الأحد، أغسطس 17، 2008

واقع مرير


السلام عليكم ورحمة الله


اذا استفحلت العلاقة بين الزوج والزوجة وأصبح كل منها لا يطيق الاستمرار مع الاخر فما الحل اذن ؟؟؟ خاصة وان كلا منهما استنفذ جميع الحلول الشرعية للبقاء على هذا الكيان الاسري لنتعرف على ذلك شاركوني


تعالوا معنا نتعرف ايضا على ابرز مفكري العلمانية والليبرالية في مصر والذي منهم من أعجب بها لدرجة اطلاقه عليها

مذهب الحريين وايضا اعجب بارسطو واطلق عليه سيدنا ارسطو رضي الله عنه

من هو؟؟؟؟


فشاركونا

******************************


افتح رسالة جديدة على امل ان أكتب في شيء معين ومحدد أطرحه للتناقش معكم، لكن كلما هممت بفتح الرسالة أراني أنظر وأسأل عن ماذا أكتب؟؟؟؟ وفي أي شيء نتناقش ؟؟؟؟؛ هل أكتب عن تعبي النفسي بسبب الغلاء والطاحونة التي أصبحت تطحننا طحن كل ساعة بسبب هذا الغلاء من كافة النواحي؟؟؟

أم أكتب عن عن الفساد المحاط بنا من كل جانب وفي كافة المستويات؟؟؟

ام اكتب عن ظلم بعضنا لبعض؟؟؟؟

او او او او

سأكتب عن أي شيء المهم أن أكتب

ذهبت من فترة أشتري خبز من منفذ التوزيع الذي امام بيتي وطبعا المفترض فيه طابور للسيدات وقفت لأشتري وصمم البائع أن يبيع لكل فرد بجنيه واحد ومع اني لا اشتري يوميا وبجنيه ارمي منه في المتوسط 7 أرغفة غير صالحة للاستخدام الأدمي الا اني قلت مش مشكلة علشان كلنا ناخد المهم وزع ورأيت سيدة تقف خلفي واخذت وسألت (هي دي العربية الاولى للتوزيع ولا الثانية فردت هي الثانية وسألتها عرفتي أزاي)

بسهولة ردت علشان أخذت من الاولى ب2 جنيه ونظرت لها مستعجبة لانها لسة واخدة بجنيه ورميته على الارض ورجعت وقفت خلفي تاخد تاني

فاستغربت في نفسي وحدثتني نفسي قائلة هو احنا كدة دائما فالحين في ضحكنا على بعض

الغلبان يعض في الغلبان اللي زيه

بعد هذا الموقف باسبوع رجعت اشتري مرة اخرى وطلبت من البائع ب2 جنيه فرفض

فأصررت وقلت له هات انت ما عندكش عدل انا ما بجيش كل يوم

وفوزت واشتريت لاني طالبت بمساواتي بمعارفه

صدقوني أستغربت أكتر لان حياتنا هكذا أصبحت المتقي لله فيمن حوله هو بمثابة الضعيف فمالوش عيش هنا

موقف مشابه

احضر للطبيب ليكشف على ابنتي ونظرا لعدم وجود ممرضة لتنظيم دخول المرضى ، تتطوع اخت وتنظمنا وتقول لكل منا دورها وعندما أتى دوري وجدت سيدة قطعت تذكرتها وفورا اتجهت الى الطبيب دون انذار ورأيتها

وفورا توجهت خلفها عند الطبيب وبادرت بالقول لها (دة مش دورك دة دوري انا وبعدي المدام اللي برة وبعدها حضرتك) فرمقتني من فوق لتحت وقالت (ما هو مفيش حد برة )قلتلها (بس احنا منظمين نفسنا)فجلست لتوقيع الكشف على ابنتي وهي تقف معنا ونفسها تخبطني بحاجة

وكأني أنا من كانت ستهضم حقها وتجور عليها

علما بان الطبيب طبيب جلدية والحمد لله كلنا واقفين تمام مفيش حد هيموت والا كنا دخلناه على طول

موقف اخر

نقرر في يوم أنا وزوجي نقوم بصلة رحم وبعد اتمامها نخرج الى الشارع وهناك زحام شديد وتقف أمامنا سيارة ثلاجة فجأة وبدون انذار تتحرك للخلف ونحن خلفها وخلفنا طابور من السيارات

أحتضن طفلتي ونصرخ ويصرخ عاملين وصاحب محل بجانبنا ويشاهدوا ماحدث (حااااااسب)

ولكن بعد ما يكون كسر الفانوسين الاماميين للسيارة تبعنا

أحمد الله لان خلفنا سيارات واذا ارتطم بشدة بنا كانت النتيجة أسوأ

يخرج من السيارة راكب بجانب السائق ويبادر( مش تعمل كلكس) علما اننا ضربنا كلكس

فبسرعة ما شاهدوا الوضع يقولون للسائق والراكب (انتم غلطانين ) فيخرس وينزل السائق ويقول( خلاص مفيش كلام على اقرب محل قطع غيار لنشتري ما كسرناه لكم )

واحمد الله فالسائق عليه علامات التقوى لكن للاسف الشديد المظهر يخدع أحيانا

وعند العثور على ما نبتغيه فيتقهقر معلنا( لا انت الغلطان )وانا هجيبلك فانوس واحد وانت هات التاني وبس او مش هجيب حاجة خالص)

فيرد زوجي بهدوء( لا انا يكفيني اجرة من سيركب هذه الفوانيس هدفعها مساهمة مني وبعدين دي فرصة تبرأ ذمتك أمام الله وتعطي كل ذي حق حقه وبعدين انا ممكن اقولك مش عاوز حاجة خالص بس ما تقولش انت الغلطان لان الناس والشهود اللي شافوا الوضع قالوا انت غلطان ومشينا على الاساس دة وخلي بالك دي فرصتك فيه رب وفيه اخرة وحساب

تصدقوا تهكم قائلا (خايف علي اوي)

(خلاص مش جايب حاجة خالص )

بصراحة خفت عليه من زوجي (اصله الحليم اذا غضب) بفضل الله نزل الله السكينة على زوجي وسمعت صوته يرتفع و ارتعدت عندما سمعته لاني تذكرت دعوة المظلوم والذي كنا نقفه

قال زوجي ( مش انت يوميا على الطريق وهتقبلهم على نفسك يبقى حسبي الله ونعم الوكيل )وركبنا سيارتنا ومشينا

تناقشت معه لأهدأ من روعة المظلوم بأنه يمكن لا يملك

تصدقوا لو اقر بخطئه وبأدب أستأذن في عدم قدرته على ذلك لكنا سامحنا في حقنا ونشهد الله على ذلك لكن للاسف اصبح من السهل أكل الحق وظلم بعضنا البعض

سألت نفسي هل هكذا أصبحنا كل منا بسهولة يستطيع أن يأكل حق أخيه ولا يراعيه مهما كان هذا الحق؟؟؟؟؟؟؟؟؟!!!!!

هل أصبحنا هكذا ننسى أن هناك رب للعباد ويوم لرد المظالم ودعوة لمظلوم لا ترد وليس بينها وبين الله حجاب

؟؟؟؟؟؟؟؟؟؟!!!!!!!!

للاسف نعم نسينا الا من رحم ربي

وقررت لن أسكت على أي حق لي مهما كان صغيرا فهو حقي ولن أتنازل عنه

بالله عليكم هذا يحدث في هذه المواقف البسيطة فما بالكم فيما هو اكبر؟؟؟!!!!

ما يحدث الان خير شاهد على كافة المستويات

ألم تروا معي أمس في حلقة 90 دقيقة السيدة المريضة الملقاة في الشارع منذ عشرة ايام ملفوفة بملاية المستشفى والدود والحشرات حولها في كل مكان لانها عجزت عن دفع مصاريف المستشفى؟؟؟؟؟؟

وفي نفس الوقت هناك من يبحث في استفادة الاجانب من التأمين الصحي

لم أصدق عيني عندما رأيتها

ماهذا الذي أصبحنا فيه ؟؟؟؟؟؟ّّّّ!!!!!

حسبنا الله ونعم الوكيل

للاسف واقع مر

تحياتي



هناك 54 تعليقًا:

حسن حنفى يقول...

مممممم

ربنا يبارك في حضرتك ويجعله في ميزان

حسناتك

امين

حزيــــــــــــــــــن يقول...

كل يوم بقابل نفس المشاهد
المجتمع بقى مستفذ بطريقة غريبه
لعله خير ان زوج حضرتك مدخلش مع السواق فى مشاكل

ربنا يبارك فيه وفى ابنتك
كل عام وحضرتك بخير
ان شاء الله نشوفكم فى حفلة التوقيع الجاية

احمد مهنى

حنين القلب يقول...

السلام عليكم
حسبيا الله ونعم الوكيل فى كل ظالم
بس اظن اننا برضه علينا غلط
لان الانسان مدام بيتنازل عن حقه وده طبعا غلط كبير لانه بمرور الوقت الطرف الاخر بيعتبره حق مكتسب
وانا لا اقصد زوجك اختى الحبيبه
انا بتكلم فى العموم
الظلم بقى فى كل مكان
امبارح شوفت بنت فى برنامج صباح دريم فى سنه رابعه ابتدائى وبسبب ابره غلط فى الوريد الممرضه بدل ما تديها فى الوريد اديتها فى الشريان
اتسببت فى بتر دارع الطفله كله
تخيلى انتى طفله كانت الاولى على المدرسه فى كل سنين التعليم والاخر يقطعوا ليها دراعها اليمين بسبب اهمال
حسبيا الله ونعم الوكيل
فى كل ظالم
فى كل مهمل فى ارواح الناس
فى كل سارق بياخد من اكل الناس الغلابه
حسبيا الله ونعم الوكيل
بجد كلامك يوجع
ربنا يجعله فى ميزان حسناتك
ويحفظك انتى وزوجك واولادك وكل قريب لقلبك
تقبلى مرورى

عايش... ولكن !!!! يقول...

بجد من كتر بلاوينا بقينا خلاص مش قادرين نحصرها

بس انا اكتر حاجه ضايقتنى اوى حكاية الست اللى رموها قدام المستشفى علشان مفيش معاها تمن العلاج
خلااااص وصل بينا القسوه للدرجه دى
حسبى الله ونعم الوكيل

ربنا يجازيكى كل خير
تحياتى
علاء

غير معرف يقول...

نونو
يعني انتي بتحسسيني
ان الواقع دا اكتشفتيه فجأة

احنا في زمن الفهلوة


يارب نخلص بقي

معلش

انا كرهت الواقع مش حعلق

تحياتي

اللؤلؤة المكنونة يقول...

حسبنا الله ونعم الوكيل


بجد حاجة تحزن

والمشكل ان الناس بتعمل كل ده وهى بتعتقد ان هى صح وان ده حقها

أقول ايه بس

ربنا يهدى



معلش أنا مقصرة معاكى حبتين

أنا متابعة باستمرار بس ما بسيبش تعليق


بس ان شاء الله مش هعملها تانى

دعواتك

تقبلى خالص حبى وودى واحترامى

وجهة نظري يقول...

ظلم الأضعف بقي هو السائد. في ظل غياب أي قانون او نظان أو أخلاق، بقت أخلاق الأقوي هي السائده.

إلي بتشوفيه في السوق هو حال مصغر لمستويات أعلي في أماكن أخري، والقوي ياكل الضعيف والغني يدوس علي الفقير وصاحب النفوذ فوق القانون وصاحب السلطه يرتكب جريمه ويهرب وياخد براءه .... منظومة ظلم متكامله.

برضه كل دا إلي حين، فدولة الظلم ساعه.

تحياتي.

عالم حبيب يقول...

وعليكم السلام ورحمة الله وبركاته

حياكي الله أختنا الفاضلة

الله المستعان والله على الواقع المرير اللي بنمر بيه .. ولا حول ولا قوة إلا بالله العلي العظيم

موقف العيش ده .. موقف بيتكرر كل يوم .. مش بس في طوابير العيش .. في كل مكان بكل اسف .. للأسف ان المطحونين بيطحنوا في بعض .. فربنا يصلح الحال

بالنسبة للسيارة .. فوضوا امركم لله .. توقفت بس عند كلمتك ان الراجل عليه سمات الصلاح .. أقول : صلاح الظاهر ليس دليل على صلاح الباطن .. بينما صلاح الباطن يستوجب صلاح الظاهر

الحمد لله انكم ملتزمين وفاهمين .. طيب تخيلوا لو ناس عادية مش فاهمة .. هاتقول ادي ياعم اهل الصلاح .. ربنا يعوض عليكم .. ويوسع ارزاقكم وارزاق المسلمين

أخوكم : حبيب

موناليزا يقول...

حسبنا الله ونعم الوكيل
اللهم لاتؤاخذنا بمافعل السفهاء منا
ذكرتينى بموقف اتحطيت فيه مع واحدة اكبر منى بكتير غلطت فيا واهانتنى ولكنى ولاعتبارات كثيرة انا اللى ذهبت ليها وصالحتها وقلتلها رغم انك ظلمتينى الا انى مسمحاكى
تتخيلى تقولى ايه
قالت لى بكل استهزاء:لو كنت ظلمتك ربنا اللى هيحاسبنى
وفى داخلى اقول وهل تعرفين الله حقا!!!
اللهم انصر كل مظلوم
اللهم ارفع غضبك ومقتك عنا
بس عجبتينى بجد انك مش هتتنازلى عن اى حق من حقوقك
انا تعلمت كده برضه بس بعد ما اخدت كام درس محترم

بنت القمر يقول...

يا نونو انتي حاطه تلاته وتلاتين موضوع في بوست واحد خمسه في عيني
بس اعتقد ان الواحد عشان يكون ايجابي زي موقف د الجلديه او العيش لازم يكون عنده طاقه ونفس
واصرار لانه يكمل وايمان بحقه واكيد عند نفس الشخص الايمان والحماسه دي مش بتكون علي نفس الدرجه في كل وقت
تحياتي وخلي بالك من نفسك:))

Mostafa Abdelmoneam Badr يقول...

وصلنا للحالة دى ازاى
فعلا احنا اتأخرنا كتير
ارحموا من فى الأرض يرحمكم من فى السماء
رحمتك بينا يا الله
لأن لو كملنا بنفس العوامل والظروف الاجتماعية
هانشوف كوارث حقيقية
تحياتى ليكى وسلامى ل أ/خالد والأولاد
السلام عليكم ورحمة الله

غير معرف يقول...

للاسف ده الى بيحصل دايما وللاسف اكتر الغرب على الرغم من الفساد المنتشر فيه من فحش وخلاعه الا انهم ماشيين بنظام وفاهمين دورهم فى مجتمعهم
وعلشان كده متقدمين علينا

هما ماشيين ببعض مبادى الاسلام على الرغم من انهم مش مقتنعين بيه فى الغالبيه بينهم واحنا كمسلمين مش مطبقينها ربنا يعينا على المعيشه الدنيا بقيت صعبه فعلا ومعلش على الى حصلكم ربنا يعوضكم خير ان شاء الله

جنّي يقول...

السلام عليكم

الواقع اشد مرارة مما ذكرتيه اختنا الكريمة ..

لقد ضاع الدين من الكثير الا ما رحم ربي .. واذا ضاع الدين ضاعت الدنيا ..

ولان الله يزع بالسلطان ما لا يزع بالقرآن .. فذنب مصر واهلها في رقبة من أضاعوا الأمن والسلام والاسلام من مصرنا الحبيبة ..

شكرا

Abd El-fatta7 يقول...

شكرا أولا لأنك اصررتي علي انك تكتبي

وثانيا ايوة فعلا هو ده بقي الواقع حقوق مهضومة بدون اي مبالاة بالعواقب في الدنيا او في الاخرة

وده من اول المواقف اليومية زي السواق اللي عمل مشكلة مع زوج حضرتك لغاية اعلي المستويات زي المئات اللي ارواحهم راحت واهلهم مش عارفين يجيبوا حقهم الي الان

للأسف واقع مرير فعلا

عاشــــــ النقاب ـقــــة"نونو" يقول...

السلام عليكم ورحمة الله
حسن حنفي اسعدني مرورك
----------------
حزين اعزك الله اخي
باذن الله نحاول الحضور
اسعدني تشريفك هنا لاول مرة واتمنى دوام التواصل
---------------------
حنين القلب
والله يا اختي هو دة اللي بنحاول ما نعملوش اننا لازم ما نتنازلش عن حقوقنا بس اغلب الاوقات هيبقى مطلوب منك ما هو ابعد من مجرد المطالبة بحق يمكن يقلب الامر لقتال
وكفى المؤمنين شر القتال
موقف البنت دة عينة بس يا حنين ربنا يرحمنا
اسعدني مرورك
--------------------
عايش ولكن وصل بينا اللي اكتر من كدة يا اخ علاء وما اعرفش هنروح لحد فين
اسعدني مرورك
---------------
afew good men
والله بجد ما كنتش شايفة اننا بقينا بالبشاعة دي دة الواقع بقى ولا مش هعلق:)
اسعدني مرورك
-----------------
اللؤلؤة المكنونة
خلط يا اختي الحق بالباطل
وربنا يهدي يارب
طلتك في المدونة حتى دون ترك تعليق يكفيني فهو وسام لها
بارك الله فيكي واعمليها ولا يهمك المهم تيجي
يسعدني تواجدك دوما
-------------------
وجهة نظري
بتديني امل والله كل ما خلاص اقول جابت زفت
ربنا موجود
اسعدني مرورك
----------------

عالم حبيب
الحمد لله على كل حال وفوضنا امرنا وباذن الله هيعوضنا خير فيكفي اني ما صرفتش الفلوس دي في حاثة ولا شيء مكروه دة لوحده خير
فعلا الحمد لله انها جت فينا وما جتش في حد عمل مصيبة
عندنا لسة سواق تاكسي قتل اخر برضه علشان خبط له العربية ومن دة كلمة ودة كلمة خبطه بحديدة مات ربنا يرحمنا يارب
اسعدني مرورك
تحياتي
--------------
موناليزا
اللهم امين يارب هو دة اللي الواحد بيفكر فيه بنحاول نعديها من غير ذنوب تلاقي اللي يطلعلك ويسفه من موقفك اللي هو الصح
هنقول ايه اخر الزمن
ربنا يهدي
اسعدني مرورك
------------------
بنت القمر
حبيبتي كلهم في النهاية بيصبوا في واقع مؤلم مرير وظلم الضعيف للضعيف واللي بيخلي الواحد ساعات يقول لنفسه احسن نستاهل
ما هو بنعمل في بعض كدة يبقى شوية علينا اللي الكبار بيعملوه فينا
بحاول والله يا قمر يبقى عندي طول بال ةنفس علشان ما اتاكلش وربك يعينا يارب
ربنا يسترها معانا كلنا
اسعدني مرورك
------------------
مع اصراري للاسف لسة مش عاوزين نساعد بعض اننا نفوق بل عمالين نغرقها اكتر
الله يسلمك
شرفتني ونورتني حقيقي
-------------------
نور الدين
تهلا بيك اخي هو دة اللي ناقصنا
هما ماشيين الغرب اقصد بنظام وقوانين
احنا عندنا بقى اللي احسن عندنا دين وممكن نؤجر على كل حاجة كويسة نعملها مش علشان خايفين من قانون
انما الفالحين فيه اللي تغلبه العب به
وربنا يهدي
اسعدني طلتك
-----------------
جني
حقا اخي اذا ضاع الدين ضاعت الدنيا ما اقساها كلمات لكن واقع مرير
اسعدني مرورك اخي
----------------------
اخي عبد الفتاح
اهو محاولة لهزم الهزيمة
ربنا يرحمنا ويبدل الواقع لو كل واحد بدا بنفسه وانا بعمل كدة
ويارب وفق
اسعدني مرورك
واهلا وسهلا بكل زواري وكل عام وانتم بخير
تحياتي

نبضات قلب يقول...

حسبنا الله ونعم الوكيل
نسأل الله أن نعود جميعا إلى الله سبحانه وتعالى حتى يرفع عنا ما نحن فيه
تقبلي تحياتي

مجداوية يقول...

السلام عليكم

طيب انت كويس شفتى اللى كسرلكم الفوانيس أنا نزلت اليوم لقيت الفانوس متدشدش وطبعا اللى دشدشه ولا كأنه عمل حاجه ولا من شاف ولا من درى

يا ست الكل والله هم مساكين وأغبياء لأنهم حيدفعوا حيدفعوا والطاج طاجين ولا يمكن حد حيفلت من عدالة الله سبحانه وتعالى
لو كانو دفعوا فى الدنيا كان أرخصلهم وأحسنلهم وأكرملهم لكن أحسن احنا الكسبانين
حلال عليهم الخيبة والغباء

بصى ادخلى على المدونة دى وقوليلى هل ده اللى قولتيلى عليه ؟؟؟

http://mohamedaldsouki.blogspot.com/

Unknown يقول...

نونو
ما اكثرها تلك المواقف التى لا اعرف لاصحابها عقول ولا حتى رقة فى القلوب
وكأننا سنعيش بلا موت
ولا حسان ولا حتى ان يوم القيامة لا وجود له
سبحان الله
مش عارفة اقول اية بس اعتقد ان بعضهم قلوبهم غلف
ولا حول ولا قوة الا بالله

أختكم فى الله يقول...

ربنا يكرمك حبيبتى ويجعله فى ميزان حسناتك

جزاك الله خيرا

انا اسفة اوى على التاخير فى التعليق والله النت عندى والكمبيوتر بايظين انا حتى لما بعلق او بنشر اى حاجة بتكون من برة

ارجوك تقبل اعتذارى

bastokka طهقانة يقول...

الحمد لله على سلامتكم
الاوضاع الانسانية في مصر اصبحت من سئ الى اسوأ للاسف الشديد
الغلاء دمر نفوس الناس
ربنا يهدينا و يصلح حالنا جميعا
اسأل الله لكي الثبات على الحق
تحياتي

واحد من البلد دى يقول...

السلام عليكم

الواقع المرير يا سيدتى يتلخص فى كلمتين لرسول الله صلى الله عليه و سلم..

(عرفت..فالزم)

يجب على كل منا أن يلزم نفسه و ينأى بها عن كل ما يهدد إيمانه و يزعزع كيانه الإنسانى ..

وماذا أقول سوى....

لنا الله

دمتى بخير

حتى أجد عنوان يقول...

أختي عاشقة النقاب .. ذلك الواقع الذي تحكيه انما هو غيض من فيض .. عندكِ منه أكثر مما سطرتيه بلا ريب .. وعندنا منه الكثير الكثير .. نغير منه بقدر ما استطعنا .. ان استطعنا .. ونصبر ونتصبر ليصبرنا الله .. فانها دنيا لا راحة لنفس بها .. اللهم ارحمنا يا رب العالمين .. لك الشكر أختي والصبر لنا أجمعين

غير معرف يقول...

نونو شاكره ليكى زيارتك الكريمه لمدونتى وقريت مدونتك فيه حاجات كتير عجبتنى...وبخصوص البوست ده الناس للاسف اخلاقها من سئ لاسوا وطبعا مش كله بس الغالبيه وبقت الدين منظر فقط انما فعل لا ..بس متفهميش سؤ الخلق ده وراثه ولا اكتساب ولا ظروف اقتصاديه..وبخصوص الطبقه المتوسطه فابشرى نحن ننقرضوا ده لو اعتبرنا كذلك مش فى تصنيف تحت مستوى خط الفقر وربنا يوفقك فى العثور على شقه مناسبه ان شاء الله كل رمضان وانتى واسرتك بالف خير..فى رعاية الله وامنه وشكرا على زيارتك لمدونتى ..

ِِAdem El-Mahdy يقول...

أختنا

والله فى ناس اقظر من كده كتير

لكن الواخد مش بيحب يرد عليهم عاشان ميقل نفسه معاهم
لانهم فعلا ناس ما تستاهلش

أم أحمد المصرية يقول...

حبيبتي عاشقة النقاب
بعد السلامات و التحيات ووحشتيي مع عدد لا بأس به من القبلات
مالك يا قمر مكتئبة من الحياة ليه ما هي دي الحياة يوم حلو و يوم مر
حتي نشتاق للجنة
------------------
موقف السيارة بالذات اثر في جدا لان اول الصيف في ترللا هزرت مع سيارة او احمد هذا النوع من الهزار اما التفاصيل و الخسائر و طريقة التعامل فتحتاج لكتاب مش تدوينة الحمد لله انه خرج منها هو و بنتي بخير لأني لم اكن معهم
جهلها الله في ميزان حسناتكم و حسناتنا

مهندس مصري بيحب مصر يقول...

للأسف هو ده واقعنا
بس فعلاً المفروض محدش يسيب حقه
و الا يبقى ده تفريط منه

الفاتح اليعقوبي يقول...

97السلام عليكم
كيف احوالك يااستاذة وكيف احوال استاذ خالد اتمني رؤيتكم الاسبوع القادم في حفل التوقيع
والله الواحد مش عارف ايه اللي حصل في البلد البلد خلاص كله بياكل في بعضه واكتر موقف نرفزني بتاع سواق العربية اللي كسرت لكم الفوانيس
وطبعا استاذ خالد جزاه الله خيرا علي هدوء الاعصاب ده
والله ربك يمهل ولايهمل
وفكرتيني بالحاج لما كان حد بيدايقه وهو راكب العربية خلاص تبقي انتهت معاه مبيتكلمش بيخرب الدنيا علي دماغ اي حد بيدايقه
ربنا يكرمه
ويكرم استاذ خالد
وعامة لعله خير
والسلام

على عبدالله يقول...

السلام عليكم ورحمة الله وبركاته

هاقول ايه!!!!!!!!!!
لا حول ولا قوة الا بالله العلى العظيم
ولله العظيم لو كل واحد عرف الدين صح ماكنش فى مشاكل هاتحصل
او على الاقل مش هيبقى ده حالنا

ربنا يبارك فى حضرتك وفى زوجك وابنتك

وكل عام وانتم بخير

الطائر الحزين يقول...

اذا كان لك حق لازم تحاول تاخذة

حزينه يقول...

السلام عليكم

انا مش بكتب حاجه عن البوست انا بكتب ليكى انتى


لما عرفت انك منتقبه حبيت ادخل واعلق


وكمان حابه انى اتعرف عليكى اكتر


ومش تسالينى ليه بس حابه اتعرف عليكى وعلى تفكيرك




اختك
حزينه

حسن حنفى يقول...

حضرتك ليكي تاج عندي

ممكن تستلميه

:d

(صندوق الدنيا) يقول...

بارك الله فيك يا عاشقة النقاب
وجزاك الله خيرا

عمرو المصري يقول...

السلام عليكم

بداية أحييكي علي الطرح الممتاز
ومتفق معاكي في موضوع العربية
لكن
معلش سامحيني هاختلف معاكي في موضوع العيش
يمكن انتي بتشتري بجنيه بترمي منه سبعة لكن صدقيني في ناس تانية ممكن بتلاتة جنيه ميكفهومش في يوم
نوعية الناس اللي ممكن تلاقيهم طابخين حلة عدس ولا حاجة مشابهة وهما ماشاء الله عدد كبير
والحالة متسمحش زي زمان بحلة مكرونة جنبهم بعد الكيلو بقي ب 4 جنيه
طبعا ده مثال من أمثلة كتير جدا ولو وقفتي في طابور عيش وسمعتي حكاوي الست دي وغيرها هتسمعي حاجات مش ممكن تتخيلي انها موجودة
في البداية كل ده كان رفاهية بالنسبة ليا وكنت باقول كلام اكتر من ده ورغيف عيش ايه اللي نفكر فيه
امال الناس المحاصرة في الفلوجة في درجة حرارة 44 مقطوع عنهم الميه والكهربا ومحاصرين والمطلوب منهم يحاربوا كمان يعملوا ايه !1!1!!1

لكن
اتضح ان الموضوع مش هينفع يمشي كده مع كل الناس خصوصا لو فيه ناس ملزومة منك تأكلها وتشربها وتتولي كل مسئوليتها
لو هنتكلم ممكن نتكلم عن اللي ربنا ينتقم منه اللي وصل الناس ان اقصي تفكيرهم انه يصحي بدري ياخد الطابور من اوله عشان يلحق بكام جنيه عيش
مش بعفي الناس من المسئولية
لكن مش هاحملهلم كلها



اخيرا
ممتازة جدا مدونة العلمانية
ربنا يقدرك وييسرلك أمرها
بفكر في فكرة مشابهة
لكن مظنهاش اتعملت قبل كده

تحياتي

غير معرف يقول...

مدونة جميلة وشكرا على التعليق

rain man يقول...

ربما يكون هذا واقعا مريرا
لكن صدقيني
احيانا يحتاج المرء لاي شي كي يقع له
حتى و لو كانت المرارة ذاتها

الفقير الى الله يقول...

السلام عليكم ورحمة الله وبركاته
انا كل ما احاول انسى تفكريني ليه
كويس يا نونو ان حضرتك عرفتي تاخدي بجنيه عيش من غير ضرب ولا شتيمة ولا بهدله
لو كنتي في شبرا زي كده كنتي تعرفي الحال عندنا ايه انا مش هوصف الحال علشان حضرتك غاليه علينا ومش عاوزين يجيلك انهيار اعصاب حاد. يكفي اني انا بطلت اروح علشان خايف على شبابي ربنا يكون في عون اللي لسه في الطابور .
وبعدين الحكومه هتعمل ايه ولا ايه مش حرام عليكي احمدي ربنا انك بتخدي بجنيه عيش غيرك مش لاقين ده الحكومة منورة ايديها وصوبعها العشرة للشعب ولخدمة طابور العيش!!!!! ده في الاحلام

وبعدين فيه ملاحظه مصر مبتحبش الطوابير ولا الطوابير بتحبها
ليه علشان كل واحد عاوز يعمل نفسه فهلوي وحريف وناصح

حكاية العربية ده قصص كل يوم بتتكرر
يا سيدتي اغلب السواقين دلوقتي لما يحب يخلى العربيه ترجع للخلف ميضربش كلكس لو انتي وراه يرجع بالعربيه لحد ما العربيه تخبط رجليكي وتبعدي او لحد ما تنتبهي ان الناس اللي حوليكي بعدوا فجئه عن المكان انا اول مره قلت يمكن السواق معندهوش كلكس او بايظ بس لما السواق مشي شوية وبقى قدامه حمار طبعا مش هيعرف يعمل مع الحمار زي ما عمل معانا راح ضرب الكلكس رحت رايح وضربه علشان ميعملهاش مره تانيه يعني كان هيموتني علشان مكسل يضرب كلكس ويروح ضربه للحمار
المشكلة بيكون غلطان وبيقاوح
انا بنصح زوجك الحكايات ده مفهاش حلم ليه لان لو كل واحد سامح السواقين العبط دول هيكون بعد كده الحكاية ده فرض علينا ان احنا نسامحهم لا نبهدلهم ولو اضطرينا نخليهم يتسجنوا كمان نخليهم يتسجنوا الحكاية ده اصلها زادت اوي الايام ده
حكاية الست الكبيرة في السن
لا تعليق هو احنا ايه اللي مخلينا امه متخلفة مش علشان كده !!!؟؟؟

تحياتي

Unknown يقول...

نعم اصبح الواقع مرا

ربنا يتولانا برحمته

أمـ الله ـة يقول...

ويبقي الأمل ما دامت الحياة
كل عام وأنتي إلي الله أقرب وعلي طاعته أدوم

غير معرف يقول...

نونو..بجد موضوع طابور الخبز احان عندنا وفى الغالب كان..وكان فعل ماضى..الح.ريم لا يقف فية..لانة الصراحة غير ملائم لادمية الانسان وخصوصا النساء...شئ غريب..قريب لنا صلى الفجر وخرج مع طلعة النهار للوقوف فى الطابور طبعا طابور النساء
بجوار الرجال..اتفرجى بئة علية غير انك تجدى وجة بعض النساء (وفى الفجر)بها الوان الطيف والمعاكسات وغيرة..انتى عارفة..احنا عندنا نجوع ولا تقف نسائنا فى طابور الخبز..هذا فى عائلتى..بس طبعا المضطر وليس لة احد يقف فمضطر..تحياتى ولى عودة غدا للتعليق

اوعى تفكر يقول...

حسبى الله ونعم الوكيل
الاشكال دى بقابلها كل يوم
ومش بقول غير الكلمه دى
لان البلد دلوقتى ماشيه بالدراع

نور الدين (محمد الجيزاوى) يقول...

الاخت الكريمة
السلام عليكم
جزاك الله خيرا على كل مواضيعك القيمة التى دائما تذكرنا بالله
وهى خير دليل على ان فتاة الاسلام لازالت بخير مهما ع8وت حولها الذئاب
بارك الله فيكى
ويسعدنى ويشرفنى تواصلك ايتها الاخت الفاضلة حفظ الله قلبك تقيا نقيا
تحياتى
نور الدين محمود

حياتي كلها لله يقول...

السلام عليكم
ما شاء الله ....ربنا يباركلك يا رب
معلش الصبر جميل
بس هو اه حكاية طابور التوزيع ده إحنا معناش كده هو حضرتك من بلد اه

dr.Muslim يقول...

هذا هو الطبيعي في بلد كل هم القائمين عليها القضاء علي كل ما هو مسلم
بلد ضاع الاسلام فيها

بلد ضاعت العقيدة فيها

واذا ضاع الاسلام والعقيدة....فهو هباء

جزاكم الله خيرا وصبركم الله وايانا علي هذا الواقع السئ

koukawy يقول...

بمناسبة الدور
انا حصل معايا كده مو يومين في مجمع الجيزه كنت رايحه اخلص ورق و قدام الاسانسير طابور طويل وقف في اّخره
ووصلت لأول الطابور اخيرا في انتظار ان الأسانسير ينزل تاني
و جه واحد ببدله متأيف و راح واقف جنبي
فطبعا انا بصيت للست اللي ورايا و قلتلها هو مش المفروض يقف في الطابور ؟؟؟
الظاهر الست كانت عارفه اللي هيحصل
و لسه مكملناش كلامنا و قبل ما اقوله حضرتك في طابور
كان الأسانسير نزل و الراجل الساعي اللي في الأسانسير بيقولوا اهلا يا باشا و راح راكب قبل كل اللي واقفين ملطوعين في انظار تخليص مصالحهم
و مكانش في مقدوري غير اني اقول
حسبي الله و نعم الوكيل من قلبي

غير معرف يقول...

السلام علی المصریین

Unknown يقول...

عايز تتغير ؟ وتبقى واحد تاني .. شاركنا .. على مدونتي

Misrdream يقول...

الظلم ظلمات يوم القيامه
اللهم انا نسألك العفو والعافية

لؤلؤة الاسلام يقول...

بصراحة موضوع راااائع ز كمان بيحسسنا باللى احنا فيه لان كده بقى حالنا في مصر ده حتى احنا في المدرسةو لسه يعنى في الاعدادية و في مطاوى و غش و درجات بالظلم طيب يعنى ازاى كده بقى هنبقى صنااع المستقبل

و حسبنا الله و نعم الوكيل

و جزاك الله خيرا
و تقبلى مرورى

Unknown يقول...

مريت اقولك كل سنة وانتى طيبة
رمضان كريم

momken يقول...

ماشاء الله
ربنا يزيدك
كلامك للاسف كله صح

ربنا يجعله صدقه جاريه يصلك ريعها الى يوم الدين انشاء الله

واسال الله ان يتقبله علم ينتفع به يظلك الله به فى عرشه يوم لا ظل الا ظله

انا جاى اصلا اعيد عليكى واقولك كل سنه وانتى طيبه
وبالف خير

تحياتى

الميكروباص يقول...

تعليقا على السيده الملقاه في الشارع
العلاج في مصر أصبح للقادرين عليه فقط
وغير القادر - لا قدر الله- لو حدث له أي شيء هاتحصل له كارثه
وبناءا عليه الشخص العادي لو حدث له أي مكروه يمكن أن يبيع عفش بيته لكي يتم شفاءه
الدوله قالت أنها تفكر في عمل تأمين صحي على الناس كلها
لكن المشكله الأكبر ان تنفيذه بيكون صعب لأن فيه حالات بتكون حرجه ومحتاجه سرعه وعندما تذهب للمستشفى يقولون لك انتظر دورك
أرى ان المشكله دي ليس لها حل

ahmed_k يقول...
أزال المؤلف هذا التعليق.
صلطح يقول...

السلام عليكم
-----------
اختى العزيزه
والله وحشتونى خالص بس كانت مشاغل فى امور دنيانا
والحمد لله قد انتهى بعضها
وادعولى
اصل مطحون
فى المركز بتاع الدروس
وكمان
الى زاد ان انا شلت النت من البيت عشان اتخنقت من الراجل بتاع النت بس ان شاء الله
لن اتاخر عليكم ثانيه وتعلالى شوفى البوست الجديد وقولى لحبايبك

ان صلطح عاد والحمد لله

-=----------------
وصلطح صلطح ياعم الحاج

غير معرف يقول...

حبيت ااقولك كل رمضان وانتى واسرتك فى احسن حال وموضوعك فى القوارير للاسف المنى جدا الموضوع رائع بس مين يفهم اما موضوع العلمانيه فمش متفقه معاكى فى حاجات كتيرهفيه بس خلاف لا يفسد للود قضيه زى خلافى فى ان النقاب مش فريضه بس تفضل ..انا نفسى كده الخلاف والحب يبقى فى الله يعنى اختلفنا خلاص مش نقطع بعض فميش حاجه تستاهل اننا نخسر ادميتنا...لتانى مره كل رمضان وانتى واسرتك بافضل افضل حال ..وشاكره ذوقك وزياراتك الجميله لمدونتى ربنا يكرمك..اسيبك فى رعاية الله وامنه..