الأحد، ديسمبر 09، 2007

يتربى في عزو

السلام عليكم ورحمة الله وبركاته
النهاردة هكلمكوا عن موضوع لفت نظري جدا او بمعنى ادق تكملة للسيناريو الموضوع
كنت يا جماعة من حوالي عشر ايام كدة بقلب في التليفزيون بعد صلاة الفجر يمكن الاقي حاجة مفيدة اشوفها
فلفت نظري على قناة الام بي سي الفضائية ممثلة اسمها انتصار بتتكلم مع اخرى في مشهد تمثيلي وكانت انتصار دي لابسة نقاب طبعا رفعاه عن وجهها لانها قاعدة مع سيدة وقلت لما اشوف ايه دة ويا ريتني لا شوفت ولا عرفت
المهم كانت المنقبة دي بتشتكي للممثلة التانية اسمها نهال عنبر من ان ابنها ادروش وملازم الجامع ومابيسالش عنها
ولما بيعوز ياكل ويشرب بياكل من موائد الرحمن اللي في الجامع وبعدين وعدتها عنبر دي انها هتقول لابوه اللي هو طليق المنقبة دي واللي هوةبقى يحي الفخراني بيه ودخل سيادته عليهم قامت المنقبة بقى اييييييييييييييه طبعا نزلت النقاب على وشها اصلها ملتزمة امال وبعدين اداها فلوس ومشيت وعنبر دي قالتله الواد مدوخها شوفلك صرفة
الفخراني يدور على الواد في موائد الرحمن المهم لقاه وكان مدفع الفطار هيضرب بيفطر في مائدة بقى المهم قعد معاه وقاله قوم يا ابني الموائد دي للمحتاجين والفقرا بس يلا انت مش محتاج المهم اخده وراح لمطعم فخم ياكلو فيه ويتكلموا بقى ومستقبلك يا ابني اااااااااااااااااااه وتيجي بقى اللحظة المنشودة والفخراني بقى يمسح في الجلابية البيضا اللي الوادلابسها والواد يقوله حاسب يقوله بتهكم يعني هي كانت نظيفة اوي ايه اللي انت لابسه دة وايه ذقنك دي يلا قوم احلقها والبسلك بدلة وتبقى على سنجة عشرة عشان هقدملك في السفارة وطبعا كل دة بتهكم وسخرية وبعدين يتنقل المنظر للواد بقى وهو لابس الترينج سوت وشعره ضاربه في الخلاط وحططله جل وقاعد في فيلا ابوه وبيهزر وطبعا لا يخلو الحوار من اهو كدة انت تمام ويتنقل المنظر تاني للواد رايح السفارة علشان الامتحان وفجاءة تظهر الحاجة والدته اللي هي المنقبة فاكرينها اااااااااااه بس من غير النقاب يعني لابسة حجاب وبس وكاشفة وشها وداخلة لابنها تقوله انصفني ياابني النهاردة وبعدين ما شفتش لها مشاهد تانية لان المسلسل بعدها كام مشهد وخلص خالص يعني بالعربي كدة المشهد بتاعها دة لو ماكانتش عملته ولا جه خالص المسلسل ماكانش هيفشل يعني لكن المشهد له اهداف تانية طبعا والتهكم على اللحية والجلابية والمشهد نفسه كله بين ايديكم اهو احكموا انتوا يعني ياربي البهدلة تكون للملتحي ةاللي منقب مامته ولما يفوق اول حاجة يعملها هي يقلع امه النقاب وهو يحلق اللحية ويقلع الجلابية ولا ايييييه بس الزفت دة وللاسف يطلع المسلسل دة يتربى ففي عزو اللي بسمع عنه ضجة كبيرة وكتييييير يقولك مسلسل جميل هوة دة بقى حسب الله ونعم االوكيل منتظرة تعليقاتكوا ورايكم

هناك 7 تعليقات:

غير معرف يقول...

حضرتك متأكده أن المشهد ده به سيده منتقبه؟؟؟
المسلسل كله لم تكن به سيده واحده منتقبه أو ساتره إلا لجزء من شعرها.
... هذا لو كان المسلسل هو المقصود

غير معرف يقول...

حضرتك اقتطفت جزء من سياق موضوع كامل بدون فهم الموضوع كله ومنحنياته ... كان من اﻷفضل ألا تشاهديه وتقضي الوقت في أذكار الصباح

عاشــــــ النقاب ـقــــة"نونو" يقول...

ايوة يا جماعة متاكدة من كل اللي شفته بالتحديد اخر نص ساعة في الحلقة الاخيرة
والحمد لله بقضي الوقت في الاذكار بس اللي لفت نظري وانا بحول في التليفزيون ان فيه نقاب في مسلسل
واشكركم على النصيحة
وياريت تقول لنا ايه منحنياته اللي حضرتك فهمتها وانا مفهمتهاش

د/اجدع بنوته يقول...

لا فعلا المسلسل فيه انتصار لبست نقاب .. لما الولد ادروش زى ماهى بتقول ولازم الجامع

انا شوفت المشهد ده كاملا

والمسلسل بالنسبالى فاشل جدا مع ان ف ناس كتير جدا حبته

بس انا كنت بتفرج عليها للفانتازيا مش اكتر

لكن لا ليه رساله ولا مبدا ولا حاجه تفيد م اصله

بارك الله ف حضرتك وف غيرتك ع دينا يارب وكتر الله م امثالك

ويارب يورينا فيهم يوم مش هنلاحق م عادل امام اللى مفيش فيلم الا لما يتريق ع الملتزمين ولا م غيره

شكرا

عاشــــــ النقاب ـقــــة"نونو" يقول...

د اجدع
تسلمي يا اختي على الكلمتين بتوع لا له مبدا ولا حاجة ولا اصل وتسلميلي عاى الدعوتين بتوعك دول ومن قلبي بقول اللهم امين
والحمد لله انه ما كانش بيتهيالي

orkida يقول...

انا كمان شفت الجزء دة ونرفزنى جدا جدا ومش عارفة هما عايزين يوصلوا لايه بالظبط
انا كمان بعشق النقاب زيك ربنا يثبتك ويثبتنا على الايمان

غير معرف يقول...

انابردة شفت الجزء دة انا طبعا مش موافق عليه
انا شايف انه لماقاله كدة ماكانش بغرض التريقة ولا حاجة - الفخراني ويوسف معاطي المؤلف ازكي من كدة - لكن هو اتصرف بفكر الشخصية اللي كان بيمثلها
بس المسلسل في الأجمال كان كويس وربنا يهدي الجميع