الأحد، أبريل 06، 2008

معايا هدية


السلام عليكم ورحمة الله وبركاته

اولا عاوزة اعرف من حضراتكم ايه اخر اخبار الاضراب؟؟

للاسف لم استطع المشاركة فيه الا من خلال اضرابي عن الشراء اليوم

زوجي تولى المامورية :d

امتنعت عن احضار ابني من المدرسة

برضه الزوج مشكورا قام بالعملية دي نظرا لسوء الجو واتلككت يعني:d

وطبعا زي ما وعدتكم وضعت ايشارب اسود على الكرسي لان البلكونة تراب جدا:d

انما االغريب اني مش لاقية اي حد اعرفه او حولي معتصم

واشتم رائحة تدبيسة

يعني اشعر ان اللي نادوا بالاعتصام تراجعوا او انهم تم اعتقالهم قبل ما يقوموا بيه

بس سمعت برضه ان الاعتصام كان يقوده حركات زي كفاية ودول ليس لهم شعبية

عموما من لديه اخبار يتفضل مشكورا ويعلمني

=======================================================


الهدية

سمعنا جميعا عن فيلم فتنة

ايوة فتنة الهولندي المسيء للقران الكريم والرسول

حسبنا الله ونعم الوكيل

حزنت كثيرا لعرضه ولكني فرحت في نفس ا

ازاي؟؟؟!!!

سمعاك

حزنت بالطبع لانه مستعرض ايات مبتورة من موضعها والحقيقة لم استطع اكمال الفيلم لاخره

انما اطل علي من يومين اخ اكرمه الله ووضع رابط لمدونته يعرض فيلم فتنة برضه بس له شكل اخر

ولا انكر اني في البداية حصل لي غيظ لاني اسأت الفهم ولكن قررت اني قبل ما اعلق عليه ارى ما وضعه لعله خير

وفعلا طلع فيلم فتنة الحقيقي مش التقليد الهولندي الذي تم عرضه مؤخرا والحمد لله تم رفعه

ادعوكم جميعا لمتابعته ومتابعة المدونة في المجمل



عندي هدية اخرى

قبل ان تضغط اصدق النية وتوكل


لا تنسوني من صالح دعائكم



هناك 35 تعليقًا:

عاشقه الفردوس يقول...

هديتين مقبولتين ياعاشقه النقاب ربنا يبارك فيكي يارب

بحبك يامصر يقول...

جزاكى الله خيرا
وشكرا

مجداوية يقول...

قبل أن أشاهد سأدعو لك
ربنا يجزيك كل الخير ويجعل ما تفعلين وغيرتك على الاسلام فى ميزان حسناتك ويسعدك فى الدارين اختى الحبيبة

monaliza يقول...

جزاكم الله خيرا وجعلها فى ميزان حسناتك
بس ممكن تقوليلى ازاى انشرها او ازاى اطبق الفكرة

صاحب المضيفة يقول...

تقبلنا الهدايا


ودعونا الله تعالى أن يحفظكم من كل مكروه وسوء


وأن يجلع أولادك من حملة لواء هذه الدين



تحياتي

آلام وآمال يقول...

جزاك الله خيرا
جار الاطلاع على الفيلم
والف شكر على الهدية الرااااااااااااااائعة
ربنا يجعلها في ميزان حسناتك

راجى يقول...

اكرمك الله وبارك لكى فى الانجال

علاء سالم يقول...

السلام عليكم

الحقيقة إن موضوع الإضراب في تقديري أنا يعتبر نجح والحمد لله .
و دا مش معناه إنه كان إضراب عام بمنعى الكلمة.
لكن الضجه الكبيرة وذعر الحكومة وأجهزة الأمن وإنتشار الخبر في العالم كله كان من مظاهر النجاح.
وخصوصاً إن الإضراب لم تدعو إليه قوى سياسية ذات وزن أو شعبية وبالتالي فقد حقق أكثر مما كنت أتوقع له .

................
بالنسبة للفيلم فأنا ماعنديش خلفيه عن الموضوع دا ؟
هو فيلم واحد ولا إتنين ؟

أشكرك على الهدية الأخيره جعلها الله في ميزان حسناتك.

nonoymm يقول...

السلام عليكم
عاشقة الفردوس الله يعزك يا اختيوبوركتي
=====================================اخي بحبك يامصر واياكم يا اخي
====================================اختي مجداوية اكرمكي الله ونسال الله القبول وجزيتي الخير اختاه
====================================اختي امة الله اكرمك الله يا اختي
بالنسبة لنشر المدونة بتاعت الفيلم حطي رابط لها عندك
بالنسبة للبرنامج التاني برضه خدي الرابط وحطيه عندك وابعتيه في اي حتة ولا حضرتك بتسالي عن ايه وانا اقولك
تحياتي وودي
====================================اخي صاحب المضيفة الله يعزك يا اخي وربنا يتقبل دعواتك وجزيت الخير
=====================================اخي الام وامال اكرمك الله وجزيت الخير
===================================
=اخي راجي ربنا يتقبل وجزيت الخير
=======================================اخي علاء وعليكم السلام ورحمة الله وبركاته بالنسبة لي اشعر بانه فشل فشل ذريع وتحول لاضراب دموي راح فيه ناس واتجرح ناس واعتقل ناس
كان نفسي يدرسوه شويتين ومادام اختاروا يوم 6 ابريل زي غاندي كان برضه المفروض يحذوا حذوه
انما اللي حصل كان مؤسف بكل المقاييس معك اخي نقول صاحيين ومش نايمين وفاهمين وهنقول لا
انما نحطم ونخرب ويموت وينجرح منا وبعدها برضه اللي اتحطم هنصلحه على حسابنا من الضرايب
اهو دة بقى لا
ربنا يرحمنا بقى برحمته انما ماذا بعد ذلك؟؟؟
بالنسبة للفيلم اتطلع عليه من على الرابط ومش هتندم
ومش معقول اضع فيلم فتنة الهولندي الساقط عندي في مدونتي
حاشا لله
اتطلع ومش هتندم
ولا شكر على واجب
تحياتي لحضرتك

مفقوعة مرارتي من حماتــــــــــــي يقول...

ربنا يجازيكي خير ... شكراً علي الهدايا

محب الدين يقول...

جزاكم الله خيرا

وربنا يبارك في حضرتك

مفيش أخبار عن خطاب ؟؟

أصله من البلد المنكوبة ( المحلة )

ربنا يحفظه

واحدة مفروسة يقول...

nonoymm
=======
جزاكى الله خيرا.. بالنسبه للامس.. اطريت أسفه لشراء طماطم و خيار و طبعا اراجل ضحك عليا ودفعتى كتير..وخد كمان توصيل...
اما بالنسبه للفيلم..ان شاء الله حشوفه.. و بالنسبه للرابط..انا بعمله كله تقريبا.. بس انا بضحك فى و ش الناس كلها....وبحب الخير للناس كلها..مش بفرق..

أنا إنسان يقول...

ايه الهدايه الرائعه دي
الفيلم رائع
رائع بحد
وبعدين الايشارب من اسود
لا
علم مصر

راحــله يقول...

اختى الكريمه هذه اول زيارة وبامر الله لن تكون الاخيرة ..
انا زيك بالظبط نفسى اعرف الاضراب راااح فين ومين فى ايه؟؟ ملقتش حد اضرب برضو ولا انضرب حتى!!

هديتك ربنا يجعلنا فى ميزان حسناتك وربنا يبارك فيكى ويرزقك الاخلاص والرضا ...

النجم القادم يقول...

السلام عليكم

حماتى ازيك وازى خطيبتى

وربنا لو نشرتى الصورة قبل ما توريها لا اطلق البت انا حظرتك اهوت
بدل ماتشردى البت بدرى وتضيعى مستقبلها

جوزهالى دلوقتى وانا اخدها اربيها عندى هههههههههههههه

ربنا يباركلك يارب

والف شكر على موضوع الهدية الاخيرة جزاكى الله خيرا

عمر المصرى يقول...

السلام عليكم
جزاكى الله خيرا على هذا العمل الجميل
والهديه مقبلوه وربنا يجعلها فى ميزان حسناتك

فليعد للدين مجده يقول...

يمكنك قراءة ملاحظاتي علي الاضراب

http://drihabibrahim.blogspot.com/2008/04/blog-post_08.html

مع خالص تحياتي

مشتاق لله يقول...

هدية رائعة جزاك الله خيرا -احسدكم لانكم اضربتم - ليتني استطيع

الفاتح الجعفري يقول...

استاذتنا
ربنا يبارك في حضرتك
وهدايه رائعه فعلا
الاضراب بأي حال من الاحوال يعتبر نجاح كبير جدا مجرد حتي ذكر الكلمه له دلاله قويه علي بداية تحرك الشعب ,ولكنه للاسف لم يكن منظم ,ونجح الامن كعادته في دس البلطجيه واستخدام نظم قمعيه قديمه جدا لقمع المضربين مثل استخدام الهراوات والقنابل المسيله للدموع والطلقات الناريه بحق كانت مهزلة من جانب الامن ,والله المستعان
جزاكم الله خير

في حب مصر يقول...

السلام عليكم
اعتقد ان الاساءة للإسلام في عالمنا العربي أسوأ مائة مرة من الاساءة له في الغرب.
نقطة اخرى مهمة، وهي اننا عندما نشاهد هذا الفيلم المعروف باسم فتنة فإننا نحقق غرض الشخص الحقير الذي قام باعداده، والافضل ان يتم تجاهلة كلية، وكأنه لم يعرض.

تقبلي مروري

مهندس مصري يقول...

الفيلم بتاع الرد على فتنة كويس
أظن انك عرفتي من اللينكات عندي كل أخبار الإضراب

عبدٌ من عباد الله يقول...

ربنا يبارك لك
حقيقى فيديو واضح جدا
صحيح به بعص المخالفات
مثل الموسيقى التصويرية
و مصافحة المسلمة باليد بعد اسلامها
لانه من الواضح ان هذا الرجل هو سيخ المسلمين فى هذه البلد لكنه اولا و اخيرا ليس من محترمها

اجمالا
بارك الله فيكى

الحشرى يقول...

ربنا يبارك فيكى أختى الكريمة

بالنسبة للإضراب كان الأولى أن تقنعى زوجك وابنك ما يروحوا الشغل ولاالمدرسة كمان

ولكن ما فيه مشكلة ما دمتى بدأتى بنفسك

وجزاك الله الجنة على الرابط الرائع

nonoymm يقول...

السلام عليكم
مفقوعة مرارتها بعد الشر عليكي جزانا وااياكم حبيبتي ونورتيني
=================================
اخي محب الدين اهلا بحضرتك وجزانا واياكم مش عارفة عن خطاب حاجة لكن لا اعتقد انه حاليا في المحلة لانه اكيد بيمتحن ولازم مش هناك لان كليته اظن انها مش في المحلة شرفتيني
====================================واحدة مفروسة ربنا يعافيكي
ههههههههههه معلش بالهنا والشفا ربنا يجعلك دايما من اهل الخير حبيبتي ونورتيني
====================================اخي انا انسان الحمد لله انها عجبتك ربنا يبارك فيك ومعلش بقى اصلي ما عنديش علم مصر وقالولي ينفع ايشارب اسود
=====================================اختي راحلة ربنا يخليكي للاسف عرفت ولفيت امبارح وحصلي صدمة بالفعل لكن هنا في مدينتي الجديدة لم يحدث اي نوع من انواع الاضراب وجزانا واياكم اختاه ويشرفني زيارتك وتواصلك
====================================خطيب بنتي وعليكم السلام النجم القادم
هوريك صورتها عل الماسنج قبل ما انشر اي صور ما تقلقش لا متخافش مش هشرد لها وبعد الشر من ضياع مستقبلها خلاص انا ضمنتك اهو وهننكلبشكD:
الهدية الاخرة بس اكيد انت فهمت اني حاطة فيلم فتنة الهولندي لا شوفه دة فتنة العربي ودة رد على الهولندي
====================================اخي عمر المصري جزانا واياكم شرفتني
=====================================فليعد للدين مجده شرفتني حضرتك زائري الكريم لاول مرة وبالنسبة للرابط حالا حالا هشوفه
وشرفتني
====================================اخي مشتاق لله جزانا واياكم بس هتحسدنا على الاضراب دة طلع خيبة تققيلة ربنا يعافيك يا اخي ويبارك فيك
====================================اخي الفاتح الجعفري اهلا بحضرتك فعلا الناحية الايجابية في الموضوع هو تحرك الناس وربنا يكررم ويبقى فيه ايجابيات اكتر في االايام اللي جاية وربنا يستر تحياتي
====================================اخي في حب مصر عنك حق يا اخي ومعك مليون بالمية لن حاشا لله ان اعرض فيلم فتنة الهولندي على مدونتي
دة فيلم فتنة العرببي واللي بيرد على الهولندي ادخل وما تقلقش
شرفت مدونتتي
=====================================مهندس مصري ايوة عرفت للاسف جزاك الله خير
====================================اخي عبد من عباد الله
الموسيقى التصويرية مركبة من فلم فتنة الهولندي تقريبا وهي بيتهيالي بتخدم السياق اما عن مصافحة المسلمة بعد اسلامها فلا تنسى انها غربية ولسة طازة خارجة من عاداتوتقاليد منفتحة على الاخر ودة بالنسبة لهم عادي جدا وربنا باذن الله هيكرمها وتعرف حدود اسلامنا بس لسة داخلة ولا ايه؟؟
بارك الله فيك
=====================================اخي الحشري نورتني زائري الكريم لاول مرة
اعرف حضرتك ان زوجي يعمل عمل خاص وليس حكومي فلن يؤثر ولم يضربب احدا بتا في المدينة التي نسكنها في المجمل وابني برضه في مدرسة خاصة وفي اولى ابتدائي ومش هتفرق لان المدرسة برضه لم يضرب فيها احد بتاتا وبالنسبة لي فبرضه ما فرقتش الموضوع عندنا هنا كانه لم يكن في المجمل
علشان كدة قلت كان لازمم يبقى فيهه تنظيم علشان القريب البعيد يشارك بنظام نورتني وشرفتني واتمنى دوام التواصل بينا
تحياتي للجميع زواري الدائمين وزواري لاول مرة

ammola يقول...

السلام عليكم
يعنى اول زيارة تعملى فيا كده؟؟
هداياك مقبولة ومدونتك رائعة
أثابك الله الجنة وجعل مدونتك فى ميزان حسناتك

عبده الرايق يقول...

شكرا على الهديتين
ورحم الله محمد الدره
ورحم كل موتانا
شكرا لكى مره اخرى

خبيب يقول...

جاري تحميل الفيلم

شكرا على الهديتين

---

نفع الله بكم

ويسر لكم أموركم

وغفر لكم

nonoymm يقول...

السلام عليكم اختي امولة طب معلش حقك علي
نورتيمدونتي المتواضعة ويشرفني تواصلك جزيتي الخير
====================================اخي عبده الرايقاهلا بحضرتك تقب الله دعواتك واسعدني مرورك
===================================
اخي خبيب جزانا واياكم يا اخي
بوركتم اخوتي واحبتي في الله

nigro يقول...

السلام عليكم
أختي الكريمة الفاضلة
جاري تحميل الفيلم للمشاهدة
و جزاكي الله الخير كله على الهدية الثانية الرائعة فعلا و ما شابهها من قبلها
جعل الله ذلك في ميزان حسناتك

deja vu يقول...

عذراً على اقتحام المدونة هكذا لكن كما يقال "للضرورة أحكام"

في حملة فردية أقوم بالمساهمة على نشر وتوزيع فيلم "المُفتِنون" الذي يرد على الفيلم الهولندي "فتنة" ، بإرسال الرابط التالي لكل الداتا لدي من مواقع ومدونات وبريد

أرجو منكم – بعد المشاهدة - المساهمة معي في نشره من خلال قائمتكم أيضاً

شكرا لكم

Sorry for this sudden entrance in here but as said "necessity has its laws"

In a "singular" campaign I am making now to defend against the anti-islam Dutch short movie "Fitna", siting to every possible link and address

I wish that you be part of it by watching and forwarding the link below to all yours as possible, too

Thank you every one

http://dejavupress.blogspot.com/2008/03/blog-post_31.html

mostafarayan يقول...

الاخت الفاضلة عاشقة النقاب : شكرا لهداياك الجميلة هذه
اما مووضع الأضراب اناشايف انه نجح حتي لوكانت الناس مارحتش اشغالها ولادراستها بس علي الأقل الحكومة عرفت ان الناس ممكن تتحرك و لاتنسي ايضا ابطال المحلة العظام
وفقك الله لكل الخير

خمسة فضفضة يقول...

السلام عليكم ورحمة الله وبركاته

جزاك الله خيرا وجعله في ميزان حسناتك
وهديه مقبوله يا ست الكل وباحمل الفيلم دلوقتي عشان اشوفه علي رواقه

بس الرابط التاني بتاع مسلمه بيفتخ علي صفحه غريبه مش عارفه بقي اتغير ولا ايه ياريت بعد اذنك تراجعيه


سلام يا قمر

المستنصر بالله يقول...

عاشقه النقاب الله ماحلى الاسم الذى اخترتيه لنفسك
انا ايضا اعشق النقاب واتمنى من زوجه المستقبل ان ترتديه ان شاء الله
بوركتى اختى الفاضله وبورك زوجك الكريم
زادكم الله من فضله

نور يقول...

خدية مقبولة

ورائعة

نفع الله بك وجزاكي الخير كله

ادعوك لزيارة مدونتي

اختكم
نور

nonoymm يقول...

السلام عليكم اخي نيجرواوبارك الله فيك
واشكر مرورك الكريم
====== ===========================
deja vu
اهلا بحضرتك بس هنا بيتم عرض نفس الفيلم اللي بيرد على فيلم فتنة الهولندي وجزيت بالخير
==================================

اخي مصطفى ريان اهلا زائري الكريم لاول مرة انا شبعت كلام في موضوع الاضراب دة
وعرفنا كلنا ايه اللي حصل وربنا يستر في اللي جاي تحياتي لمرورك الكريم
==================================
اختي الحبيبة خمسة فضفضة اهلا بحضرتك فعلا الرابط التاني اتغير واضطريت احط الرابط اللي كان في البوست قبل السابق بداله معلش بئا حضرتك اتاخرتي على زيارتي تتعوض ان شاء الله
اسعدني مرورك
===================================
المستنصر بالله اهلا زائري الكريم لاول مرة
واشكرك على الثناء على اسم مدونتي وباذن الله سافرد تفصيل لسبب اختياري لهذا الاسم واشكر مرور حضرتك الكريم
==================================
اهلا اختي الحبيبة نور اكرمك الله وانا زرت فعلا مدونتك واستمتعت بيها ربنا يباركلك يارب
تحياتي لكل زواري