الثلاثاء، نوفمبر 10، 2009

أول بنوتة شاركوني فرحتي


النهاردة مريم بنتي 6سنوات زي النهاردة طريق مصر اسماعيلية كله عرف اني في حالة وضع ليه بقىىىى؟؟؟!!!



الاستاذة ماما ((أنا يعني )) أصريت اني أولد في القاهرة عند دكتوري وانا ساكنة في العاشر من رمضان اساسا والدنيا رمضان بالتحديد نصف رمضان والالم اتطور وجايين مواصلات كمان ومش لاقية عربية مخصوص ما لقتهاش غير في اول جسر السويس سواق تاكسي ابن حلال شغل سارينة اسعاف طول الطريق ومصر كلها اتخانقت معاه علشان صوتها ما حدش كان بيقوله عدي الا لما يبص ورا يلاقيني عاملة الواجب فيقوله عدي الا واحد بس دة بقى راح واقف له بالعرض ادام العربية بس هو وقف بعربيته بالعرض ادام التاكسي بعد شوية كان زوجي واقف عليه بالعرض برضه وبعد ما سواق التاكسي شال زوجي من عليه اكتشف الراجل ان فيه حالة وضع مستعجلة راح معتذر وجاري بسرعة من ادامنا



كنت ادام العيادة الساعة اربعة ونصف تمام مفيش ربع ساعة وكانت مريم مشرفة الدنيا واتكتب لها عمر لانها كانت مخنوقة ونزلت زرقا موووووت لدرجة لما نزلت ما اصدرتش اي صوت



مريم حبيبتي بتغسل لي المواعين وتقولي عاوزة البس نقاب زيك وايشارب زيك يا ماما واعمل معاكي اكل



ربنا يخليهم لي يارب


عاوزين تشوفوها وتشوفوا اخواتها ؟؟؟؟


اوعو تنسوا ماشاء الله لاقوة الا بالله





كل عام وانتم جميعا بخير

هناك 21 تعليقًا:

أمل حمدي يقول...

ماشاء الله لاقوة الا بالله

ربنا يبارك لك فيها اللهم امين


حبيبتي الغالية عاشقة النقاب

كل عام وأنت بخير أنت وبنوتك الجميلة

ربنا يجعلها قرة لعينك اللهم أمين

أمل حمدي يقول...

بسم الله ماشاء الله لاقوة الا بالله

ربنا يباركلك فيهم ويجعلهم من عباده المخلصين اللهم امين

موناليزا يقول...

ماشاء الله ياحبيبتى
ربنا يبارك

Unknown يقول...

اولا السلام عليكم ورحمة الله وبركاتة
ثانيا فعلا وحشتينى جداا
ثالثا كل عام وانتى واسرتك كلها بخير
ودايما بسعادة وصحة وهناء

Unknown يقول...

اولا السلام عليكم ورحمة الله وبركاتة
ثانيا فعلا وحشتينى جداا
ثالثا كل عام وانتى واسرتك كلها بخير
ودايما بسعادة وصحة وهناء

الميكروباص يقول...

كل سنه وهي طيبه
ربنا يبارك لك فيها ويخليهالك يا رب

مجداوية يقول...

السلام عليكم

بسم الله ما شاء الله ولا قوة الا بالله ربنا يحميهم ويحفظهم ويجعلهم قرة عين لك ولوالدهم

وكل سنة وانت طيبة يا مريم وماما تشوفك دكتورة ان شاء الله

حاجات جوايا يقول...

بسم الله ماشاء الله
كلهم زى القمر ربنا يحرسهم يارب
ومريم فعلا رقة متناهية
ربنا يفرحك بيهم يارب وتشوفيهم ناجحين وسعداء فى كل مجالات حياتهم
كل سنة ومريم طيبة وانتوا كلكم طيبين وبكل الخير

طارق سليم يقول...

الحمد لله انها جات على قد كده ،، احيانا فى الظروف اللى زى دى ربنا سبحانه وتعلى بيكون مقدر لنا مواقف لا على البال ولا على الخاطر مش عشان اى حاجة تانية الا عشان نبقى فاكرين الذكرى الجميلة دى ، ماهى لو الحكاية كانت عادى كانت ايه الجديد فيها يخلينا نفضل فاكرين الذكرى الجميلة دى ، حالة وضع زى اى حالة وضع ، عادى لكن المواقف اللى تخنق فى ساعتها دى بيبقى لها دور كبير فى حفظ ذاكرة الذكريات ، الف مبروك يارب تشوفيها احلى واجمل عروسة فى الدنيا كلها ( انا بحب اسم مريم قوى وناوى اسمى بنتى مريم بردو ان شاء الله ) ربنها يخليهالك وتلبس النقاب .

عاشــــــ النقاب ـقــــة"نونو" يقول...

السلام عليكم ورحمة الله
ربنا يبارك فيكم يارب وما اتحرمش من طلتكم ولا سؤالكم وربنا يديم المودة والحب بينا يارب كلكم كلكم وحشتوووووووووووووني جدااااا وباذن الله نتواصل
كل عام وانتم بخير

رفقة عمر يقول...

انا باقول ماشاء الله لاقوة الا بالله قبل ما اشوف الصور
كل سنه وهى بالف خير وعقبال ما تشوفيها عروسه اللهم اميين

Maha يقول...

ما شاء الله تبارك الرحمن :)

كل سنة وهم مالين دنيتكم فرح وسعادة ومتجمعين بالخير دايما كده :)

Dr. Ibrahim يقول...

ماشاء الله لاقوة إلا بالله..

ربنا يخليهم ويحفظهم ويبارك فيهم..

أم أحمد المصرية يقول...

حبيبتي عاشقة النقاب
ماشاء الله لاقوة الا بالله
ربنا يبارك لك فيها هي و اخواتها و باتباهم
انا سعيدة جدا اناك بتكتبي و معنوياتك مرتفعة كان بقي لك فترة حاسة انك مش مبسوطة
يارب يسعد قلبك دايما

فليعد للدين مجده يقول...

ولذلك الجنة تحت أقدام الامهات
بارك الله في أهلك وأولادك وفي عملك

طارق سليم يقول...

السلام عليكم ورحمة الله:
ياريت لو حضرتك تعيدى نشر هذا الموضوع فى مدونتك ليعم الخير والفائدة وتشاركى احبابك ومعارفك فى حصد الحسنات
اليك الرابط
http://eyuon.blogspot.com/2009/11/blog-post_16.html

بنت الصالحين يقول...

وحشتيني جدا يانونو وطفشت بجد م النت بتاعك :(

طارق سليم يقول...

السلام عليكم ورحمة الله وبركاته:
ياريت لو حضرتك تعيدى نشر الموضوع ده فى مدونتك لتساهمى فى نشر الفائده منه ونشر الخير لاحبابك وقرائك وزوار مدونتك الرائعة
رابط الموضوع
http://eyuon.blogspot.com/2009/11/blog-post_16.html
تحياتى

Mafrousa يقول...

اولا كل سنة و مريم طيبة و انتى طيبة و اخواتها طيبين
و عيد سعيد عليكم يارب
الايمان و حب الله بينور الوجهه و يخليه يشع بالايمان اللى ممكن يتأثر بيه حد ربنا عاوز يهدية
ربنا يهدينا جميعا
بنتك اكبر منى ب يومين
هيه 10 و انا 12 ...عقروبة زيييي
هههههههههههه

صاحب المضيفة يقول...

بارك الله لك فيها ورزقك برها وأطال عمرها ورزقها حسن العمل وحسن الخاتمة

تحياتي

Publisher يقول...

شكراااااااااااا