السلام عليكم ورحمة الله
أخوتي وأحبتي في الله
تعودت منكم على مشاركتي موضوعاتي بتعليقاتكم التي تثريني بحق وان أختلفنا في الرأي فهذا لا يفسد للود قضية طالما أن ذلك لا يخرج في مضمونه عن ادب الحوار
وانطلاقا من ذلك فقد رأيت أننا بما أننا في الحلوة والمرة مع بعض وعلى حسب ما فهمت من السياق التالي أنه سخرية بس مش عارفة احدد من اي جهة بالضبط وعلى ماذا بالتحديد وان كنت اشك ان هناك ربط ما بين النقاب والسلطة ولكن عجزت بالفعل عن ادراك ما يرمي اليه التعليق التالي ؛
فأرجوكم بعد قراءة تعليق الغير معرف التالي تشاركوني وتفهموني ماذا يريد بالضبط أن يقول هذا الغير معرف الشجاع بالضبط
عذرا أتمنى من حضرته أو حضرتها يكون لديها أولديه الشجاعة الكافية ويكشف لنا عن شخصيته اذا كان مدون محترم له مدونة ونتناقش لو كان كلامه يستاهل المناقشة.
وأوعدكم اني سأحاول جاهدة ان اقرب وجهات النظر حتى يهنا هذا الغير معرف بالا ويوسع ويكبر مخه وتفكيره حتى لا تكون قطعة القماش المسماه نقاب متعبة وتشغله لهذه الدرجة التي تجعله يدلو بدلوه هاهنا .
وأخيرا أشهد الله العلي العظيم اني أشفق عليكم جميعا يا من تجندون أنفسكم وأقلامكم وأفكاركم لمهاجمة قطعة قماش بدعوى التحرر وأدعوكم بشغل أنفسكم بما هو أجدى
فهذه حريتي التي أريدها ، لما تنكرونها علي ؟؟؟؟؟؟!!!!!!!!!!!
اترككم مع الغير معرف الشجاع الهمام
شر البليه مايضحك فى النقاب ابو عين واحدهومش بعيد يبقى له عشاق
ميزة الدكتور "نظيف" إنك تسمع عنه ولا تراه وتشعر كأنه رئيس وزراء سابق يعكف علي كتابة مذكراته بعد أن أكتفي بتحديد الأماكن التي تباع والأماكن التي تحرق لتذاع مع أحوال الطقس في فقرة توقعات الحرائق غدا والدكتور نظيف لا يعمل بخطة شاملة بل بمكافأة شاملة والرجل لفرط أدبه يبتسم منذ أربعين عاماً علي نكتة حكاها له زميل في مدرسة اللغات... وقد حضر الضاني للعشاء وسألنا: (هوه الراجل ده بيضحك علي إيه؟) فقال له أبي (بصراحة هوه بيضحك عليك) وحذرته أمي قائلة (مادام بيضحك عليك يبقي بلاش تهزر معاه مش عايزين مشاكل) وقالت أختي (والحته اللي تشوفه فيها سيبها وإمشي... هوه بيقعد فين؟) قال الضاني (بيقعد في العربية ورا السواق) قالت أمي (خلاص يبقي إنت تقعد قدام جنب السواق ومالكش دعوة بيه خالص وخلي كلامك مع السواق وخليه هوه يلم الأجرة) وقال أبي (ما بلاش تركب معاه خالص وخد الميكروباص اللي بعده) وقالت أختي (مادام مش معاك في الشركة بتركب معاه ليه؟) قال الضاني (هوه اللي كل شوية يقف لي بالعربية ويقول لي تعالي أركب معايا نعطلوا المرور) قالت أمي (هوه مش ممكن يدينا العربية نزف بيها البنت وياخد اللي هوه عايزه إنشالله عشرين جنيه) وقال الضاني إنه قرر أن يرتدي النقاب أبو عين واحدة ويصبح قرصان أعالي البحار علشان ما حدش يعرفه ويقف له بالعربية... قالت أختي (فعلاً أنا عندي صاحبتي لابسه نقاب بعين واحدة وأهلها بيعرفوها عن طريق الـ(DNA ) قالت أمي (أنا أكلته البتاع ده قبل كده وما عجبنيش) قال أبي (قومي يا وليه أغرفي ودوقيه لابن أختك) قال الضاني (متشكر يا عمي أنا لسه جاي من البيت ولقيت عندنا الفلافل سخنه عملت لها كمادات) صرخت أختي (عملت كمادات للفلافل يا ضاني بكره يا أخويا تاخدها السيما) صرخ الضاني (أنا عملت إيه يا عالم؟) قالت له أمي (برضه ركوبك العربية مع واحد غريب غلط).
الى هنا وأنتهى تعليق الهمام
يا مثبت العقل
هناك 45 تعليقًا:
هل هذا التعليق عندك؟ أم حضرتك اتيت به من مدونة أخرى؟
قالوا قديما
ولو ان كل كلب عوى ألقمته حجرا
لصار مثقال الحجر دينارا
وقال الشافعي رحمه الله :
إذا نطق السفيه فلا تجبه
فخير من إجبته السكوت
فإنك لو جاوبته سريت عنه
وإن خليته كمدا يموت
وقال الله عز وجل :
والشعراء يتبعهم الغاوون
السلام عليكم ورحمة الله
اخي الطائر الحزين التعليق عندي في التدوينة الماضية ولم انشره الا هنا حتى افهم ماا يعني هذا الغير معرف
اشكر اهتمامك ولو فيه اضافة ينوبك في ثواب
تحياتي
=====================
ابو اسامة اهلا بحضرتك واصدقك القول تماما ولكن بجد لم افهمه وان كان تعليقك بيوضح لي ان التعليق بتاع المذكور مش ولابد
بارك الله فيكم
تحياتي
ولله الناس دي صعبانين عليا
بيعملوا مجهودات جباره في سبيل ان الناس ينظروا لهم لأنهم من الأساس مجهولي الهويه ويحاولون البحث عن شيء مضاد للدين أو تفسير شيء ثابت بالدين على هواهم لأغراض في أنفسهم حتى يُقال عليهم أنهم متحررين وأصحاب أفكار عصريه وهم في الأساس لا نستطيع أن نساويهم بالتراب الذي يقفون عليه
فالتراب الذي يقفون عليه له قيمه عنهم
أما من يتخلى عن ثوابت الدين ليبين لنا أنه متحرر فهذا أهبل ومتخلف عقليا
وكلما بعث لي أحد الاصدقاء برابط لكي أقرأ ما يكتبوه أكاد أموت من الضحك على ما وصلوا إليه من العبط والتخلف
وكلهم بينقلوا المواضيع من بعض
فتجدي منتديات النصارى ينقل المواضيع من منتدى اللادينيين فلا يدافع عن ازدراء النصرانيه في منتدى اللادينيين ولكنه ينقل فقط المواضيع التي تسخر من الحجاب ليغيظ المسلمين في منتداه، ثم يقوم بنقلها عنه العلماني ويضعها في مدونته سواء كانت صورة أو فكره موضوع أو أي شيء آخر، والكل يدور في دائره واحده
ولي ملاحظه
لتتأكدي تماما أن هذه المدونات مليئه بالنصارى والشواذ جنسيا والعلمانيين والعوانس
يعني ناس عندهم مشاكل كبيره في حياتهم ويبحثون لهم عن هويه عن طريق مهاجمة الآخرين ونسيان مشاكلهم النفسيه التي يعانون منها وستظل معهم إلى أن يموتوا
لا حجه لهم ولا برهان سوى الجدال اللانهائي بغير علم أو عن جهل تام
الحقيقة اختى عاشقة النقاب انا مش فاهمة هو عايز اية بالى كاتبة و الا قصدة اية
هو لو فعلا عندة شجاعة يدخل و يقول هو عايز اية
و ثانيا انا شايفة ان النقاب مش بيضر حد و ان كنت انا راضية بية فادة حرية شخصية و مش من حق اى انسان اين كان ان يعترض علية لاننا مش بنعمل حاجة خطا
و لا خلاص مشاكل العالم كلها انتهت و العالم باة سعيد و مسالم و مافضلش غير انهم يهاجموا النقاب
لا تهتمى كثيرا فمن الواضح ان هذا المجهول لا يقصدك بالسخرية او يقصد الاستهزاء بالدين
يبدو انه يحاول الاستظراف فقط لا غير
دمتى بكل خير
استنى شوية التعليق عاوز قراءه متفحصة ،حيث ان الرجل او السيدة يحمل، تحمل فكر عميق ويحتاج الى بعض التأمل حتى نتعرف على افكاره ،ونحلل شخصيته ا،شخصيتها وذلك يتطلب وقتا كبيرا
ويا ريت لو يساعدنا هو ويوفر علينا الوقت والمجهود
والافضل من ده كله انه طالما بيتجاهل نفسه ؟؟ يبقى تتجاهليه احسن وتريحينا
من وجع الدماغ والصداع اللى بيسببهولنا بتوع اللى هم مش وراهم شغلة غير النقاب
هم لسه ماتعبوش من كتر الزن
لا حول ولا قوة الا بالله العلى العظيم
ملحوظة
واجب علينا احترام رأيه برضو
تحياتى
يا مثبت العقل
بس
سبحان الله
هو ايه اللى دخل النقاب فى القصة القصيرة دى
:)
مشكلتنا ان ادب الحوار عندنا بس نادر اوى
يعنى حتى لو عند اى حد مشكلة فى النقاب يتلكم يتحاور
مش يتريق
هيكون رد الناس عليه ايه
يعنى لو صاحب مبدا ونفسه الناس تتبع مبداه
محدش هيتبعه بالتريقة والهجوم
بس فعلا اصحاب المبادئ الفاسدة لا يوفقهم الله الا للوسائل الفاسدة
لتموت مبادئهم معهم
لا اله الا الله ...انا استغربت الاول وجود نظيف فى الموضوع وبصراه ضحكت على جزئية نظيف دى وفضلت ااقول ايه علاقة ده بنونو....
....
لعدين فى الاخر عرفت هو بيتريق على النقاب وبيسخر منه شوفى يا نونو برغم ان انتى عارفه كويس وجهة نظرى فى النقاب وانه مش فرض بس انا ضد الوقاحه اليى فى التعليق مش معنى انى ابقى مش مقتنعه بحلجه انى اسخر منها ولا من اليى لابسها بشكل مهين ..طب ليه لما بعض الناس بتسخر مثلا من البنات الغير محجبات بتقوم الدنيا ومتقعدش باسم ان كل واحد حر طب ما النقاب كده برضه كل واحد حر ...
......انا اعز صحباتى لبست النقاب برغم ان مامتها واختها وانا وكتيرحواليها حاولنا نغير وجهة نظرها بس طالما قناعه شخصيه خلاص اتحول اعتراضنا لاحترام ليها ولوجهة نظرها
....
فيا نونو ااقولك يا حبيبتى نقدرنعتبر التعليق ده وبكل ثقه خزعبلات واحد او واحده غير معروفه
..او بالاحرى قلة ذوق وانعدام اخلاق..
....
اليى عنده الشجاعه للاختلافمع حد يواجهه ويناقشه مش يتريق عليه ويجرى
.....
سيبك انتى ولا يهمك يا جميله المهم الولاد كويسين فى المدارس ...
انا مش هعقب علي التعليق لان زي ما قال ابو اسامه اذا نطق السفيه فلا تجبه فخير من اجابته السكوت والمفترض اللي عاوز يقول وجه نظر ليه يعرضها باحترام علي الاقل علشان حد يتقبلها ويناقشه فيا
تحياتي
هو الحقيقه انا مش فاهم التعليق
هو ايه علاقته بالبوست بتاعك الى فات
يعنى ممكن يكون هو بيعمله كابى وبست فى كل مدونه بيروحها زى الجماعه بتوع مقالات الهزيمه كده
بس هو مالوش اى علاقه بالبوست خاالص
كمان انا شيفه بيخبط فى اى حاجه وكل حاجه
فى الحكومه بيخبط من قريب جدا وفى الاخر فى النقاب ولو انى مش شايف صراحه فى كلامه
كونه يقول النقاب بعين واحده ماشى ده وصف واجمل مافى النقاب انه كده
وكونه يقول ان المنقبات مش بيتعرفوا الا عن طريق (دى . ان . ايه) يبقى متشكرين يبقى كده النقاب قام بدون
مصدقه لقوله تعالى
بسم الله الرحمن الرحيم
(يا ايها النبى قل لازواجك وبناتك ونساء المؤمنين يدنين عليهن من جلبيبهن ذلك ادنى ان يعرفن فلا يؤذين وكان الله غفوراً رحيماً)
يبقى البنى ادم مغلطش دى حجه ليكى يوم القيامه انه مش بيعرفك ابدا ولو حاول
عارفه انا شايف كلامه مدح مش ذم ولا تريقه
ولا هنقول عليه كلب بيعوى ولا حمار بينهق ابدا
احنا هنقول ينصر الله دينه على لسان اعدائه
متزعليش نفسك خالص
تحياتى
أعتقد أن القليل من يفهم لغة الحوار
والكثير هم من يجادلون من أجل تضييع الوقت , ومن أجل الإنتصار للنفس , وعندما يجدون أن الحق سينتصر يولون مدبرين .
الحمد لله على نعمة الإسلام
انا مقدرتش اوصل لحاجه
رغم انى قرأت التعليق مرتين
بس انه يتكلم عن النقاب يسخريه
فنقوله اتقى الله
مع انه
(ليس على المجنون حرج)
السلام عليكم
ــــــــــــ
عشقتى النقاب .. واعلنتى عن ذلك بكل فخر وحب وقناعه وحريه فنقابك حين اذ يكون مصدر اعتزاز وكرامه وشجاعه
ـــ
اما اسمه ايه الغير معروف اراه قد انتقب واخفى كل معالم وجهه وراء الجبن وعدم الاتزان وعدم القدره على المواجهه وكفاكى وجوده صاغرا ضمن صفحة تعليقاتك.
ــ
ــ
ـــ
بغض النظر عما تميل اليه نفسى ان كان النقاب فرض او فضل ففى النهايه حرية الرأى والتعبير عن وجهة النظر والحوار له اصول لا يجب ان يتعداها احد حتى لو لم يكن غير معرف
ــ
تحياتى
الاخت الكريمة الدنيا مليانة بأمثال هؤلاء فلا تتعجبين من ذلك ولكن ينبغى أن نتركهم يؤثرون على نظرتنا الى النقاب الذى هو فرض الله كما ذكرت العديد من الادلة وإن لم يكن فرض فإنه سنة ولا يجوز للأح أيا كان أن يستهزأ بسنة من السنن جزاكى الله خيرا على إثارة مثل هذا الموضوع
أختى الفاضلة نونو ...
تعلمين أننى أحب أن أزور مدونتك دائما برغم سر لا تعرفية حتى الأن عنى ...
أننى لست ممن يفضلون النقاب .. ولا أرفضة ..
لا تنزعجى فسوف أشرح لكى ....
أنا أرى فى الحجاب العادى أى ظهور الوجة و الكفين .. زيا إسلاميا مميزا و محتشما و هو ما فرض على المسلمات
....... و لكن
أن تتخير إحداهن النقاب فلها ذلك فهى حرة فيما ترى أن هذا يناسبها مادامت لا تغضب الله فى شىء .... ولكننى أرى أن النقاب يفضل للمرأة ذات الوجة الذى يحمل ملامح مغرية أو جمال باهر يغرى ممن يراة فيوقعة فى زنا النظر .. فهذة لابد أن تتنقب و لا جدال ...أو لإخفاء شىء من الوجة لا تفضل المرأة المتنقبة ظهورة وهو حق لها لا ينازعها علية أحد ..
أما النقاب فى حد زاتة لاجدال علية سوى شىء واحد فقط ... ماهو ...؟؟؟
تعلمين أختى الفاضلة أن الممنوع مرغوب .. لذلك فإنة دائما ما يثير فضول أصحاب النفوس الضعيفة لمعرفة ما يخفية هذا النقاب فينظر بشدة للعينين فتحدث النظرة التى تكلمنا عنها سابقا ..
أما ماجعل النقاب عرضة للهجوم فكالتالى ...
أنا بنفسى أرى منقبات لا يظهر منهن سوى العينين .. ولتكتمل الصورة .. عينان من أجمل ماترين بل مرسومة و مستخدم فيهما أحدث صيحات الموضة فى رسم العيون ... فتبدو جميلة جدا للناظر فيركز فيهما بشدة ..
هؤلاء النسوة و هم بالطبع قليلون ولا يعمم ذلك على الجميع ممن يعطون إنطباع خاطىء عن النقاب ...
أخيرا حتى لا أطيل عليكم ...
الشخصية التى كتبت هذا الكلام عندك فى الردود .....
ليس لها إلا ...
(وَإِذَا خَاطَبَهُمُ الْجَاهِلُونَ قَالُوا سَلاماً).
تقبلى تحياتى
السلام عليكم ورحمة الله وبركاته
اعتب عليك اولا لنشر هذا التعليق الذي.. اجيب علي الطائر الحزين اول التعليقات ان هذا التلعيق من محل جزارة من علي كوكب المريخ......!
وعتابي لسبب الذي لا يختلف عن ابو اسامة..
اختي ولو لم يكن هذا ولا ذاك فنحن تحت ظل الاسلام تحت مظلة الحرية مادامت لا تخالف الشريعة..
فعلا كفي به انه غير معروف لانه غير معروف..
ولكني ادعوه كما دعوتيه الي الظهور والخروج من مخبئه الذي اعتاد ان يكون فيه ونحن سنناقش معه الامر كورشة عمل لظهور ما هي الحقيقة..
اظهر وبان عليك الامان....
حياتنا
مش فاهم حاجة
هو عايز ايه بالضبط
طب مش يعرض وجهة نظر علشان الناس تعرف تناقشه فيها
بدل الحكاية الغريبة اللي كاتبها دي
ثم ايه علاقتها بأي موضوع اصلاً
ربنا يهديه
بكرة يتعلم أولا أدب الحوار قبل كل شىء
ثم أدب الرد ثم ليأتى ولنتناقش
تحياتى
متزعليش نفسك
السلام عليكم ورحمة الله
جزاكم الله خيرا جميعا
الحمد لله ما طلعتش انا اللي ما بفهمش يعني وفعلا طلع التعليق مبهم ومطاط وغير محدد
للاسف لبعض الوقت شكيت في عقلي
وانا ايضا ادعوه معكم لعرض وجهة نظر واضحة والا فليظل في مخبئه
جزاكم الله خيرا جميعا اسما اسما على مشاركاتكم ونصائحكم
واهلا وسهلا بجميع زواري الكرام لاول مرة واتمنى دوام التواصل فيما بينا
لورانس العرب
================
كلامك على الجرح واوافقه
نونا
=========
يا رب يعقلوا ويفكروا في قضايا برضه مهمة
راجي
====
ربنا يهدي
علي عبد الله
===========
هههههههههههههههه ربنا يديك طولة البال
والله حضرتك اللي محترم
جمعاوي روش طحن
==============
ههههههههههههههههههههههههههههه
ربنا يعافينا
امام الجيل
===============
مش كدة برضه
اخرسطرين ملخص للحالة المرة دي
محاسن صابر
اهلا حبيبتي
ياريت نتعلم السلوك دة مش معنى اني مش موافقة على حاجة اني اسخفها واسخر منها
ولحبي وحرصي عليكي حبيبتي لا تقحمي نفسك اختي فيما ارتضت به غيرك بالنسبة لمسالة انتقاب صديقتك
واتمنى ان اراكي تقنعي اخت ان تقلع عن ارتداء ما لا يليق
حتى وان كان لها في احتجابها الخير لا تكوني انتي من تمنعيه
ولو اني احترم احترامك لرايها كما اني احبك في الله وحريصة عليكي كحرصي على اختي
تعليقك على راسي وزيارتك بتسعدني حبيبتي
======================
حسن حنفي
===========
وانا كمان
ممكن
===============
الله يعزك يارب
بركاوي
======
وكفى بها نعمة اخي
الروميصاء
================
ههههههههههههههههه
ولا على المخدر برضه
انكسارات احمد البوهي
==================
تعليقك اسعدني ويلخص الحالة اتمنى دوام تواصلك
الحب كما ينبغي ان يكون
==================
الله يكرمك يارب ويهدي كل من كان
ولا تقلق ربنا يثبت قلوبنا يارب
======================================================================
اخ خالد
========
والله انا ما انصدمت ولن يفسد خلافنا
في الراي للود قضية باذن الله
وكلماتك وتعليقك على راسي من فوق
وان سمحت ارد عليه
في فرضية النقاب من عدمه وفرضية الحجاب فهناك اراء كثيرة للعلماء والاجماع وانا اميل لمقولة استفتي قلبك وهو ما فعلته في انتقابي واذا اردت التعرف عن ما لمس قلبي في مسئلة النقاب وجعلني ارتديه استسمحك في زيارة مدونتي في مكتوب على الرابط الموجود هنا في السايد بار تحت عنوان ادلة جديدة في فرضية النقاب والنقاش هناك والتعليقات كانت ثرية فعلا
واميل لكل ما فيها والحمد لله رأيت سعادتي في ذلك كما رأيت حضرتك راحتك في رأيك
الحرية
فعلا اتمنى ان تمارس على حد سواء
لكن اكيد تتفق معي ان الحرية اصبحت تمارس على الكيف فقط
قلت ان النقاب للوجه المغري والفاتن
وارد من الذي يحدد ان وجه هذه المراة فاتن ومغري؟؟؟؟؟؟
ومن يضمن ان من تراها دميمة ان تكون في نظر غيرك فاتنة ومغرية
أليس الجمال متفاوت واغراءاته متفاوتة من شخص لاخر؟؟؟؟؟
ام ان ذلك له مقاييس محددة نحدد على اساسها هذه السيدة مغرية او لا؟؟؟؟؟
مقولة الممنوع مرغوب حضرتك جاوبت عليها الا النفوس الضعيفة فهل الجميع نفسه ضعيفة ونحددعلى الاستثناء القاعدة العريضة؟؟؟؟؟
معك اخي ان هناك من المنتقبات من تسيء للنقاب برسم العيون وووووووو
لكن هل ذلك يجعل الحكم عام ونظلم اخرى ارادت التستر قربة لله تعالى؟؟؟؟
اليس من الاهم مهاجمة العري والكارينا وووووووووووووو وشغل انفسنا باسباب التعديات التي تحدث في الشوارع للسيدات والبنات ؟؟؟؟؟؟ ربنا يهدي نساءنا وشبابنا يارب
واخيرا القول كما قلته للغير معرف
سلاما
اسعدني تواصلك ويسعدني تواجدك دوما
=====================
حياتنا الزوجية
==================
نشر التعليق كان لسبب عدم فهمي له واردت فهمه من خلالكم ولاي شكيت اني اكون مش عارفة افهم
بس الحمد لله اتطئنيت على نفسي
والقول اوافقك عليه
بارك الله فيكم
=============
مهندس مصري
ههههههههههههههههههه
حصل لي كدة بالضبط
================
mohamed ghalia
فعلا ياريتهم يتعلموا دة
بارك الله فيكم جميعا
تحياتي
ابنتي الغالية عاشقة النقاب نونو
الحمد لله على نعمة النقاب الذي من الله
بها علينا
لا تحزني
قال تعالى
( إن الذين أجرموا كانوا من الذين آمنوا يضحكون وإذا مروا بهم يتغامزون وإذا انقلبوا إلى أهلهم انقلبوا فكهين وإذا رأوهم قالوا إن هؤلاء لضالون وما أرسلوا عليهم حافظين فاليوم الذين آمنوا من الكفار يضحكون على الأرائك ينظرون هل ثوب الكفار ما كانوا يفعلون ).
الله المستعان
عارفة عاوز ايه؟؟
عاوز انك تعملى اللى انت عملتيه ده
تنشرى التعليق علشان يحس انه له اهمية
للاسف فيه ناس وظيفتها مهاجمة النقاب ونصف البوستات اللى بيكتبوها موجه لهذا وكأنها مهمتهم فى الحياة
ولكن اذا تتبعتيهم ستجديهم يحاربون كل ما هو اسلامى حتى يصل عقلك احيانا الى استحالة ان يكونوا مسلمين
اذا واجهك مثل هذا التعليق فانشيره واكتبى تحته الاية الكريمة التى ذكرها الاستاذ خالد فى تعليقه
(وَإِذَا خَاطَبَهُمُ الْجَاهِلُونَ قَالُوا سَلاماً)
نونو
ارجو الا تشغل مثل هذه التعليقات مساحة فى بوستاتك مرة اخرى
لك الحرية فى اختيار النقاب ولك كل الاحترام
ولا يهمك يا نونو
تحياتى
السلام عليكم ورحمه الله وبركاته
---------------------------
طبعا زيى اغلب اللى شافوا التعليق
ومغهموش عاوز ايه انا كمان مفهمتش
ومحاولتش اقراه تانى عشان افهم لانه
مضيعه للوقت
حبيبتى وقتنا غالى علينا
فيجب الا نضيعه فى مهاترات مع معتوهين
لا يحسنون القول
انسى هذالسخيف
وكفانافخرا اننا نلتزم بماامرنا به
الله تعالى
وبما امرنا به حبيبنا رسول
الله "عليه افضل الصلاه والسلام "
اوافق ابو اسامة وحياتنا الزوجية
هتلاقي من ده كتير
قطز
السلام عليكم
سيبتلك رسالة على الماسينجر ابقى اقريها
اللى فهمته ان حضرته أو حضرتها بيحسب نفسه خفيف الدم وعامل تدوينة على شكل تعليق وبيتريق على النقاب ولأن أدوات الكتابه عنده ضعيفه فظهر على معتوه شويه أو يمكن مبلبع حاجة وبيجرب نفسه فى التهييس والنتيجة ان دمه تقيل جدا
ولكن بعمل تدوينة مخصوصة لما كتبه فأنت حققتى له ما يريد وأعطيتيه من الاهتمام ما لا يستحق وأمثال هؤلاء أفضل رد عليهم أن لا تردى فيموتوا كمدا
قرأتها على عربية نقل بالخط العريض وعجبتنى جدا
عتاب الندل تجاهله
دةواحد قليل الأدب اهله ماعرفوش يربوه
سيبك منه المهم انك مقتنعة من جواكي بالنقاب
وزي اخي اسامة ماقال :
لو ان كل كل بعوي القمته حجرا ..لصارتلحجر مثقال بدينار
دة ابتلاء ربنا يصبرك عليه ويجازيك خيرا به
دمت بكل الخير
دةعلى فكرة احقر من انك تردي عليه او تعملي له بوست مخصوص دة شكله واحد مجنون وبيستهبل هولو كان عندة ذرة شجاعة كان اعلن عن نفسه ..مرة تانية ولا يهمك
هههههههههههههه
هو ده التعليق؟؟؟؟؟؟؟
انتى متأكده انه يقصد مدونتك انتى بالتحديد:)
كبرى دماغك يانونو وماترديش عليه لانه واضح انه بيتكلم فى موضوع معين احنا ملناش فيه
واضح يا نونو إن عنده مشكلة نفسية مع النقاب ....
بصى حكاية النقاب اللى بعين واحدة دا غريب جداً و مش قادرة أبلعه خالص
لكن النقاب العادى حرية شخصية لكل واحدة
و معلش هوه يمكن أستفزه عنوان مدونتك و حب ينفس عن غيظه
معلش إنت الكبيرة العاقلة يا نونو دايما
تحياتى يا حبيبتى
هاقول لحضرتك قوله تعالى
واعرض عن الجاهلين
هو انسان اختار انه يعلق بمجهول لانه عارف انه مش على حق لو كان يعلم انه على حق كان اعلن عن نفسه
حتى لو فيه ناس بتتستر فى النقاب فى فعل اعمال مشينه فهذا لايعيب النقاب ابدا فيه ناس بتتسر فى ملابس الشرطه لتنصب على الناس فهل العيب فى الشرطه وهناك من يتستر فى ملابس اطباء وغيره وغيره من الغش دول ناس عندهم مشكله فى عقلهم ونفوسهم ربنا يهدى
تحياتى لحضرتك
أنا لا أختلف معكى على النقاب ..
ولكنى أحببت أن أذكر وجة نظرى فقط ..
وقد سبق أن ذكرت أن للمرأة المسلمة كل الحق فى أن ترتدية .. سواء هوا فرض أو إختيار شخصى ..
فلا خلاف إذن ...
ولا أية ...!!!!
القصة غير واضحة ورغم ذلك يدعون أنهم أدباء لكنها في الواقع قصص قص ولزق وليس فيها من الادب إلا قلة الادب
:)))
ايه ياعاشقه النقاب
ده حتي واحد ظريف اوي
مش فاهمه المفروض تضحكي ياشيخه
ربنا يشفي:))
ادعيله ادعيله
هههههههههههههههه
والله ده تعليق يضحك
انتى مزعلة نفسك ليه بس
كبرى يا بنتى دى ناس دماغها فاضية
وحشتينى يا قمر
شكرا على سؤالك
أجمل سلام وتحية
سالى
هل الحرية الشخصية
هى فقط حرية العرى ؟؟؟
ساء ما يحكمون
ازاى مفهمتيش يا أختى الكلام واضح جدا وصريح وبصراحه كده من كتر وضوحه انا مفهمتوش بس اكتشفت بعد كده انك لو قريتيه بالمقلوب هيديكى معنى متميز
هههههههههههههههههههه
بلاوى وبتتحدف علينا يا ستى عادى
الأخت الفاضلة عاشقة النقاب
الناس فيما يعشقون مذاهب .. منهم من يحب الخير .. ومنهم من امتلأ قلبه بحب الشر .. ولا زالت السنة الكونية التي أنزلها الله عزوجل في كتابه سارية الى يوم القيامة
إِنَّ الَّذِينَ أَجْرَمُوا كَانُواْ مِنَ الَّذِينَ آمَنُوا يَضْحَكُونَ (29) وَإِذَا مَرُّواْ بِهِمْ يَتَغَامَزُونَ (30) سورة المطففين
واخيرا أهدي اليك هذا الرابط
فليقولوا عن حجابي
http://www.saaid.net/flash/df5e7030ba.htm
انا من مش قادر افهم بالتحديد ماذا يعنى بكلامه ولكن على اى حال بما انك مقتنعة تمام الاقتناع بانة شئ واجب وانا كمان اويدك فى هذا فلا تهتمى باراء هولائك الناس التى لانفهم ماذا يريدون من النقاب وياريت كل واحد يتكلم عن نفسه لا يتحدث عن الاخرين وربنا يثبتك انتى ونساء المسلمين على النقاب ولا تشغلى بالك بمثل هذة الامور
يا مثبت العقل فعلا
ربنا يرحمنا برحمته
لا حول ولا قوة الا بالله
فعلا خير الرد على السفيه السكوت
اذا كان هو نفسه مش عارف عايز ايه
ربنا يكون فى عونك يا اختى بجد
بس بصراحة انا مش عارف اضحك على الهبل ولاابكى على الحسرة والجهل
نصيحة انسى الموضوع تماما ولا تشغلى تفكيرك لحظة بهذا الموضوع لانه لايستحق لانه انسان مشوش ومش عارف نفسه عايز ايه
تحياتى
السلام عليكم
اذا كان الغير معرف غير مقتنع بالنقاب
فلما لا يقول هذا بصراحة بدلا من هذا الكلام الغير سليم
يتكلم بالحجة والمنطق بدلا من كلام لا يفيد في شئ
عاشقة النقاب
جميل هذا الأسم من الجميل أن تكوني عاشقة للنقاب أنهم قلة في زماننا هذا من يعشقون شيء يستحق العشق ويحترمون من يستحق الإحترام
أتمني أن يكون لك مستقبل عظيم فعلي المنتقبات مسئولية ضخمة تجاه مجتمعهم من أجل تحسين الإنطباع العام عنهم وأعتقد أنك من هؤلاء الذي يساهمون في ذلك بشكل فعال
اما عن صاحب التعليق فأنصحك أن تنفضي وتكبري دماغك مفيش فكر معين عايز ينقله هو مجرد بيهزر وبس مع إنه واضح أنه بينتمي لإتجاه معين خصوصا وإن موضوع نقاب العين الواحده ده أثير في الفترة ألي فاتت
حفظك الله وكتر من أمثالك
السلام عليكم استاذتنا
للاسف الشديد مشكلة هؤلاء انهم يظنون انفسهم اصحاب فكر ورؤية ,ويحسبون انهم علي شيء الا انهم هم الكاذبون
امثال هؤلاء كزبد البحر ,حتما سيذهب جفاء
واما ماينفع الناس فيمكث في الارض
نسأل الله ان يبصرنا ويفقهنا في سننه
ونفع الله بكم ويسر لكم
وجزاكم الله كل خير
أنا الحقيقة فرحان جدا بالبوست بتاع "الغير معرف" ده
لأنه حسسني قد إيه الصحوة الإسلامية .. برغم من إنها لسه في مهدها و فيها سلبيات كتير
إلا إنها فعلا غاظتهم للدرجة دي
هم بيحاولوا بكل الطرق إنهم يحاربوا أي مظهر من مظاهر الدين
و برغم كده الدين بينتشر بين كل فئات المجتمع بشكل لايوصف
فعلا صعبانين عليا
زي الكتكوت المدبوح
بيحاولوا يعملوا اي حاجة
فخرجت كلماته بالشكل اللي انتوا شفتوه
طبعا في إخوة كتير قالوا اننا مانردش عليه لانه مايستحقش
بس زي مانتوا شايفين عدد الردود قد إيه
و أنا هنا مش بارد عليه
بس باعبر عن فرحتي بالحالة اللي وصللها الناس اللي بتحاول تقف في طريق الدين
موتوا بغيظكم
رسالة بس للإخوة الأفاضل الل بيعترضوا على النقاب
طبعا أنا بحبهم جدافي الله .. و ربنا يعلم
و مش قصدي اني أرد عليهم اني باكرههم .. لا و الله
بس بأقول حجة واحدة بس
حضرتك بتاخد برأي مين في الرأي ده
"إن النقاب مش فرض "
هتقوللي مثلا فضيلة الشيخ الألباني رحمه الله
أو أي حد تاني من العلماء الكبار اللي قالوا الرأي ده
بس هاقوللك إن كل العلماء اللي قالوا بان النقاب مش فرض .. كانت زوجاتهم و بناتهم منتقبات
الشيخ الألباني زوجته و بناته كن منتقبات
الشيخ محمد عبد المقصود كذلك
لأنهم كل اللي كانوا بيقولوه
إن النقاب " مستحب " و كانواو بيدافعوا عن كده
إن النقاب مستحب
ولا واحد منهم قال مثلا إن النقاب حرام أو حتى مكروه
لأنه بكده مش هايبقى مسلم
لأن طبعا من المعروف إن كل أمهات المؤمنين و الصحابيات و التابعيات كن منتقبات
فلو قال انه حرام يبقى بيقول ان أمهات المؤمنين كانوا بيعملوا حاجة حرام
طيب أنا عاوز أقول إيه
عاوز أقول إنك لو بتاخد برأي العلماء اللي بيقولوا ان النقاب مستحب مش فرض
فأكيد حاجة ربنا بيحبها يبقى انت كمان لازم تحبها
زي مثلا صلاة النافلة أو صيام الاتنين و الخميس
دي مستحبات
ينفع واحد يقول .. أنا مش بافضل صيام الاتنين و الخميس
ممكن تقول انا مش باقدر اعمله
بس مينفعش تقول انا مش بافضله
ولا تقول أنا واحد شفته بيصوم الاتنين و الخميس فحاولت أقنعه لإنه مايصومش بس لما لقيته مصمم احترمت وجهة نظره
زي ما قالت إحدى الأخوات بارك الله فيها
النقاب مش وجهة نظر
النقاب لو سلمنا إنه مش فرض
فهو سنة مستحبة و فاعلته مأجورة إن شاء الله
و لازم الناس الي مش مقتنعة بإنه فرض تشجع اللي بتعمل الحاجة المستحبة دي
و محدش يقول انها المفروض تعمل حاجات تانية الأول
تصلح م نفسها في حاجت تانية
دي بتغتاب الناس
دي بتعمل كذا
ليه منقولش كده
لأن الشيطان هواللي بيعمل كده
نفس المثال السابق
لو شفت واحد مثلا بيحافظ على صلاة النوافل
و بيسرق
هاتقوله إيه ؟؟
هاتقوله سيب النوافل
ولا سيب السرقة ؟؟؟
الإنسان المسلم الي بيدعو إلى الله
هيقوله سيب السرقة
و الشيطان هيقوله - كما يقول الشيخ وجدي غنيم حفظه الله على لسان الشيطان - هيقول: يا راجل اتقي الله
حد يصلي و يسرق .. يا راجل سيب الصلاة
آسف جدااا للإطالة
إرسال تعليق