالم
والله مناسب كلمة حضرتك متحجبات القلوب
ربنا يهدينا اجمعين يارب ويرحمنا برحمته
التعليم بقى اعتقد ان اصبحنا في عصور الظلمات
نورت واسعدتني طلتك
=======================
حياتنا الزوجية
اعزكم الله
واهلا بك زائري الكريم لاول مرة واتمنى دوام التواصل
والحمد لله تم تدارك ملاحظتك وابرازها كما حدث تماما فانا كدت ولم افعل بفضل الله لعلمي مخالفة ذلك للعقيدة وتم توضيحه فجزيت خيرا على لفت نظري
واهلا بيك دوما
وكل عام وحضرتك بخير
======================
هو كدة
وحضرتك بخير
ولا متاخرة ولا حاجة
المهم شرفتنا
يشرفني التواصل
=======================
فرقة انقاذ
ربنا يفك اسرها
شرفت مدونتي زائري الكريم لاول مرة
واتمنى دوام التواصل
تحياتي
========================
عبد من عباد الله
والله كلام حضرك اللي خلاني اتفائل وخلاني اعيد حساباتي
وهعمل خطوة ايجابية في صلاة العيد الكبير
ربنا يبارك فيك
شرفت مدونتي
=====================

ابو اسامة
جزاك الله خيرا اصدقك القول خصوصا في موضوع التعليم دة هههههههه شر البلية والله
والله المستعان
نورتني وشرفتني
======================


son's egypt
الله يعزك يارب وجزيت خيرا على دعواتك
وربنا يارب يرحمنا برحمته
وكل عام وحضرتك بخير
=====================
حياتنا الزوجية
جزاك الله خيرا
بالطبع يسعدني دوام التواصل
==================================
تحياتي للجميع وكل عام والمسلمين بخير

دعوة الفردوس يقول...

بالنسبه لما يحدث في المساجد
فللأسف بين كثير من الملتزمات لا تحترم قدسية المكان
لا أنسى كم مره نادى الشيخ في الميكرفون في صلاة التراويح
قائلا
الاخوات اللي فوق
اتقوا الله واخفضوا اصواتكم وبلاش الحاجات اللي بتترمي علينا دي اتقوا الله انتوا في بيت ربنا!!!

اما عن المدارس
فعجبني اوي تعليق الاخ امام الجيل ومظنش عندي اكتر من اللي قاله

momken يقول...

ياستى كل سنه وانتى طيبه

الموضوع ده بقاله الاف السنين

من ساعه ما اطلقوا موضوع مجانيه التعليم

فتحوا عين الناس على انه يمكن ان يكون هناك لا مجانيه للتعليم

تصدقى لو قلتلك ان فرنسا نتعرفش يعنى ايه مدارس خاصه

لكن فى جامعات ومعاهد كتير لكن التعليم الاساسى حتى الهاى سكول تبع الحكومه ميه بالميه ومش بس مجانى لاء بفلوس كتير وكتير جدا كمان للطلاب
ايوة ياستى الطلبه هما الى بيقبضوا فلوس

وكتب ورحلات وترفيه وحفلات وشغلانه

انا ايه الى خلانى اتعلم

وياريته بفايده فى الاخر
الولد لو دخل افضل كليه طب مثلا او هندسه او من زعل مامته عليه دخل سياسه واقتصاد وايه يعنى ولا حاجه خالص فى هذا البلد

المدارس ماهى الا فرحه الاباء بدخول ابنائهم المدارس

تحياتى

ahmed_k يقول...

السلام عليكم
بالنسبه للجزء الأول
أصبحت تلك الظاهره مسيئه للإسلام بشكل كبير , فعدم ذهاب هؤلاء للمسجد أفضل بكثير من الذنوب التي تتراكم عليها من إبتذالها بهذا الشكل
فأيما إمرأة تعطرت وخرجت من بيتها
فهي زانية حتى ترجع
هذا ما علمنا إياه ديننا
لكن عم الجهل والإبتلاء
ولا حول ولا قوة إلا بالله
لا أظن أبدا أنهن يذهبن بنية الصلاة وفقط
بالتأكيد هناك نيات أخرى
أو ربما أصبحت صلاة النساء في المساجد موضة هذا العام
فرأيت حرص الكثيرات في رمضان والعيد الصلاة في المساجد
ولكن بأسلوب وأفعال يجعل ذهابهم المسجد أسوأ كثيرا من جلوسهم في منازلهم ولو بدون صلاة
أسأل الله أن يهديهم سبل الرشاد
وان يرزق الرجال بعض معاني الرجوله المفتقده لديهم

بنوتة يقول...

بارك الله فيكي اهنئك اكثر التحية على هذا البوست الجميل جدا
تحياتي ليكي

الحشرى - سيد يونس يقول...

كل عام وأنتم بخير أختى الكريمة

بصراحة كلماتك جميلة

والعيد بصراحة الواحد يكفى أنه يلتقى بأحبابه وجميع معارفه

فالعيد له بهجة عظيمة ورونق غير الأشياء

ولكن الفرحة من الممكن أن تنطفئ لو عكرها صفو من لايرد أن يتهنى الجميع بهذه الفرحة

جعل أيامك كلها سعادة أختى أنتى وزوجك وأولادك

سلوى يقول...

كل سنه وانت طيبه وبخير
أنت وأسرتك

أما عن البوست
ففعلا ما رأيتيه بيتكرر في كل مكان

ربنا يهدي الجميع عزيزتي

خمسة فضفضة يقول...

السلام عليكم ورحمة الله وبركاته

اولا كل سنة وانت وزوجك واولاد طيبين ويارب تعود عليكم الايام بسعاده وهناء

اما بالنسبة لموضوع المسجد وصلاة النساء فيه
فنا اقاطع الصلاه فيه من فتره بسبب هذه المشاهد وكمان لان الواحد مش بيعرف يركز من كتر الزق والكلام والمنظار اللي مش بيبقي عارف يخشع من الصلاه بسببها
وتخيلي كمان ان كل ده بيحصل في المسجد الحرام ( ماعادا موضوع الملابس ده )
واقسم انه في ليلة 29 اللي المفروض فرديه وممكن جدا تكون ليلة القدر كان فيه سيدات المفروض منقبات تفوح منهن رائحة العطر بشده دون مراعاة لحرمة المكان وغير التانيين اللي لابسين نقاب وراسمين عنيهم بطريقه مثيره جدا ، واذا كنت انا كاست زيهم كنت مبهوره بجمالها مابالك بقي بالرجاله

ده غير السيدات اللي معاهم ولادهم اللي في كتير من المرات كانوا بيفقدونا تركيزنا واللي المفروض كانوا يتركوهم في البيت
اما هنا في مصر فحدثي ولا حرج كل الاشياء اللي المفروض ماتحصلش في الجامع وساعات كمان ولا براه بتلاقيها في صلاة التراويح وصلوات العيد
واكنهم جايين يصتطادوا عريس مش جايين يصلي
ويارب يهدينا ويهدي الجميع


اما موضوع المدارس
فحسبنا الله ونعم الوكيل

اعرف واحد ناوي يحول لولاده منازل ويدخلهم بدلها معهد تحفيظ قرآن و قرآت ومايوديهمش المدرسه الا علشان يمتحنوا وبس

حياتنا الزوجية يقول...

بارك الله في التعديل وادام الله فهمك واكثر من حسناتك وكتب ذلك في ميزانه الكريم



حياتنا

عاشقة الشهادة وعاشقة فلسطين يقول...

هدانا الله وإياهم...

بصدق أصبح موضوع (زى البنات)فعلاً لا يطاق...والكارثة أن الأهل يوافقون ابنتهم على هذا الزى...
**********************
أعانكم الله على الدراسة والمدارس والكتب....وكل عام وأنتم إلى الله أقرب

احمد بدر الدين يقول...

تحياتى

وحشتنى المدونه والكتابات الرائعه...

الصف الثالث الثانوى هو السبب ادعيلى .....

صحيح ما قلتيه وكأن الناس تنتظر العيد لتفرغ فيه ما يصفونه بالكبت الرمضانى

الشيطان يجعل المعاصى جميله رائعه

سهله

يزين لهم ان الله تاب عليهم اذا فلياخذوا قسطا من الراحه

وهؤلاء البنات انها فعلا ظاهره لا يلبسون هذه الاشياء المقززه الا فى هذا اليوم انه يوم طاعه لا معصيه

تحياتى

احساس لسه حى يقول...

عزيزتى
كل سنه وانتى طيبة مع انها متاخرة معلش

بمناسبة اللبس ما اهم من اللبس انها تكون بتلبس كده تدين واقتناع مش لبسه كده وهى مثلا مش بتصلى

وطبعا الحجاب دلوقتى بقه اشارب بس لمعظم الشابات وطبعا الحجاب مش كده


موضوع الاستنزاف ده طبيعى انتى فى مصر وكل حاجه فى بلدنا بتحاول تستنزف الناس باى طريقه

تحياتى
سلام

فليعد للدين مجده يقول...

كل عام وسيادتك بخير اختنا الكريمة واسرتك الفاضلة

النهم دورنا في توعية هؤلاء البنات المخالفات والشبان الملتفين حولهم بأن صيام القلب لابد من ان يتصل وتلك هي الحكمة من رمضان والصيام فيه (لعلكم تتقون)

فهل فهموا الدرس ام كان الصيام فقط عن الاكل والشرب؟

صاحب المضيفة يقول...

فعلا مناظر متعبة ومؤذية والواحد دايما ما يلفت نظره مثل تلك التجاوزات في اماكن العبادة


اللهم ارحمنا واعف عنا يارب

كلمة حق يقول...

أولا:ما رأيتيه فى العيد سسبه الرئيسى غياب الغيرة والمروءة عند الاباء والازواجوكذلك الامهات فلقد رأيت ما هو أعجب من ذلك رأيت امرأة منتقبة وتمشى معها ابنتها شديدة التبرج ولا حول ولا قوة إلا بالله ثانيا: لاتشتكى من التعليم فى مصر إن استطعتى أن تعلمى أولادك بنفسك فإفعلى منظومة التعليم (بايظة) ولن تحل المشكلة الا بتعديل جذرى فى نظام البلد كله...... جزاكى الله خيرا على حرصك على صلاح المجتمع ووفقكى الله.............أبو خيرى

مجداوية يقول...

السلام عليكم
كل عام وأنتم بألف خير أختى الحبيبة

حقيقة منظر المصلين سواء فى الكعبة المشرفة أو فى المساجد الأخرى حاجة تفرح
وما كتبتيه هو رصد دقيق جدا لأننا فى مصر لنا وضع مختلف ومثلنا الدول العربية التى تقول انها دولة اسلامية وهى فى الحقيقة علمانية ,,الناس متلخبطة بين اسلامها وبين ما يبث وتغذى به من فكر مخالف لكل تعاليم الاسلام ولكن لا عذر لأحد فالدين واضح وقد كنت منهم يوما ما فلعل الله يهدى الجميع ان شاء الله
المدارس آآآآآآه المدارس
اللى بيشتغل فيها زيى يشوف الصورة أكتر ويتعجب من كل المتناقضات وما خفى كان أعظم ,,التعليم أصبح عملية تجارية بحته ولكن للآسف الطرف المستفيد هو التاجر الذى يبيع أما المشترى فمخموم واتدبس فى البضاعة والقانون لا يحمى المخمومين والمسألة عرض وطلب مش عاجبك روح مدارس الحكومة عشان تشوف الجحيم بعينه يبقى نار الخاصة ولا سعير الحكومية وكله بنتقلى فيه
اللهم ارحم واغفر يا رب

النجم القادم يقول...

كل سنة وانتى طيبه اختنا الفاضلة

وايه اسراء بتروح المدرسة

ولا هتطلع فاشله زى

خطــ المصري ــاب يقول...

سبحان الله

دا أنا كنت زعلان عشان خلو مصاريف كليتنا 200 جنيه

اذا كان طفل في الابتدائي وكتبه ثمنها كدا

والله يا أختي حقا لنا الله

ومن الآخر المنظومة كلها علي بعضها فاشله

هدي الله الجميع

ريمان يقول...

السلام عليكم

كل سنه وانتى طيبه

ويا رب كان عيد سعيد عليكى

وربنا يوفقك

مع تحياتى

Khaled يقول...

لا حول ولا قوة الا بالله

مانقدرش نقول أكتر من كدة
و ربنا يهدى

كل عام وأنتى بخير

أحمد سعيد بسيوني يقول...

قلبتي علينا المواجع

كل عام وانتم بخير

نعكشة يقول...

بالنسبة لحالنا فربنا يعافينا
و يثبتنا و يهدينا لما هو اقوم

اما بالنسبة للتعليم و الكتب
هوه انا مش فاكرة حاجة صراحة عن حياتي في المدرسة

بس باين احنا كنا بنستلم الكتب
ايوة ايوة افتكرت
كنا بنروح نستلمها من المدرسة
ولو كتاب مش حلو بنرجعة

اية بقة اسعار الكتب الخرافية دية
دحنا عندنا كتب الباطنة الكتاب ب 20 جنية
و كتاب العملي
اللي هوه ورقة شبة المجلة
و مليان رسومات
و بالالوان
و كبير
ب 45 جنية

ازاي بقة كتاب الانجليزي ب 60 جنية

العالم دية بتستعبط

و كل دة و المدرسة المدرسين مبيدرسوش كويس فيها :|

يلهوي

ربنا يعينكوا يا رب
و يعيننا كلنا

ربنا يخليلك الأولاد و يجعلهم الذرية الصالحة
يا رب


سلام عليكي

mirage يقول...

والفتيات الصغيرات واللاتي على ابواب المراهقة أليس لديهن امهات خرجن امامهن بهذه
المناظر المبتذلة وهن ذاهبات الى المسجد
اليس لهن اباء وأخوة يجري في عروقهم الدماء
====

مايصحش انك تتهمي حد بالابتذال لمجرد انه مش محتشم لدرجة النقاب يعني..ناس رايحة تصلي العيدومكلفة خاطرها ونازلة عشان تاخد ثواب.. لو كانو جهلة في الدين..ندعي لهم بالي يعرفهم طريقهم .. بس ما نتهمش الناس بالابتذال لمجرد انها مش لابسة عباية ونقاب. .. ولا لابسة لبس عادي زي اللبس المعتاد ..

بعدين المساجد لله وده بيت الله . هو بس له الحق انه يتقبل من شخص ولا يتقبل من الاخر جتا لو كانت لابسة ملزق زمحزق دي مش مسؤليتك ولا مسؤلية حد

ماتضيعيش ثوابك بانك تعدي تبصي على الي حواليك وتتهمي الناس بالابتذال كأنهم اقل منك في الدين