الثلاثاء، يناير 12، 2010

متلخبطة وسودة ومؤامرة


صدفة طبعا مظاهرات ومحاولات أقتحام وقناص فلسطيني يقنص جندي غلبان قاعد فوق في برج الحراسة مش عارفة الظاهر انا اللي ما باعرفش افكر

طب قولولي ليه ؟؟؟؟

هو اللي قافل الحدود ولا مانع الاغاثة ولا رافع عليهم رشاشات ولا عامل احتلال للبلد الغلبان دة ؟؟؟؟

طبعا مستبعد انه يكون اسرائيل هي اللي تعمل كدة طبعااااااااا ليه تعمل كدة ةةةةةةة بقى ىىىى ؟؟؟

هو يعني علشان تشغلنا باننا ناكل في بعض وتتفرج هي وترقص على اجسادنا ؟؟؟

لا طبعا الفلسطينيين يعملوا كدة خصوصا حماس اللي الفلسطينييين بيحبوهم وادوهم اصواتهم

وبعدين الدنيا تكرههم وخصوصا مصر والمصريين يعملوها امال ايه

يا ناس اعقلوا وفكروا بقىىىىى

علشان يبقوا في مزنق لا مصر طيئاهم ولا العرب طايئهم اصلا

ونتلوح كلنا عن الجدار الفولاذي دة ويبقى مبرر طبعا بيتعمل ليه لا طبعا مش كدة خالص امال ايه

يا ناس اعقلوا وفكروا بقىىىىىىىى
طيب يا عالم كام شهيد ماتوا بالقصد وعيانا بيانا على حدودنا مع اسرائيل الدنيا ليه ما اتقلبتش كدة وما طلعش ليه رجل الاعمال برضه صاحب القلب الكبير يتبرع لاهله اه نسيت صحيح دي نيران صديقة
يا ناس اعقلوا بقىىىىىىىىى وفكروا
ولا كمان موضوع نجع حمادي دة

غريبة جدا يبقى في التوقيت دة برضه مع الاحداث الاولانية دي

لا وايه بقى الاغرب اننا ما نسمعش عن الطفلة اللي تم اغتصابها والبهدلة اللي حاصلة هناك دي الا لما القيامة قامت هناك وشوية مسجلين خطر عملوا اللي حصل

رغم ان الخلفية ما كنتش على اثر ديني زي ما اتقال

وافتكر ان القيامة ولا قامت ولا حد قالها اعلاميا زي دلوقتي في الحادثة بقى اللي خلفيتها دينية بالتلاتة واللي فيها بنت اسلمت وتزوجت فعلا من مسلم وانجبت طفلة جميلة منه واخوها وقريبها ترصدوهم وانهالوا عليهم بالرشاشات برضه والنتيجة الزوج توفى وزوجته انصابت بخطورة والطفلة اللي ما كملتش سنة واحدة تم بتر ذراعها واتقال الخبر دة زي اي خبر رغم ان الخلفية دينية بقى طحن

الحادث طالما فيه واحد مسلم والتاني مسيحي خلاص الدنيا باظت ما ينفعش انها تبقى صدفة وبين كل تلاتين حادث عادي حادث ديني فيه متعصب من هنا او من هناك انما على طول تطفوللسطح حقوق الاقباط

هو يعني المسلمين في مصر اخر جمال وانسجام ما اللي بيسري عليهم بيسري علينا
ما احنا عايشين مع بعض من سنين طويلة


ما اعرفش احنا حصلنا ايه بس

الواحد شايف ان كل دة مؤامرة واضحة فاضحة توقعنا في بعض سواء مسلمين واقباط ولا مصريين وعرب وفلسطينيين

وعارفين اللي فيها وبرضه الحنجرة عالية بالهتافات الفاضية وماشيين ورا الكدب والمؤامرة زي القطيع

ياريت نصحى بقى ونعقل

حبوا بعض بقى

عقولكم اللي سابت مكانها وخرجت تتفسح رجعوها لاماكنها شوية ما حدش يقع في الخية يا مسلمين ويا اقباط مصر لو مسكنا في بعض هنفرجهم علينا لحد ما واحد فينا يخلص على التاني واللي هيتبقى هيبقى مجهوده قليل في الابادة مش هياخد في ايدهم كتير

يا عرب ويا مصر ويا فلسطين هنمسك في بعض وواحد هيخلص على التاني او نخلص على بعض وهما بردوا الكسبانين

يا عالم اصحوا

تصدقوا انا عندي احساس ان المؤامرة دخلت بيتي

ازاي ؟؟؟

النت دخل والحمد لله تاني يوم الكمبيوترات الاتنين يخربوا وابعتهم يتصلحوا ويتقفل عليهم المحل شوية ولما لقينا المصلحاتي طلع والدته دخلت المستشفى والحمد لله هيصلحهم ابتداء من غدا

طيب بكتب منين ؟؟؟

رأفة بحالي المصلحاتي شحتني كمبيوتر لحد ما يصلح كمبيوتراتي

طب دي مش مؤامرة بذمتكم ؟؟؟

ولا دي بقى اللي عادي ؟؟؟!!!
هااااااااااااااااا

هناك 11 تعليقًا:

حتى أجد عنوان يقول...

أختي عاشقة النقاب

أشعر كأنّا نُسَيَّر لحافة الجبل فنَسِير ولا نتراجع .. ويلطم كل منا وجه من بجواره وهو سائر معه إلى ذات الحافة وتلك الهاوية .. ولا نكلف أنفسنا أن ننظر وراء ظهورنا نظرة واحدة .. فنرى ذلك الوجه القبيح وتلك العيون الخبيثة وهذه اليد التي تدفعنا الى طريق الفناء دفعا .

أصبتِ فيما كتبتِ أختي .. فاللهم الهمنا الصواب والرشد جميعا

مجداوية يقول...

السلام عليكم

طبعا مؤامرة يا حزب الله السبب يا حماس يا ايران يا قطر وقناة الجزيرة ودول الممانعة هي اللي خربت الكمبيوترات بتاعتك
والقطنة مبتكدبش

بصي
سبب الفتنة كبيرهم اللي بيروح أمريكا كتير يتعالج واقباط المهجر اللي بيروجوا إن مصر محتلة من المسلمين وفي كتير جدا هنا منهم مصدقيننهم,, هم مش بيتحركوا إلا بأمر الكنيسة
والسبب التاني غياب العدل علينا وعليهم لكن هم عشان أقلية فوضوح الظلم عليهم أكتر من باقي التمانين مليون

لو ترجعي بالذاكرة من عشر سنين أو أكتر مكنش ليهم حس وكانوا عايشين معانا وساكتين واللي بيسري علينا بيسري عليهم ولكن بعد تدخل أمريكا بعد 11 سبتمبر وهجمتهم على الاسلام خلى الطيبيبن السهنات اللي هنا صوتهم يعلى والتحريض يشتغل ومن يومها مشوفناش معاهم يوم كويس

وهو بالفعل مخطط صهيوني أمريكي وأعوانهم هنا في الداخل منهم ومننا وضعف الدولة وغياب العدل خلى الموضوع زى كرة الثلج

لازم وقفة ومواجهة وتصحيح أوضاع

أكيد الكمبيوتر الشحاتة ده تمويه عشان متعرفيش المؤامرة جايالك منين

اطلبي المخبر كرومبو وهو يعرفلك مين اللي عطلك الكمبيتوررررراررررت بتاعتك

:))

وكلنا مقاومة بتقولك
وانا باعلم الصبر يصبر

حنين القلب يقول...

السلام عليكم

والله انتى كمان وحشااااانى خالص
وعارفه انى مقصرة معاكم كلكم بس والله غصب عنى
ادعيلى بقى اقوم بالسلامه هانت كلها شهر
شكر لسؤالك عنى وربنا ما يحرمنى منك

KING TOOOT يقول...

هو لو صاحب المحل بتاع الكمبيوتر كان مسيحي تبقى مؤامرة طبعا
ههههههههههههههه
كل كلامك أنا موافقك عليه جدا و مبسوط إن حد لسه فاكر العساكر المصريين إللي ماتوا على الحدود برصاص إسرائيل وبعدين إسرائيل قالت لنا معلش وإحنا قولنالها خلاااااص المسامح كريم
بس كده بقى يبقى المسامح عبيط
ولا إيه ؟
خالص إحترامي
KING TOOOT

غير معرف يقول...

طبعا مؤامرة
وبعدين ليه الصحافة بتاعتنا مبتقلش الحقيقة كاملة

ليه متقلش ان مات 4 منهم زى مامات واحد مننا

ولسه السور الفولاذى منعرفش عنو الا بعد متنشر خبره الصحف الصهيونية

وليه الللى انا شوفت على اقصى اتعملوا كات على المصرية والجزيرة

ألا وهو الامن المركزى بتاعتنا وهو هارى القافلة ضرب وواقعين على الارض سايحين فى دمهم

وليه

الشعب المصرى مغيب

ودلوقتى بيحب الحكومة اوى

وبيكره حماس اوى

وشايف ان حكومتنا خايفة علينا اوى فبتنبى سور مبليارات

وتصرف على الكورة مليارات

ونجيب الرقاصات الاجانب يغنوا بالمليارت

وموافقين وكويسين

واحنا كل يوم بينا وبين نفسنا بنعلن فى الحكومة

ده مش تناقض؟؟؟

يوم اقول اه دى مصر وبلدى وبتحمينى

وتانى يوم

اقول الله ........

ده مش تناقض

يوم بنحب الحكومة ويوم ينكرهها

احنا ليه نيمنا عقولنا

ليه!!!!!!

انا بجد موضوع فلسطين ده كان فارسنى جدا

خاصة ان ساعة الماتشات الناس صحتها وفلوسها بطلعهم
والصحافة بتصحى

والناس بتبقى مالية الشوارع علشان تفاهات

وساعة الجد

ملناش دعوة وحزب معارضة

عايزة اقول كلمة اخيرة

احنا مش فراعنة

ولا احفاد فرعون

احنا احفاد جدى ابو بكر وعمرو

وصلاح الدين

فياريت بقى نبقى رجالة

اسفة بجد انى متنرفزة واسفة انى طولت

تسلم ايديمى وربنا ينور بصيرتنا كلنا ويرزقنا قول الحق ونصرة الدين

ومنغضبش غير للدين

مش للكورة والفن والكلام الفارغ

Dr Ibrahim يقول...

والله حضرتك الله أعلم مين قتل الجندى المصرى
فالاعلام مسيس ولا يقول الحقيقة.
وكما قال مصطفى محمود ان من يحاول ان يطبق العلمانية فى مصر سوف يلجا إلى ضرب أسفين بين المسلمين والمسيحين.وما أكثر من يريد ذلك

أم أحمد المصرية يقول...

بص بقس علي كلام المغرضين اللي زي عاشقة النقاب مؤمراة ايه و اسرائيل ايه الغلبانة الاميرة السكرة اللي تعبت معنا بقي دي بردوا تقتل العسكري المسكين
و شوف الافترا كمان تقولوا لها يد في احداث نجع حمادي
بسي بقي بصراحة انت تستهلي ان اجهزةالمخارات تجتمع عشانك و تخرب الكمبيوتر بتاعك
:))))))))))

عــلاء ســالـــم يقول...

السلام عليكم

للأسف إحنا في زمن كله تزييف للحقائق ومحدش عارف أي حاجه ومفيش خبر بيتنقل صحيح للناس
وأي حاجه بتحصل الشاطر هو اللي يشوف هو متضايق من مين ويتهمها فيه

ربنا يرحمنا برحمته ويقينا شر الفتن ما ظهر منها وما بطن

مهندس مصري بيحب مصر يقول...

وكيل وزارة الصحة المصرية في محافظة شمال سيناء أكد إن الجندي المصري مات برصاصتين في ظهره

و شهود العيان من جانبين الحدود مصريين و فلسطينيين أكدوا إن زملاؤه من الجنود أصابوه بالخطأ و هما بيطلقوا الرصاص على شباب فلسطيني كان بيتسلق برج الحراسة بتاعه

يعني مات برصاص مصري

على عبدالله يقول...

السلام عليكم

هى مؤامرة فعلا !
وايضا حماس مستحيل تكون قتلت الجندى المصرى لانها مقتلتش مسلمين قبل كدا !
شىء عجيب

الله المستعان

انا مش معاهم يقول...

ياناس دي ملفقه