السبت، يونيو 19، 2010

ست الحبايب في البيت الحمد لله

تحديث
اولا الحمد لله ماما بخيروفي تحسن
وكانت عملت منظار في المعدة لانها كانت بتنزف والدكاترة عاوزين يعرفوا منين النزيف وبعد رعب دام حوالي ثلاث ايام المنظار حدد انها عندها قرح في المعدة هي اللي بتنزف بسبب كثرة الادوية اللي بتاخدها سكروضغط وكمان ادوية ومضادات حيوية كانت بتاخدها من حوالي 20يوم لانها كانت عاملة عملية جراحية لتاني مرة في سنة واحدة من مضاعفات السكر وكانت جراحة فقدت فيها دم كتير والظاهر الجراح نسي يكتب لها حديد ففقدان الدم في العملية مع نزيف القروح اللي في معدتها ادت الى هبوط في نسبة الهيموجلوبين وكان دة مفاجيء ودة بناء عليه استدعينا طبيب في البيت قال وقتها اعملوا تحاليل فعلا ابتدينا نعملها لكن اخر اليوم كانت ما بتقدرش حتى تتكلم واستدعينا الاسعاف وكانت مشورة المسعف انها تنتقل للمستشفى العبقرية دي الدكتور جالها البيت امبارح وشاف كل تحاليلها وكتب الادوية اللازمة وهي بحمد الله في تحسن وبكلمها يومي وبخليها تدعيلكم دوما ويارب ما اتحرمش منكم ولا من سؤالكم علي
اعذروني بحاول ازور مدونات لكن بنام وكاني بقالي سنين ما نمتش مع انهم كانوا خمس ايام بس
احبكم في الله




نفسي اقول كلام كتير اوي واحكي كتير اوي واقول لكم جزاكم الله خيرا كتير جدا وادعي لكم بدوام الصحة والعافية طول عمري

كل المدونين كلهم فرد فرد ساعدني بالدعاء او بكتابة تدوينة او باتصال تليفوني بقدم لكل واحد منكم وردة بيضا ودعوة من قلبي بالصحة والعافية فعلا رب اخ لم تلده امي

شوفوا بقى دعواتكم بالشفا عملت ايه المفترض ان الخميس امي تاخد كيسين دم حالتها اكتفت بكيس واحد فقط والمفروض الجمعة تاخد كيس برضه الدكاترة قالوا خلاص مالوش لازمة حالتها استقرت وعملوا تحاليل لها الساعة تلاتةصباح الجمعة والساعة واحدة ظهرالجمعة كتبولها خروج والساعة اربعة ظهرالجمعة امي كانت في بيتها بحمد الله

وانا رجعت بفضل الله تعالى بيتي في العاشرمن ساعتين بس بعد ما اطئنيت ان خلاص الحالة اصبحت مستقرة وهي بتقوم وبتمشي الحمدلله وبشوية ادوية وتظبيط في الاكل بعون الله كله هيبقى تمام

امي اد ايه مبسوطة بيكم وبتدعي لكم كلكم

طبعا حاولت احصد كمية التليفونات اللي كلمت اختي للتبرع او حتى الناس المسافرة برة واللي بتتصل تعتذرعن بعد المسافة لقيتها كتيرجدااا

ربنا يبارك فيكم والحمد لله على النعمة فعلا حب الناس نعمة كبيرة وانتم حبكم تاج على راسي ووسام شرف كمان

اشهد الله العلي العظيم اني احبكم في الله

باذن الله تعالى التدوينة الجاية هحكي معاكم اكتر واكتر عن حاجات شفتها ما صدقتش انها هنا في بلدنا وبتمارس مع المرضى وعارفة مدى ايجابيتكم وهنشوف لها حل

تحياتي ودعواتي لكم جميعااااااااااااااااااااااااااااااا




هناك 26 تعليقًا:

Empress appy يقول...

حمد لله على سلامتها

فاتيما يقول...

ألف بركة يا نونوووووو

و الف مليون حمدلله
على سلامة طنط


ربنا يا حبيبتى كبير قوى
و عارف غلاوتها عندكم
و عندنا احنا كمان




وممكن اطلب
منك طلب ؟


ممكن متشغليش بالك بالشكر
و لا الكلام دا
عشان احنا اخواتك
و دا كان واجبنا ابسط حاجة يعنى
عشان نطمن احنا كمان على الست الطيبة دى اللى طالما
عندها بنت بجمالك و اخلاقك
تبقى ست عظيمة اصلاً
من غير ما نشوفها


ممكن بقى تحاولى تاخدى نفسك
و تروقى و تفوقى من الأرهاق
و طنط كمان تاخد نفسها
و لما الدنيا تروق
ابقى اكتبى و قولى و سمعينا

و لو انى متوقعة لأنى كنت
مع خالتى برضو و مريت بموقف مشابه
بس الحمدلله كله بيعدى

و البنى آدم ف مصر للأسف
أرخص حاجة
و ان لم يكن اهله
فى صدارة الموقف دايما
مش هيجبوله كوباية مية حتى
يشرب بيها الدوا ..
اذا جه ف معاده الدوا اصلاً
و جه صح كمان


ربنا يتمم شفاء طنط
و يغادرها كل التعب يا حبيبتى


بلغيها سلامنا كلنا
و دعواتنا بالشفا
و بوسيلنا ايديها
و قوليلها
انها ربت بنت زى الفل
الناس حبتها ف الله
زى هيا ما حبتهم
فربنا ربط ما بين قلوبهم
و خلى الخير متضاعف
و دى نعمة من ربنا اولاً
و بركة دعاكى ثانيا
و دعا كل امهاتنا الطيبات


بوسات و حضونات يا نونو
لحد ما اشوف يوم
و اديهمولك بقى

Unknown يقول...

الاخت الفاضلة
الف حمد لله على سلامة امنا الحبيبة
بجد كلامك خلى جسدي يقشعر ومتأثر جدا بالحالة الجميلة التى ظهرت من جميع الاخوة والاخوات كما ذكرتى .
ربنا يخلهالك ولازمتخلي بالك منها كويس وتكونى تحت رجلها وجدها بنكم لا يعوض ولا يعرف الانسان قيمة الاشياء الا بع ...
لذا انصحك ان تستفيدى من وجودها معكم .
الله يرحمك يا امى نفسي اشوفها وحشتني
مش قادر اكمل

مجداوية يقول...

السلام عليكم

الحمد لله والشكر لله
الفضل لله وحده
ولكن من لا يشكر الناس لا يشكر الله فجزاهم الله كل خير كل من تبرع وكل من دعى بدعوة للوالدة الغالية

سلامي الحار لها ودعائي بتمام الشفاء إن شاء الله

حاجات جوايا يقول...

ألف حمد وشكر لله
ربنا يتمم شفائها على خير يارب ويرزقها الصحة والسلامة وطولة العمر
ربنا يبارك فيكِ يا نونو يارب وفى اولادك

الـسـيـدة نـون يقول...

الف حمد لله على سلامة مامتك يا نونو


اختك خيخة

همس الاحباب يقول...

الحمد لله حمدا كثيرا
الف سلامة وحمدلله على سلامتها الى منزلها
ربنا يتم شفائها على خير
ويطمنا عليها دائما
تحياتى

Mafrousa يقول...

حمدا لله على سلامتها
ربنا يخليهالك يارب

غير معرف يقول...

الحمد لله على سلامة الام الغالية

ويارب ادم عليها الصحة والعافية

موناليزا يقول...

:) الحمدلله ياحبيبتى
الف حمدالله على سلامتها

بلغيها سلامى وياريت تخليها تدعيلى ان ربنا يرجعلى حقى

أبو خالد يقول...

الأبنة الفاضلة /عاشقة النقاب
شفي الله الأم الغالية شفاء لا يغادر سقما و جعل ألمها و معاناتها في ميزان حسناتها و رزقك و أياها صحبة خير البشر صلي الله عليه و سلم

Unknown يقول...

الاخت العزيزة


بالنسبة لموضوع سلمى الفراشة الحائرة ..الذى كان مطروح.

لقد تم طرح القصة كاملة من جميع الزواية .

لذا يشرفني دعوت حضرتك ودعوت جميع الاخوة والاخوات للتفضل بالمرور علي المدونة والتعليق بجدية وحيادية ومن لة اى تجربة حقيقية يتفضل بالاستدلال بها لتعم الفائدة.
يشرفني حضوركم

ali-younes.blogspot.com
م/ علي يونس

shimaa elkholy يقول...

يا حبيبتى حمد الله على سلامتها وان شاله دايما فى صحه وسلامه

صدقينى على اد ما انتى فرحانه بالمدونين كده
انا كمان فى ازمتك لما شوفت ازاي الريدر عندي خلال ساعه كان كله بيقول عاشقة النقاب عايزه دم لمامتها الحقوا

حقيقى كنت فخوره بانتمائي لكم ربنا يخلينا لبعض
عزوه برضه يا ولاد


حمد الله على سلامتها يا حبيبتى وربنا يخليها لكم

مهندس مصري بيحب مصر يقول...

ألف حمداً لله على سلامتها
ربنا يتمم شفاها و يمتعها بالصحة و العافية

حنين القلب يقول...

الف مليون حمدلله على سلامه والدتك

ونورتى البيت يا ست الكل

ربنا ما يحرمنا منك ابدا
ويكمل شفاكى على خير

فاتيما يقول...

ماما عاملة ايه يا نونو ؟؟

طمنينا يا حبيبتى لو امكن

بوسات و حضونات يا حبيبتى

мαησηα يقول...

الف حمد لله ع سلامتها يا حبيبتى

ربنا يارب يتم شفائها ع خير ويحفظها

ويبارك لك ف عمرها

اللهم امييييييييييييين

ابقى طمنينا عليها دايما لو سمحتى

او اقولك انا باذن الله هابقى

ابعتلك ميل اطمن عليها

بس ابقى شيكى ع الانبوكس بتاعك

وان شاء الله دايما نسمع عنها انها بخير

ربنا يخليهالك يارب ومايحرمكيش منها

ابداااااااا ابدااااااا

اللهم اميييييييين

عاشــــــ النقاب ـقــــة"نونو" يقول...

مش عارفة اقولكم ايه
جزاكم الله خيرا ربنا يبارك فيكم ويديم الخيروالمحبة والمعروف ما بينا يارب
وكل عام وانتم بخير

Unknown يقول...

الف حمدلله على سلامتها
ربنا يكمل شفائها
على خير هى وكل
مرضى المسلمين
وما تتحرموا
من بركة
وجودها
بينكم
ابداً

momken يقول...

حمدالله على السلامه


تحياتى

قوس قزح يقول...

الف حمدلله على سلامتها
ربنا يخليها لكم يارب

richardCatheart يقول...

الف حمد لله على سلامه ماما

ربنا يتم شفها على خير

ويطمن قلوبكم يارب

ربنا بشفى عن كل مريض
يارب

ويخلهلكم

أنا - الريس يقول...

الحمد لله انها قامت بالسلامة
وربنا يشفيها ويشفي مرضي البشرية اجمعين .

وربنا يوفقك .. واسمعي كلام فاتيما .

мαησηα يقول...

جيت ابعت ايميل مالقيتش ف بروفايلك ايميل

ازيك عاملة ايه ؟

يارب تكونى بخير وف احسن حال

طمنينى ع ماما وقوليلى عاملة ايه النهاردة

يارب تكون بخير وف احسن حال

قوليلها تدعيلى يا نونو

تدعيلى ان ربنا يهدينى ويهديلى حبايبى

وييسسر لى الحال

ويكرمنى ولو فارقت غالى عليا يصبرنى ع الفرقة

ويبرد قلبى

انا طماعة اوى ههههه

بس انا بحس ان دعوة الام بتخرج من القلب

قوليلها تدعى وتقول يا منى يا بنت فاطمة

والله انا مش عارفة ليه انا حبيبتك جدااااا مع انى اول مرة اعرفك

سبحان الله

طمنينى ع ماما اول ماتشوفى تعليقى الله يخليكى

وخلى بالك منها ومنك وبوسيهالى

سلام بقه طولت عليكى

мαησηα يقول...
أزال المؤلف هذا التعليق.
بسمه عبدالباسط يقول...

حمدالله على سلامتها وربنا يديها الصحة ويخليها ليكى