اخر العنقود لحد دلوقتي

تحديث

كلمة من بابا خالد فتحي وماما نونو لكل زوارنا الكرام واحبابنا في الله

كلمة بابا الاول

خالد فتحي عبد الفتاح: أرجو تبليغ كل الأخوة والأخوات الأعزاء أسمى آيات الاحترام و العرفان، وصادق التقدير والامتنان على كلماتهم التي زادتني بهجة وشعورا بالحب الصادق فعلا جزاكم الله خيرا وجعل الجنة مثواكم

ماما نونو اسعدتونا جداااااا جدااااااااا ورسمتوا على وجوهنا البسمة والفرحة بزيارتكم ودعواتك لنا ولاولادنا الله يبارك فيكم ويخليكم يارب

نحبكم في الله

السلام عليكم ورحمة الله

اليوم 21 ابريل 2007 بعد صلاة الفجر بشوية

حبة دربكة كدة وبكلم نفسي ايه دة دلوقتي ولا ايه ؟؟؟

زوجي الحبيب يعملي كوباية قرفة فظييييعة نصفها قرفة ونصفها عسل [يع يع ]

اشربها واطرده يروح شغله في مدينة جديدة تبعد عني ساعة ونصف تقريبا

انام لحد الساعة 10 صباحا على تليفونه

همممم ايه الاخبار ؟؟؟

انا له اقفل بئا عاوزة انام مفيش حاجة

طيب خير اي حاجة كلميني

طيب طيب

انام واصحى الساعة 12 على دربكة مريييييييعة واقول لنفسي

لا بئا دي باينها هي الساعة دي

طيب اتصل بحد ولا لحسن يكون زي الاسبوع اللي فات ويجوا كلهم على وشهم تاني ويطلع انذار كاذب

طيب هستنى شوية احسن بس انا في وسط البلد وزوجي بعيد يجي ساعة ونص بس اختي قريبة

استنيت شوية الظهر اذن والدربكة بقت بهدلة على الاخر ومش بقعد عمالة الف في الشقة زي النحلة واقول يااااااارب باعلى صوت وولادي معايا بيقوله وبقول كل الاذكار اللي اعرفها واقول كل الدعوات اللي بتمناها

اتصلت بزوجي تعالى بسررررعة خلاص خلااااااااص

هو يا عيني اهدي طيب هاجي بسرعة متخافيش

كل خمس دقايق يتصل بيا وانا اقوله كلم الدكتور يجهز نفسه مش قادرة اكلمه يرد علي ويقولي حاضر هكلمك

اتصلت باختي تيجي

بس حصل المفاجاءة بئا خلاص بجد اسراء ناوية تنزل في البيت وبسرعة صرخت وقلت يارب بلاش في البيت العيال هتتخض لحسن يجرى حاجة للنونو

زوجي يكلمني بهستريا ارد عليه خلاص يا خالد خلاص انت فين وارمي التليفون واجري في الشقة

جرس الباب يرن واقول مين الاقي شيماء بنت اخو زوجي بنوتة كدة 19 سنة ساعتها لسة هتقولي عمو كلمني وقال لي اروح لحضرتك قولتلها

حبيبتي وكأن الروح ردت فيا

الحمد لله خالد اتصرف اصلهم ساكنين قريبين منا

الحقيني يا شيماء هاتي تاكسي

تجري بسرعة في الشارع وهي بتعيط

الاقي حد بيخبط على الباب واقول مين الاقيه احد جيرانا

يسألني يا اختي فيه اخت منتقبة بتجري وتعيط عاوزين حاجة

قلت له ااااااه عاوزة تاكسي انا بولد

جري والشارع اتقلب مسيحيين ومسلمين

طلعوا اخدوا بايدي وبصيت قلت ولادي

جارتي قالت لي متخافيش روحي متخافيش

طبعا سواق التاكسي الله يسامحه كان عاوز يرميني في اي حتة

بس انا صممت على مكاني وقلت له وديني مطرح ما اقولك وهديك اللي انت عاوزه

طبعا اللي انت عاوزه تخليه يوديني المريخ

في السكة ابتهالات ودعوات مني لان اسراء قربت تيجي

وشيماء بتقرا قران واتصلت بعمها قالت له احنا في التاكسي تعالى على الدكتور

ادخل على الدكتور اللي دوخته معايا

اول حاجة يقولها انا مش قايل اما الوجع يكون كل ربع ساعة تيجي

كدة برضه زي كل مرة تيجي على وشك كدة

اقول والله يا دكتور الوجع جه مرة واحدة وما كانش معايا حد

يلتفت للممرضة ويقولها احفظيها [مس نونو انا يعني] دي كدة تيجي وهي خلاص على الاخر

[اصل فيه مرتين قبل دي جيت بنفس الطريقة حتى انه اخر زيارة قال لي الست العادية بقولها تيجي والوجع كل خمس دقايق انتي تيجي والوجع كل ربع ساعة]

المهم يديني الحقنة الجميلة بتاعتي اللي بولد مخصوص علشانها واروح في البنج واصحى على صوت بابا وبيقولي حمد الله على سلامتك يانونو والدكتور بيقوله معلش بئا المرة دي ما لحقتش تيجي تصور حاجة[ اصل الاستاذ زوجي بيحضر الولادة كلها من اولها لاخرها واول النونو ما يطلع الدنيا ويتلف بس بيصوره غير بئا صور السونار وفيديوهات ذكريات جمييييلة اوي ]

اشوفها بقى اسراء يعني

الاقيها واخدة بوكس في عينها وفي بقها بسبب تاخيري على الحضور واسال ليه كدة تعبانة اوي وازعل اوي اوي لدرجة لما بشوف صورها لدلوقتي اعيط

سالت شيماء نزلت امتى قالت لي حوالي 3 العصر يا طنط بعد ما جينا كدة بربع ساعة

وكانت شوشو فرحانة اوي انها حضرت الولادة بتاعت اسراء وارتبطت بيها اوي لدلوقتي

النهاردة اسراء الساعة 3 عصرا هيبقى عندها عام بالتمام والكمال لحد دلوقتي هي اخر العنقود سكر معقود

ممكن تدعولها ربنا يخليها ويبارك فيها هي واخوتها

اسراء بنوتي الصغنتوتة يوم ميلادك احلى يوم

هعمل احتفال صغنتوت لها يوم الجمعة باذن الله وهيكون احلى من الاحتفال اللي ادامكم دة واصورها كمان وانزل صورة تشوفوها

يلا فيه تورتات كتييير كل واحد ياخد حتة وتدعولها امانة عليكوا

يارب اعيش واشوفها زي البنوتة اللي ماسكة المصحف فوق دي وازوجها وافرح بيها هي واخوتها قولوا امين

الحمد لله يارب والشكر ليك بعتلي احلى واجمل ابتسامات في حياتي

هم زوجي واولادي ربنا يخليهم ويبارك فيهم

تحياتي

فوبيا

تحديث هااااااااااام

================

تابعوا على هذا الرابط رد من الحكومة الهولندية على حملة لمدونة قولا سديدا لنصرة

الدين والرد على فيلم فتنة

====================================================================

السلام عليكم ورحمة الله

احبتي واخوتي في الله

سمعنا جميعا من وسائل الاعلام المختلفة ولا سيما المدونات اخبار محاكمات الاخوان المسلمين ولا حول ولا قوة الا بالله

وادعو الله لهم بتفريج همهم وهمنا معهم يارب العالمين

في نفس الوقت الذي تمت فيه المحاكمة واعلان الحكم على جماعة الاخوان

توقعت كما اعتدت ان ارى المدونات المتخصصة في شتم وسب الاخوان المسلمين ولا سيما السلفيين وبالمرة من يظهر على مدوناتهم الالتزام ان تطل علينا باحقادها وغلها ولا سيما امراضها النفسية

لتعلن شماتتها وتاييدها للحكم وبالفعل وجدت

لكن وجدت في نفس الوقت اصحاب هذه المدونات يتناقلون خبر عن فتوى الشيخ عبد الحميد بن كلاب والتي زعموا فيها اباحة الشيخ لقتل الجنود المصريين على الحدود ونقلوا اصحاب المدونات السوداء هذا الخبر من كافة الوسائل جنبا الى جنب بخبر اخر يقال ان حماس تجهز لاقتحام حدود مصر وتشتري الاسلحة لاقتحام الحدود وصبوا اللعنات على حماس وفلسطين

وبالطبع لم ينسوا شتم وسب الاخوان المسلمين باعتبارهم على حد قولهم هم جناح لحماس في مصر

وحدث ولا حرج فيما قيل والملفت للنظر اني رايت هذه المدونات تكتب في نفس ذات الموضوع في وقت واحد ونفس الخبر باختلاف الصياغة للموضوع وبتنوع الشتائم

لا انكر اني في نفس ذات الوقت شعرت بالضيق لخبر الفتوى وخبر اقتحام حماس للمعبروما يشبه حرب علينا كما صوروه افتراءا

ولكني في نفس ذات الوقت فكرت بان حماس والشيخ ليس بمجنون لاصدار فتوى كهذه من شانها قلب الدنيا على ام راسه وراس اخوانه في فلسطين كما انني فكرت ايضا انه من الممكن ان يكون الخبر كلمات مقتطعة من كلام الشيخ هدفها يمكن ان يكون فرقعة صحفية او ان يكون هذا ليس الا كلام كاذب ولم يحدث اصلا و الهدف منه قطع اي طريق على اخواننا في فلسطين اذا حدث وتم وقوفهم على الحدود مرة اخرى فيكون هناك حجة لقفل وسد الحدود في وجوههم وعدم مساعدتهم باي وسيلة كانت

وفكرت هل حماس والاخوة الفلسطينين عندهم قذائف هاون والاسلحة والعتاد التي تم ذكرها في الخبر الذي يتناقلوه فعلا؟؟؟

واذا كان لديهم اليس من الاولى انهم يوجهوه لعدوهم ويحرروا انفسهم ؟؟؟ ام انهم يحتفظوا بها ليقتحموا به حدود جيرانهم تاركين ديارهم ؟؟

اي كلام يعقل هذا!!!!!!

افتراء عليهم وحسبي الله ونعم الوكيل

وفكرت ايضا لماذا يتم بث خبر كهذا في هذا الوقت بالذات الذي تم فيه اصدار الاحكام على قيادي الاخوان

والاجابة بالطبع حتى نتذكر ان حماس والاخوان اخوات فلا نتعاطف معهم

وتذكرت ايضا موقف هذه المدونات السوداء من الاخوان ايام اضراب 6 ابريل واقاويلهم بان الاخوان باعوا الشعب بعدم مشاركتهم في الاضراب بالرغم من ان الاخوان اعلنوا موافقتهم على الاضراب ولكن ان يكون منظم

وتذكرت اقاويلهم حول ان الاخوان ابرموا صفقة لتبرأة القياديين بشرط عدم مشاركتهم في الاضراب لكن جاء الحكم على القياديين مخيب لما قالوه فلا صفقة ولا شيء

وبالطبع عندما وجدت هذا الخبر

وايضا هذا الخبر

وايضا فيديو يتضمن اتصال هاتفي من برنامج القاهرة اليوم للمذيع عمرو ااديب يكلم فيه الشيخ عبد الحميد نفسه حول هذه الفتوى

اصبحت متاكدة تماما ان هذه المدونات هي ليست الا لمدونين لا يكرهوا الاخوان او السلفيين او الملتحين فحسب

وانما لديهم فوبيا معروفة جلية اكبر من ذلك

بسم الله الرحمن الرحيم

﴿ يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ * هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ ﴾(التوبة: 32-

صدق الله العظيم[خالص تحياتي لاخي عصفور المدينة]

كل ما ارجوه من الاخوة المدونين مرتادي هذه المدونات توخي بعض الحذر مما يكتب

هؤلاء

ولا يتسرعوا في اصدار احكامهم الا قبل التاكد االتام خاصة وهم معروف نهجهمم

ما جعلني اكتب هذه التدوينة ما رايته من تعليقات لاخوة احسبهم على خير تأثروا باخبارهم وصدقوها

وكثيرا ما نراهم يضعوا الاخبارالمكذوبة اغلبها وعندما ينشر الحقيقي منها لا يكذبوا ما نشروه

وحسبي الله ونعم الوكيل

ادعوا معي ان يفرج الله هم وكرب كل مكروب اللهم امين يارب العالمين

تحياتي

تاجات حكومية

السلام عليكم ورحمة الله

=====================

بداية احب اقول ان فيه تدوينة جديدة في القوارير شرفونا بالزيارة

حقوقي كانسان في الشريعة الاسلامية

وتدوينة جديدة في العلمانية ايضا

العلمانية اين قامت ومبررات وجودها

=================

بما ان الاحداث ساخنة اليومين دول في البلد فقررت اجاوب على التاجات الحكومية

اللي تم ارسالها لي عبر الاخوة الاعزاء اللي عملوها وجاوبوها

وامامكم تاجين بالتمام والكمال

التاج الاول تاج من استراحة الكاشفة لتشكيل حكومة عسقلانيا العظمى

والتاج التاني تاج مجلس الشعب من خالتشي فرنسا

بسم الله نبدا

====================

مين من المدونين يصلح لتولى منصب
رئيس الوزراء فى دولة عسقلانيا العظمى [عصفور المدينة]
وزير الثقافة [ صاحب مدونة فليعد للدين مجده]
وزير الإعلام [ احمد النجم القادم واحمد الجيزاوي]
وزير التعليم [ اناعاشقة النقاب نفسي [اصلي بحب المنظومة التعليمية اوي ونفسي اصلحها برؤيتي الخاصة]
وزير البحث العلمى (أيوة .. البحث العلمى ليه وزارة لوحده)[صاحب مدونة افاق علمية]
وزير الجامع الكبير (زى شيخ الأزهر فى الدولة الصديقة مصر يعنى)[ الضاكتور خالد]
وزير الصحة [دكتور بيطري مع د/اجدع بنوتة]ودة طبعا علشان دكتور بيطري ينورنا برضه على الاتجاه المستحدث في تغذيتنا الجديدة من اللحوم اياها
وزير العدل [عاشقة الفردوس طبعا]
وزير الداخلية [محب الدين ]
وزير الخارجية [خالتي فرنسا الحبيبة]
وزير الهجوم (زى الدفاع فى دول تانية يعنى)[ عمرو سلامة صاحب مدونة لسة عايش]
وزير المواصلات [ ابي بس مع عربيتها بطوط ]
وزير المالية [عبده الرايق معلش هيظبطها انا عارفة]
وزير الاتصالات [الراقص مع الذئاب]

وزير الزراعة[ المهندس مصري ربنا يفرحه]

=======================================================

============

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟

غصن الزيتون معلش اصلي بحب اي حاجة خضرا

كنت تفضل الدخول مستقل او تتبع حزب معين ؟؟؟؟

اذا دخلت اصلا يبقى لوحدي كدة بيتهيألي دة مستقل

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

لأ طبعا دة غش هفضل كدة لوحدي مع نفسي يعني

ايه اول حاجه هتعملها لنفسك ولاسرتك ؟؟؟؟؟

لنفسي ركعتين شكر وابتهالات ربنا يوفقني وارضيه في الشغلانة اللي ما يعلم بيها غيره دي واتوكل على الله واعمل اول استجواب

لاسرتي باعتباره انه حاجة كويسة وأمل ذلك يبقى هعملهم بسبوسة

ايه المشروع اللى ناوى تعمله لاهل دايرتك ؟؟؟؟دون ذكر اسم الدائرة ان اردت

بما ان اليوسي ماس اوجده عضو مجلس الشعب عندنا هنا بس بفلوس كتير انا بقى هخليه ببلاش ومتاح للاطفال كلهم

مش اللي قادر يدفع بس وانا في مدينة عمرانية جديدة

قعدت فى المجلس جنب نائب مميز . من هو النائب ؟؟؟

طبعا بتاع حديد عز دي عاوزة كلام دة مميز جدااا

قدمت سؤال للحكومه ايه هو السؤال ؟؟؟؟؟

وضعتم خططكم لاحتواء الشعب بعد الاضراب في محاولة لاعادة ثقته فيكم ولا ايه ؟؟؟

طلب احاطه موضوعه ايه ؟؟؟

عن حادث اطلاق الرصاص على البمبوطي اللي في السويس والشباب الليي بتنضرب من اسرائيل على الحدود والبنت اللي انضربت برصاص اسرائيل على الحدود

وبتقدمه لمين ؟؟؟؟

للحكومة ولمن يهمه الامر فيها

استجواب لاتنين من الوزراء مين ؟؟؟؟

ما ينفعش اكترطيب عموما مبدئيا

وزير الصحة ووزير التعليم

موضوعه ايه ؟؟؟؟

الناس هتفضل تموت على ابواب المستشفيات لحد امتى ؟ والعلاج على نفقة الدولة هيفضل يعالج السادة الممثلين والمطربين لحد امتى ؟؟ والدواء بتاع الغلابة هيفضل المادة الفعالة فيه صفر لحد امتى ؟؟ دة وزير الصحة

وزير التعليم بقى

التعليم هيرتفع كفاءته امتى ؟؟ والمناهج اللي قلتوا طورناها السنة دي على اي اساس اتطورت ومين اللي طوربالشكل المفزع دة دي بقت صعبة واكتر جهل؟؟

مادة التربية الدينية والقران والتاريخ الاسلامي وغزوات الرسول متجاهلة كدة ليه في المدارس؟؟

هل انت مع الخصخصه ؟؟؟؟؟؟

مع الخصخصة المدروسة اللي فلوسها ترجع للبلد وتكون هي القيمة الحقيقية للي اتخصخص وتصب في مصلحة البلد تاني

وطبعا فيه حاجات مش مع تخصيصها نهائي بضم النون زي البنوك

هل انت مع قطع العلاقه مع اسرائيل ؟؟؟؟؟

دة سؤال برضه اه طبعا قطع واستئصال كمان

هل تؤيد الحرب الحرب على العراق ؟؟؟؟؟؟؟؟

دة برضه سؤال طبعا لا ربنا يفك كربهم وكربنا

هل تؤيد مرور الامريكان فى القناه ؟؟؟؟؟؟

بعد اللي حصل وقبله طبعا لا حتى لو فيها حرب علينا اهو نموت في حرب واسمنا بنحارب بدل دمنا الرخيص اللي بيسيحوه بمرورهم فيها من غير ضبط ولا ربط

هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟

اعمل مؤامرة على خالتشي فرنسا وزيرة خارجية عسقلانيا بحالها هو انا اقدر برضه

بس اموت واعرف مين ام دبوة دي

بتمرر التاج ده لمين ؟؟؟؟؟

امرره لكل اللي لسة لم يجيب عليه وكل زواري الكرام وكل اللي يحب يجاوب عليه

معايا هدية

السلام عليكم ورحمة الله وبركاته

اولا عاوزة اعرف من حضراتكم ايه اخر اخبار الاضراب؟؟

للاسف لم استطع المشاركة فيه الا من خلال اضرابي عن الشراء اليوم

زوجي تولى المامورية :d

امتنعت عن احضار ابني من المدرسة

برضه الزوج مشكورا قام بالعملية دي نظرا لسوء الجو واتلككت يعني:d

وطبعا زي ما وعدتكم وضعت ايشارب اسود على الكرسي لان البلكونة تراب جدا:d

انما االغريب اني مش لاقية اي حد اعرفه او حولي معتصم

واشتم رائحة تدبيسة

يعني اشعر ان اللي نادوا بالاعتصام تراجعوا او انهم تم اعتقالهم قبل ما يقوموا بيه

بس سمعت برضه ان الاعتصام كان يقوده حركات زي كفاية ودول ليس لهم شعبية

عموما من لديه اخبار يتفضل مشكورا ويعلمني

=======================================================

الهدية

سمعنا جميعا عن فيلم فتنة

ايوة فتنة الهولندي المسيء للقران الكريم والرسول

حسبنا الله ونعم الوكيل

حزنت كثيرا لعرضه ولكني فرحت في نفس ا

ازاي؟؟؟!!!

سمعاك

حزنت بالطبع لانه مستعرض ايات مبتورة من موضعها والحقيقة لم استطع اكمال الفيلم لاخره

انما اطل علي من يومين اخ اكرمه الله ووضع رابط لمدونته يعرض فيلم فتنة برضه بس له شكل اخر

ولا انكر اني في البداية حصل لي غيظ لاني اسأت الفهم ولكن قررت اني قبل ما اعلق عليه ارى ما وضعه لعله خير

وفعلا طلع فيلم فتنة الحقيقي مش التقليد الهولندي الذي تم عرضه مؤخرا والحمد لله تم رفعه

ادعوكم جميعا لمتابعته ومتابعة المدونة في المجمل

هنا فيلم فتنة العظيم الحقيقي

عندي هدية اخرى

قبل ان تضغط اصدق النية وتوكل

هنا

لا تنسوني من صالح دعائكم

شقاوة شعب

السلام عليكم ورحمة الله وبركاته

احبتي في الله

بداية وكالعادة احب اعلن عن تدوينة جديدة في قسم الشيوعية وحقائق لاول مرة كنت اعرفها وتدوينة اخرى في قسم الشيعة عن كعبة في كربلاء يحج اليها مسلمين عاوزين تشوفوها ادخلوا على الهدى ائتنا بالضغط على البانر الخاص بها اعلاه

البداية

كلنا سمعنا عن اعتصام يوم 6 من ابريل وكلنا عرفنا من النت ايه الطلبات بتاعت الاعتصام برضه

الحقيقة انا بستغرب جدا جدا

هو الاعتصام دة لييييييييييييه؟؟؟؟؟؟؟!!!!!!!!!

وعلشان ايييييييييييييييييييه؟؟؟؟؟!!!!!!!!!!

دة احنا ناس ناسية الخير صحيح

انتوا يا جماعة مش شايفين البدائل الكتييييييييير والاختراعات اللي اتوفرت للسلع واصبحنا بنستغنى بيها عن السلع الغالية

ايه مش عارفينها ولا زي القطط بتاكلوا وتنكروا؟؟؟؟!!!!

افكركوا انا

انتوا نسيتوا بديل الزيت اللي بقى مغلي الحلبة

اهو دة اختراع جامد في البحيرة على ما اظن عملوا زيت جديد

ايوة اختراع وبديل رخيص الثمن يا ظلمة

يجيبوا الحلبة ويغلوها ويبردوها ويعبئوها في زجاجات زيت وتباع ارخص من الزيت المعروف

طيب يا ظالمة

نسيتوا الاختراع المبهر لبديل اللبن

قولوا اه نسينا

لا ازاي دة عمل ضجة اعلامية جاااامدة وطلع سيادة المسئووووووول عمل تجربة عملية ان الكلام دة باطل

لكن بما ان الاختراع دة دخل بيتي اكتر من مرة وكان مصيره حوض المطبخ فبسجل اعجابي بالمخترع اللي لم يقصر بالمرة ولم يحرمنا من نسبة البروتين اللي اتوجدت في الغراء واللون الابيض اللي موجود في الجير

طيب انكروا بقى الاختراع المبهر والبديل الفظيع للدقيق اللي اتعبأ واتبرشم في اجولة دقيق مدعم وتم بيعه وطبعا هو سيبيداك او جير ابيض وبالهنا والشفا يا مصريين

طيب دة فيه واحد في احد المحافظات طور الاختراع دة وعبأ العجين وكانوا بيتم بيعه معبأ برده كتر الف خيره

وفر علينا العجن واللت بس احنا نخبز

طيب قولوا بقى نسيتوا اللحمة بقى

انتوا كدة تاكلوا الكلاب والحمير الميتة اعزكم الله وتنكروا بقى

ازاي سامعة حد بيقول

يعني ماحدش سمع عن الصحفية اللي اتنكرت وراحت صورت بكاميرا الموبايل عملية سلخ لكلب ودبح لحمار ولمؤاخذة يعني وحضرت بيع الاشياء دي وتوزيعها على محلات الكباب والكفتة اللي في شارع سكة الوايلي

وكمان محلات الجزارة الكبيرة

عارفين عندي في السوق بيجوا يدبحوا ادامنا الخرفان والماعز ويبيعوها رخيييييييصة اوي بس بعينك تشوف الدبيحة من دول خلاص واقفة بتموت اصلا

والناس بتشتري ايه حصلهم ؟؟

عايشين اهم زي الفل

عمرنا سمعنا عن ان حد مات لما اكل لحم حمير ولا كلاب

عارفين في برنامج العاشرة مساء سألوا طبيب بيطري عن امكانية كشف اللحم دة عارفين رد وقال ايه؟؟؟

ان من الصعب كشفها وهي مفرومة وطبعا بيحطوا توابل كتيييييييير عليها وتتباع لمحلات الكباب بخمسة جنيه الكيلو

طيب عندي برضه السوق بتاع الجمعة اللي فاتت واحد معلق دبيحة بيقول انه عجل صغير وعمال ينادي ب24 جنيه الكيلو لحم بتلو صغير والناس بتشتري

انتوا عارفين دلوقتي كيلو اللحم ب40 جنيه اقله يبقى ابو 24 جنيه دة ايه اكيد حمار ولا حصان متعلق وكاتب عليه عجل

همممممممممممممممممم اقول تاني ولا كفاية اختراعات كدة

تقوموا تنكروا كل الخير والاختراعات اللي الدولة سيباكوا تخترعوها وتبيعوها لبعضكوا ولنا ومش ملاحقة على ضبطها هتضبط مين ولا مين بس

تسيبوا كل دة ورايحين تتشاقوا من الشقاوة يعني وتعملوا اعتصام

يا فرحتي يا فرحتي

يقولك ايه اوعى تروح شغلك واوعى تروح مدرستك

واوعوا تشتروا حاجة من اي تاجر اليوم دة واوعوا واوعوا وعلقوا راية سودا

ماشي ماشي بس انتوا طيب فكرتوا كويس في الموضوع دة ونظمتوه ؟؟؟

انا مع اي خطوة ايجابية بقلبي وكليتي وفشتي لان جيب زوجي عنده التهاب خبيث مستعصي

ارى ان الموضوع غير منظم بالمرة ويحتاج لاعادة تنظيم وترتيب ورقة بطلبات محددة

انما تطالب بان مفيش محسوبية ومفيش رشاوي تتنفذ ازاي دي

تطالب ان موظف مش يروح شغله يوم ويتخصم عليه اخرالشهر او يغطوا الموظفين على بعضهم وواحد يمضي للتاني

الخلاصة انتوا وانا عاوزين رد فعل ورد فعل قوي وكلمة نقول بيها لا احنا شعب واعي ومش هيضحك علينا

ونعمل اعتصامات بس بطريقة صح

وانا من هنا باعلن عن امكانية قيادتي لربات البيوت في اعتصام واطالب فيه بخفض كافة الاسعار فجأة كما ارتفعت فجأة

لاني اتفرست الحقيقة نزلت السوق الجمعة اللي فاتت رجعت ضغطي عالي ومشيت اكلم نفسي فيه

خلاص كفاية كدة هتدرسوا الموضوع وترتبوه وبعدين ابقوا اعتصموا

انما اللي هيتعمل دة اسمه شقاوة شعب

تحياتي

السلام عليكم ورحمة الله وبركاته

البداية احب انوه عن موضوع جديد جدا في مدونة الى الهدى ائتنا في قسم القوارير

الكل مدعو للمشاركة

الموضوع هو مين يا ترى مين اللي عاوز يحررني ويحررك ؟؟نعرفه بس علشان ندعيله

موضوعي هنا هو

كام واحد فينا النهاردة عمل ذنوب؟؟؟!!!!

ما حدش يتحرج

المهم عاوزين تمحوها ؟؟؟!!!

اكيد طبعا ولا اييييييييه

طيب

بسرعة امحيها بس اوعى تنسى تدعيلي وتدعي كمان للمرسل واوعى تنسى الاهم تنشره والاهم تعمله

يلا امحي ذنوبك ولو كزبد البحر

هنا

يا سائقي التاكسيات شوية رحمة

السلام عليكم ورحمة الله وبركاته

مبدئيا احب انوه عن نزول بوست جديد على هذا الرابط والكل مدعو للمشاركة

الشيوعية

بوست جديد اخر

من يعبد المسلمون

معنى العلمانية

بطلب منكم دعم المدونة الجديدة بوضع روابط لها في مدوناتكم والدال على الخير كفاعله

========================================

القصة طويلة وبالعامية بس كلها عبررررر

الزمان والمكان المدرسة صباحا من سنة تقريبا

الاشخاص المدير واللي بتاخد الورق واهم شخصية بالنسبة لها طبعا البواب وهي

هي كدة خلاص طب الباص بكام ومواعيده امتى

الادارية اللي بتاخد الورق مبدئيا 600جنيه والمواعيد حسب سكنه

هي احنا قريبين من المدرسة يعني حوالي 25 دقيقة مشي

هي يبقى هيركب اول واحد الصبح المدرسة مواعيدها 8 وهيركب بدري بس هيروح اول واحد

بس لازم تدفعي الفلوس كلها

هي في سرها لسة مش موجودين دلوقتي هنشوف صرفة بعدين

طيب بلاش الباص كفاية المصاريف هي كام

هي مبلغ كدة اقل مدرسة في المنطقة للعلم يعني ودفعت القسط الاول الحمد لله

المنظر يتحول عند اهم شخصية هي يا عم البواب عاوزة تاكسي كويس ومؤتمن وتخلي بالك ابني اول مرة يطلع من البيت لا خرج لا يمين ولا شمال

هو عندي واحد معاه ملاكي بس هياخد اكتر شوية 60 جنيه يعني بس هتطمني على الاخر

هي

مش مشكلة هو الطبيعي كام اصلا

هو50 جنيه

هي ماشي موافقة هنتصل بيه وزوجي يتعرف عليه ويجربه شوية وهو رايح جاي من الشغل

جت المدرسة والراجل السواق كان في التجربة ما تتخيلوش

يوم المدرسة الساعة 7وربع كان على الباب

الزوج بعد كام يوم قاله تعالى 8 الا ربع احسن مش عوزينه يحضر طابور الذنب لحد ما يتعود على المدرسة وكمان هاته بدري شوية عن موعد الخروج علشان البهدلة في الخروج من المدرسة

تمام اوي لفترة شهر لحد ما جابه زباين بقى يجي 8 ونص ومرة 9 الاربع والنصيبة بقى يجيب ا لواد مرة الساعة 4 يقول اصله كان بيلعب عند الحضانة فروحت اعمل دورة لحد ما البواب يدور عليه

يا لهووووووي

الواد ياعيني من ايده دي لايده دي باعترافه بنفسه بانه بيشخط فيه

طيب يا مدام يا استاذ [هي والزوج] اهم حاجة عندي المواعيد طيب حاضر

هي ملتزمة اوي لما الواد يغيب يوم زوجها يتصل او تبعتله رسالة ملتزمة طبعا تخاف يغضب عليهم

هو اليوم اللي ميجيش فيه ولا حت رنة رنة واحدة زي ما معودينه هو يرن و هما يكعوا المكالمة

ولما مجاش ايه يا عم معلش اصلي في المطار طب ما تقول قبلها نعمل حسابنا

معلش اصلها فجاءة طب ماشي هتجيبه انت بقى

اه طبعا هتصرف

يجي الموعد وهي وا بوه بالتليفون

هو الواد لسة ما وصلش خلاص هبعتله ابني اصلي في المطار

يا لهووووووووووووووووووووووووي

الوادفي المدرسة والساعة 4

الواد وصل الحمد لله مين جابك يا حبيبي

دة عمو عمو مين مش عارفة تفهم

راحت المدرسة مين اللي جااب الواد يا عم البواب

ما اعرفش دة البواب

للسواق هي برضه بالتليفون

انت بعت مين ياخد الواد

هو ابني راح ما لقاش حد مشي

هي بالبساطة دي طيب مش تتصل بي تقولي ابنك مش لاقيه

يا لهووووووووووووووووووووووووووووي

المهم الحمد لله ربنا عالم بحالي

الواد يجيبه متاخر ويوديه متاخر خلاص اشترينا عربية نوديه احنا وهو يجيبه

بس لا بلاش شوف غيره واجازة نصف السنة جاية ندور فيها ماشي الراجل بقى شكله يخوف فيه حاجة غلط بلاش منه احسن

المشكلة اللي تفرس

لما يتاخر وتتصل هي بيه يفضل ما يردش الا وهو ادام الباب ويقولها افتحي هتلاقي ابنك ادامك احنا اهو

يا لهووووووووووووي

تيجي المدرسة ولقيت واحد وجيت اقوله يا عم هتجيبه بس وابوه يوديه اصلي انا مظبوط والاهالي لا بدوخني

هو لا مش هينفع اصل افرضي هو ما جاش في يوم اعرف ازاي انا

هي متخافش انا هتصل اقولك طبعا والبواب كمان عارف الواد وفصل الواد ادام باب الخروج على طول

هو لا ياستي مش هينفع

اجيبه واوديه لا بلاش انا كل اللي معايا 25 عيل يعني مش كتير مش زي اللي كان معاكوا بياخد عيال كتير ويقصر

هي طيب بكام يعني

هو 50 جنيه

انا ماشي مش مشكلة انا كنت هخليك تجيبه ب30 ما فرقتش كتير

بكرة النصف لتاني من المدرسة رن الزوج محاولا اقناعه انه يجيب الواد بس طبعا ابى ورفض وللاسف وافقوا

هوبس ا لكلام دة مش بكرة علشان ملتزم بولاد الناس ولسة هيضبط اموره على الزبون الجديد اللي هو ابنها يعني

طيب تكون عندنا 8الاعشرة كدة وعاوزة الواد يجي بدري عن موعد المدرسة واخدت اذن من المدير بنصف ساعة بدري بحالها ماشي من يوم الاتنين خلاص ماشي

النهاردة الاتنين صباحا طبعا تليفون لحضرته يفكروه بيهم

هو حاضر جي 8الاعشرة بالضبط هتلاقيني ادام الباب

الساعة بقت 8 وعشرة والزوج بيتصل هتيجي ياعم الساعة بقت 8 وعشرة

هو حاضر والله يا عم الساعة 8 لسة انا جي اهو

الساعة 8 وتلت الزوج قال خلاص هودي الواد انا

وفجاءة نلاقيه جي بتاكسي مش بعربيته وبيقول معلش اصل العربية المتسوبيشي لانسر الزيروالملاكي[بيجيب مصاريفها اصله]كاوتشها قفش وما اعرفش ايه

الزوج

لا معلش هوديه انا المفروض حضرتك كنت قلت لاني منتظرك وانا اتاخرت عن شغلي اللي اصلا موعده 8 اشكرك مش عاوزين

هو ينظرللزوج شظزرا طب خلاص ومشي

هي للزوج

مين هيجيب الواد

الزوج

انا هتصرف

الحمد لله زوجي بيجيب الواد ووينتظر بعد الشغل ساعة يعوضها

بعد شهر من الحياة المطمئنة يتلغي النظام دة وترجع ريمة

يا لهووووووووووي تاني

من 3 ايام زوجي شاف سواق تاكسي بيجيب ولدين اولاده بس عرض عليع يجيب الواد قالللللله ماشي يقف هنا جنب ولادي وما تخافش عليه

بصراحة ما كانش بيمشي قبل ما يسمع ان الواد دخل لما بقفل الباب اصلي دور اول

المهم الواد مش هيروح الزوج يتصل قا ل له الواد مش رايح يبقى مش في المدرسة مش هتجيبه

هو الله يخليك اشكرك انك اهتميت واتصلت سلام سلام

امبارح بقى

الزوج ساب التليفون في البيت رنيت الزوجة على السواق الساعة 2ونص و3 الا ربع و3 الا عشرة و3 و3 وص وووو

حد الساعة جت 4 اتصلت بقى ردهو عليها قالت

لسيادته الواد فين

هو ما اعرفش هو راح النهاردة ؟؟؟ ما وقفش مع ولادي على الباب والاستاذ ما اتصلش بي يقولي انه راح

لا بقى هو هيتعبنا معاه ليه قولي لزوجك يشوف حد غيرنا [نظام قابلوهم بالصوت قبل ما يغلبوكوا]

الزوجة

طب ماشي الواد يعني اروح اجيبه ؟؟؟الساعة 4 وابني في المدرسة لسة بس انا ما اعرفش ان الاتفاق انه هيتصل يومي يعرفك الواد راح اعرف انه لو الواد مش هيروح هنا هيتصل

هو كتر خيره لا هروح اجيبه ما تشغليش بالك وما ردش على باقي الكلام

طبعا لكم ان تتصوروا كم القلق من الساعة 2ونص لحد 4 وخمسة و هي بتموووووت من الباب للشباك

المهم العربية جت الواد نزل منها الحمد لله وصل

ولقت البيه السواق بيقول للواد بارف انزل وهو وراه وبيقول للواد خبط على الباب

فتحت للواد ولقيته هيكلمهابقى

كلمته من ورا الباب اذا كان عاجبه يعني

هو ابقي قولي للاستاذ يشوف غيرنا علشان فضلنا ندور على الواد ربع ساعة

هي

طب ماشي ايه حضرتك مش سامعة ليه ؟؟؟

تاني حضرتك بتقول ايه ؟؟؟

تسمع صوت محرك العربية المحترم قال الكلمتين وجري

حسبي الله ونعم الوكيل وترزع الباب [ ما لوش ذنب اعل ايه تطق يعني]

الحل بقىتروح تجيب الواد وتسيب اطفالها لوحدهم يرعاهم ربنا وتاخد ننة على ايدها لحد ربنا ما يكرمهاوتسوق

عربية صغنتوتة من لحم الحي تجيب ابنها فيها

والشهر اللي فاضل ربنا يتولاهم برحمته

يا سائقي التاكسي واللي مخليين الملاكي لتوصيل العيال المدارس وعليهم سائقي الميكروباص خصوصا اللي ظلمونا منهم

وظلموا صاحبة القصة دي

تبا لكم هترحمونا امتى؟؟؟!!!!!

حسبنا الله ونعم الوكيل

صحبة ورد

احبتي في الله

السلام عليكم ورحمة الله وبركاته

احبتي في الله وعدتكم ببشارات ومفاجات واولها

صحبة الورد والخير

اني سافتتح مدونة مشتركة مع نخبة من المدونين الافاضل الورد الذين نحسبهم على خير

اسم المدونة الى الهدى ائتنا

تحديث

استاذنكم في دعم المدونة بزيارتها ووضع رابط مميز بمدوناتكم لها وربنا يبارك فيكم

وهي مدونة متخصصة في التحاور والتناقش حول كل ما يدور حولنا من مفاهيم حديثة مثل العلمانية والالحاد واللادينية

والسيرة النبوية الشريفة والدفاع عن الصحابة وطبعا المرأة وغيرها من الاقسام

وسنتحدث فيها من خلال منظور اسلامي وهي تعتبر دعوية

المدونين المشتركين فيها كثر ومنهم اخي محب الدين صاحب مدونة مفيش وقت

وطبعا اخوتي الفاتحان اليعقوبي والجعفري

واخي خطاب المصري

والاستاذ خالد صاحب مدونة عابرسبيل

واخي ابو معاذ وابو عمير غيرهم

ويشرفني ان اكون مسئولة مع اختي وحبيبتي عاشقة الفردوس عن ركن المرأة وسميناه القوارير

اتمنى ان يوفقنا الله ويبارك فيها ويجعلها في ميزان حسناتنا يا رب امين

الى الهدى ائتنا

تعالوا لنحلق مع الحبيب

السلام عليكم ورحمة الله وبركاته

كل عام وانتم جميعا بخير

وهذا لمناسبة مولد الحبيب صلى الله عليه وسلم

اهدتني هذا التاج الرائع اختي وحبيبتي في الله امة الله مؤلفة التاج

ومن حبيباتي في الله عاشقة الفردوس ودكتورة اجدع بنوتة اشكركم جميعا عللى هذا التاج وكل من مرره وسيمرره علي

ووجدت ان اليوم هو المولد النبوي الكريم والتاج يجعلني احلق مع الحبيب

فتعالوا معي لنحلق سويا

لو سألك غير مسلم عن نبي الإسلام بماذا ستجيبه في سطور ؟

فداه نفسي بابي انت وامي يا حبيبي يا رسول الله صلى الله عليه وسلم

هوطريقي الى الجنة

هو معلمي وسيد الخلق اجمعين

هوشفيعي ومن سيسقيني على الحوض باذن الله

هو خاتم الانبياء والرسل صلى الله عليه وسلم وامامهم

2 : لو اتيحت لك الفرصة لرؤية النبي صلي الله عليه وسلمفي أي مكان تريد أن تقابله ؟امالذي ستخبره؟ وماذا ستطلب منه

اقابله

عند الكعبة المشرفةامام الحجر الاسود

اخبره

ساشهد الله العلي العظيم اني احبه من كل قلبي

اطلب منه

واستحلفه ان ارافقه في الجنة مع زوجي واولادي واخي وامي

واطلب ان يعذرني في قلة حيلتي

3 : اذكر مقولة قالها النبي صلي الله عليه وسلم لصحابي تمنيت لو كان قالها لك ؟

تهادوا تحابواويد الله مع الجماعة وحفت الجنة بالمكاره والنار بالشهوات

ويثبت الله الذين امنوا بالقول الثابت في الحياة الدنيا والاخرة

وهي اية قرانية قالها لسيدنا عمر رضي الله عنه عندما بكى رضي الله عنه وكان النبي يلقن ولده ابراهيم ابن ال16 شهرا

فبكى سيدنا عمر وقال اتلقنه يارسول الله وهو لم يكمل الحلم فما بال عمر

4 : اذكر أحب حديث لرسول الله صلي الله عليه وسلم على قلبك؟؟

الاحاديث كثيرة وكلها احبها واحبها الى قلبي جميع احاديثه صلى الله عليه وسلم عن المرأة ومنها

قال صلوات الله عليه وسلم

"واستوصوا بالنساء خيرا فإنهن خلقن من ضلع وإن أعوج شيء في الضلع أعلاه فإن ذهبت تقيمه كسرته"

"س 5 : كيف تعرفت على سيرة الرسول صلي الله عليه سلم ؟ "ما هو المصدر" ؟؟

تعرفت عليهامن اكثر من مصدر طبعا المدرسة ووبعض الفتات التي يدرسوها فيها

وبعض البرامج في التليفزيون وبعض الدروس والمحاضرات من على الكمبيوتر خاصة للشيخ محمد حسين يعقوب

وكتب المعهد الديني الذي كان يدرس فيه زوجي وبعض مناقشاتي معه اثناء قراءة القران الكريم او اثناء مرور موقف ما بنا خاصة لو مؤلم نتذكر ما مر به رسولنا الكريم لنقوى اكثر ونحتذي به

ربما هناك مصادر اخرى ولكن هذا ما اتذكره الان

س 6 : اذكر صفة تدل على عظيم خلقه صلي الله عليه وسلم والاستدال عليها بموقف ما ؟

العفو عند المقدرة والحنكة العسكرية

في العاشر من شهر رمضان المبارك. من السنةالثامنة للهجرة، أصدر الرسول صلى الله عليه وسلم أوامره بالتحرّك، ووصل جند الإسلام إلى مكانٍ قريبٍ من مكة ليلاً، فأقاموا معسكرهم هناك، وأمر الرسول بنيران كثيرةٍ فأضرمت، وكان أبوسفيان وعدد من مرافقيه خارج مكة، وإذا به يفاجأ بالنيران تشعّ قرب مكّة، فأخذه العجب والحيرة، وتسمّر في مكانه مندهشاً من كثرتها. تصادف في هذا الوقت مرور العباس عم الرسول صلى الله عليه وسلم من هذا المكان، فرأى أبا سفيان وناداه قائلاً: أي أبا سفيان أتدهشك هذه النيران؟ إنّها لجيش محمد صلى الله عليه وسلم، وقد أقاموا ينتظرون الصّباح ليدخلوا مكة، ولن يكون في طاقة أحدٍ صدّهم عمّا اعتزموا.ارتجف أبوسفيان لدى سماعه أقوال العباس، وراح يرجوه أن يأخذه معه إلى الرسول، ناسياً صلفه وكبرياءه.وبحضرة الرسول الأعظم صلى الله عليه وسلم تظاهر أبوسفيان بالإيمان، وأعلن إسلامه، متأثّراً ممّا رآه من قوّة واقتدار جيش المسلمين. في حين رأى الرسول الكريم صلى الله عليه وسلمفي استسلام أبي سفيان دون إراقة الدماء، خير خاتمة تحمل من الفوائد الكثير. وأصدر قراره قائلاً: أعلن عن لساني لأهل مكة، أنّ كلّ من دخل المسجد الحرام، أو دخل بيته وأغلق بابه، أو لجأ إلى بيت أبي سفيان، فهو آمن.عاد أبوسفيان إلى مكة، ونقل إلى الناس فيها كل ما رأى وسمع وهو يرتجف، فتسارع الناس إلى الهرب دون تفكير، ولجأ كلّ منهم إلى ملجأٍ. وبنداء الله أكبر، دخل جيش المسلمين الظافر مكة، واتجهوا شطر البيت الحرام، وتقدّم الرسول (ص): على ناقته، تحفّ به جموع المسلمين من كلّ جانب، لأداء طوافه حول بيت الله. ولما لاحظ أهل مكّة أنّ الرسول (ص) لا يلتفت إليهم، شرعوا يخرجون من بيوتهم بحذرٍ، ويتجمعون قرب المسجد الحرام، وبعد أن انتهى صلى الله عليه وسلم من تحطيم الأصنام، وقف عند باب الكعبة المشرّفة، وبعد أن حمد الله وشكره على فضله تلا بعضاً من آيات القرآن الكريم، ثم التفت إلى عبدة الأصنام قائلاً: «ما تظنون أني فاعل بكم»؟ قالوا بصوت تخنقه العبرات ويغلب عليه الضعف «أخ كريم وابن أخٍ كريم»، لقد أسأنا إليك كثيراً يا محمد، ولم نر منك إلاّ الخير، فأنت أخ كريم عطوف، ونطلب منك العفو والغفران.قال النبي: إنكم لم تعاملوني بالحسنى، كما يعامل المرء ابن بلده، لقد اتّهمتموني بالكذب والجنون، وأخرجتموني من داري وبلدي، ووقفتم منّي موقف الحرب والخصومة.اذهبوا فأنتم الطّلقاءبدأ عبدة الأصنام يرتجفون لمّا سمعوا هذا الكلام، وجفّت حلوقهم وانعقدت ألسنتهم من الخوف، وأيقنوا أنّ يوم الانتقام قد أزف، وأنّهم سيلقون جميعاً جزاءهم، ويشربون من نفس الكأس التي جرّعوها للرسول وأصحابه، أذىً وتعذيباً وإذلالاً امتدّ لسنواتٍ.أمّا الرسول الكريم، والذي لم يكن يفكّربالانتقام من أحدٍ، بل كان وحده بين هذه الجموع، يتطلّع إلى مستقبل الإسلام وصلاح أمر المسلمين، فقد تابع يقول: أمّا ما يعود إليّ، فإنّي سأنسى الماضي وأصفح عنك، «اذهبوا فأنتم الطّلقاء».لم يكن أحد من عبدة الأصنام، ينتظر أن يسمع ما سمع، وأمام هذه العظمة والمحبّة والحلم، فقد غمرهم الإحساس بالخجل، إلى جانب الفرح والغبطة بعد أن أيقنوا بالنّجاة. وأعلن أكثرهم إسلامهم.بعد أن أقام النبي صلى الله عليه وسلم في مكّة أياماً، يرتّب أمورها وينظم شؤونها، وبعد أن عيّن لإرداتها رجلاً يمتاز بالعقل والحزم، قفل عائداً إلى المدينة

لمن تمرر التاج ؟؟

لكل زواري الكرام وكل من في مفضلتي

كل عام وانتم بخير

وحشتووووووووووووووني جدا جدا

افتقدتكم بالفعل

انتظروا مني عدة مفاجات وبشارات