الخميس، أبريل 17، 2008

فوبيا

تحديث هااااااااااام
================

====================================================================







السلام عليكم ورحمة الله


احبتي واخوتي في الله


سمعنا جميعا من وسائل الاعلام المختلفة ولا سيما المدونات اخبار محاكمات الاخوان المسلمين ولا حول ولا قوة الا بالله


وادعو الله لهم بتفريج همهم وهمنا معهم يارب العالمين


في نفس الوقت الذي تمت فيه المحاكمة واعلان الحكم على جماعة الاخوان


توقعت كما اعتدت ان ارى المدونات المتخصصة في شتم وسب الاخوان المسلمين ولا سيما السلفيين وبالمرة من يظهر على مدوناتهم الالتزام ان تطل علينا باحقادها وغلها ولا سيما امراضها النفسية


لتعلن شماتتها وتاييدها للحكم وبالفعل وجدت


لكن وجدت في نفس الوقت اصحاب هذه المدونات يتناقلون خبر عن فتوى الشيخ عبد الحميد بن كلاب والتي زعموا فيها اباحة الشيخ لقتل الجنود المصريين على الحدود ونقلوا اصحاب المدونات السوداء هذا الخبر من كافة الوسائل جنبا الى جنب بخبر اخر يقال ان حماس تجهز لاقتحام حدود مصر وتشتري الاسلحة لاقتحام الحدود وصبوا اللعنات على حماس وفلسطين


وبالطبع لم ينسوا شتم وسب الاخوان المسلمين باعتبارهم على حد قولهم هم جناح لحماس في مصر


وحدث ولا حرج فيما قيل والملفت للنظر اني رايت هذه المدونات تكتب في نفس ذات الموضوع في وقت واحد ونفس الخبر باختلاف الصياغة للموضوع وبتنوع الشتائم


لا انكر اني في نفس ذات الوقت شعرت بالضيق لخبر الفتوى وخبر اقتحام حماس للمعبروما يشبه حرب علينا كما صوروه افتراءا


ولكني في نفس ذات الوقت فكرت بان حماس والشيخ ليس بمجنون لاصدار فتوى كهذه من شانها قلب الدنيا على ام راسه وراس اخوانه في فلسطين كما انني فكرت ايضا انه من الممكن ان يكون الخبر كلمات مقتطعة من كلام الشيخ هدفها يمكن ان يكون فرقعة صحفية او ان يكون هذا ليس الا كلام كاذب ولم يحدث اصلا و الهدف منه قطع اي طريق على اخواننا في فلسطين اذا حدث وتم وقوفهم على الحدود مرة اخرى فيكون هناك حجة لقفل وسد الحدود في وجوههم وعدم مساعدتهم باي وسيلة كانت


وفكرت هل حماس والاخوة الفلسطينين عندهم قذائف هاون والاسلحة والعتاد التي تم ذكرها في الخبر الذي يتناقلوه فعلا؟؟؟


واذا كان لديهم اليس من الاولى انهم يوجهوه لعدوهم ويحرروا انفسهم ؟؟؟ ام انهم يحتفظوا بها ليقتحموا به حدود جيرانهم تاركين ديارهم ؟؟


اي كلام يعقل هذا!!!!!!


افتراء عليهم وحسبي الله ونعم الوكيل


وفكرت ايضا لماذا يتم بث خبر كهذا في هذا الوقت بالذات الذي تم فيه اصدار الاحكام على قيادي الاخوان


والاجابة بالطبع حتى نتذكر ان حماس والاخوان اخوات فلا نتعاطف معهم


وتذكرت ايضا موقف هذه المدونات السوداء من الاخوان ايام اضراب 6 ابريل واقاويلهم بان الاخوان باعوا الشعب بعدم مشاركتهم في الاضراب بالرغم من ان الاخوان اعلنوا موافقتهم على الاضراب ولكن ان يكون منظم


وتذكرت اقاويلهم حول ان الاخوان ابرموا صفقة لتبرأة القياديين بشرط عدم مشاركتهم في الاضراب لكن جاء الحكم على القياديين مخيب لما قالوه فلا صفقة ولا شيء


وبالطبع عندما وجدت هذا الخبر












اصبحت متاكدة تماما ان هذه المدونات هي ليست الا لمدونين لا يكرهوا الاخوان او السلفيين او الملتحين فحسب


وانما لديهم فوبيا معروفة جلية اكبر من ذلك


بسم الله الرحمن الرحيم

﴿ يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ * هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ ﴾(التوبة: 32-

صدق الله العظيم[خالص تحياتي لاخي عصفور المدينة]


كل ما ارجوه من الاخوة المدونين مرتادي هذه المدونات توخي بعض الحذر مما يكتب
هؤلاء


ولا يتسرعوا في اصدار احكامهم الا قبل التاكد االتام خاصة وهم معروف نهجهمم




ما جعلني اكتب هذه التدوينة ما رايته من تعليقات لاخوة احسبهم على خير تأثروا باخبارهم وصدقوها




وكثيرا ما نراهم يضعوا الاخبارالمكذوبة اغلبها وعندما ينشر الحقيقي منها لا يكذبوا ما نشروه


وحسبي الله ونعم الوكيل


ادعوا معي ان يفرج الله هم وكرب كل مكروب اللهم امين يارب العالمين


تحياتي

هناك 50 تعليقًا:

ض/خالد يقول...

عند الخروج من صفحات هذه المدونة...نقول

(غفرانـــك)

mostafarayan يقول...

المفروض ان يكون اصحاب لمدونات هم اصحاب الثقافة العالية - المفروض يعني ناس عندها فكر ورأي وتتعامل مع التكنولوجيا -لكن هي ايضا اصبحت تتسم بالعشوائية تلك السمة التي اصبحت تميز كل شيئ في بلادنا
انا اري ان هذه اقل من ان ندخل عليها ونضيع فيها وقتنا
وكماقال ض/ خالد ( غفرانك )
صحيح غفرانك ربي غفرانك

وجهة نظري يقول...

شوفي حضرتك، قصص حماس والإخوان والقضايا في المحاكم العسكرية، وتهديدات حماس بإقتحام الحدود وفتاوي قتل الجنود.... إلخ قصص من عارفين أولها من أخرها، ولا عارفين فين الحقائق، علشان ببساطة كل الأطراف مبيتكلموش يوضحوا أي موقف... طرف يقول كلام الطرف التاني يقول كلام، ومحدش بيرد علي أي تساؤل، فتلاقي كل الشعب المصري تاية كالعادة أصدق دا والا أصدق دا، والنتيجة ولا حنثق في حد.

أعضاء الأخوان بيشجعوا رأي الأخوان وبيأيدوا حماس، ومستفيدي الحكومة بيشجعوا رأي الحكومة وبيروجوا ضد الإخوان.... طيب الراجل إلي واقف في طابور العيش دا مش فاهم حاجة، بيشوف ناس تانية من بلد تانية بتكسر سور بلده، وداخلين بحمير وعربيات نص نقل، وإعلام جايب صور عساكر مصريين بينضربوا وناس بتحدف عليهم طوب، تفتكري وهوا واقف في طابور العيش يقول إية؟ ما هوا محدش فاهم غير إلي بييجي لحد عينة وودنة، إنما الخلفية مفيش حد شرحهالة، ولو كاتب أو إتنين كتبوا عن الموضوع حتكون من وجهة نظر "أنصر أخاك المسلم في فلسطين".... يبص لنفسة في حسرة ويقولك "طب وأنا مين حينصرني في بلادي المحتلة؟ ماحنا طول اليوم بننضرب وبيتلعن سنسفيل أهالينا"

مشكلة الإخوان إنهم بينفذوا أفكار بعيدة عن ثقة الراجل العادي في الشارع، المواطن البسيط إلي قرب يقول الإسلام هوا الحل إية بس، (إستغفر اللة العظيم) إسلام إية ونيلة إية مأنا مسلم هوا أنا كفرت، بس الشعارات دي مجبتليش حاجة ومأكلتنيش عيش حتي. لا دا نافع ولا دا نافع خليني في حالي. فالمشكلة هنا إن محدش حس بية من الأول وساعدة وخد بإيدة علشان لما تيجي أزمة تلاقية واقف يصد معاهم حتي لو مش من منهم فعليا.

المشكلة التانية هيا تاريخ طويل مليان غيوم وتنظيمات ولجان ومكاتب إرشاد، طب ممكن دا كان ينفع زمان في ظل إحتلال أو حرب مثلا، طب لية مفيش دلوقتي إعتراف بأخطاء وتصحيح أوضاع بوضوح تام، دا بالإضافة لتصريحات نارية من المرشد العام زي ميكون بيرمي لأعدائة أدلة يحاربوه بيها.

فطبعا لما الحكومة تقولك حماس حتقتحم الحدود وتقتل العساكر المصريين، وبناء علي خلفيات سابقة، محدش حيصدق حماس، ماهي بقت تبع الإخوان، والإخوان حسب الإعلام أعداء الشعب المصري.

أنا كنت ناوي أعلق في مدونتي عن فتوي الشيخ بقتل الجنود المصريين، وعن تصريحات الأهرام بإستعدادات حماس والمتفجرات والهاونات، بس لقيت الكلام مش منطقي نوعا ما، في حاجة مش مظبوطة. كل الإستعدادات دي علشان محاربة مصر؟؟؟ دول معملوهاش مع إسرائيل!!

بالنسبة للمحاكمة العسكرية والأحكام برضوا بناء علي أزمة الثقة في كل حاجة مبقيتش مصدق مين والا مين، نظام مترهل شرس بيترنح وفي مراحلة الأخيرة بيلوش في الكل، والا إخوان مسلمين بيرفعوا شعارات بس مشفتش منهم دليل، بس سمعت عنهم أدلة معملوش حاجة علشان ينفوها، فتقعدي تقولي ما يمكن وما يمكن.... وفي الأخر حيرة وبس. مفيش معلومات حقيقية عن المحاكمة وإلي جري فيها وأسبابها والتهم، طب المواطن المصري يعمل إية؟

أنا مرة كنت برد في مدونتي علي أخ جميل في تعبيرة وأدبة، وبيدافع ويفند المزاعم عن جماعة الإخوان، وقلتلة في أخر حواري معاة "صدقني كل الشعب المصري مستعد ينسي أي أخطاء في تاريخ الإخوان ويمشوا وراهم ويساعدوهم، بشرط إن الجماعة تديهم الأول، تساعد الشعب الأول، خطط مش علي ورق، خطط بتتنفذ بجد، مستشفيات وجمعيات خيرية وأفران ووسائل نقل ومدارس وغيرة، حاجات مش ببلاش بس مافيهاش سرقة، ولكل الناس مش المسلمين بس، ومتقوليش دي وظيفة الحكومة، الحكومة ميتة أو بتحكم في حتة تانية مش في مصر".

أسف للإطالة عليكي، وشكرا لحضرتك.

عصفور المدينة يقول...

يريدون ليطفؤوا نور الله بأفواههم والله متم نوره ولو كره الكافرون


يريدون أن يطفؤوا نور الله بأفواههم ويأبى الله إلا أن يتم نوره ولو كره الكافرون


جزاك الله خيرا

سكــر يقول...

والله بجد انا مش عارف ااقلك ايه

لانى من الاشخاص اللى اتاثرو ببعض المدونيين اللى انتى ذكرتيهم

ولانى جديد فى التدوين

معرفشى الاشخاص دى

اتاثرت بكلامهم وزعلت

عمتا تحياتى لجرأتك

وحر رايك

وتقبلى فائق احترامى وتقديرى لشخصك

اخيكى فى الله

احمد

امام الجيل يقول...

يريدون ليطفئوا نور الله بافواههم ويأبى الله الا ان يتم نوره ولو كره الكافرون

دع الكلاب تنبح والقافلة تسير

خمسة فضفضة يقول...

السلام عليكم ورحمة الله وبركاته

ربنا يفك اسرهم ويفرج همهم

ةالناس اللي انهارده بتشمت ،ما يفتكروش ان ممكن يكونوا في يوم من الايام في نفس المكان ، الدنيا دواره والايام دول

حسبنا الله ونعم الوكيل

غير معرف يقول...

السلام عليكم -لاانكر ان شخصيتي تربت علي فمر الاخوان منذ الطفولة ولاانكر اني اتمعر من بعض القناعات لديهم لكني بحق اعتبرهم صوت الامة القادم ولم يتغير رآيي فيهم ابدا حتي بعد مشاكل غزة -ادعوا الله ان يفرج عن الكل -نصيحة لاتصدقوا الانظمة حتي وان وجدتموها تلوذ بالكعبة او علي عرفات -المشتاق لله

هكذا علمتني الحياة في ظل العقيده يقول...

إن بلائنا ليس في هجمة عدونا فحسب
بل إن من بلائنا فئة من بني جلدتناهي بمثابة بوق عدونا
لا دور لها سوى ترديد كلامه لكن بصوت أعلى
آله صماء يديرها على ما شاء ويريدها على ما شاء
يحركها للفتنة فتتحرك
يدعوها لتفريق الصفوف فتستجيب وتجيد التخريب
يريدها حمى تنهك فتكون طاعون يُهلك
يريدها لسانا فتكون لساناً وعيناً وأذناً ويداً ورجلاً ومقراضاً للقطع وفأساً للقلع ومعولاً للصدع
ما يشاء العدو إخماد حركة إلا كانت على يديها الهلكة

قد تهيأت فيها أدوات الفتنة فجنسها وفردها غبي العين عن طلب المعالي *** وفي السوءات شيطان مريد

أنى يرى الشمس خفاش يلاحظها *** والشمس تبهر أبصار الخفافيش

خلاصة القول في مثل هؤلاء سورة المنافقون فاقرؤا ان شئتم سورة المنافقون

الباحث عن الحقيقة يقول...

اولا انا مش اخواني وعمري ما انتسبت إليهم في يوم من الايام
رغم علاقتي الطيبه بهم كشباب وزملاء في الحياة
كل اللى كتب يتنقد موقف الاخوان من الاضراب " حمار" مش بيفهم يعني ايه سياسة ..ولا مقدر ان مشاركة الاخوان في الاضراب كانت هتكون كارثه هتخلي قوات الامن تطيح بجنون في الشعب وتاخد الحابل بالنابل وهيحصل صدام عنيف وربما مسلح في بعض الجهات وهذا شئ غير محمود العواقب
ثانيا : كل اللى تب بعد المحاكمات الظالمة يشتم في الاخوان فده انسان " قليل الادب" وليس عنده اي زوق اوى اى احترام
يا ريت اللى عايز يتكلم عن الاخوان ومواقفهم وما يتعرضون له ياما يكون بيفهم او يروح يتعالج من فوبيا الاخوان
انا الاخوان مقدرش اقول بحبهم , وماقدرش اقول بكرههم
لكن ..لازم نفهمهم ..علشان مش نغلط فيهم بشكل يسئ للى بيتكلم عنهم
اسف للاطاله
واسف لتعصبي وخروج بعض الاوصاف في حق هؤلاء ولكني لن احذفها لانهم بالفعل يستحقوها "بجداره"
شكرا

رفقة عمر يقول...

بجد اناباستغرب هانفضل ناكل فى بعض لغايه امتى
العدو متربص بنا واحنا بناكل لحوم بعض
ومتفرقين وهو دة اللى عايزة اعداءنا
ربنا يرحمنا من عنده
ويفك اسر الماسورين اللهم امين

صاحب المضيفة يقول...

أليست هذه سنة الأنبياء والمرسلين


كانوا يتهموا بالسفه والجنون


وهكذا سنة الأولين تجري في الاخرين


من كانت له غاية لم تعطله سفاسف الأمور


بوركتي على طرحك الجميل

أنا إنسان يقول...

انا لحد دلوقتي ما وصلتش لمدونه من المدونات دي
؟!!!!!!!!!!!!!
وعادي يعني
مش اول مره الاسلام ينضرب بالمسلمين او المتاسلمين
حسبنا الله ونعم الوكيل

مجداوية يقول...

اختى الحبيبة
عاشقة النقاب ,,ما منعنى من التعليق أن صفحة التعليقات كانت لا تفتح ولا أعرف السبب قد يكون ضعف فى النت عندى لأنها تكررت مع عدة مدونات فالتأخير غصب عنى فقد دخلت وقرأت التاجين السابقين ,,ومفيهاش حاجة لما يبقوا تلاتة بس طبعا مفيش مشكلة المهم أن تشرفينى بوجودك الجميل

والله اختى الكريمة أنا استغربت الخبر جدا وأرجعته لكل الأوضاع المقلوبة فاذا كان الوضع كله شاذ وغير طبيعى فلا عجب ولكن الله سوف يظهر الحق ان عاجلا أو آجلا
وبعد ما فعلوه مع اسراء فلن أصدق بعد الآن أى شىء من هذه الحكومة ففعلا لقد أنهت اى أمل فى اصلاحها
تحياتى وتقديرى اختى الكريمة فتحليلك أقرب الى العقل والمنطق

monaliza يقول...

اللهم اهدى شبابنا فانهم لايعلمون وهو احنا ناقصين فتنة اسمحيلى اختى الحبيبة اقول من خلال مدونتك ان التدوين رغم حريته الا ان هذه الحرية طوق حول عنوقنا وسنسأل عن كل كلمة كتبناها
اللهم فك كرب المكروبين وفرج هم المهمومين

أحمد سعيد بسيوني يقول...

بسم الله
العجيب سرعة رد شيخ الازهر على فتوي شيخ غزة - والتى افتريت عليه - بدون ان يتحرى او يسال عنها
ربنا يهدي
تحياتي

مسلم نفسه يعيش باالإسلام يقول...

بجد جزاكم الله خيرا وفك الله اسر اخواننا

و علي فكر انا كنت لسة في مدونة من المدونات الي نشرت هذا الخبر الكاذب

بس وصلت لحاجة حلوة اوي

الناس دي علمانين بيكرهوا الاسلام والمسلمين علشان كدا بدعوكم يا اخواني اننا نرد عليهم بجد علي ارضهم وفي ومدونتهم ونفحمهم كدا

وجزاكم الله خيرا

مسلم نفسه يعيش باالإسلام يقول...
أزال أحد مشرفي المدونة هذا التعليق.
shaimaa samir يقول...

انا شايفة والله
انهم بيوقول اللى عايزينه
ومدونى الاخوان بيقولواللى عايزينه
بس والله اصحاب النفوس الصافية
والقلوب النقية
والعقول النيرة
يدركون من الكاذب ومن الصادق
من يريد نهضةهذة البلد ومن يريد هدمها
ولكن كل ما احلم به
هو ثقافة حوار واقعية محترمة
لا تشوبها سباب ولا شتائم

موضوع قيم بجد حبيبتى

د/اجدع بنوته يقول...

ادعوا معي ان يفرج الله هم وكرب كل مكروب اللهم امين يارب العالمين

اللهم امين

وجامد جدا تشبيهك لحالتهم دى

بالفوبيا هههههههه

جزاكى الله خير

في حب مصر يقول...

المحاكمات اللي تمت للاخوان المسلمين دي اكبر مهزلة
يمكن لان الناس دي محترمة اتعمل معاها كدة

اللي فرسني بصراحة ان اليوم اللي قريت في خبر محاكمات الاخوان كان تحته مباشرة خبر تاني عن براءة هاني سرور اللي كان بيورد اكياس دم ملوثة للمصريين

عمار يا مصر

ونعم العدالة

تقبلي مروري

أنا مش موافق يقول...

عزيزتى

انا طبعا عرفت الموضوع متفبرك من اول ما قريته

واستاذ محمود رئيس جمهورية نفسى كان كاتب موضوع بيهاجم الشيخ وكانت هتتقلب هجوم على حماس والفلسطنيين كما

بس دخلت وهزقته واهو مسح البوست بتعليقاته

انا كنت داخل ابعتلك لينك لقطة الصحراء

لان اخر موضوع ليها بتهاجم اللحية والنقاب

http://catofdesert.blogspot.com/

ويا ريت تقولى كلمة لصحابك اللى بيروح عندها ومش بيقولها عيب هجومك على النقاب احنا لينا صديقات منقبات

احتفظى بالتعليق لانها ممكن متعرضهوش

معلش انا حبيت اعمل كده لانى شوفت موضوعها بالصدفه وقولت اولى بالدفاع عن النقاب

عاشقة النقاب

تحياتى


سلام

Whispers just for a Night يقول...

السيدة الكريمة

تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

nonoymm يقول...

السلام عليكم ورحمة الله
ضكتور خالد حمدالله على سلامتك يا اخي
اعزك الله هذه المدونة واشباهها حتى للاسف ما ينفع نقول واحنا خارجين غفرانك لان ببساطة المكان اللي بنقول واحنا خارجين منه غفرانك بيبقى له منفعة انما مدوناتهم والله ما فيها الا مزيج من البذاءات وزالامراض النفسية وهقول ايه بس ربنا يهديهم يا اولى بيهم
تحياتي لحضرتك
==================================

اخي مصطفى ريان للاسف الشديد اصبحت المدونات مرتع للمثقفين والجاهلين اعزك الله وللاسف لا يوجد عليها رقيب الا نفس كل منا وفعلا هي اقل من ان ندخل اليها ونضيع فيها وقتنا للاني انا وحضرتك نعرف ايه الحقيقة
فما بالك في من لا يعرف حقه علينا نعرفه بارك الله فيك وتحياتي لحضرتك
==================================

nonoymm يقول...

وجهة نظري اهلا بحضرتك ضيف ععزيز على المدونة لاول مرة
بالنسبة لقصص الاخوان وحماس وما على شاكلتهم بيتكلموا كتير اه فعلا لكن اصحاب هذه المدونات لا يلتفتوا الا لما يقال حولهم من اشياء تشعل فيهم الكره ويتغافلوا ردودهم او التكذيبات اللي بتطلع عنه المواضيع االلي بيشار اليها وحتى اذا طلع تكذيب او اتنشر خبر مخالف لما كتبوه يسارعوا بانهم مش مصدقين التكذيب او النفي طب ليه يقولك ما هم لازم يقولوا كدة طب حضرتك مصدقة ليه اصلا اللي اتكتب من الاول دي جريدة ودي جريدة برضه وفيه منطق وعقل برضه بنفكر بيه لكن لان المطلوب هو بث الكره والحقد فيهم اي الاخوان وحماس ومن على شاكلتهم يبقى اللي يكرهنا فيهم هو اللي نصدقه ونخلي الناس تصدقه
مافيش رد
لا حضرتك انا حاطة 3 روابط يقولوا فيه ردود اهو ليه ما حصلش تحديث حتى من باب الانصاف يا جماعة خليكوا محايدين احنا لا نملك تصديق او تكديب هذا او ذاك والايام جاية وبينا وهنشوف حراام يعني
الراجل اللي واقف ادام طابور العيش ايوة وانا منهم ما شفتش حاجة المسها بنفسي معمولة في الدايرة اللي تسكن فيها امي زيادة ونائبها اخوان بس برضه بسال نفسي ليه الاجابة ببساطة لانهم في المعتقلات واخيرا اهو في السجون ظلم وكمان ما شفتش برضه حاجة من الحزب الوطني اللي قعد في نفس الدايرة فوق ال15 سنة بس شفت يعيني انهم فاتححين اللي هما الاخوان يعني فاتحين بيوت غلابة وبيساعدوا الناس
ماحدش فهم الراجل اللي في طابور العيش ايوة اللي عاوز رغيف عيش ماشي بس في المدونات واللي بيروجوا للافكار دي هل كل المدونات دي بنفس الكلام وفي نفس الوقت وبالمنهج اللي هما متبعينه في مهاجمة الاخوان او المظهر الديني عموما مش فاهمين ؟؟؟ولا لهم هدف اخر ؟؟؟
الهدف دة هتلاحظ انهم كلهم فاتحين له مدوناتهم وواضح وجلي
حضرتك راجل الشارع هو اللي رشح الاخوان ل88 مقعد ولو ما كانش في ضييييق شديد بعيني لمسته كان هيبقى اكتر واكتر وانا من الناس اللي لازم هنتخب ومش هبقى سلبية مرة تانية لا انا ولا اهل بيتي لان اما نبقى كتير بيقولوا الاسلام هو الحل المسلم اللي تزعزت ثقته بكدة هيقول انا صح ناس غيري كتير اهم مستحملين وعافين وقالو ان الاسلام هو الحل وهيصبر
ايام الحرب الاخوان هما اللي ساعدوا في ثورة 52 والتاريخ شاهد واخطائهم اقروا بيها ولعلهم اعترافهم بحكاية موت السادات خير برهان
ايوة حضرتك جيت للمفيد موضوع الفتوى واقتحام المعبر حضرتك فكرت لقيته شيء غير منطقي فتوقفت لحد ما تستوضح الصورة وممكن جدا لانك مدون منصف ومحترم اذا تناولت الفتوى دي فعلا انها حصلت ونزل اخبار تنفي والشيخ نفسه نفى وكذب من الانصاف انك بئا تحط دة ودة وتقول رايك لكن تتناولها من جانب واحد ونبدا بقى سلسلة الشتم وبث الكره والحقد وفي وقت طالع فيه احكام ظالمة على قيادات في الاخوان يبقى دة اسمه ايه؟؟؟
بالنسبة للمشاريع الاخوان واعمالهم بيعطوا على قدر ما تسمح لهم الحكومة وزي ما قلت لحضرتك مش عارفين يحققوا اعمالهم لانهم في المعتقلات وفلوسهم بتتجمد وبالنسبة للاحكام لا حضرتك المحامين قالوا ان ما فيش شرعية للمحاكمات اللي تمت وانها جائرة والموضوع برضه جلي ليه بئا ما بيكتبوش الا عن السلبيات بس
ببساطة لفوبيا معينة
هتعرفها معايا قريب
الاطالة براحتك يا فندم تشرف وتكتب اي وقت تحياتي لحضرتك

nonoymm يقول...

جزانا واياكم اخي عصفور المدينة وانا بكتب الاية الكريمة كنت فعلا مش مقتنعة انها صح لاني كنت عميانة من العياط بئا من لعله
وربنا يبارك فيك فكرتني تاني بيها وصححتها اهو جزاك الله ك الخير
تحياتي لحضرتك
==================================
اخي سكر الحمد لله انيا بئا هدفي الناس اللي بتتأثر بالمدونات دي لانها بتسمع لهم بس فارجوك مزيدا من التحري عن اي كلام يكتبهه اي مدون وانا كمان لاننا اشخاص عاديين زي حضرتك برضه بنتناقل كلام زي اي حد احنا مش وكالات انباء ولا الهة احنا بشر بنقول الحقوالبا
طل فلازم الحري
تحياتي
===================================
اخي امام الجيل ربنا يعزك فعلا بس الكلام دة لازم يتوضح للي مش عارف وبيقرا لهم ويتاثر وانا هدفي الناس اللي بتصدقهم وينخدعوا في كلامهم
تحياتي لحضرتك
==================================
حبيبتي خمسة فضفضة ربنا موجود والايام دول فعلا وللاسف كلنا في مركب واحدة
تحياتي لحضرتك دائما منوراني
===================================
اخي المشتاق الى الله الله يعزك ومنورني دايما بكلامك تحية لحضرتك
=================================
هكذا علمتني الحياة في ظل العقيدة اثريت الحوار يا اخي بارك الله فيك ولا تغيب علينا يا اخي اعزك الله
===================================

nonoymm يقول...

اخي الباحث عن الحقيقة حضرتك بتقول كلامي اللي مقتنعة بيه وهو دة انا بالضبط والحرف بس اللي يفهم بئا انا مش اخوان بس باحترمهم جدا ونفسي ولادي يبقوا زي شبابهم كدة شباب يفرح واحسبهم على خير
بارك الله فيك
==================================
رفقة عمر حبيبتي ايوة حضرتك جبتي النهاية فالحين ناكل في بعض والاعداء هما المستفيدين وبيوفروا
امين يارب يتقبل دعواتنا
تحياتي==
==================================
اخي صاحب المضيفة لا فوض فوك يا اخي
اين نحن من الانبياء والرسل ربنا يرحمنا برحمته يارب
بارك الله فيك اخي
تحياتي
===================================
اخي انا انساناهلا بحضرتك يا ريت ما تبحثش عنها يا اخي خليك في حملة اخلاقنا
وخليك معانا في مشوارنا الحالم لاخلاقنا لعله يوصلهم
تحياتي
===================================
حبيبتي مجداوية
لا يا اختي لا تبرري اسباب فقط انا اشتقت اليك اختاه ربنا يبارك فيكي يارب وحاااااااضر ولا يكون عندك فكر خلاااص التاج هاخده اجاوب عليه الله يعزك يارب
تحليلي اختاه الحمد لله انا اعملت فيه فكري وعقلي انا ودعمته بما هو متاح من مادة اعلامية موجودة جنبا الى جنب مع الاخبار الاخرى لعل الله يظهر ابعض من الحق امامنا
الله يكرمك تحياتي
===================================
موناليزا امة الله الحمد لله ان حضرتك جيتي تقري يا ريتهم فعلا يفهموا ان الكلام اللي بنكتبه دة طوق على اعناقنا وسنسال عنه لو علموها هيتحروا ما يكتبوه بالفعل نسال الله الهداية للجميع
تحياتي
===================================
اخي احمد سعيد بسيوي اهلا بحضرتك زائري الكريم لاول مرة
اتعجب معك يا اخي في اتخاذ مثل هذه السرعة في امر كهذا ولم يتخ بضم الياء مثلهفي عمليات حفر باب المغاربة هناك في بيت المقدس مثلا وغيرها الكثير
تحياتي
===================================
مسلم نفسه يعيش بالاسلام
اولا اهنيك على النيك نيم جميل جداا واهلا بيك زائري الكريم لاول مرة واهلا بمدونتك وانا بشجع الرد على مثل هؤلاء فعلا لمن لا يعرف ولو انهم ما يستاهلوا وقتك بس معلش للضرورة احكامبصرااحة زودوها ولازم يدخلوا جحورهم من جديد الغريب يا اخي اني متاكدة تماما انهم عمرهم ما يرفعوا صوتهم بينا كدة وجها لوجه ولايقدروا يقولوا نصف اللي بيقولوه على النت لانهم اجبن من كدة بكتير ربنا يهدي يا اما ياخد
وحضرتك قلتها خايفين من الاسلام وهي دي الفوبيا اللي اقصدها
معلش انا مسحت تعليقك التاني لان حضرتك فهمت الاخ غلط هو يقصد كلامه على المدونات التانية مش مدونتي واشكر
حضرتك لرد غيبتي وادعوك لقراءة مدونته فهي مثال حي ورائع للشاب المسلم المثقف الواعي ربنا يؤجركم كل الخير
تحياتي وانتظر تدوينك

===================================
اهلا اختي شيماء سمير فعلا يا اختي بس فيه ناس بتنخدع برضه مهما كان ربنا يبارك لك وارجو دوام تواصلك
تحياتي
===================================
دكتورة بنوتة امين يارب وهي فعلا فوبيا حتى شوفي الرابط اللي سايبه الاخ انا مش موافق كدة
تحياتي==============================
في حب مصر اللي يعيش ياما يشوف تحياتي لحضرتك
===================================
اخي حسام انا مش موافق
اهلا بحضرتك
هقول لحضرتك تاني انها عملت البوست دة ليه ؟؟؟
برضه بسبب الفوبيا
وانا اقل من اني ادافع عن النقاب لانه مش محتاج اني ادافع عنه وببساطة شديدة اللي بتكتب هي فيه حالات فردية وممكن جدا يكون كدب وافتراء كعادتها اللي حضرتك عاهدها وللاسف بعتلها اسالها سبب استعدائها لبا على وجه الخصوص والادهى اني قلت لها باعتذرلك لو زعلتك ومستعدة اعمل لك تدوينة اعتذار بس بطلي توجهي كلامك ليا على الاخص على المدونات وابتعدي لكنها تنشر ما يحلو لها فقط وكلي اسى للااسف عليها لانها ابتدأت اسلوب احقر من انه يتبص له ربنا يهديها ويشفيها بئا
ما تتعبش نفسك بس حضرتك واعمل تدوينات تثري بيها وقتك احسن من الرد على التفاهات دي
نفعنا الله واياك
تحياتي لمرورك

nonoymm يقول...

Whispers just for a Night
اهلا بحضرتك اخي حاضر هشوف واتابع ونفسي اشارك بفاعلية وياريت كل زواري كمان انا بدعوهم لزيارة مدونتك والمشاركة
جزيت الخير يا اخي
بارك الله فيك
تحياتي لكل زواري الكرام

خديجة عبدالله يقول...

جزاكي الله كل خير أختي الكريمة

كلامك أثلج صدري فقد تضايقت بشدة من تلك الإفتراءات والأكاذيب علي اخواننا ..ولكن أعلم أن بإمكان الظالم أن يغيب الحقائق ولكنه لا يستطبع أن يخفيها

تزامن مع اعلان نتيجة محاكمة اخواننا وآبائنا الكرام الإعلان بتبرئة نائب الحزن الوطني في قضية أكياس الدم الملوثة وعجبي

ولكن لقوله عزوجل :"إن نصر الله لآت"

وأيضا قوله تعالي :"وغدا يفرح المؤمنون بنصر الله"

أشكرك أختي علي شهادتك الصادقة وأثابك الله كل خير

وأوافقك الرأى بخصوص تلك التدوينة التي كتبت تهاجم فيها صاحبتها النقاب والملتزمين ..للأسف لقد قرأت تلك التدوينة وهممت بالرد عليها ولكني تذكرت قوله تعالي "واعرض عن الجاهلين"
وقوله تعالي "إن الله يدافع عن الذين ءامنوا"

وسيظل دوما بإذن الله {الإسلام هو الحل }

أعتذر عن الإطالة وجزيتى كل خير

اوعى تفكر يقول...

طبعا الموضوع ده كله كدب فى كدب لتشويه صورة حماس والاخوان بقيادة
عبدالله به كمال
صاحب الفكر الشريف المدافع عن الحريه والديمقراطيه ضد طيور الظلام عميل امن الدوله فى الجرائد
لكن اتعجب من شيخ الازهر الذى رد على هذه الفتوى بدون التأكد من صحتها
ومهما فعلو لن يهزموا الاخوان
حسبى الله ونعم الوكيل

ammola يقول...

معلش يمكن تعليقى حيكون حاد شوية بس استحملينى
يعنى أنا نفسى أفهم الجهود اللى بتبذل فى تصنيفنا(كأننا بضاعة) كمسلمين دول اخوان ودول سلفيين ودول مش عارفة ايه مش يبقى أحسن أنها تتوجه لخدمة الدين بطريقة صحيحة؟؟أنا شايفة أن الكلام ثم الرد على الكلام ثم التعقيب على الكلام وكله من باب الانتصار لجماعة ما أو فريق(والله ساعات بقيت أحس أنها قلبت لاهلى وزمالك) وما ينتج عن كل هذا من تشتيت للجهود ومنابذة ومشاحنة بين أطراف مفروض انهم كلهم مسلمين..يعنى احنا كده فاكرين اننا بننتصر لديننا ككل واللا بننتصر لفريقنا اللى بنشجعه؟؟؟؟؟ والله هى مش الحياة مش طالبة كآبة على كآبتها علشان نسيب ديننا وآخرتنا وهى الحاجة الوحيدة الموثوق فيها كحقيقة مؤكدة هى والموت ونقعد نشوف مين قال ايه واحنا مع مين فيهم.انا باعتذر لك بشدة عن لهجتى بس الله يبارك فيكى أعذرينى بشدة برضة لان موودى سيء جدا جدا اليومين دول وبيزيد سوءه الهرج والتهريج اللى حوالينا.
بجبك فى الله ..والحب فى الله بيهون على الواحد حاجات كتيييير

الحشرى يقول...

بصراحة أختى الموضوع مهم جداً

ولكن أتمنى أن لا نعطيه أكبر من حجمه

لأن الكلام ده مش وليد اليوم أو أمس ولكنه وليد من أيام الأستاذ عمر التلمسانى و كانت الحوارات كبيرة وأيضاً الجميع مهما فعل الإخوان سيقولون الإخوان فيهم وفيهم ولن يسكتوا وبعد ذلك بيعلمون ما يفعله الإخوان

الإخوان ليسوا أصحاب سلطة علشان يقعدوا ويتكلموا ويقولوا أحنا عملنا و سوينا ولكن ما أريده أن نتركهم يتحدثون ويقولون ويتشدقون وبعد ذلك سيرون أن كل كلامهم كان خطأ وهذا والله ما حدث معنا فمعظم الناس كانوا يقولون الإخوان فيهم كذا وكذا
وهم نفسهم بعد ذلك تركوا كل شئ وبقى الإخوان وأيضاً علموا أن طريق الإخوان هو الأصوب والأصلح لأنهم يتعلمون من السابق ولايقبلون على شئ إلا إذا فكروا عواقبه وماذا تكون النتيجة والحمد لله فكرة ثاقبة وأيضاً عندما يخرج المرشد يقول أمراً يكون مدروساً قبل ذلك ويعلمون ما يقولون

بوركتى أختى الكريمة وأتمنى من الجميع أن نترك هذه المدونات ولا ندخلها و نضيع وقتنا فى قراءة كلمات لاتغنى غير أننا نضيع وقتنا بأشياء ليس لها قيمة

رئيس جمهوريه نفسى يقول...

بسم الله الرحمن الرحيم
الاخت عاشقه النقاب لم اتشرف بدخول مدونتك من قبل بس اول ما لفت نظرى كلمتك الاختلاف فى الراى لا يفسد للود قضيه
بخصوص تعليق الاخ مش موافق احب اوضح بعض الامور
اولا انا ما افتيتش فى الفتوى ولا علقت عليها انا كل ما فى الامر انى قريت التعليق فى الفتوى على صفحات جريده الاخبار فى مقال نص كلمه للكاتب احمد رجب نقلتها زى ما هى وقلت من تحت لا تعليق بدون ما اوضح انا مع الفتوى او ضدها
ثانيا: انا ممسحتش البوست انا رفعت البوست بعد ما انسان عزيز عليه اسمه ابوخالد صحح ليه موضوع الفتوى وقال انها مصدرتش من الشيخ انا رفعت البوست تحت شعار التراجع عن الخطاء خير من الاستمرار فيه وحتى لا تاخذنى نفسى بالاثم
ثالثا: السيد انا مش موافق احب اشكره على اسلوب التطاول فى الغيبه وكلمه هزئنى بس هو مكنش ليه الفضل فى التراجع عن البوست او رفعه وانا شكرت ابوخالد على التصحيح والراجل تقبل الامر بصدر رحب وعلق عليه واثنى على كده
فبس حبيت اوضح الحقيقه مش اكتر او ااقل

رئيس جمهوريه نفسى يقول...

اسف بس على فكره فى توضيح من الانسان المهذب ابوخالد على مدونه انا مش موافق بيقول فيها انه صحح الموضوع بتاع الفتوى تاكيدا لكلامى بس

محمود المصرى يقول...

بسم الله الرحمن الرحيم

بصراحة اسلوب الاخبار المكذوبة هذا هو دأب كل العالمانيين , وكان طبيعى ان يكون مصدره صحيفة قذرة مثل روز اليوسف , وعموما الحمد لله انها فضحت امام الجميع .

تعليق للأخ انا مش موافق
يا اخى الكريم ربنا يسامحك ويغفر لك , ايه بس لازمة الرابط القذر دا اللى انت حاطه ؟ انا كنت بطلت ادخل مقالب الزبالة دى , وكلمتك خلتنى ادخل تانى واتنرفزت بصراحة واتضايقت , يا اخى الحبيب دى انسانة جاهلة ولا اقول عنها اكثر من هذا , الا تعلم ان الرسول كان ملتحيا وزوجاته كن منتقبات ؟ وحاطة الصورة علشان تسخر من اللحية والنقاب , سبحان الله , والاكثر غرابة هو اللى بيعلقوا عندها وعاملين زى كدابين الزفة , والله العظيم سيسألهم الله عن كل استهزاء او سخرية او حتى مجاراة يقول الله تعالى ( وقد نزل عليكم فى الكتاب ان اذا سمعتم ايات الله يكفر بها ويستهزأ بها فلا تقعدوا معهم حتى يخوضوا فى حديث غيره انكم اذا مثلهم ان الله جامع المنافقين والكافرين فى جهنم جميعا )
اخى الكريم وكل الاخوةالكرام لا داعى لدخول مثل هذه الاماكن , وبلاش اخى تنشر مثل هذه الروابط , ولا داعى حتى للرد عليها وانا كنت قبل كده نقلت شعرا يقول :
شاتمنى عبد بنى مسمع **فصنت عنه النفس والعرضا
ولم اجبه لاحتقارى له ** ومن يعض الكلب ان عضا
تحياتى للجميع

Tamer Nabil يقول...

بصراحة الموضوع ضايق الواحد

وانا رديت زى اى انسان وطنى بيحب وطنة

ان هتكون نهاية حماس لو فكرت تعمل كدة

وبعيد عن صحة او كذب الموضوع احنا فى زمن وارد فية كل حاجة

تحياتى

أم حبيبه يقول...

اللهم آمييييييييييين


الحمد لله لسه قدرى مش جه مع مدونه من المدونات دى انى حتى ادخلها


تحياتى لكى اختى

الفاتح الجعفري يقول...

استاذتنا
عاشقة النقاب
ربنا يبارك في حضرتك ويحفظك
يقول الله عزوجل
المنافقون والمنافقات بعضهم من بعض يامرون بالمنكر وينهون عن المعروف ويقبضون ايديهم نسوا الله فنسيهم ان المنافقين هم الفاسقون
---------
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ

----------------------
ان المؤسسة الاعلاميه المصريه الان اصبحت مريبه بحق في اخبارها ونشراتها وموضوعاتها وبالفعل اصابع الريبه والاتهام تشير اليها
ويكفي ان يكون ضمن تلك المؤسسه مجلة روزاليوسف فهذه كفيله بأن تلحق العار بالامه كلها ناهيك عن مصر
-------
جزاكم الله كل خير

الربان يقول...

تحياتي اختي الكريمة

اولا... ندعوا الله ان يفرج كرب كل مكروب...و يخلص كل مسجون...

في رأيي ، ان الاخوان فئة من فئات الشعب المصري...يجب الحوار معهم.

انا لست مع الأخوان، و لكني أيضا لست ضدهم.....وكما ذكرت عاليه انا اطالب بحوار جاد معهم...لانهم في الاول و الاخر ابناء من هذا الشعب.


اسمحي لي ان اقول ان فتوي الشيخ الكلاب
تناقلتها جهات ...و قد اعتدت من حماس
ان يطلع احدهم بتصريح و بعد فترة يطلع اخر بتصريح مضاد....المهم اود ان اعلمك بأن حماس فعلا عنده الاسلحة التي ذكرتيها حضرتك...و مهربة من خلال
مصر ( الانفاق ، و المراكب )...و مع هذا لم تسلم مصر من الهجوم عليها و اتهامها بمحاباة فتح....و لم تسلم
من انتهاك حدودها سابقا...و الله اعلم
بما سيأتي لاحقا...

اجندة حماس للاسف بها مفرادات خارجية
من جهات لا تمت للفلسطينيين بصله.

اتمني من الله ان تعود حماس الي الجهاد ابتغاء وجه الله...و لا تتطلع الي ادوار سياسية لاقتسام كعكة الحكم لدولة ما
زالت اسم علي ورق.


معذرة علي الاطالة...و علي مخالفتي رأيك
و لكن كما تقولي انت الاختلاف في الراي
لا يفسد للود قضية...

تحياتي و تقديري و دمت بالف خير

وجهة نظري يقول...

إسمحيلي أزود شوية حاجات علي تعليقي.

في ظاهرة محيراني مش فاهمها، وغالبا محدش فاهمها بردة، إذا الحكومة طايحه إعتقالات ومحاكمات في الإخوان، لية مقبضوش ولا مرة علي المرشد العام، ولا النائب الأول؟؟ أنا مش بلمح لوجود تربيطات بين الحكومة والجماعة خالص، دا أنا حفترض حاجة تانية سيريالية تخيلية زي إن في سياسة ورا الكواليس بس مش ممكن تعلن لأسباب أمنية والناس إلي إتقبض عليها وإتسجنوا كان لازم يختفوا شوية لحد ما السياسة دي تتنفذ، لأ وكمان لعبة القط والفار بين الدولة المصرية وحركة حماس دي وراها حاجة مش مطلوب الشعب يفهمها دلوقتي، بس حيفهمها بعدين. عارف، سيريالية تخريفية بس بحب دايما يكون في تفسير ورا الكواليس ميخليش كل حاجة خيانة وظلم، أكيد في حاجة كويسة في الدنيا.

في حاجة تانية بعيد عن التخيلات المرضية إلي بتجيلي ساعات... الإخوان مكانش المفروض يدخلوا في السياسة والمحليات والإنتخابات، علي الأقل مش دلوقتي، لأن دورهم المعلن إنهم جماعة دعوية، تدعو للدين الإسلامي بالموعظة الحسنة، فكان لازم بدل ما يحصل صدام مع النظام يبتدوا يبنوا قاعدة مظبوطة بحيث إن الناس كلها تحبها الأول قبل ما تعلن خوضها للإنتخابات. بس بصراحة هما بأفعالهم مبيطمنوش الناس حتي، وأقرب مثل إلي حصل في نقابة الصحفيين، فمع إعتراضي جملة وتفصيلا علي المؤتمر المشبوة دا، بس بردوا بأعترض علي إستخدام القوة والعنف وإساءة الأخلاق في التعبير عن الإعتراض، وخصوصا إن مؤتمر زي دا ولا حيودي ولا حيجيب بس أظهر الإخوان بصورة المتعصبين الغير متقبلين للرأي الأخر المستعدين لإغتيال حقوق الأقليات. وغالبا إن هوا دا إلي كان مطلوب من المؤتمر إثباتة بدليل إن مكان إنعقادة كان نقابة الصحفيين علشان الفرقعة تكون أكبر والإخوان ساعدوهم يثبتوا دا بجدارة.

شكرا.

nonoymm يقول...

السلام عليكم ورحمة الله
اختي خديجة عبد الله
اهلا بحضرتك ولا تحزني يا اخت ولا تلقي بالا لاي كلام اقل ما يقال عنه هراء ربنا ييتقبل دعواتك اختاه وجزيتي كل الخير
=================================== اوعي تفكر تحياتي لحضرتك
اختلف لاني مش بدافع عن اخوان ولا حماس بعينهم ان بدافع عن حاجة اكبر من كدة تماما هي اننا نتحد مع بعض وبلاش نفتري على بعض في وقت كلنا لازم ايدينا تبقى في ايد بعض ومش اي حد يقول اي كلام نصدقه ونفتري عليه حتى مع التكديب ولاا ايه
ربنا هينصر الحق باذن الله في اي صورة كانت سواء اخوان ولا حماس ولا اكبر منهم هينصر الاسلام
تحياتي لغيرتك
===================================
امولة حبيبتي احبك الذي ااحببتني فيه
انا كمان لا احبذ التصنيف والمحاباة دة اللي ودانا في داهية للاسف
انا نفسي اعاني من هذا التصنيف شوية يقولولي اخوانية وشوية سلفية وانا اعتز باي شيء يمس اسلامي بس ما احبش تصنيفي يا عالم
ياريت فعلا نبقى ايد واحدة بجد واتمنى تكوني قدرتي تفهمي وجهة نظري انا في التدوينة دي ان اهم حاجة المفترض نعملها اننا نتحرى اي اخبار قبل ما نبدا نكيل الاتهامات والسباب وبعدين نندم
اسلامنا قالنا كدة
اكيد حضرتك معايا في كدة سواء دة اخبار عن الاخوان ولا غيرهم
تحياتي
==================================
اخي الحشري انا عن نفسي مع اي حد يقول يارب ويارسول الله
ودة انفع وابقى وياريت الناس تفهم بقى
ربنا يبارك في وقتك يارب
بس لازم نشوف المدونات دي بتكتب فيه ايه لانها ممكن تاثر في حد والحمد لله لا يرد على كل كلامهم لان فيهم الكلام الفارغ اللي زي غثاء السيل
وفيه كلام ممكن نتكلم فيه خصوصا اللي يخص وحدتنا ودينا
تحياتي لحضرتك
===================================
رئيس جمهورية نفسي اهلا بحضرتك زائري الكريم لاول مرة
واعتقد اني كتبت لحضرتك وجهة نظري
واتمنى ما حدش يزعل خالص من حد ونتفق مش نضيع وقتنا فيي الخناقات وانا صح وانت غلط
تعالوا نفتح صفحة جديدة ربنا يكرمنا بيها احسن
هنستفيد ايه بس دي زايلة وما باقي الا وجهه الكريم
معلش بقى وحضرتك خارج من المدونة وداخل ممكن تحطلي تبرع
هههههههههههههههههه
اصلي حسيت ان قربت اشحت
تحياتي لمرورك الكريم
=================================
اخي محمود المصري
اهلا وسهلا
العلمانيين حدث عنهم ولا حرج سواء في ادارةالحوار او التدوينات ربنا يعافينا منهم ومن تعصبهم
بالنسبة للتدوينة اللي اشار اليها الاخ مش موافق
هي بتشير لحالة فردية وربنا معاها ويريح قلبها
والله انا باشفق عليها من نفسها
معلش اسفة ان الرابط دة موجود على مدونتي للاسف رابط اقل مكان يوضع فيه هو المرحاض
بس انا باحترم زائري مش موافق واتمنى يجي بنفسه يعدل التعليق ويرفع منه الرابط احتراما لضيوفي
===================================

nonoymm يقول...

الاخ تامر نبيل اهلا بحضرتك زائري الكريم لاول مرة
فعلا كاي وطني وانا كمان اتضايقت اول ما سمعت الخبر وقلت يبقى الدنيا هتولع بينا
لكن قبل اصدار احكام وعمل فرقعات تدوينية شانها عمل دربكة للزائر عملت شوية بحث وتحري وشوية تفكير منطقي برضه والحمد لله طلع هراءات وبس
تحياتي لمرورك
==================================
حبيبتي ام حبيبة اهلا بحضرتك
خليكي احسن ما تعرفيشش بعيد عنك هتتصدمي زي حالاتي كدة فبلاش احسن
تحياتي لمرورك الكريم
===================================
اخي الجعفري لا فوض فوك يا اخي ولعل تدوينتك الاخيرة هي الرد الرائع لما حدث
تحياتي لمرورك الكريم
===================================
اخي الربان اهلا بحضرتك
نتمنى ان يفتح معهم حوار بالفعل ويعطى لهم فرصة لتنفيذ كلامهم ومشروعاتهم
لكن نقطة حماس عندها اسلحة وكدة عبر الانفاق وغيره حضرتك عندك ما يثبت هذا الكلام
لاني بصراحة مش داخل دماغي ابدا ان ناس زي دول هيوجهوا اسلحتهم الفتاكة دي لنا علشان يدخلوا يعرفوا ياكلوا ويشربوا هنا ويسيبوا بلدهم للعدواللي برضه ممكن يضربوه بنفس الاسلحة ويتحرروا
مش غريبة شوية
عموما الايام اهه هتورينا ايه اللي هيحصل واتممنى كل الخير باذن الله
انما حضرتك ليه صدقت بسرعة الاخبار الاولانية مع العلم برضه ان روزاليوسف معروفة بقذارتها
طيب الكرامة النهاردة نزلت تكذيب وبرنامج الطبعة الاولى امبارح
يعني ليه دايما نتسرع في تصديق الاخبار العدائية مش شايف حضرتك ان دة برضه وراه ان
ولا ايه
نورت مدونتيي واتمنى التواصل
===================================
اهلا وسهلا اخي وجهة نظري وشرفت مدونتي
وانا كمان بحب الكواليس فعلا
بس انا ما اعرفش ومش متابعة الاعتقالات الا اللي بتتعرض في التليفزيون واعرف ان عصام العريان اعتقل كتييييييير واتمنع من السفر اكتر واعرف ان المرشد العام برضه اتمنع من السفر كتير وممكن برضه تسأل حضرتك حد من المدونين الاخوان هيقولولك ويفيدوك اكتر مني
موضوع بقى النقابة
لسة ما لمتوش كويس لو تسمح تحطلي رابط اقرا فيه حبة وافكر معاك
ونجيب الكواليس
بس انا مش متابعة بقالي كام يوم مش بقعد ادام التليفزيون للاسف امبارح يا دوبك الطبعة الاولى والحقيقة وبس
تحياتي لحضرتك ولمرورك الكريم

حطم القيود يقول...

لما عجز الشيطان وياس ان يعبده المصلون في الارض سعى للتحريش بينهم

واكثر ما يؤلم ان ترى من يسبك ويقدحك هو اخيك المسلم

حرب لم تنتهى .... مصدرها خارجى للتحريش بيننا...واظهار عثرات كل منا للاخر

ليه احنا بقينا بنتلكك لبعض ع الكلمه...وفاكرين انى لما اشتم واحد م الاخوان او واحد سلفي دي شطاره...دى الخيبه بعينها....ربنا يهدى

ربنا يفرج عن اخوانا المعتقلين ويفك اسرهم ويرفع درجاتهم...وربنا يوحد كلمتنا ويجمعنا على طاعته...وينصر حماس ويقوى شوكتها حتى تكون سما يلهب حلوق اليهود الملاعين

خالص حبي واحترامى وتقديري

nonoymm يقول...

حطم القيود اهلا بحضرتك
ياريتهم يفهموا اللي حضرتك قولتيه يا ريتنا يبقى قلبنا على بعض ونحاول نحتوي الازمات مع بعض من غير ما نشمت فينا اعدائنا هنقول ايه بس
تقبل الله دعواتك نورتيني وشرفتيني
تحياتي

النجم القادم يقول...

حماتى الغالية منورة

ايه الشغل الجامد ده

ربنا يبارك فيكى يارب

بس الله ينور عجبنى ردك على تعليقات كتير

وفكك من المدونات دى دى مدونات مشبوه

Hosam Yahia حسام يحى يقول...

حسبى الله ونعم الوكيل

انا اعتبرهم اذناب لاساتذتهم

رؤساء مايسمى بالصحف القوميه


تحياتى لطرحك االرائع

دكتور بيطرى يقول...

اختى الكريمة جزاكى الله خيرا واعلمى ان الله بصير بعباده ويعلم المصلح من المفسد سواء كانوا اخوان او اى طائفة اخرى, ودين الإسلام دين واضح ليس فيه غبش ولا إعوجاج ومن يرد الله به خيرا يفقه فى الدين فلا يضل ولا يشقى فساعات تستغربى من كثير من الناس يحبون ان يعيشوا فى التيه والظلام بالرغم من وجود النور بجوارهم ولكنها عميت الأبصار وعميت القلوب التى فى الصدور

الفقير الى الله يقول...

انا جاي متاخر كالعاده
انا طبعا سلفي او وهابي او سني اي حاجة اللي عاوز يقول اي واحده يقول بس قبل ما يصنفني احب اسمع من لسانه ده مسلم وموحد لله قبل اي حاجة يعني السؤال هنا والاخوان او التبليغين او السلفين او اي حاجه كلهم بينهم عامل مشترك زي مسائل الرياضيات ليها عامل مشترك لو متخدش في الحسبان المسئلة هتكون صعبة هل الاسلام هو الحل ايوه الاسلام هو الحل سواء اللي رفعة الاخوان او الحزب الوطني او اي جنس مخلوق
لما الاسلام بيكون الاساس مكنش حد سرق ولا نهب هيخاف من ربنا يعني احمد عز بيبع طن الحديد ب6 الاف والله حراااااااااام
بتاع الزراعة كده وبتوع البنوك نتكلم في ايه ولا ايه
لو دول عندهم ذرة اسلام مكنوش يعملوا كده انا زهقت والله انا لسه صغير والمفروض اشوف مستقبلي بس اي مستقبل
لما ادخل مدونات مسلمين من بني جلدتي
ومعرفش اعمل حاجه الا اني اقول
..................غفرانك
تسلمي يا عاشقة النقاب
تحياتي

علاء سالم يقول...

السلام عليكم

للأسف إحنا محتاجين نعالج فوبيا الإسلام في بلادنا قبل معالجتها في الخارج .

وللأسف أيضاً أن هناك منا من يسيء إلى الإسلام أكثر ممن أساؤوا إليه في الخارج .

فإن كان هذا حال الدين في أوطانه فماذا ننتظر من الخارج ؟

ولا حول ولا قوة إلا بالله

خبيب يقول...

الله

شكرا جزيلا

بورك في قلمك

"يريدون أن يطفؤوا نور الله بأفواههم ويأبى الله إلا أن يتم نوره ولو كره الكافرون"

صدق الله العظيم