الأحد، أكتوبر 26، 2008

الساعة الأخيرة




همت بالاستيقاظ مبكرا

فاليوم ستذهب لخالها حتى تدعوه ليكن الشاهد الاول على زواجها

ياااااااااااااااه

أخيرا سأصبح زوجة لها الحبيب ،

فكم أنتظرنا وكم تحملنا لنعد بيت الزوجية

تجري مسرعة الي ابيها لتصبح عليه وتقبل يديه وبعدها تقف وتحدث نفسها

لطالما أثقلته ظروف الدنيا والحمد لله أستعنت بالله وأستطتعت ان أساعده ولو بالقليل

أمي الحبيبة هي الأخرى تعبت كثير فالمرض أرهقها تحتاج لاجراء جراحة في عينيها واخرى في جسدها المريض

باذن الله لن يهنأ لي بال حتى أساعدها على اجرائهما وتخطي هذه العقبة

يا الهي كم أنا سعيدة

فاليوم سأذهب أيضا لالتقاط صور وثيقة الزواج وسابتسم فيها ابتسامة السعادة والرضا

تقف أمام المرآة وتهم بارتداء أحلى ملابسها وتنمق حجابها

تنادي على والدتها

ماما شوفي كدة حلو هتطلع الصورة حلوة؟؟؟

ولا البس الحجاب التاني الاخضر ولا الازرق

فتهم الام بالرد

كله حلو ربنا يحميكي يا بنتي ويتمم لك بخير

تهم هالة بالنداء على أختها

يلا يا حبيبتي هنتاخر ولا انتوا عاوزين تأخروني على الاستديووووووووو؟؟؟

لا هروح أتصور يعني هتصور وهتجوز يعني هتجوز انتوا حورين بقى

ويضحك الجميع

لم تتناول الافطارالصباحي فاليوم هي صائمة يوم من الايام الستة من شوال

وتودع الجميع وعند الباب

تنادي عليها امها بلهفة

هاااااااااالة مش هفطر الا لما تيجي

أوعي تتاخري هستناكي

تتوقف هالة لبرهة وتنظر لامها وتشعر بانقباض في صدرها

وترد

حاضر يا ماما اذا شاء الرحمن هفطر معاكي

السلام عليكم

وتغلق خلفها الباب

وتجري الام نحو الشباك لتنظر عليها فتناديها

هااااااااااالة لا اله الا الله

فترد هالة

محمد رسول الله

يتجه الجميع للخال وتقضي هالة اجمل ساعة معهم وبعدها همت بالنزول حتى تلحق بموعدها مع الاستديو

ولأن المسافة بعيدة تختار المترو فسيوصلها أسرع كما ظنت

ويذهب زوج الاخت لدفع ثمن التذاكر وتأخذ تذكرتها مع أختها لتصعد في العربة المخصصة للسيدات كذلك هي تعودت

تشرد قليلا مع نفسها متحدثة بصوت غير مسموع

يا ترى ماما هتفطرنا ايه النهاردة ؟؟؟؟

طيب أضحك أزاي في الصورة؟؟؟

يارب أخلص بدري علشان ألحق أدي لماما الحقنة.

وتشعر بانقباض اخر في صدرها فتردد

الا بذكر الله تطمئن القلوب

لا اله الا الله

فتقطع شرودها أختها

هالة يلا المترو جاي سرحانة في ايه؟؟؟

فتبتسم

فتذهب لتقف أمام الباب ويفتح الباب وتدخل الاخت وتهم هالة بالدخول وفجاة ودون سابق انذاروبينما قدمها اليسرى في داخل المترو وباقي جسمها لا يزال في الخارج

تنغلق ابواب المترو وينطلق غير عابئ بهالة والتي ظلت تعافر وتحاول مسايرة القطار وتنظر بدهشة

يا الهي هل انتهى الأجل ؟؟؟؟ هكذا قالت في نفسها

ياااااااااااااه

لا اله الا الله هكذا رددت

وسط الصراخ والعويل رددتها هالة

مع محاولات البعض لايقاف المترو لكنه يأبى، فالفرامل اليدوية معطلة !!!!!

وفجاءة تسقط من على الرصيف ويسحلها المترو ممزقا أحلامها وعمرها وأسرتها

ممزقا فرحة ام بكبرى بناتها ،وأمل اب في حبيبته الكبرى ،ممزقا سعادة زوج المستقبل

قبل ان يمزق جسدها الهزيل والذي أهلكه العمل والسعي على الرزق

وتصمت هالة الى الابد

وينطفيء شمع الفرح




تمت


اهداء الى روح هالة قتيلة حادث مترو المعادي الثلاثاء الماضي

القصة من خيالي تصورت فيها ما قد حدث في الساعات الاخيرة من عمرها والحادث بالطبع وللاسف حقيقي

نسأل الله العلي العظيم أن يرحمها ويتقبلها فيمن عنده ويرزق اهلها الصبر

وانا لله وانا اليه راجعون
==================


أعذروني لتاخري في متابعتكم الجيدة لانشغالي قليلا وباذن الله أرجع لتواصلي معكم

بعد فترة بسيطة

وجزاكم الله خيرا على تعليقاتكم في التدوينة الماضية فنشرها كان هدفه محاولة ارساء قاعدة للتفاهم لكن اظن انه لن يقدر على ذلك

اللهم ثبتنا يارب

تحياتي

هناك 77 تعليقًا:

المستنصر بالله يقول...

القصة مؤثره جداوممكن يكون الحقيقة امر واقسى
عند حضرتك حق الاهمال من اسوأ الصفات اللى ممكن يتصف بيها مجتمع
تحياتى لحضرتك

حسن حنفي يقول...

للاسف فيه زيهاله كتير سقطوا وتم اغتيال فرحتهم وفرحه اهلهم بيهم :(

بجد الموضوه حزين جداا ومؤثؤ اكتر تحسي في البدايه بسعاده وفي النهايه بحزن عميق

ان لله وانا اليه راجعون

تحياتي

حسن حنفى يقول...

اسف انا التعليق السابق بس بحساب مختلف

:(

سمكه وحده يقول...

لا اله الا الله
ان لله وان اليه راجعون ربنا يصبر اهلها ويدخلها فسيح جناته
تصدقي بالله انا قلبي انقضبت وانتي بتحكي وحسيت ان في حاجه اخر القصه وجسمي قشعر بجد حاجه فظيعه ومحزنه وتصوريك رهيب بجد وممكن يكون اكتر من كده بجد ربنا يرحمنا فكرتي الواحد انه ممكن في اي ساعه وهو بيلبس ورايح اي مشوار ميرجعش تااااني!!!
فعلا وده سبب اهمال وحجات كتير ربنا يغفرلنا ويرحمنا ونموت مسلمين وراضي عنا
احيكي بس اكتئبت حبتين
ياله
تحياتي ليكي
تصوير جميل واسلوب احلي وشخصيه احلي واحلي ربنا يكرمك
سمكه

أبوعمر يقول...

إنا لله وإنا إليه راجعون
نسأل الله أن يغفر لها ويرحمها
ويرزق أهلها الصبر والسلوان

وجزاكِ الله خيراً أختنا لذكير الناس بالموضوع وحثهم على الدعاء للمتوفاة

Khaled يقول...

فى كل دول العالم بيحسبوا الزمن إللى الركاب محتاجاة علشان تركب و ينظموة مع زمن التقاطر ..
إلا عندنا ...
زمن اللركوب فى محطة فاضية زية زى زمن الركوب فى رمسيس مثلا أو السادات إللى بيبقوا زحمة جدا ..
لكن مين يحاول يفهم و يعدل..
كان لازم تاخد بالها من دة
بس القدر سبق
وانا لله وانا اليه راجعون

غير معرف يقول...

الله ام اجرهم فى مصسيبتهم واخلفهم خيرا منها ابو منى

واصطنعتك لنفسي يقول...

للأسف كلماتك سببت لي ألم شديد جداً وبكاء.. أنا لم اسمع عن هذه الحادثة ولكن لا شك إن هناك اشخاص كثيرون سيقتص الله منهم يوم الحساب لهذه البريئة

حسبنا الله ونعم الوكيل

ربنا يسكنها الفردوس الاعلى من الجنة

آمين

الفاتح الجعفري يقول...

لاحول ولاقوة الابالله
وانا لله وانا اليه راجعون
صحيح وكم من هالة قتلوها
هل نتكلم عن قطار الصعيد ام العبارة ام ماذا؟!
لانقول غير حسبنا الله ونعم الوكيل
اللهم ومن تولي امرا من امور المسلمين فشق عليهم فاشقق عليه
واللهم ومن تولي امرا من امور المسلمين فيسر عليهم فيسر عليه

وجزاكم الله كل خير

norahaty يقول...

السلام عليكم ورحمة الله تعالى وبركاته
إنالله وانا اليه راجعون
قضاء الله ولابد من إنفاذه
اللهم اسكنها فسيح جناتك
وارزق اهلها الصبر والسلون
::::::::::::::::::::::::
لن ينفع اى كلام فى الوقت الحالى
ولكنى اليوم كنت افكر لما
لا تعلم الامهات اطفالها عادات
السلامة فى المشى فى الشارع وخلافه
كما تصر وتصر وتصر على تعلمهم
دروس العلم والرياضة والعربى
وغيرها لما لاتعلمهم الطلوع والنزول السليم للسلالم وعبور الشارع وخلافه
:::::::::::::::::::::::::::::::
ولكنى اعود واقول هو قدر
ولا يمنع حذر من قدر
اللهم سترك ورضاك
ولطفك فى قضاك
اللهم امين.

همس الاحباب يقول...

لا حول ولا قوة الا بالله
انا لله وان اليه راجعون
القصة مؤثرة جدا
واسلوبك اضفى عليها الكثير من الشجن والالم فى الحلق
مسلسل الاهمال لن يتوقف بعد
تحياتى اختى الكريمة

نعكشة يقول...

:( لا حول ولا قوة إلا بالله العلي العظيم

انا لله و إنا إليه راجعون

ربنا يعافينا


مش عارفة اقول إية صراحة



سلام عليكي

رفقة عمر يقول...

لقد ابكتنى القصه كثيرا
رحمها الله رحمه واسعه
على فكره انا قلت لعاشقه الفردوس تقول تعطيكى ايميلى وانتظرتك كثير وللاسف لغايه دلوقتى مش باقابل عاشقه الفردوس
شكرا جدا لاهتمامك
جزاكى الله خيرا كثيرا

mohamed ghalia يقول...

نسأل الله العلي العظيم أن يرحمها ويتقبلها فيمن عنده ويرزق اهلها الصبر


وانا لله وانا اليه راجعون
رحمها لله

عاشقه الجنه يقول...

للاسف الانسان عندنا رخيص
و بنعلق علي شماعه القدر اهمالنا
القصه مؤثره جدااااااااا
رغم انها من خيالك الا اني عشتها كلها
و الله يا نونو
انا كل يوم اقول حسبنا الله و نعم الوكيل في كل مسؤال ظالم الناس و مضيع حقوقهم نتيجه اهمال او جشع او طمع
انا لله و انا اليه راجعون
شكرا ليكي حبيبتي قصتك روعه
و معلش انا بتاخر عليكي كتير بس و الله غصب عني

الرومـيصاء يقول...

مش عارفه اعلق بجد
الكلام ضاع منى
ربنا يغفر لها ويرحمها
ويعفينا يارب

انا ركبت المترو لما ذهبت لمصر
حاجه فظيعه ترعب
بيبقى الناس واقفه بالمئات
والمترو مده مكوثه فى المحطه اقل من دقيقه
وتخيلى بقى الناس الى بتنزل
اكتر من الى بتركب والمفرض انهم يعمله ده
فى دقيقه
مش عرفه ايه السر فى كده
نسأل الله العافيه
دمتى بحفظ الله

نهر الحب يقول...

لا اله الا الله
يانونو القصة صعبة جدا
مش عارفة اقول غير انها قصة مؤلمة
رحم الله هاله واموات المسلمين جميعا

نهر الحب يقول...

اية اخبارك طمنينى عنك
اسفة على لتقصير بس انا تعبانة شوية فسمحينى وادعى لى بالله عليك
انا فى حاجة ماسة لدعواتك

Gannah يقول...

انا لله وانا اليه راجعون
ربنا يصبر أهلها
الأشبع من الحادث هو تكراره بدون أن يتوقف أحد ليدرس الاسباب ويضع الحلول وكأن الانسان بلا قيمة
قصتك ممكن جدااا تحصل وفرحة عيلة بأكملها تتحول الى عزاء
ودايما مش بتحصل اللى للغلابة اللى ميقدروش ياخدوا حقهم
لكن حقهم محفوظ عند الله
البوست لمسة انسانية جميلة
ربنا يجعله فى ميزان حسناتك
تحياتى

بــــهــاء يقول...

رحمها الله وأسكنها فسيح جناته
إنا لله وإنا إليه راجعون
القصة معبرةومؤثرة

أبو أسامة - مدونة كباية شاي يقول...

حسبنا الله ونعم الوكيل
كلمة نقولها لكل الظالمين
ونرجو من الله عز وجل أن ينتقم منهم بعدله وقوته

حنين القلب يقول...

ربنا يرحمها ويغفر ليها ويجعل مثواها الجنه
حسبيا الله ونعم الوكيل فى الاهمال والظلم

Geo Amr يقول...

ان لله وانا اليه راجعون اللهم اخلف اهلها فى مصيبتهم وأجرهم خير منها لاحول ولاقوة الا بالله

موناليزا يقول...

لاحول ولاقوة الا بالله العلى العظيم
انا لله وانا اليه راجعون
اللهم اغفر لها وتجاوز عن سيئاتها وارزق اهلها الصبر والسلوان

اوجعتينى حقا واول مرة اعرف هذه الحادثة والسؤال ياترى هذا السائق بيجيلوا نوم كل ليلة عادى كده ؟؟؟

محمد الجرايحى يقول...

لاحول ولاقوة إلا بالله
وإنا لله وإنا إليه راجعون
كتابتك أضفت على القصة عمقاً وتأثيراً يحرك
القلوب ويوقظ الضمائر والتى ندعو الله أن تكون مازالت على قيد الحياة فلقد ماتت ضمائر كثيرة وتسببت فى تعاسة الكثيرين من البشر والقضاء على أحلامهم الصغيرة

حسبنا الله ونعم الوكيل

M.K يقول...

إنا لله وإنا اليه راجعون...
الله يرحم موتانا وموتى المسلمين...
..............
في أمان الله..

صاحب المضيفة يقول...

لاحول ولا قوة الا بالله العلي العظيم

اللهم ارحمها وتغمدها بواسع رحمتك

لا تعليق على الاهمال المتزايد كل يوم


تحياتي

عاشــــــ النقاب ـقــــة"نونو" يقول...

السلام عليكم ورحمة الله
بارك الله فيكم اخوتي ورحمها الله رحمة واعة
واهلا وسهلا بكل زواري واهلا بزواري الكرام لاول مرة واتمنى دوام التواصل
تحياتي للجميع

rovy يقول...

انا لله وانا اليه راجعون

الله يرحمها باوسع رحمه و مغفره
و يارب يصبر اهلها و ان شاء الرحمن مثواها الجنه ..

مش عارفه اقولك ايه يا اختى قلبى واجعنى و بجد شىء مؤلم جدا ربنا يرحمها و يرحمنا جميعا من الاهمال و من حياتنا اللى بقت رخيصه عند البعض من المهملين
او الغير عابئين ..

و لا حول و لا قوة الا بالله وحسبنا الله و نعم الوكيل ..

جزاكى الله خيرا

تقديرى و تحياتى

واحدة مفروسة يقول...

السلام عليكم
انا لله و انا اليه راجعون
و لكل أجل كتاب
تعددت الاسباب و الموت واحد

لورنس العرب يقول...

ربنا يرحمها ويجعل مثواها الجنه
قالوا لي ولله وانا في الشارع ساعتها ان فيه حادثه في حدائق المعادي -على بعد محطه من بيتي لأني في المعادي نفسها- وقلت للناس لم يكتب عنها شيء في الصحف
ولكن الحادثه ظهرت في الصحف القوميه يوم الخميس
حادث مأسوي يذكرنا بالحادث الأغرب في العالم عندما دخلت سيده الحمام في القطار وانهار بها التواليت لتسقط على قضبان السكك الحديديه
حوادثنا غريبه وعجيبه
الله يرحم الجميع

لؤلؤة الرحمن يقول...

السلام عليكم ورحمه الله وبركاته
-------------------------------
انا لله وانا اليه راجعون
مش عارفه والله اعلق اقول ايه
الله المستعان
------------------------------

SemSem يقول...

اول زيارة لى فى المدونة
وباذن الله لن تكون الاخيرة

القصة مؤلمة جدا فى نهايتها
أسأل الله لها الرحمة انه ولى ذلك وهو القادر عليه

تحياتى
اتمى زيارتكم لمدونة حواديت

حياتنا الزوجية يقول...

بارك الله فيك ووفقك الي ما يحب ويرضي

حقا هذا هو نتيجة الاهمال الكبير الذي اصبح هو سمة من سمات الفرد المصري الذي اصبح يعمل دون وعي ولا ارشاد ووصل بنا الحال الي اعتبار الضحايا قضاء وقدر دون البحث عن الاسباب..


حياتنا

ذو النون المصري يقول...

هتفضل الاحوال علي هذه الوتيره الي ان ينجلي الغم الاعظم الممثل في نظام الحكم الهش

Son of Egypt يقول...

السلام عليكم ورحمة الله


لا اجد من الكلمات ما يعبر عن مدى اسفى وغضبى

اسفى لما حدث ويحدث لأكثر من هاله

غضبى للإسهانه بكل ما يحدث لكل هاله

اختى العزيزه
لا اجد غير حسبى الله ونعم الوكيل فى كل مهمل فى عمله

والى هاله الفاتحه والدعاء بالرحمه وان يلهم اهلها الصبر والسلوان

ابو يوسف يقول...

حسب الله ونعم الوكيل في كل مسئول عن هذه الفاجعة التي هزتنا جميعا ,,
واللهم الهم امها وابوها الصبر والسلوان وتقبلها عنده من المرحومين والمعتوقين
اللهم امين ...

نور يقول...

http://kalemat-alsamt.blogspot.com/2008/10/blog-post_8365.html

شاركينا الراي

ولك جزييل الشكر

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

كلمة حق يقول...

كم من شاب قوى متمتعاً بقوته وق نسجت أكفانه وهو لايدرى
وكم من عروس زينوها لزوجها فباتت ليلة عرسها فى القبر
رحمها الله وأسكنها فسيح جناته وألهم أهلها الصبر والاحتساب
إنا لله وإنا لله راجعون
جزاك الله خيرا على التذكرة

عايز حقى يقول...

اللهم ارزقنا حسن الخاتمة
وارحمها برحمتك يا أرحم الراحمين
بارك الله فيكى قصة بحق هزت قلوبنا

مجداوية يقول...

السلام عليكم

يا الله
لا اله الا الله
انا لله وانا اليه راجعون
رحمها الله رحمة واسعة وأسكنها فسيح جناته
اللهم آمين
تعرفى أختى الحبيبة
من أسبوعين خرجت نسمة مع والدها وحبوا يركبوا الترامونسمة طالعة الترام تحرك وكان وراها ناس تانية قعدوا يزعقوا للسواق وهى برضه نص بره ونص جوه
ووقف
وطبعا زعقوا فيه
تعرفى قال السبب ايه ؟
انه مشفهاش !!!!!!!!!!!!!
المرايه الجانبية جنبه أد دلفة الدولاب وبيقول مشفهاش لأنه أساسا مش بيبص فيها !!!
تعرفى أنا لو كنت معاها فى الوقت ده كنت أصريت انى أعمل له محضر لأن بسبب اهماله ده كان ممكن نسمة لا قدر الله تكون هالة أخرى
ويقولك اهمال من الراكب
زى بالظبط واحد دايس على رجلك ويقولك ما تحاسبى رجلك حطاها تحتى ليه !!!!
حسبنا الله ونعم الوكيل
ربنا يقتص من كل القتلة المطلوقين علينا باهمالهم وانعدام ضميرهم
ربنا عادل ولن يضيع حقها أبدا
رحمة الله عليها
وندعو بالرحمة والستر لنا أيضا

عمر يقول...

بسم الله الرحمن الرحيم

في البداية : أحيي حضرتك على مدونتك المفيدة وأسلوبك المتميز فيها

ثانيا : يؤسفني أن تكون أولى زياراتي لها في موضوع حزين كهذا

ثالثا : رحم الله هالة ورحم الله كل هالات مصرنا الحبيبة وأعاننا على تحمل ذلك الإهمال والفساد الذي ملأ جوانب وأركان مجتمعنا وأعاننا على إصلاحه .. اللهم آمين

رابعا : بصراحة أسلوب القصة فعلا متميز ووصل إلى القلب وأوجعه بل وأبكاه .

بارك الله لك في موهبتك .

تحياتي

.:.-=- ELGaZaLy-=-.:. يقول...

هاتزعلى لو قولتلك انى توقعت النهاية من المقدمة.؟..

بجد رهيبة اوى ..بس الاهمال رغم انة بقى عايش جوانا بقى عشرة يعنى صعب اوى نعيش من غيرة مصر من غير اهمال متبقاش مصر تبقى ابو ظبى

م/ الحسيني لزومي يقول...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
البنر موجود علي مدونتي

احمد الجيزاوى يقول...

قصه جميله ومؤثرة
تحياتى لك
احمد الجيزاوى

على عبدالله يقول...

انا لله وانا اليه راجعون
رحمها الله رحمة واسعه
واسكنها فسيح جناته


وحسبى الله ونعم الوكيل

تحياتى

اقصوصه يقول...

رغم انها قصه مؤلمه

بس اسوب السرد رائع جدا

الله يرحمها برحمته يا رب

وحسبنا الله ونعم الوكيل

ع اللي كان السبب

النجم القادم يقول...

السلام عليكم اختى الفاضلة

اسف على غيابى ولكن لم يمنعنى عنكم

الا ماهو اقوى منى

ربنا يكرمك يارب يا اختى الفاضلة

ودعواتك ليا واتمنى اشوفك عندنا

بجد كلامك ابكانى

نهر الحب يقول...

يوم الجمعه 14/11بأذن الله
هنروح نزور دار ايتام فى بورسعيد اللى يحب يشرفنا
ياريت تنورنا ونحاول نرسم بسمه ونتعاون على البر والتقوى
وبعدها هنقعد مع بعض شوية طبعا لو تحبوا
التفاصيل عندى بالمدونة
اعتذر لكنه ليس اعلان لكنها دعوه للخير

عبد من عباد الله يقول...

احزنتيني بجد ....

بس الواحد بجد مش عارف مين اللي غلطان احنا الركاب ولا السواق و لا المترو نفسه ؟؟

Dr- Hema يقول...

لا إله إلا الله

إنا لله وإنا إليه راجعون

ربنا يرحم الجميع

د/هيما

Bongo يقول...

إنا لله و إنا إليه راجعون

ربنا يكفينا شر الاهمال و اللا مباللاه

جزاكي الله خير علي الموضوع , صعب اكتر لأنه واقعي جدااا

ربنا يكرمك و يوفقك

و بخصوص لينك المدونة اللي حطاها فوق فأنا شوفتها و عجبتني جداا
كمان في مدونة هدفها نشر الاسلام للغرب
و ده اللينك بتاعها ياريت بردو ننشرها علي قد ما نقدر ..

http://ghoneem2.blogspot.com/

وحشتينا علي فكرة و ياريت متتأخريش علينا تاني .. سلام :)

عالم حبيب يقول...

سبحان الله .. القصة دي حصلت بالضبط لصاحبة أختي ووالدتها من زمااااان .. نفس القصة سبحان الله .. الله يرحم الجميع يارب .. والله المستعان

مجدى الجبالى يقول...

السلام عليكم و رحمة الله و بركاته
من خلال تصفحى للمدونة يتاعتك رأيت إن مدونتى ساحة نقاش سوف تعجبك كثيرا .
http://sahetneqash.blogspot.com
لذا أنتظر مشاركتك فيها بأحد مواضيعك المميزة او حتى تعليق على المواضيع التى بها

حياتنا الزوجية يقول...

السلام عليكم ورحمة الله وبركاته

الموضوع رائع

قريبا عرضت فكرة مشروع فكري فرشحت ان تكوني من المؤسسين لهذا المشروع ولمعرفتي باسلوبك شجعت وجودك في هذا المشروع.

اتمني لك التوفيق اتمني منك اضافة هذا الايميل الي ايميلك او ارسال رسالة اليه لاني اود عرض موضوع مهم عليك


اتمني سرعة الاجابة

NOSTOPTOTOP@YAHOO.COM

حياتنا

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامي
كلمة حق

رابطة هويتي اسلامية يقول...

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية

مجداوية يقول...

السلام عليكم

أين أنت يا غاليتى مش تيجى تباركيلى على النجاح بامتياز

عارفة انك مشغولة كما نوهتى لكن بصى بصة وارجعى تانى
ويا ريت تكتبى مواضيع جديدة

Khaled يقول...

ألاخت الفاضلة نونو ..
عسى أن يكون الغياب خيرا ..
جئت أسأل عن الأحوال بعد ملاحظتى لغيابك ..
و نتمنى من الله أن يكون خيرا

mostafa rayan يقول...

انا ماقرأتش الخبر
بس احنا قدام قاصة جامدة اسمها عاشقة النقاب
ربنا يغفر لهالة ولكل هالة راحت ضحية الأهمال
تحياتي لك ودمت بكل الخير

كلام من جوه روح لكل روح يقول...

عزيزتى

القصة طبعا فيها من الحقيقه كتير
كم يموت من الناس بلاذنب

بس اكيد فى معظم الحوادث بيكون الخطأ مشترك


لاننا فى بلدنا لازم ناخد بلنا من اى شئ نتعامل معاه


واكيد حوادث المترو على القطار على الاتوبيسات على العبارات

مصر مليانه خير من ده كتير

ولكل اجل كتاب

ربنا يرحمها

تحياتى

سلام

احمد بدر الدين يقول...

اذا كانتت القصه المتنا
فما بال الواقع
.
.
.
تحياتى

أحمد سعيد بسيوني يقول...

رحمها الله
هذه هي النتيجة الحتمية للاهمال العام في كل شئون الدولة

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر

نبض الروح يقول...

بداية أعجبني كثيرا لقبك عاشقة النقاب ربما لأني أعشقه وأرتديه :)
بالنسبة للبوست فعلا مؤثر جدا شعرت بحزن لكون مجرد الحادثة صحيحة وتخيلك لقصة هالة أيضا وربما كانت حقيقتها أكثر ألما فعلا مؤثرة جدا وأعتقد أنني لن أنام الليلة وسأفكر بها طوال الليل عندما أرى بؤس الآخرين أشعر أني بحالة جيدة وأحمدالله كثيرا على نعهم التي لاتعد ولاتحصى ....
تحياتي لكِ

mahasen saber يقول...

لا اله الا الله
ربنا يرحمها ويصبر اهلها ...
الاهمال فى مصر ملوش فرامل توقفه يا نونا

بس عيشتينا فى حياة هاله قبل الوفاه من غير ما نشوفها حتى
تسلم ايدك يا حبيبتى

وخير احوالك واحوال اولادك ايه
انا كنت مشغوله جدا زى ما انتى عارفه بس لما رجعت للبلوجر جيتلك علطول
يا رب تكونى بالف الف خير يا نونا انتى واسرتك الجميله

وربنا يرحم هاله برحمته الواسعه
ويصبر اهلها وامها بالذات

نهر الحب يقول...

اين انتى ؟؟
طمنينى عليكى

النجم القادم يقول...

فينكم ايه البيت الجديد مافيهوش نت ولا ايه

قوت القلوب يقول...

الله يرحمها ويرحمنا جميعاً
الموت بيجي في لحظة ومكتوب على الجميع لكن لما يكون الموت بسبب الإهمال بيألم في النفس أكثر
غفر الله لها وألهم أهلها الصبر والسلوان

arsenalwy يقول...

لا اله الا الله

انا لله وانا اليه راجعون

ربنا يرحمها

وينتقم من المقصرين

bar2ash يقول...

نونو

لما قرأـ العنوان توقعت النهايه

قلبي كان مقبوض
وحصل اللي كنت خايف


اتمني تكون من وحي خيالك
ومتكونش حصلت لحد بتحبيه او صاحبتك

ولو حصلت ربنا يصبر الجميع

بجد مؤلمه القصه


تحياتي ليكي


اخوكي برقش


مستنيكي

الراقـــص مع الذئـــــاب يقول...

السلام عليكم

ليس بس كدا يا اختنا الكريمة
مزقتي القلوب
رحمها الله ورحم أموات المسلمين

الحشرى - سيد يونس يقول...

لا حول ولا قوة إلا بالله

القصة لها وقع كبير على نفوسنا

والسرد برضه بيعطيها بريق ورونق

بوركتى أختى الكريمة

أليس في بلاد العجائب يقول...

السلام عليكم ورحمة الله وبركاته

لا تدري نفس بأي ارض تموت

إنا لله وإنا اليه راجعون


ابقي طمنينا عليكي

الله يحفظك

ِِAdem El-Mahdy يقول...

بتحصل و فى احسن العائلات

ربنا يسترها معانا

مشتاق لله يقول...

قصة اصابت الواقع , بارك الله في قلمك احسست انك ام تبكي وليدها فحفظ الله اولادك وغفر الله للفقيدة