الأربعاء، أبريل 22، 2009

أخاف؟؟؟؟!!!!!!!!!!!!!!!!


فكركم ايه بس يخوف، الدنيا حلوة وجميلة ومفيهاش حاجة تستدعي اني أنا على الأقل أخاف

لا فيها شخصية تحسبها صديق وتشحتف روحك عليها وتفتح لها بيتك في كل وقت ويطلع حتى مش الاخر لسة الاول ولا يستاهل حتى يتبص في وشه

لكن لولا ان الواحد بيعامل رب العالمين كان زعل واتقهر المهم اني عرفته وفي صفيحة ----- حدفته

ولا فيها اهل كل همهم يتعبوك ويجرحوك يقصد او بدون قصد وعلى طول الخط لازم تسامح وتفوت اصل الجنة غالية وصلة الرحم بتوصل لها

الدنيا برضه لسة حلوة

ولا فيها ناس بتاكل حقوقك بالتدليس والتزوير والادعاء ولانك ماشي عدل ابقى قابلني ان عرفت تاخد حتة ارض تبني عليها بيتك ولا حتى تعرف تاخد حتة مكافأة انت الأحق بيها ودة كله ليه علشان ماشي عدل

لاعاوز تغش وتدلس ولا تتلوى زي التعابين ولا تقول هشتغل على اد فلوسهم

طب يا فالح اوعى تشتكي بقى

يبقى هخاف بس من ايه؟؟!!

نفسي اروح اعمل عمرة بس خايفة ارمي روحي في التهلكة اصل مش هعرف ادبر غير حق السفر على مركب وتبقى خيبة تقيلة لو طلعت السلام 98 الجزء الثاني

يوووووووه خليها على الله

ماشي بس ناخد بالاسباب

طب بقيت اخاف على ابني وهو رايح المدرسة

خايفة يتخطف ولا مدرس يضربه ضربة تموته ولا يرشه بشوية مية مغلية ولا ما اعرفلوش طريق

واخرتها يتقالي معلش ما كانش قصده

والله الواحد تعب خلاص بيشوف العجب كل دقيقة حواليه

شفتوا حملة الازهر اللي دلوقتي بيروحوا للسيدات العاملات المنقبات علشان يقنعوهم يكشفوا وشهم ؟؟؟!!!

يا ترى يا هل ترى هنشوفهم برضه يروحوا للي قالعين هدومهم وراشينها على جتتهم يقولولهم حتى احترمي نفسك في لبسك

ولا دي حرية شخصية وحملة الفيس بوك غير جائزيتعمل لها حملة من الازهر؟؟!!

طيب هيطلع لنا فتوى امتى بحرمة النقاب؟؟!!!

بس رُب ضارة نافعة ولا تحسبوه شراُ بل هو خير

عمر اليأس ما هيعرف لي طريق باذن الله

لاني عندي حُسن ظن بالله

حتى وان كنت قاعدة في امان الله والاقي هوووب عين راحت خابطة بنوتي في يوم ميلادها وتوقع علي صدرها شاي مغلي وتبقى عارف ان العين دي عين فلان ما هو خبطهالها عيني عينك كدة

الحمد لله يارب على كل حال

الحمد لله


طيب هخاف بس ليه خليها على الله

هو يعني فكركم انا اذا ماكنتش مخلياها على رب العالمين واصبر واحتسب كان زماني لسة بينكم

يارب انت العالم بحالي وغاني عن سؤالي

ألا بذكر الله تطمئن القلوب

اوعوا تفكروا اني بنكد عليكم بس لازم نفتكر كلنا ان مفيش حاجة تخوف ابدااااااااا

ليه بقى؟؟؟

لان الحمد لله كله يهون ما دام مصيبتنا مش في دينا

ومادام عندنا رب كريم بيتزل كل ليلة نزولا يليق بجلالة ويسألنا الاستغفار والدعاء

الحمد لله على نعمة الاسلام وكفى بها نعمة

جولدشتاين تعرفوه؟؟!!

تحبوا تعرفوا مين جولدشتاين؟؟؟


تجدوا ما لا تعرفوه

هناك 26 تعليقًا:

جنّي يقول...

السلام عليكم

يا خبر ابيض .. مالك اختنا الفاضلة وكذلك مجداوية .. الدنيا لن ينتهي منها من ينعقون والفاسدين المفسدين ..
والنقاب حرمته دكتورة ازعرية قصدي ازهرية وهي صداع صالح قصدي سعاد صالح ..

والعين حق ولكن عليا ان نحصن انفسنا منها ..

والاهل الزمن كفيل بتصيح الاوضاع واسأليني انا .. وبوصالهم كانما تسفيهم المل ..

اما الصديق الذي لا يستحق فقد وضعتيه في مكانه المناسب ..
والعمل أؤديه لابتغي وجه ربي اولا ولا انتظر تقدير من احد ..

العمرة والحج لمن استطاع وهو افضل ممن استطاع فمن اداها لا يعرف هل قبلت ام لا .. ومن لا يستطيع سقطت عنه .. وربنا يكتب لك الحج والعمرة ان شاء الله ..ويرزقك الله تعالى من حيث لا تحتسبين بالخير الوفير والمال الكثير وتؤدي حجك وعمرتك ان شاء الله ..

انا مسافر اليوم مساءا لمدينة رسول الله صلى الله عليه وسلم وسيكون لكي نصيب من الدعوات ان شاء الله في الروضة الشريفة ..

{وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ }آل عمران139

على عبدالله يقول...

السلام عليكم

شوى شوى اختى فى الله .....
قل لن يصيبنا الا ما كتب الله لنا ...
ما اصابك لم يكن ليخطأك وما أخطأك لم يكن ليصيبك ..
ما شاء الله كان وما لم يشأ لم يكن ..
نعم لابد ان نأخذ بالاسباب ... لكنها دعوة الى عدم الخوف الا من الله عز وجل ..

من تهيب صعود الجبال يبقى طول الدهر بين الحفر ...
اما عن اولادك فحصنيهم بذكر الله وحفظ الله ... يا غلام احفظ الله يحفظك ،احفظ الله تجده تجاهك ،اذا سألت فاسأل الله واذا استعنت فاستعن بالله ..


من قال انهم لم يحرموا النقاب ؟ للاسف فعلوا ما اكبر من ذلك
الم يقال انه بدعة ! .. اليس كل بدعة ضلالة ؟
بل احلوا زواج المتعة ، وحرموا التعدد
واحلوا السفور والفجور
وعظموا الارازل
صدقوا الكاذب ،وكذبوا لاصادق
امنوا الخائن وخونوا الامين
وليس ذلك بغريب عليهم فهم دليل لسنا فى حاجة اليه ،هم دليل على صدق من لا يحتاج الى دليل .. كيف لا وهو القائل
دعاة على ابواب جهنم ...
سنوات خداعات ،، ينطق فيها الرويبضه
فهم الرويبضة ...
وصلى الله على الصادق .

ومع ذلك اختاه .. حفت الجنة بالمكاره
قليلا من الصبر والمصابرة ... هكذا اتباع سيد الخلق ، غرباء هم دائما ،،، صابرين مصابرين محفوين بمعية الله

ان الله مع الصابرين

تحياتى
اخوك فى الله
على عبدالله

Mohamed Hamdy يقول...

فعلا الحياه اصبحت معدومة الامان

لكن دايما بنعمل اقصى ما فى ايدنا ونسيب الباقى على ربنا

تحياتى

محمد عبد الباسط يقول...

لعله خير

لا تحسبوه شرا لكم بل هو خير

واسال الله ان يحفظ اولادكم واولاد المسلمين

مدونة رائعه

تقبلوا تحياتي

حلم كبير

راجى يقول...

ومن يتوكل على الله فهو حسبه

Gannah يقول...

ازيك يا نونو؟؟
عودا حميدا
هو انتم بتكتبوا حاجات ليه كلها بتفكرنى باللى عايزه انساه؟؟
مش عارفه خلينا فعلا متفائلين
بصى بجد شيخ الأزهر ده الله يسامحه ويكتبله الخير بمنصب بعيد عن الأزهر اللى فى عهده شهد تدهور لا مثيل له وفقد مكانته وهيبته
نقاب ايه اللى بيقنع الناس تقلعه
الله يهديهم
طب مش بيقنع على رأيك الكاسيات العاريات ليه بالحجاب؟؟ ولا مش بيقول للحكومة الفاسدة اتقوا الله فى الشعب
أسوأ شىء عالم يبيع دينه بدنياه
ويزين الباطل
كفانا الله شرورهم كلهم ورزق مصر بمن يرحم أهلها ويتقى الله فيهم
تحياتى

mohamed ghalia يقول...

كيف يخاف من الله ربه
والإسلام دينه

نهر الحب يقول...

السلام عليكم ورحمة الله وبركاتة
كيف حالك يا نونو والله وحشانى جدا
كل دا خوف اتركيها على الله طول ما فى حياة كيد فيها صدمات وخوف لكن توكلنا على الله وثقتنا به تمحى كل الخوف ان شاء الله
اتركيها على الله

نهر الحب يقول...

احبك فى الله

مجداوية يقول...

السلام عليكم

اه دي فعلا نيلة
:)
هو أنا بهت عليكي ولا إيه وأنا في القاهرة !!

بجد الكلام ده !!!
الأزهر بيبعتوا ناس تقنع المنتقبات بخلع النقاب !!!!!!!!!!!!!!!!!
دي عايزالها ديشليون علامة تعجب

يادي النيلة وستين نيلة

بس تعرفي ايه اللي حيحصل

حيزيد عدد المنتقبات بصورة مفزعة لهم
ربنا دايما بيرد كيدهم إلى نحورهم
وكل ما زادت الحرب على الاسلام زادت عزته وقوته

وبكره تشوفي ان مكنش عدد المنتقبات حيزيد ابقي قولي مجداوية مبتفهمش حاجة

ورغم الحزن والألم لأننا بشر لكن يقين أن كل أمر المسلم خير

وربنا يبارك لك يارب

إبن مصر يقول...

السلام عليكم

انا مش عارف اقولك ايه انا عارف ان انتى واللى من اللى زيك دايما ماسكين جمره من نار كما وصف المصطفى امة هذا الزمان ممن يقبضون على دينهم
ولكن اعلمى ان الجنه هى الجزاء الأوفى لهؤلاء القابضين على دينهم
ومهما كانت النتائج بالنسبه لموضوع النقاب ده خليكى متمسكه بيه طالما هو العفه والوقار فى زمان ندرة فيه العفه والوقار حتى على السن علمائنا فى ازهرنا الشريف غصب عنهم مهما دنسوه علماء علمانين لا يعلمون ما يقولون ولكن يعلمون من يرضون ومن لا يهتم منهم بأمر المسلمين فليس منهم هكذا علمنا المصطفى

ان شاء الله هذه الحرب على النقاب تنتهى بلا فائده بل وسيزيد عدد المنقبات والمحجبات
"ألا ان نصر الله قريب"

كل التحيه لكى

والتقدير لنقابك

Khaled يقول...

الأخت الفاضلة نونو ..
هذة الحملة ليست موجهة ضد النساء المتنقبات ولكنهم يقولون أنهم يريدون لبعض المنحرفين ممن يرتدون النقاب من الرجال ليتخفوا من خلالة ليصيبوا بعضا من الجرائم أو التخفى أن يمتنعوا

أما الكاسيات العاريات فليهدهم رب العالمين فهو أقدر على ذلك ..

عودا حميدا

تحياتى

(أم البنين) يقول...

الحبيبة عاشقة النقاب
أسأل الله أن ينزل على قلبك السكينة واليقين
وأن ينعم عليك بالطمأنينة بمعية الله عزّ وجل
كتبت يوما عن النقاب ...وأتمنى أن تقرئي هذا الموضوع

http://httmamaelbaneenblogspotcom.blogspot.com/2008/12/blog-post.html

أم أحمد المصرية يقول...

حبيبتي الحياة يوم حلو و يوم مر طيب لو كانت حلو علي طول كنا حنشتاق للجنة ازاي
و لا ايه ؟؟؟
ربنا يبارك لك في صحتك و اسرتك دي اهم حاجة في الدنيا

همس الاحباب يقول...

لا حول ولا قوة الا بالله
وقل لن يصيبنا الا ما كتب الله لنا
اصبرى واحتسبى اختى فى الله
رب تكون محن من رب العباد وسيبدلها لكى منح باذنه
جزاكى الله خيرا
تحياتى وتقديرى

حسن حنفى يقول...

اهم حاجه ان الانسان يفضل عنده امل في ربه

انه لا ييأس من روح الله الا القوم الكافرون

اكيد الاوضاع هتتعدل طول ماحنا بنتكلم وبنحاول نصلح

mahasen saber يقول...

مالك بس يا نونو فيه ايه
خير ان شاء الله يا حبيبتى


انتى لسه شاغلك موضوع الشقه واخيرا ابنى بيتك ده بيقولوا بيدوا اراضى لاى حد بيقدم
حاولى تانى كده ربنا يكتبلكوا الخيران شاء الله

ربنا يباركلك فىاولادك وزوجك
عارفه كلنا بينتابنا لحظات خوف ده الطبيعى بتاع ايامنا

بس الايمان بقدرة ربنا هو اليى بيهون

norahaty يقول...

السلام عليكم ورحمة
الله تعالى وبركاته
لكِ حق والف حق فى
كل خوفك هذا
احياناً كثيرة
اتساءل بينى
وبين نفسى كيف
يطاوع قلب الام
تترك اطفالها يذهبون
بعيدا عنها ولو الى المدرسة
ولكنها سنّة الحياة الدنيا لابد
لنا من السعى والمشى فى مسالكها ودروبها ربنا سبحانه امرنا بهذا
وعليه لابد من الطاعة والامتثال
لامر الله والتوكل عليه والتسليم
اليه فى كل امورنا مش انا اللى حاقولك هذا ياام يوسف واخوانه
ربنا سبحانه يقويكِ ويرضيك
ويرضينا جميعا بما قسم لنا
وحسبنا الله ونعم الوكيل
فى الظالمين اجمين.

عمك ياض يقول...

ماشاء الله طريقه عرضك حلوه اوي

الدنيا سجن للمتلزم :( وان شاء الله ربنا حيعوض الناس بما لا عين رات ولا اذن سمعت في الاخره

استغربت ان حضرتك قولتي انك خايفه لا قدر الله العباره تغرق.. مش هو الغريق شهيد ؟ حد طايل :D ؟

Jana يقول...

من توكل على الله فهو حسبه
ارمى حمولك عليه ولا تخش شيئا..

اما عن اولادك فزمننا بقى عجيب والبلاوى كتيرة ..حصنيهم بالاذكار والرقية ..ووصيهم بالحرص المبالغ فيه

وعن الحج والعمرة ربنا يكتبهالك ويكتبهالنا .....

اما عن النقاب ...فده بالذات متخافيش عليه ..اللى وصلوا للمرحلة دى من الصعب حد يلعب فى دماغهم

ربنا ييسرلك كل احوالك يا نونو ويحفظلك اولادك ويباركلك فيهم

كلمة حق .... هويتى اسلامية يقول...

السلام عليكم ورحمة الله وبركاته

شاركونا النقاش حول أهم القضايا التى تواجه الأمة فى الوقت الحاضر

كن إيجابياً وشاركنا من اجل الافادة والاستفادة

أبو خيرى

كلمة حق .... هويتى اسلامية يقول...

السلام عليكم ورحمة الله وبركاته

شاركونا النقاش حول أهم القضايا التى تواجه الأمة فى الوقت الحاضر

كن إيجابياً وشاركنا من اجل الافادة والاستفادة

أبو خيرى

فليعد للدين مجده يقول...

الاستاذة نونو
لا ننسي أنن نعيش في الحياة الدنيا وقد سماها الله دنيا لانها ىبالمتبة السفلي
فليس فيها سعادة علي وجه الحقيقة
كلها هموم وغم

وقديما قال ابن عطاء الله
لا تستغرب من الأكدار ما دمت في هذه الدار

ربنا يثبتنا ويخرجنا منها طاهرين ثابتين

عبد من عباد الله يقول...

مش عارف اقولك ايه ... اقولك بقالي كتير ما جيتش هنا يا نونو اخبارك ايه ؟؟

بس النونو ما يعرفش الحزن و اليأس ده كده

و على فكره يمكن دي من المرات القليله اللي اختلفت معاكي فيها .... الموضوع مش اسود اوي كده و انا عن نفسي معنديش نظريه الناس الكدابه دي و الدنيا السوده و كل الكبار حراميه و الكل اللي في ايده منصب و سلطه بيسرق ..... و و و الكلام السودوي ده

لاني بصراحه انا موصلتش لحجم حد من كبار العلماء دول اللي في الاظهر ولا دار الافتاء علشان اقوله انت صح ولا غلط و انا مش بسهوله اني اسمع حاجه و اقول اه فعلاً دول بيترشوا سبحان الله على الدنيا ما هى خلاص بقى نقول يلا السلامه لأ...... يا اما اتقال عن ابو حنيفه و عن محمد عبده و عن الشعراوي نفسه و يتغير الزمان و تتغير الظروف و يظل الحال كما هو لأن كل واحد فينا عايز الناس تتغير و بعد كده هو حيتغير .

نعيب زماننا والعيـب فينـا
وما لزماننا عيـب سوانـا
ونهجوا ذا الزمان بغير ذنب
ولو نطق الزمان لهجانـا
وليس الذئب يأكل لحم ذئب
ويأكل بعضنا بعضنا عيانـا


الشافعي

احساس لسه حى يقول...

عزيزتى

هى الدنيا كده

ويمكن دنيتنا احلا من ناس تانية عايشة فى قهر وظلم اكبر

المهم تشوفى انتى عايشة فين وتحاولى تتعايشى مع دنيتك مهما كانت

وتقولى الحمد الله

وخليها على الله واعملى اللى يريح ضميرك

انا دخلت الموقع وقريت فيه حاجات كتير

شكرا يا افندم

سلام

عمرو المصري يقول...

النداء الأخير
من
ارض الحرب

انا عارف ان حضرتك مخنوق مني خنقة ما بعدها خنقة
يمكن لا ان شاء الله
بس انا بهول يمكن
عموما
اناعارف ان ردود الدعاية والاعلانات مملة وبتضايق صاحب المدونة جدا جدا جدا
لكن ارجو مسامحتي
فهذا هو التعليق الاخير الذي
اكتب فيه اعلانا لموضوع

اليوم يمر عامان علي مدونة ارض الحرب
ارجو المشاركة منكم
بالتعليق والنقد
او حتي بالممباركة والدعاء ان تستمر المدونة فيما تقدمه

حضرتك دعوة خاصة جدا جدا جدا

في انتظاركم
الدعوة مفتوحة
جزاكم الله خيرا